Buska den Beibel

Kolosensenan 1; Kolosensenan 2; Kolosensenan 3; Kolosensenan 4 BSNP Edita

Kolosensenan 1

1:1 Pablo, un apòstel di Jesu-Cristo pa e boluntat di Dios, i Timoteo nos ruman,

1:2 Na e santunan i rumannan fiel den Cristo ku ta na Kolosas: Grasia na boso i pas di Dios nos Tata.

1:3 Nos ta duna gradisimentu na Dios, Tata di nos Señor Jesu-Cristo, semper hasiendo orashon pa boso,

1:4 komo ku nos a tende di boso fe den Cristo Jesus i e amor ku boso tin pa tur e santunan,

1:5 pa motibu di e speransa ku ta wardá pa boso den shelu, di kual boso a tende kaba den e palabra di bèrdat, e evangelio

1:6 ku a yega serka boso, meskos ku den henter mundu tambe e ta duna fruta i ta sigui krese konstantemente, meskos ku el a hasi den boso tambe for di dia ku boso a tende di djé i a komprendé den bèrdat e grasia di Dios;

1:7 meskos ku boso a siña esaki for di Epafras, nos ko-sirbidó stimá, kende ta un fiel sirbidó di Cristo pa nos motibu;

1:8 i tambe el a pone nos na haltura di boso amor den e Spiritu.

1:9 Pa e motibu aki tambe, for di e dia ku nos a tende di esaki, nos no a stòp di hasi orashon pa boso i di pidi pa boso por wòrdu yená ku e konosementu di Su boluntat den tur sabiduria spiritual i komprendementu.

1:10 I nos ta pidi pa boso kana na un manera digno di Señor, pa agrad'E den tur sentido, dunando fruta den tur bon obra i kresiendo den e konosementu di Dios,

1:11 siendo fortifiká ku tur poder, segun Su forsa glorioso, pa haña tur pèrseveransia i pasenshi, i ku goso

1:12 dunando gradisimentu na e Tata, Kende a kualifiká nos pa tuma parti den e erensia di e santunan den e lus.

1:13 Pasobra El a libra nos di e poder di skuridat, i a trasladá nos pa e reino di Su Yu stimá,

1:14 den Kende nos tin redenshon, e pordon di pikánan.

1:15 I E ta e imagen di e Dios invisibel, e primogénito di henter kreashon.

1:16 Pasobra pa medio di djE tur kos a wòrdu kreá, tantu den e shelunan komo riba tera, visibel i invisibel, sea trononan òf dominionan òf gobernantenan òf outoridatnan--tur kos a wòrdu kreá pa medio di djE i p'E.

G3956 -- Pasobra pa medio di djE tur -> For by Him all
G3956 -- kos -> things
G2936 -- a wòrdu kreá -> were created
G3772 -- , tantu den e shelunan -> ] in the heavens
G1093 -- komo riba tera -> and on earth
G3707 -- , visibel -> visible
G517 -- i invisibel -> and invisible
G1535a -- , sea -> whether
G2362 -- trononan -> thrones
G1535a -- òf -> or
G2963 -- dominionan -> dominions
G1535a -- òf -> or
G746 -- gobernantenan -> rulers
G1535a -- òf -> or
G1849 -- outoridatnan -> authorities
G3956 -- --tur -> all
G3956 -- kos -> things
G2936 -- a wòrdu kreá -> have been created
G1223 -- pa medio di -> through

1:17 I E ta promé ku tur kos, i den djE tur kos ta konsistí.

1:18 E ta tambe kabes di e kurpa, e iglesia; i E ta e prinsipio, e primogénito for di e mortonan; pa E mes por bin haña e promé lugá den tur kos.

1:19 Pasobra a agradá e Tata pa henter e plenitut biba den djE,

1:20 i dor di djE rekonsiliá tur kos kunE mes, siendo ku El a hasi pas kaba dor di e sanger di Su krus; dor di djE, mi ta bisa, tantu kosnan riba tera komo kosnan den shelu.

1:21 I maske anteriormente boso tabata stranhero i enemigu den mente, okupá ku mal echonan,

1:22 tòg awor El a rekonsiliá boso den e kurpa di Su karni dor di morto, pa presentá boso Su dilanti santu i sin kulpa i sin ningun reproche--

1:23 si di bèrdat boso ta sigui den e fe, firmemente fundá i stabil, i no ta wòrdu moví for di e speransa di e evangelio ku boso a tende, kual a wòrdu proklamá den henter kreashon bou di shelu, i di kual ami, Pablo, a wòrdu hasí un sirbidó.

