Buska den Beibel

2 Korintionan 10; 2 Korintionan 11; 2 Korintionan 12; 2 Korintionan 13 BSNP Edita

2 Korintionan 10

10:1 Awor ami, Pablo, personalmente ta roga boso pa medio di e suavidat i ternura di Cristo--ami ku ta suave ora mi ta kara-kara ku boso, ma for di un distansia masha fuerte mes pa ku boso.

10:2 Mi ta roga boso pa ora mi ta presente mi no tin mester di ta fuerte den e konfiansa ku kual mi tin intenshon di enfrentá algun hende ku ta kere ku nos ta kana segun karni.

10:3 Pasobra maske nos ta kana den karni, nos no ta batayá segun karni,

10:4 pasobra e armanan ku nos ta batayá kuné no ta karnal, ma poderoso den Dios pa basha e fòrtinan abou,

10:5 i pa destruí spekulashonnan i tur arogansia ku ta wòrdu lantá kontra e konosementu di Dios, hibando den koutiverio tur pensamentu, pa hasi nan obedesido na Cristo,

10:6 i nos ta kla pa kastigá tur desobedensia, unabes ku boso obedensia ta kompleto.

10:7 Boso ta wak kosnan segun nan aparensia. Si un hende ta konvensí den su mes ku e ta di Cristo, lagu'é bolbe konsiderá esaki den su mes, ku meskos ku e ta di Cristo, nos tambe ta.

10:8 Pasobra maske mi gaba un poko mas di nos outoridat, ku Señor a duna pa edifiká boso i no pa destruí boso, lo mi no keda brongosá,

10:9 pasobra mi no kier parse komo si fuera mi kier spanta boso ku mi kartanan.

10:10 Pasobra nan ta bisa: "Su kartanan ta duru i fuerte, ma su presensia personal no ta impreshoná, i su manera di papia ta despresiabel."

10:11 Laga tal persona konsiderá esaki, ku loke nos ta den palabra pa medio di karta ora nos ta ousente, nos ta tambe den echo ora nos ta presente.

10:12 Pasobra nos no ta tribi di konta òf kompará nos mes ku algun di esnan ku ta rekomendá nan mes; ma ora nan midi nan mes ku nan mes, i kompará nan mes ku nan mes, nan ta sin komprendementu.

10:13 Ma nos no kier gaba fuera di midí, sino denter di e midí di e teritorio ku Dios a duna nos komo midí, esta, pa yega te serka boso.

10:14 Pasobra nos no ta pasa nos límite, komo si fuera nos no a alkansá boso, pasobra ta nos tabata e proménan ku a yega te serka boso ku e evangelio di Cristo;

10:15 sin gaba di kosnan fuera di midí, esta, den e obranan di otro hende, ma ku e speransa, ku segun ku boso fe a krese, nos lo wòrdu engrandesé mas ainda serka boso den nos mes teritorio,

10:16 pa prediká e evangelio den e regionnan mas leu di boso, i pa no gaba den loke a wòrdu kumplí riba teritorio di otro hende.

10:17 Ma esun ku ta gaba, lagu'é gaba den Señor.

10:18 Pasobra no t'esun ku ta rekomendá su mes ta keda aprobá, ma esun ku Señor ta rekomendá.

2 Korintionan 11

11:1 Mara boso por a tolerá un poko lokura di mi; i di bèrdat boso ta tolerá esaki tambe.

11:2 Pasobra mi ta yalurs pa boso ku un yalursheit di Dios; pasobra mi a komprometé boso ku ún esposo, pa mi por presentá boso na Cristo komo un birgen puru.

11:3 Ma mi tin miedu ku, meskos ku e kolebra a gaña Eva ku su astusia, boso mentenan lo wòrdu desviá for di e deboshon simpel i puru na Cristo.

11:4 Pasobra si un hende bin i prediká un otro Jesus ku nos no a prediká, òf boso risibí un otro spiritu ku boso no a risibí, òf un otro evangelio ku boso no a aseptá, anto boso ta tolerá esaki hopi bon mes.

