Mateo 27

BSNP Edita

Mateo 27

27:1 Ora dia a habri, tur e saserdotenan prinsipal i e ansianonan di e pueblo a konsultá ku otro kontra Jesus pa laga mat'E.

27:2 I nan a mar'E, a bai kunE i a entregu'E na gobernadó Ponsio Pilato.

27:3 Anto ora Judas, esun ku a traishon'E, a mira ku El a wòrdu kondená, su konsenshi a remord'é i el a debolbé e trinta pidanan di plata na e saserdotenan prinsipal i e ansianonan,

27:4 bisando: "Mi a peka dor di traishoná sanger inosente." Ma nan a bisa: "Kiko nos tin kunes? Esei ta bo asunto!"

27:5 I el a tira e pidanan di plata den e santuario i a sali bai; i el a bai i a horka su kurpa.

27:6 I e saserdotenan prinsipal a kohe e pidanan di plata i a bisa: "Lei no ta pèrmití pa pone nan den e kaha di ofrenda, pasobra esaki ta e preis di sanger."

27:7 I nan a konsultá ku otro i ku e plaka nan a kumpra e pida tereno di e alfarero komo lugá pa dera stranhero.

27:8 Pa e motibu aki e pida tereno ei ta wòrdu yamá Kampo di Sanger te dia djawe.

27:9 Anto a keda kumplí loke a wòrdu papiá dor di profeta Jeremias, bisando: "I nan a kohe e trinta pidanan di plata, e preis di Esun, Kende Su preis a wòrdu balorá pa e yunan di Israel;

27:10 i nan a duna esakinan pa e pida tereno di e alfarero, manera SEÑOR a ordenámi."

27:11 Awor Jesus tabata pará dilanti di e gobernadó, i e gobernadó a puntr'E, bisando: "Ta Abo ta e Rei di e hudiunan?" I Jesus a bis'é: "Ta manera bo ta bisa."

27:12 I ora ku e saserdotenan prinsipal i e ansianonan tabata akus'E, E no tabata kontestá nada.

27:13 E ora ei Pilato a puntr'E: "Bo no ta tende kuantu kos nan ta testifiká kontra Bo?"

27:14 I E no tabata kontest'é riba ningun akusashon, asina ku e gobernadó a keda masha strañá.

27:15 Awor riba dia di e Fiesta e gobernadó tabatin e kustumber di duna un prezo libertat, esun ku e multitut skohe.

27:16 I na e tempu ei nan tabatin un prezo di mal fama ku yama Barabas.

27:17 Pesei ora nan a bin huntu, Pilato a bisa nan: "Ken boso kier pa mi duna libertat pa boso? Barabas òf Jesus, Kende ta wòrdu yamá Cristo?"

27:18 Pasobra e tabata sa ku nan a entregu'E pa motibu di envidia.

27:19 I mientras ku e tabata sintá na tribunal, su esposa a manda bis'é: "No mete ku e Hòmber hustu ei, pasobra ayera nochi mi a sufri hopi den un soño pa Su motibu."

27:20 Ma e saserdotenan prinsipal i e ansianonan a pèrsuadí e multitutnan pa nan pidi pa Barabas, i pa laga mata Jesus.

27:21 Ma e gobernadó a kontestá i a bisa nan: "Kual di e dosnan boso kier pa mi duna libertat pa boso?" I nan a bisa: "Barabas."

27:22 Pilato a puntra nan: "Kiko anto lo mi hasi ku Jesus, Kende ta wòrdu yamá Cristo?" Nan tur a bisa: "Lagu'E wòrdu krusifiká!"

27:23 I el a bisa: "Pakiko? Ta ki malu El a hasi?" Ma nan a sigui grita mas duru ainda, bisando: "Lagu'E wòrdu krusifiká!"

27:24 I ora Pilato a mira ku e no tabata logra nada, ma ku mas bien un desòrdu a kuminsá, el a kohe awa i a laba su man dilanti di e multitut, bisando: "Mi ta inosente di e sanger di e Hòmber hustu aki; esei ta boso asunto."

G4091 -- I ora Pilato -> When Pilate
G3708 -- a mira -> saw
G5623 -- ku e no tabata logra -> that he was accomplishing
G3762 -- nada -> nothing
G3123 -- , ma ku mas bien -> but rather
G2351 -- un desòrdu -> that a riot
G1096 -- a kuminsá -> was starting
G2983 -- , el a kohe -> he took
G5204 -- awa -> water
G633 -- i a laba -> and washed
G5495 -- su man -> his hands
G2713 -- dilanti -> in front
G3793 -- di e multitut -> of the crowd
G3004 -- , bisando -> saying
G1510 -- : "Mi ta -> I am
G121 -- inosente -> innocent
G3778 -- di e -> of this
G129 -- sanger -> blood
G3778 -- Hòmber -> Man’s
G3708 -- ; esei -> see
G4771 -- ta boso asunto -> ] yourselves

27:25 I henter e pueblo a kontestá i a bisa: "Laga Su sanger bin riba nos i riba nos yunan!"