G1487 -- si -> if
G1065 -- di bèrdat -> indeed
G1961 -- boso ta sigui -> you continue
G4102 -- den e fe -> in the faith
G2311 -- firmemente -> firmly
G2311 -- fundá -> established
G1476 -- i stabil -> and steadfast
G3334 -- i no ta wòrdu moví -> and not moved
G3334 -- for di -> away
G1680 -- e speransa -> from the hope
G2098 -- di e evangelio -> of the gospel
G191 -- ku boso a tende -> that you have heard
G2784 -- kual a wòrdu proklamá -> which was proclaimed
G3956 -- den henter -> in all
G2937 -- kreashon -> creation
G5259 -- bou di -> under
G3772 -- shelu -> heaven
G3739 -- , i di kual -> and of which
G3972 -- ami, Pablo -> I, Paul
G1096 -- a wòrdu hasí -> was made
G1249 -- un sirbidó -> a minister

1:24 Awor mi ta regosihá den mi sufrimentunan pa boso kousa, i den mi karni mi ta hasi mi parti pa kousa di Su kurpa (kual ta e iglesia), dor di yena loke ta falta den e aflikshonnan di Cristo.

1:25 Di e iglesia aki mi a wòrdu hasí un sirbidó segun e mayordomia di Dios duná na mi pa boso benefisio, pa mi por kumpli debidamente ku e predikamentu di e palabra di Dios,

1:26 esta, e misterio ku tabata skondí for di e siglonan i generashonnan pasá, ma ku awor a wòrdu manifestá na Su santunan,

1:27 na kendenan Dios kier a hasi konosí kual ta e rikesanan di e gloria di e misterio aki den e paganonan, ku ta Cristo den boso, e speransa di gloria.

1:28 I nos ta proklam'E, spièrtando tur hende i siñando tur hende ku tur sabiduria, pa nos presentá tur hende perfekto den Cristo.

1:29 I pa e propósito aki tambe mi ta traha, luchando segun Su poder ku ta obra poderosamente den mi.

Kolosensenan 2

2:1 Pasobra mi kier pa boso sa ki un lucha grandi mi ta lucha pa boso, i pa esnan ku ta na Laodisea, i pa tur esnan ku no a mira mi kara personalmente,

2:2 pa nan kurason wòrdu enkurashá, siendo uní ku otro den amor, i alkansando tur e rikesa ku ta bin di e siguransa kompleto di komprendementu, ku ta resultá den un konosementu bèrdadero di e misterio di Dios, esta, Cristo mes,

2:3 den Kende tur e tesoronan di sabiduria i konosementu ta skondí.

2:4 Mi ta bisa esaki pa ni un hende no gaña boso ku argumento ku ta zona bunita.

2:5 Pasobra maske mi ta ousente den kurpa, sinembargo, mi ta ku boso den spiritu, kontentu pa mira boso bon disiplina i e stabilidat di boso fe den Cristo.

2:6 Pesei, meskos ku boso a risibí Cristo Jesus e Señor, asina kana den djE,

2:7 siendo firmemente araigá i awor edifiká den djE i stablesí den boso fe, meskos ku boso a wòrdu instruí, i ta abundá den gradisimentu.

2:8 Mira pa ni un hende no kohe boso prezo dor di filosofia i engaño bano, segun tradishon di hende, segun e prinsipionan elemental di mundu, i no segun Cristo.

2:9 Pasobra den djE henter e plenitut di e Deidat ta biba korporalmente,

2:10 i den djE boso a wòrdu hasí kompleto, i E ta e kabes riba tur gobierno i outoridat;

2:11 i den djE boso a wòrdu sirkumsidá tambe ku un sirkumsishon no hasí ku man, dor di e kitamentu di e naturalesa pekaminoso pa medio di e sirkumsishon di Cristo,

2:12 siendo derá kunE den boutismo, den kual boso a wòrdu lantá tambe huntu kunE dor di fe den e poder di Dios, Kende a lant'E for di e mortonan.

2:13 I tempu boso tabata morto den boso transgreshonnan i e insirkumsishon di boso karni, El a hasi boso bibu huntu kunE, dor di a pordoná nos tur nos transgreshonnan,

2:14 dor di kanselá e sertifikado di debe ku tabata konsistí di dekretonan kontra nos i ku tabata hostil pa ku nos; i El a kit'é for di kaminda dor di klab'é na krus.

2:15 Ora ku El a desarmá e gobernantenan i outoridatnan, El a eksponé nan públikamente, dor di triunfá riba nan pa medio di djE.

2:16 Pesei, no laga ni un hende aktua komo boso hues enkuanto komementu òf bebementu, òf enkuanto un dia di fiesta òf luna nobo òf dia di Sabat--

2:17 kosnan ku ta djis sombra di loke mester bin; ma e realidat ta pertenesé na Cristo.