G1487 -- Pasobra si -> For if
G2064 -- un hende bin -> one comes
G2784 -- i prediká -> and preaches
G243 -- un otro -> another
G2424 -- Jesus -> Jesus
G3739 -- ku -> whom
G2784 -- nos no a prediká, -> we have not preached
G2228 -- òf -> or
G2983 -- boso risibí -> you receive
G2087 -- un otro -> a different
G4151 -- spiritu -> spirit
G3739 -- ku -> which
G2983 -- boso no a risibí, -> you have not received
G2228 -- òf -> or
G2087 -- un otro -> a different
G2098 -- evangelio -> gospel
G3739 -- ku -> which
G1209 -- boso no a aseptá, -> you have not accepted
G430 -- anto boso ta tolerá -> you bear
G2573 -- esaki hopi bon mes. -> ] beautifully

11:5 Pasobra den nada-nada mi no ta konsiderá mi mes inferior na e "super-apòstelnan."

11:6 Ma ounke mi no ta elokuente den palabra, den konosementu sí mi ta; di tur manera nos a demostrá boso esaki den tur kos.

11:7 Of ta piká mi a kometé dor di umiyá mi mes pa boso por wòrdu halsá, pasobra mi a prediká boso e evangelio di Dios sin kobra nada?

11:8 Mi a roba otro iglesianan, tumando pago for di nan pa sirbi boso;

11:9 i ora mi tabata serka boso i tabata den nesesidat, mi no tabata un karga pa ningun hende; pasobra ora ku e rumannan a bin for di Masedonia, nan a proveé kompletamente den mi nesesidat, i den tur kos mi a warda mi mes di ta un karga pa boso, i lo mi sigui hasi esei.

11:10 Mes sigur ku e bèrdat di Cristo ta den mi, ningun hende den e regionnan di Akaya lo no stòp e gabamentu di mi aki.

11:11 Pakiko? Pasobra mi no ta stima boso? Dios sa ku mi ta stima boso!

11:12 Ma loke mi ta hasi, lo mi sigui hasi, pa mi por kita oportunidat for di esnan ku ta deseá un oportunidat pa wòrdu konsiderá meskos ku nos den e asunto den kual nan ta gaba.

11:13 Pasobra hòmbernan asina ta apòstelnan falsu, trahadónan engañoso, kendenan ta disfrasá nan mes komo apòstelnan di Cristo.

11:14 I no ta nada straño, pasobra Satanás mes ta disfrasá su mes komo un angel di lus.

11:15 Pesei no ta nada straño si su sirbidónan tambe ta disfrasá nan mes komo sirbidónan di hustisia, kende nan fin lo ta segun nan obranan.

11:16 Atrobe mi ta bisa, no laga ni un hende tumami pa loko; ma si boso hasi esei, risibími anto komo loko, pa mi tambe por gaba un poko.

11:17 Loke mi ta papia, mi no ta papia manera Señor lo a papia, ma komo den lokura, den e konfiansa aki di gabamentu.

11:18 Komo ku hopi ta gaba segun karni, ami tambe lo gaba.

11:19 Pasobra boso, siendo asina sabí, ta tolerá e bobonan ku muchu gustu.

11:20 Pasobra boso ta soportá si un hende hasi boso esklabu, si e devorá boso, si e probechá di boso, si e halsa su mes, si e dal boso den kara.

11:21 Pa mi bèrguensa mi mester bisa ku nos tabata demasiado debil pesei. Ma den kualkier sentido ku un otro hende tin tribilidat (ta den lokura mi ta papia), ami tambe tin e mesun tribilidat.

11:22 Nan ta hebreo? Ami tambe. Nan ta israelita? Ami tambe. Nan ta desendiente di Abraham? Ami tambe.

11:23 Nan ta sirbidó di Cristo? (mi ta papia komo si fuera ta loko mi ta) Ami mas ainda: den hopi mas trabou duru, den prizon mas frekuentemente, sutá masha hopi biaha mes, hopi biaha den peliger di morto.

11:24 Sinku biaha mi a risibí di e hudiunan trint'i nuebe sota.

