Huan 9

BSNP Edita

Huan 9

9:1 I ora ku E tabata pasa, El a mira un hòmber ku tabata siegu for di su nasementu.

9:2 I Su disipelnan a puntr'E, bisando: "Rabi, ta ken a peka, e hòmber aki òf su mayornan, ku el a nase siegu?"

9:3 Jesus a kontestá: "Ni e hòmber aki ni su mayornan no a peka; ma esaki tabata pa e obranan di Dios wòrdu manifestá den djé.

9:4 Nos mester hasi e obranan di Esun ku a mandaMi, tanten ku ta di dia; nochi ta yegando, ora ku ningun hende no por traha.

9:5 Mientras ku Mi ta den mundu, Mi ta e lus di mundu."

9:6 Ora ku El a kaba di bisa esaki, El a skupi abou i a traha lodo ku e skupi, i a hunta e lodo na su wowonan,

9:7 i a bis'é: "Bai, laba bo mes den e tanki di Siloam" (ku tradusí ta nifiká: Mandá). I asina el a bai i a laba su mes, i a bin ta mira.

9:8 E ora ei e bisiñanan, i esnan ku promé a mir'é komo un pididó di limosna, tabata bisa: "No ta esaki ta esun ku sa sinta pidi limosna?"

9:9 Otronan tabata bisa: "Esaki t'é." I tambe otronan tabata bisa: "Nò, ma e pars'é." El a keda bisa: "T'ami mes."

9:10 Pesei nan tabata bis'é: "Kon bo wowonan a wòrdu habrí anto?"

9:11 El a kontestá: "E Hòmber ku ta wòrdu yamá Jesus a traha lodo i a hunta mi wowonan kuné i a bisami: 'Bai Siloam i laba bo mes'; asina mi a bai i a laba mi mes, i mi a haña mi bista."

9:12 I nan a bis'é: "Na unda E ta?" El a kontestá: "Mi no sa."

9:13 Nan a hiba esun ku promé tabata siegu serka e fariseonan.

9:14 Awor e dia ku Jesus a traha lodo i a habri su wowonan tabata un Sabat.

9:15 Pesei, e fariseonan tambe a bolbe puntr'é kon el a haña su bista. I el a bisa nan: "El a pone lodo na mi wowonan, i mi a laba mi mes, i mi ta mira."

9:16 Pesei algun di e fariseonan tabata bisa: "E Hòmber aki no ta di Dios, pasobra E no ta warda Sabat." Ma otronan tabata bisa: "Kon un hende, ku ta un pekadó, por hasi milagernan asina?" I tabatin divishon entre nan.

G3767 -- Pesei -> Therefore
G5100 -- algun -> some
G5330 -- di e fariseonan -> of the Pharisees
G3004 -- tabata bisa -> were saying
G3778 -- : "E -> This
G444 -- Hòmber -> man
G2316 -- aki no ta di Dios -> is not from God
G3754 -- , pasobra -> because
G5083 -- E no ta warda -> He does not keep
G4521 -- Sabat -> the Sabbath
G243 -- ." Ma otronan -> .” But others
G3004 -- tabata bisa -> were saying
G4459 -- : "Kon -> How
G1410 -- un -> can
G444 -- un hende -> a man
G268 -- , ku ta un pekadó -> who is a sinner
G2038b -- por hasi -> perform
G5108 -- milagernan -> such
G4592 -- milagernan -> signs
G4978 -- ?" I tabatin divishon -> ?" And there was a division
G1722 -- entre -> among

9:17 Asina nan a bolbe bisa e hòmber siegu: "Kiko abo ta bisa di djE, komo ku ta E a habri bo wowonan?" I el a kontestá: "E ta un profeta."

9:18 Ma e hudiunan no a ker'é ku e tabata siegu i ku el a haña su bista, te ora nan a yama e mayornan di esun ku a haña su bista,

9:19 i a puntra nan, bisando: "Ta boso yu esaki, ku boso ta bisa a nase siegu? Di kon anto e ta mira awor?"

9:20 Su mayornan a kontestá nan i a bisa: "Nos sa ku esaki ta nos yu, i ku el a nase siegu;

9:21 ma kon e ta mira awor, nos no sa; òf ken a habri su wowonan, nos no sa. Puntra e mes; e ta grandi kaba; e lo papia pa su mes."

9:22 Su mayornan a bisa esaki pasobra nan tabatin miedu di e hudiunan; pasobra ya e hudiunan a kumbiní ku, si un hende konfesá ku E ta e Cristo, e lo wòrdu saká for di snoa.

9:23 Pesei, su mayornan a bisa: "E ta grandi kaba; puntra e mes."

9:24 Asina pa di dos biaha nan a yama e hòmber ku tabata siegu, i a bis'é: "Duna gloria na Dios; nos sa ku e Hòmber aki ta un pekadó."

9:25 E ora ei el a kontestá: "Si ta un pekadó E ta, mi no sa; ún kos mi sa, ku mi tabata siegu, i ku awor mi ta mira."

9:26 Anto nan a bis'é: "Kiko El a hasi ku bo? Kon El a habri bo wowonan?"

9:27 El a kontestá nan: "Mi a bisa boso kaba, i boso no a skucha; pakiko boso kier tende atrobe? Akaso boso tambe kier bira Su disipel?"

9:28 I nan a insult'é i a bisa: "Abo ta Su disipel, ma nos ta disipel di Moisés.

9:29 Nos sa ku Dios a papia ku Moisés, ma pa loke ta e hòmber aki, nos no sa di unda El a bin."

9:30 E hòmber a kontestá i a bisa nan: "Wèl, esaki sí ta un kos straño, ku boso no sa di unda E ta, ma tòg ta E a habri mi wowonan.

9:31 Nos sa ku Dios no ta skucha pekadó; ma si un hende teme Dios i hasi Su boluntat, E ta skuch'é.

9:32 For di prinsipio di tempu nunka hende no a tende ku un hende a habri wowo di un persona ku a nase siegu.

9:33 Si e Hòmber aki no tabata di Dios, E lo no por a hasi nada."

9:34 Nan a kontestá i a bis'é: "Bo a nase kompletamente den piká, i abo kier bin siña nos?" I nan a sak'é afó.

9:35 Jesus a tende ku nan a sak'é afó i ora ku El a topa kuné, El a puntr'é: "Bo ta kere den e Yu di Hende?"

9:36 El a kontestá i a bisa: "I ta ken E ta, Señor, pa mi por kere den djE?"

9:37 Jesus a bis'é: "Bo a mir'E i E ta Esun ku ta papiando ku bo."

9:38 I el a bisa: "Señor, mi ta kere." I el a ador'E.

9:39 I Jesus a bisa: "Pa huisio Mi a bin den e mundu aki, pa esnan ku no ta mira, por mira, i pa esnan ku ta mira, bira siegu."

9:40 Algun di e fariseonan ku tabata huntu kunE a tende e kosnan aki, i a puntr'E: "Akaso nos tambe ta siegu?"

9:41 Jesus a bisa nan: "Si boso tabata siegu, boso lo no tabatin piká, ma awor ku boso ta bisa: 'Nos ta mira', boso piká ta keda.

Huan 8 Huan 10