2:18 No laga ni un hende sigui defroudá boso di boso premio dor di hiba gustu den umildat falsu i adorashon di angelnan, konfiando riba vishonnan ku el a mira, arogante sin motibu pa kousa di su mente karnal,

2:19 sin tene na e Kabes, for di kual henter e kurpa, siendo sostení i tení huntu pa medio di e skarnirnan i kabuyanan, ta krese ku un kresementu ku ta di Dios.

2:20 Si boso a muri ku Cristo pa e prinsipionan básiko di mundu, pakiko, komo si fuera boso tabata biba den mundu, boso ta someté boso mes na dekretonan, manera,

2:21 "No toka, no purba, no mishi!"

2:22 kualnan tur ta referí na kosnan destiná pa kaba dor di uzo--konforme e mandamentunan i siñansanan di hende?

2:23 Esakinan ta asuntonan ku di bèrdat tin aparensia di sabiduria den religion ku hende mes a traha, i den umildat falsu i den trato severo di e kurpa, ma ku no ta di ningun balor kontra satisfakshon di e karni.

Kolosensenan 3

3:1 Si boso a wòrdu lantá ku Cristo anto, sigui buska e kosnan djariba, kaminda Cristo ta, sintá na man drechi di Dios.

3:2 Pone boso mente riba e kosnan djariba, no riba e kosnan ku ta riba tera.

3:3 Pasobra boso a muri i boso bida ta skondí ku Cristo den Dios.

3:4 Ora Cristo, Kende ta nos bida, wòrdu revelá, e ora ei boso tambe lo wòrdu revelá huntu kunE den gloria.

3:5 Pesei, konsiderá e miembronan di boso kurpa terenal komo morto pa inmoralidat, impuresa, pashon, deseo malu, i golosidat, ku ta igual na idolatria.

3:6 Pasobra ta pa motibu di e kosnan aki ku e furia di Dios lo bin riba e yunan di desobedensia,

3:7 i den esakinan boso tambe tabata kana un tempu, tempu ku boso tabata biba den nan.

3:8 Ma awor boso tambe mester pone tur esakinan un banda: rabia, furia, malisia, kalumnia i palabra sushi for di boso boka.

3:9 No gaña otro, komo ku boso a pone un banda e hende bieu ku su práktikanan malbado,

3:10 i a bisti e hende nobo ku ta wòrdu renobá den un konosementu bèrdadero segun e imagen di Esun ku a kre'é--

3:11 un renobamentu den kual no tin distinshon entre griego i hudiu, sirkumsidá i insirkumsidá, bárbaro, skita, esklabu i hende liber, ma Cristo ta tur i den tur.

3:12 I asina, manera esnan ku a wòrdu skohí di Dios, santu i stimá, bisti un kurason di kompashon, kariño, umildat, mansedumbre i pasenshi.

3:13 I boso soportá otro i pordoná otro, si un di boso tin un keho kontra un otro; meskos ku Señor a pordoná boso, asina boso tambe mester hasi.

3:14 I ademas di tur e kosnan aki bisti amor, kual ta e laso perfekto di unidat.

3:15 I laga e pas di Cristo goberná den boso kurason, pa kual di bèrdat boso a wòrdu yamá den ún kurpa; i sea gradisido.

3:16 Laga e palabra di Cristo biba rikamente den boso, ku tur sabiduria siñando i spièrtando otro ku salmo i himno i kantika spiritual, kantando ku gradisimentu den boso kurason na Dios.

G3056 -- Laga e palabra -> Let the word
G5547 -- di Cristo -> of Christ
G4146 -- biba rikamente -> richly
G1774 -- den boso -> dwell
G1722 -- , ku tur -> within
G3956 -- sabiduria -> you, with all
G4678 -- siñando -> wisdom
G1321 -- i spièrtando -> teaching
G3560 -- otro -> and admonishing
G1438 -- ku salmo -> one
G1438 -- i himno -> another
G5568 -- i kantika -> with psalms
G5215 -- spiritual -> ] hymns
G4152 -- , kantando -> ] spiritual
G5603 -- ku gradisimentu -> songs
G103 -- den boso -> singing
G5485 -- kurason -> with thankfulness
G2588 -- na Dios -> in your hearts
G2316 -- . -> to God

3:17 I tur loke boso hasi ku palabra òf ku echo, hasi tur den e nòmber di Señor Jesus, dunando gradisimentu dor di djE na Dios e Tata.

3:18 Esposanan, sea sumiso na boso esposonan, manera ta pas den Señor.