11:25 Tres biaha mi a wòrdu sutá ku bara, un biaha mi a wòrdu piedrá, tres biaha mi a noufragá, un anochi i un dia mi a pasa riba laman grandi.

11:26 Tur ora bai mi tabata di biahe, den peliger riba riunan, den peliger di ladronnan, den peliger di mi paisanonan, den peliger di e paganonan, den peliger den stat, den peliger den desierto, den peliger riba laman, den peliger meimei di rumannan falsu;

G4178 -- Tur ora bai -> ] on frequent
G3597 -- mi tabata di biahe -> journeys
G2794 -- den peliger -> in dangers
G4215 -- riba riunan -> from rivers
G2794 -- den peliger -> dangers
G3027 -- di ladronnan -> from robbers
G2794 -- den peliger -> dangers
G1085 -- di mi paisanonan -> ] countrymen
G2794 -- den peliger -> dangers
G1484 -- di e paganonan -> from the Gentiles
G2794 -- den peliger -> dangers
G4172 -- den stat -> in the city
G2794 -- den peliger -> dangers
G2047 -- den desierto -> in the wilderness
G2794 -- den peliger -> dangers
G2281 -- riba laman -> on the sea
G2794 -- den peliger -> dangers
G1722 -- meimei -> among
G5569 -- falsu -> false
G5569 -- rumannan -> brethren

11:27 mi a pasa den trabou duru i fatiga, den hopi nochinan sin por drumi, den hamber i set, hopi biaha sin kuminda, den friu i sunú.

11:28 Fuera di e kosnan eksterno aki, tin e preshon diario riba mi di e preokupashon pa tur e iglesianan.

11:29 Ken ta debil, sin ku ami ta debil? Ken ta kai den piká, sin ku ami ta preokupá intensamente?

11:30 Si mi mester gaba, lo mi gaba di e kosnan relashoná ku mi debilidat.

11:31 E Dios i Tata di Señor Jesus, Kende ta bendishoná pa semper, sa ku mi no ta gaña.

11:32 Na Damasko e gobernadó ku ta bou di rei Aretas a pone warda na e stat di e damasenonan pa kohemi prezo,

11:33 i mi a wòrdu bahá den un makutu dor di un bentana den muraya, i asina a skapa for di su man.

2 Korintionan 12

12:1 Gabamentu ta nesesario, maske ku esaki no ta di probecho; ma lo mi sigui awor ku vishonnan i revelashonnan di Señor.

12:2 Mi konosé un hende den Cristo ku dieskuater aña pasá--sea den kurpa, mi no sa, òf pafó di kurpa, mi no sa, Dios sa--e hende aki a wòrdu hibá den e terser shelu.

G3609a -- Mi konosé -> I know
G444 -- un hende -> a man
G5547 -- den Cristo -> in Christ
G1180 -- ku dieskuater -> who fourteen
G2094 -- aña -> years
G4253 -- pasá -> ago
G1535a -- sea -> whether
G4983 -- den kurpa -> in the body
G3609a -- mi no sa -> I do not know
G1535a -- òf -> or
G4983 -- pafó di kurpa -> out of the body
G3609a -- mi no sa -> I do not know
G2316 -- Dios -> God
G3609a -- sa -> knows
G5108 -- e -> such
G5108 -- hende aki -> a man
G726 -- a wòrdu hibá -> was caught
G5154 -- den e terser -> up to the third
G3772 -- shelu -> heaven

12:3 I mi sa kon e hende aki--sea den kurpa òf pafó di kurpa, mi no sa, Dios sa--

12:4 a wòrdu hibá den Paraiso i a tende palabranan ku no por wòrdu ekspresá, kualnan no ta pèrmití pa hende papia.

12:5 Di un hende asina lo mi gaba, ma di mi mes lo mi no gaba, sino solamente di mi debilidatnan.

12:6 Pasobra si mi kier gaba, lo mi no hasi kos di bobo, pasobra lo mi papia e bèrdat; ma mi ta laga esaki, pa asina ni un hende no pensa mas di mi di loke e ta mira ku mi ta, òf ku e ta tende for di mi.

