Lukas 9

BSNP Edita

Lukas 9

9:1 I El a yama e diesdosnan huntu i a duna nan poder i outoridat riba tur demoño, i pa kura enfermedatnan.

9:2 I El a manda nan bai proklamá e reino di Dios, i kura hende malu.

9:3 I El a bisa nan: "No hiba nada pa na kaminda, ni garoti, ni saku, ni pan, ni plaka, ni ningun túnika èkstra.

9:4 I den kualke kas ku boso drenta, keda einan, i sigui biaha for di einan.

9:5 I pa loke ta esnan ku no risibí boso, ora boso sali bai for di e stat ei, sakudí e stòf kita for di boso pia komo un testimonio kontra nan."

9:6 I nan a sali i a kuminsá pasa den tur e pueblitonan, predikando e evangelio, i kurando e enfermonan tur kaminda.

9:7 Awor Herodes, e tetrarka, a tende di tur loke tabata sosodé; i el a keda hopi konfundí, pasobra algun tabata bisa ku Juan a lanta for di e mortonan,

9:8 i algun, ku Elias a paresé, i otronan, ku un di e profetanan di promé aya a lanta for di e mortonan.

9:9 I Herodes a bisa: "T'ami a laga kap Juan su kabes afó; ma ta ken e hòmber aki ta, di kende mi ta tende e kosnan aki?" I e tabata sigui buska pa mir'E.

9:10 I ora ku e apòstelnan a bolbe, nan a kont'E tur loke nan a hasi. I El a hiba nan huntu kunE i a bai ku nan so na un stat ku yama Bètsaida.

9:11 Ma e multitutnan tabata sa esaki i tabata siguiE; i El a risibí nan i tabata papia ku nan tokante di e reino di Dios; i esnan ku mester a wòrdu kurá, El a kura.

9:12 Ora ku a kuminsá bira tardi e diesdosnan a bin bis'E: "Manda e multitut bai, pa nan bai na e pueblitonan i kamponan akibanda pa haña lugá di keda i pa haña algu di kome, pasobra aki nos ta na un lugá desolá."

G2250 -- Ora ku a kuminsá bira tardi -> Now the day
G2827 -- Ora ku a kuminsá bira tardi -> was ending
G1427 -- e diesdosnan -> and the twelve
G4334 -- a bin -> came
G3004 -- bis'E -> and said
G630 -- Manda -> to HimSend
G3793 -- e multitut -> the crowd
G630 -- bai -> away
G4198 -- pa nan bai -> that they may go
G2945 -- na e pueblitonan -> into the surrounding
G2968 -- na e pueblitonan -> villages
G68 -- i kamponan akibanda -> and countryside
G2647 -- pa haña -> and find
G2647 -- lugá di keda -> lodging
G2147 -- i pa haña -> and get
G1979 -- algu -> something
G1979 -- di kome -> to eat
G5602 -- pasobra aki -> for here
G2048 -- nos ta na un lugá desolá -> we are in a desolate
G5117 -- nos ta na un lugá desolá -> place

9:13 Ma El a bisa nan: "Boso duna nan algu di kome!" I nan a bisa: "Nos no tin nada mas ku sinku pan i dos piská, òf nos mester bai kumpra kuminda pa tur e hendenan aki."

9:14 Pasobra tabatin mas o menos sinku mil hende hòmber. I El a bisa Su disipelnan: "Laga nan sint'abou na gruponan di sinkuenta."

9:15 I asina nan a hasi, i a laga nan tur sint'abou.

9:16 I El a kohe e sinku pannan i e dos piskánan, i mirando ariba na shelu El a bendishoná nan i a kibra nan, i a duna nan na e disipelnan pa pone dilanti di e multitut.

9:17 I nan tur a kome keda barika yen; i e pida-pidanan ku nan a sobra a wòrdu rekohí, diesdos makutu yen.

9:18 I a sosodé ku mientras ku E tabata hasi orashon Su so, e disipelnan tabata huntu kunE, i El a hasi nan pregunta, bisando: "Ta ken e multitutnan ta bisa ku Mi ta?"