3:19 Esposonan, stima boso esposanan, i no sea amargá kontra nan.

3:20 Yunan, sea obedesido na boso mayornan den tur kos, pasobra esaki ta agradabel na Señor.

3:21 Tatanan, no proboká boso yunan, pa nan no pèrdè ánimo.

3:22 Esklabunan, den tur kos obedesé esnan ku ta boso shonnan riba tera, no pa bista, manera esnan ku solamente ta agradá hende, ma ku sinseridat di kurason, i ku temor pa Señor.

3:23 Tur loke boso hasi, hasi boso trabou di kurason, komo pa Señor i no pa hende,

3:24 sabiendo ku for di Señor boso lo risibí e rekompensa di e erensia. Ta Señor Cristo ta Esun ku boso ta sirbi.

3:25 Pasobra esun ku hasi malu lo risibí e konsekuensianan di e maldat ku el a hasi, i esei sin distinshon di persona.

Kolosensenan 4

4:1 Shonnan, duna boso esklabunan loke ta hustu i korekto, sabiendo ku boso tambe tin un Shon den shelu.

4:2 Dediká boso mes na orashon, keda alerta den djé ku un aktitut di gradisimentu;

4:3 i na e mesun tempu hasi orashon pa nos tambe, pa Dios habri un porta pa nos pa e palabra, pa nos anunsiá e misterio di Cristo, pa kual tambe mi a wòrdu poní den prizon;

4:4 pa mi por proklam'é klaramente na e manera ku mi mester papia.

4:5 Komportá boso ku sabiduria pa ku esnan di pafó, hasiendo bon uzo di e oportunidat.

4:6 Laga boso palabranan ta semper ku grasia, sasoná ku salu, pa boso por sa kon boso mester kontestá kada persona.

4:7 Tokante di tur mi asuntonan, Tikiko, nos ruman stimá i sirbidó fiel i kompañero den sirbishi di Señor, lo trese informashon pa boso.

4:8 Pasobra mi a mand'é serka boso hustamente pa e propósito aki, pa boso por sa di nos sirkumstansianan i pa e por enkurashá boso kurason;

4:9 i huntu kuné Onésimo, nos ruman fiel i stimá, kende ta un di boso. Nan lo pone boso na haltura di henter e situashon akinan.

4:10 Aristarko, mi kompañero di den prizon, ta manda saludá boso; i tambe Barnabas su primo, ku yama Marko, (tokante di kende boso a risibí instrukshonnan: si e bin serka boso, yam'é bonbiní);

4:11 i tambe Jesus, kende ta wòrdu yamá Justu; esakinan ta e úniko kompañeronan di trabou pa e reino di Dios, kendenan ta di e sirkumsishon; i nan a proba di ta un enkurashamentu pa mi.

4:12 Epafras, kende ta un di boso, un sirbidó di Jesu-Cristo, ta manda saludá boso, semper luchando seriamente pa boso den su orashonnan, pa boso por para firme, perfekto i kompletamente sigur den henter e boluntat di Dios.

G1889 -- Epafras -> Epaphras
G3588 -- kende -> who
G4771 -- ta un di boso -> is one of your number
G1401 -- un sirbidó -> a bondslave
G2424 -- di Jesu -> of Jesus
G5547 -- Cristo -> Christ
G782 -- ta manda -> sends
G782 -- saludá boso -> you his greetings
G3842 -- semper -> always
G75 -- luchando -> laboring
G75 -- seriamente -> earnestly
G4335 -- pa boso den su orashonnan -> for you in his prayers
G2476 -- pa boso por para firme -> that you may stand
G5046 -- perfekto -> perfect
G4135 -- i kompletamente -> and fully
G4135 -- sigur -> assured
G3956 -- den henter -> in all
G2307 -- e boluntat -> the will
G2316 -- di Dios -> of God

4:13 Pasobra mi ta duna testimonio di djé ku e tin un preokupashon profundo pa boso i pa esnan ku ta na Laodisea i Hierápolis.

4:14 Lukas, e dòkter stimá, ta manda saludá boso, i tambe Demas.

4:15 Saludá e rumannan ku ta na Laodisea, i tambe Ninfas i e iglesia ku ta na su kas.

4:16 I ora ku e karta aki wòrdu lesá meimei di boso, laga les'é tambe den e iglesia di e laodisensenan; i boso, di boso parti, lesa mi karta ku ta bin for di Laodisea.

4:17 I bisa Arkipo: "Paga atenshon na e ministerio ku bo a risibí den Señor, pa bo kumpli kuné."

4:18 Ami, Pablo, ta skirbi e saludo aki ku mi mes man. Kòrda mi kadenanan. Grasia sea ku boso. Amèn.