12:7 I pa motibu di e grandesa sobresaliente di e revelashonnan, pa e motibu aki, pa wardami di no halsa mi mes, a wòrdu duná na mi un sumpiña den karni, un mensahero di Satanás pa bòftami--pa wardami di no halsa mi mes!

12:8 Enkuanto e kos aki mi a roga Señor tres biaha pa esaki por kita for di mi.

12:9 I El a bisami: "Mi grasia ta basta pa bo, pasobra Mi poder ta wòrdu hasí perfekto den debilidat." Pesei, gustosamente lo mi preferá di gaba den mi debilidatnan, pa e poder di Cristo por biba den mi.

12:10 Pesei, pa kousa di Cristo mi tin plaser den debilidat, den insulto, den sufrimentu, den pèrsekushon, den problema; pasobra ora mi ta debil, e ora ei mi ta fuerte.

12:11 Mi a bira bobo; ta boso mes a obligámi. En realidat mi mester a wòrdu rekomendá dor di boso, pasobra den ningun sentido mi no tabata inferior na e "super-apòstelnan," apesar ku mi no ta nada.

12:12 E señalnan di un apòstel bèrdadero a wòrdu hasí meimei di boso ku tur pèrseveransia, pa medio di señalnan i maraviyanan i milagernan.

12:13 Pasobra den ki sentido boso a wòrdu tratá inferior na e otro iglesianan, sino den e sentido ku ami mes no a bira un karga pa boso? Pordonámi e eror aki!

12:14 Ata pa di tres biaha mi ta kla pa bin serka boso, i lo mi no ta un karga pa boso; pasobra mi no ta buska loke ta di boso, ma boso mes; pasobra yunan no tin e responsabilidat di spar pa nan mayornan, sino mayornan pa nan yunan.

12:15 I gustosamente lo mi gasta loke mi tin i duna mi mes pa boso alma. Ounke ta parse ku mas mi ta stima boso, menos boso ta stimami.

12:16 Di tur manera, mi no tabata un karga pa boso; sinembargo, siendo un hòmber astuto, mi a kohe boso ku engaño.

12:17 Akaso mi a probechá di boso dor di algun di esnan ku mi a manda serka boso?

12:18 Mi a roga Tito pa bai i a manda e ruman huntu kuné; Tito tampoko no a probechá di boso, no t'asina? Nos no a komportá nos mes den e mesun spiritu i a kana den e mesun pasonan?

12:19 Tur e tempu aki boso tabata kere ku nos ta defendé nos mes serka boso. En realidat, ta den bista di Dios nos a papia den Cristo; i tur esaki pa boso edifikashon, stimánan.

12:20 Pasobra mi tin miedu ku kisas ora mi yega lo mi no haña boso manera mi ta deseá, i ku boso lo no hañami manera boso ta deseá; ku kisas por tin pleitu, envidia, rabia, divishon, kalumnia, redashi, arogansia, desòrdu;

G5399 -- Pasobra mi tin -> For I am
G5399 -- miedu -> afraid
G4458 -- ku kisas -> that perhaps
G2064 -- ora mi yega -> when I come
G2147 -- lo mi no haña -> I may find
G3634 -- boso manera -> you to be not what
G2309 -- mi ta deseá -> I wish
G2147 -- , i ku boso lo no hañami -> and may be found
G3634 -- manera boso ta deseá -> by you to be not what
G2309 -- manera boso ta deseá -> you wish
G4458 -- ; ku kisas -> that perhaps
G2054 -- por tin pleitu -> ] strife
G2205b -- , envidia -> jealousy
G2372 -- , rabia -> angry
G2372 -- , rabia -> tempers
G2052 -- , divishon -> disputes
G2636 -- , kalumnia -> slanders
G5587 -- , redashi -> gossip
G5450 -- , arogansia -> arrogance
G181 -- , desòrdu -> disturbances

12:21 mi tin miedu ku ora mi bolbe mi Dios lo umiyámi dilanti di boso, i ku lo mi tin di yora pa hopi di esnan ku a peka den pasado i ku no a repentí di e impuresa, e inmoralidat i e sensualidat ku nan a praktiká.