9:19 I nan a kontestá i a bisa: "Juan Boutista; i otronan ta bisa: Elias; ma otronan, ku un di e profetanan di promé aya a lanta for di e mortonan."

9:20 I El a bisa nan: "Ma ta ken boso ta bisa ku Mi ta?" I Pedro a kontestá i a bisa: "E Cristo di Dios."

9:21 I El a taha nan striktamente i a ordená nan pa no konta ningun hende esaki,

9:22 bisando: "E Yu di Hende mester sufri hopi kos i wòrdu rechasá pa e ansianonan i saserdotenan prinsipal i eskribanan, i wòrdu matá, i wòrdu lantá riba e di tres dia."

9:23 I El a bisa nan tur: "Si un hende kier bin Mi tras, lagu'é nenga su mes i hisa su krus tur dia i siguiMi.

9:24 Pasobra ken ku kier salba su bida lo pèrd'é, ma ken ku pèrdè su bida pa Mi kousa, e ta esun ku lo salb'é.

9:25 Pasobra ki probecho un hende tin si e gana henter mundu i e mes keda destruí òf pèrdí?

9:26 Pasobra ken ku tin bèrguensa di Mi i di Mi palabranan, di djé e Yu di Hende lo tin bèrguensa ora ku E bin den Su gloria, i e gloria di e Tata i di e angelnan santu.

9:27 Ma di bèrdat Mi ta bisa boso, tin algun di esnan ku ta pará akinan, ku lo no eksperensiá morto promé ku nan mira e reino di Dios."

9:28 I un ocho dia asina despues di e palabranan aki, a sosodé ku El a hiba Pedro i Juan i Santiago huntu kunE, i a subi bai riba e seru pa hasi orashon.

9:29 I mientras ku E tabata hasi orashon e aparensia di Su kara a kambia, i Su pañanan a bira blanku i briyante.

9:30 I mira, dos hòmber tabata kombersá kunE; i esakinan tabata Moisés i Elias,

9:31 kendenan, paresiendo den gloria, tabata papia di Jesus Su salida ku E tabata bai kumpli kuné na Jerusalèm.

9:32 Awor soño a poderá di Pedro i di esnan ku tabata huntu kuné; ma ora nan a spièrta, nan a mira Su gloria i dos hòmber pará huntu kunE.

9:33 I a sosodé ku ora esakinan tabata despedí di djE, Pedro a bisa Jesus: "Maestro, ta bon pa nos ta akinan; i laga nos traha tres tabernakel: un pa Bo, un pa Moisés i un pa Elias"--sin realisá kiko e tabata bisa.

G846 -- I a sosodé ku ora esakinan -> And as these
G1316 -- tabata despedí -> were leaving
G4074 -- di djE, Pedro -> Him, Peter
G3004 -- a bisa -> said
G2424 -- Jesus -> to Jesus
G1988b -- : "Maestro -> Master
G2570 -- , ta bon -> it is good
G5602 -- pa nos ta akinan -> for us to be here
G4160 -- ; i laga nos traha -> let us make
G5140 -- tres -> three
G4633 -- tabernakel -> tabernacles
G1520 -- : un -> one
G1520 -- pa Bo, un -> for You, and one
G3475 -- pa Moisés -> for Moses
G1520 -- i un -> and one
G2243 -- pa Elias -> for Elijah
G3609a -- "--sin realisá -> not realizing
G3739 -- kiko -> what
G3004 -- e tabata bisa -> he was saying

9:34 I mientras ku e tabata bisa esaki, a forma un nubia ku a sombra nan; i nan a haña miedu ora nan tabata drenta den e nubia.

9:35 I a sali un bos for di den e nubia, bisando: "Esaki ta Mi Yu Skohí; tende na djE!"

9:36 I ora ku e bos a stòp di papia, Jesus so a keda. I nan a keda ketu, i den e dianan ei nan no a konta ningun hende nada di e kosnan ku nan a mira.

9:37 I riba e siguiente dia, ora nan a baha for di e seru, un multitut grandi a bin kontr'E.