2 Korintionan 13

13:1 Esaki ta e di tres biaha ku mi ta bin serka boso. "Riba testimonio di dos òf tres testigu tur asunto mester keda konfirmá."

13:2 Mi a bisa antes, tempu ku mi tabata einan pa di dos biaha, i ounke awor aki mi ta ousente, mi ta bisa adelantá na esnan ku a peka den pasado i na tur e otronan tambe, ku si mi bin atrobe, lo mi no spar ningun hende,

G4275b -- Mi a bisa -> I have previously
G4275b -- antes -> said
G5613 -- tempu ku -> when
G3918b -- mi tabata einan -> present
G1208 -- pa di dos -> the second
G1208 -- biaha -> time
G3568 -- , i ounke awor aki -> and though now
G548 -- mi ta ousente -> absent
G4302 -- mi ta bisa -> I say
G4302 -- adelantá -> in advance
G3588 -- na esnan -> to those
G4258 -- ku a peka -> who have sinned
G4258 -- den pasado -> in the past
G3956 -- i na tur -> and to all
G3062 -- e otronan -> the rest
G1437 -- tambe, ku si -> ], that if
G2064 -- mi bin -> I come
G3825 -- atrobe -> again
G5339 -- lo mi no spar -> I will not spare

13:3 komo ku boso ta buska prueba di e Cristo ku ta papia den mi, Kende no ta debil pa ku boso, ma poderoso den boso.

13:4 Pasobra ounke El a wòrdu krusifiká pa motibu di debilidat, tòg E ta biba pa motibu di e poder di Dios. Pasobra nos tambe ta debil den djE, tòg nos lo biba huntu kunE pa motibu di e poder di Dios pa ku boso.

13:5 Saminá boso mes pa wak si boso ta den e fe; saminá boso mes! Of boso no ta rekonosé esaki di boso mes, ku Jesu-Cristo ta den boso--a menos ku di bèrdat boso a wòrdu desaprobá?

13:6 Ma mi ta konfia ku boso lo realisá ku nos no a wòrdu desaprobá.

13:7 Awor nos ta pidi Dios pa boso no hasi nada malu; no pa nos mes parse aprobá, ma pa boso hasi loke ta bon, maske nos por parse di ta desaprobá.

13:8 Pasobra nos no por hasi nada kontra e bèrdat, sino solamente pa e bèrdat.

13:9 Pasobra nos ta regosihá ora nos mes ta debil, ma boso ta fuerte; esaki nos ta pidi tambe, pa boso wòrdu hasí perfekto.

13:10 Pa e motibu aki mi ta skirbi e kosnan aki mientras ku mi ta ousente, pa ora mi ta presente mi no tin mester di ta severo, di akuèrdo ku e outoridat ku Señor a dunami, pa edifikashon i no pa destrukshon.

G3778 -- Pa e -> For this
G1223 -- motibu -> reason
G1125 -- aki mi ta skirbi -> I am writing
G3778 -- e -> these
G3778 -- kosnan -> things
G548 -- aki mientras ku mi ta ousente -> while absent
G2443 -- , pa -> so
G3918b -- ora mi ta presente -> that when present
G5530 -- mi no tin mester -> ] not use
G664 -- di ta severo -> severity
G2596 -- , di akuèrdo -> in accordance
G1849 -- ku e outoridat -> with the authority
G3739 -- ku -> which
G2962 -- Señor -> the Lord
G1325 -- a dunami -> gave
G3619 -- , pa edifikashon -> me for building
G2506 -- i no pa destrukshon -> up and not for tearing
G2506 -- . -> down

13:11 Por último, rumannan, regosihá, sea perfekto, konsolá boso, sea di akuèrdo ku otro, biba na pas; i e Dios di amor i di pas lo ta ku boso.

13:12 Saludá otro ku un sunchi santu.

13:13 Tur e santunan ta saludá boso.

13:14 E grasia di Señor Jesu-Cristo, i e amor di Dios, i e komunion di Spiritu Santu, sea ku boso tur. Amèn.