9:38 I mira, un hòmber for di den e multitut tabata grita, bisando: "Maestro, mi ta rogaBo pa wak mi yu hòmber, pasobra e ta mi úniko yu hòmber,

9:39 i mira, un spiritu ta gar'é, i direpiente e ta kuminsá grita, i e ta pon'é haña steipi te skuma, i ora ku e ta maltrat'é, kasi e no ta lagu'é lòs.

9:40 I mi a roga Bo disipelnan pa nan saka e spiritu impuru afó, ma nan no tabata por."

9:41 I Jesus a kontestá i a bisa: "O generashon inkrédulo i pèrvèrso, kuantu tempu mas lo Mi ta serka boso, i mester soportá boso? Trese bo yu akinan."

9:42 I mientras ku e tabata aserkando, e demoño a bent'é abou na suela i a pon'é haña steipi. Ma Jesus a reprendé e spiritu impuru i a kura e mucha hòmber i a dun'é bèk na su tata.

9:43 I nan tur a keda asombrá di e grandesa di Dios. Ma mientras ku tur hende tabata keda atmirá di tur loke Jesus tabata hasi, El a bisa Su disipelnan:

9:44 "Laga e palabranan aki penetrá den boso orea, pasobra e Yu di Hende lo wòrdu entregá den man di hende."

9:45 Ma nan no a komprendé e palabranan aki, i esaki a keda skondí pa nan, asina ku nan no por a komprend'é; i nan tabatin miedu di puntr'E tokante di e palabranan aki.

9:46 I a lanta un diskushon entre nan, kual di nan lo tabata esun di mas grandi.

9:47 Ma Jesus, sabiendo kiko nan tabata pensa den nan kurason, a kohe un mucha i a pon'é para banda di djE,

9:48 i a bisa nan: "Ken ku risibí e mucha aki den Mi nòmber, ta Ami e ta risibí; i ken ku risibíMi, ta risibí Esun ku a mandaMi; pasobra esun di mas chikitu den boso, t'esei ta esun di mas grandi."

9:49 I Juan a kontestá i a bisa: "Maestro, nos a mira un hende ta saka demoño den Bo nòmber; i nos a tah'é, pasobra e no ta un di nos."

9:50 Ma Jesus a bis'é: "No tah'é, pasobra esun ku no ta kontra boso ta ku boso."

9:51 I a sosodé ku ora e dianan di Su asenshon tabata aserkando, El a dirigí Su kara pa bai Jerusalèm;

9:52 i El a manda mensaheronan Su dilanti. I nan a bai i a drenta den un pueblito di e samaritanonan pa hasi preparashon p'E.

9:53 Ma nan no a risibiE, pasobra E tabata biahando ku Su kara fiho den direkshon di Jerusalèm.

9:54 I ora Su disipelnan Santiago i Juan a ripará esaki, nan a puntra: "Señor, Bo kier pa nos ordená kandela baha for di shelu i kaba ku nan, manera Elias a hasi?"

9:55 Ma El a drai wak, i a reprendé nan, [i a bisa: "Boso no sa di ki sorto di spiritu boso ta;

9:56 pasobra e Yu di Hende no a bin pa destruí bida di hende, ma pa salba nan."] I nan a sigui nan kaminda bai un otro pueblito.

9:57 I ora nan tabata na kaminda, un hende a bis'E: "Lo mi siguiBo unda ku Bo bai."

9:58 I Jesus a bis'é: "Zoro tin kueba i parha di shelu tin neishi, ma e Yu di Hende no tin ningun lugá pa pone Su kabes."

9:59 I El a bisa un otro: "SiguiMi." Ma el a kontestá: "Pèrmitími promé pa bai i dera mi tata."

9:60 Ma El a bis'é: "Laga e mortonan dera nan mortonan; ma pa loke t'abo, bai i proklamá e reino di Dios tur kaminda."

9:61 I un otro tambe a bisa: "Lo mi siguiBo, Señor; ma pèrmitími promé pa despedí di mi hendenan di kas."

9:62 Ma Jesus a bis'é: "Ningun hende ku ta pone man na plug i ta wak patras no ta apto pa e reino di Dios."

Lukas 8 Lukas 10