27:26 E ora ei, pa motibu di nan, el a duna Barabas libertat; ma Jesus el a laga suta i a entregu'E pa wòrdu krusifiká.

27:27 Anto e sòldánan di gobernadó a hiba Jesus den e Pretorio, i a reuní henter e batayon romano rònt di djE.

27:28 I nan a ranka Su paña for di Su kurpa, i a bistiE un mantel koló skarlata.

27:29 I despues di a flègt un korona di sumpiña, nan a pone esei riba Su kabes, i un richi den Su man drechi; i nan a hinka rudia Su dilanti i a hasi bofon di djE, bisando: "Saludo, Rei di e hudiunan!"

27:30 I nan a skupi riba djE i a kohe e richi i a kuminsá dal E riba Su kabes.

27:31 I despues ku nan a hasi bofon di djE, nan a kita e mantel for di Su kurpa, a bistiE Su mes pañanan i a bai kunE pa krusifik'E.

27:32 I mientras ku nan tabata sali, nan a kontra ku un hòmber di Sirene ku yama Simon; i nan a obligu'é pa karga e krus di Jesus.

27:33 I ora nan a yega na un lugá ku yama Gólgota, ku ta nifiká Lugá di Kalpachi,

27:34 nan a dun'E biña mesklá ku hal pa bebe, ma ora ku El a purb'é, E no kier a beb'é.

27:35 I despues ku nan a krusifik'E, nan a parti Su pañanan entre nan dor di tira lòt;

27:36 i sintá abou nan tabata tene warda einan serka djE.

27:37 I nan a pone riba Su kabes e akusashon kontra djE ku ta bisa: "ESAKI TA JESUS, E REI DI E HUDIUNAN."

27:38 E mesun tempu ei dos ladron a wòrdu krusifiká huntu kunE, un na man drechi i un na man robes.

27:39 I esnan ku tabata pasa, tabata blasfem'E i sakudí kabes,

27:40 bisando: "Abo ku ta bai destruí e tèmpel i lant'é bèk den tres dia, salba Bo mes! Si Bo ta e Yu di Dios, baha for di e krus ei."

27:41 I di e mesun manera e saserdotenan prinsipal tambe, huntu ku e eskribanan i e ansianonan, tabata hasi bofon di djE, i bisa:

27:42 "El a salba otronan; E no por salba Su mes. E ta Rei di Israel; lagu'E baha for di e krus awor, i nos lo kere den djE.

27:43 E ta konfia den Dios; laga Dios libr'E awor, si E tin goso den djE; pasobra El a bisa: 'Ami ta e Yu di Dios.'"

27:44 I tambe e ladronnan ku a wòrdu krusifiká huntu kunE tabata tira e mesun insulto na Su kara.

27:45 I for di diesdos or di mèrdia te tres or di atardi skuridat a baha riba henter e tera.

27:46 I banda di tres or di atardi Jesus a sklama na bos haltu, bisando: "|iEli, Eli, Lama Sabaktani?" ku ta nifiká: "Mi Dios, Mi Dios, pakiko Bo a bandonáMi?"

27:47 I algun di esnan ku tabata pará einan, ora nan a tende esaki, a bisa: "Ta Elias e hòmber aki ta yama!"

27:48 I mesora un di nan a kore kohe un spòns; el a pap'é ku binager, hink'é na un richi, i a dun'E di bebe.

27:49 Ma e otronan a bisa: "Laga nos wak si Elias lo bin pa salb'E."

27:50 I Jesus a grita atrobe na bos haltu, i a entregá Su spiritu.

27:51 I mira, e kortina di e tèmpel a sker na dos for di ariba te abou, i tera a tembla, i barankanan a spleit,

27:52 i tumbanan a habri; i hopi kurpa di e santunan ku a muri a wòrdu lantá;

27:53 i despues di Su resurekshon nan a sali for di e tumbanan, a bai den e stat santu i a paresé na hopi hende.

27:54 I e senturión i esnan ku huntu kuné tabata tene warda riba Jesus, ora nan a mira e temblor i e kosnan ku tabata sosodé, a spanta mashá i a bisa: "Di bèrdat esaki tabata e Yu di Dios!"

27:55 I einan tabatin hopi hende muhé ku tabata para wak for di un distansia, esnan ku a sigui Jesus for di Galilea pa sirbiE,

27:56 entre nan Maria Magdalena, huntu ku Maria, mama di Santiago i di Jose, i e mama di e yu hòmbernan di Zebedeo.

27:57 I ora ku a bira tardi, a bin un hòmber riku for di Arimatea ku yama Jose, kende tambe a bira un disipel di Jesus.

27:58 E hòmber aki a bai serka Pilato i a pidi e kurpa di Jesus. Anto Pilato a duna òrdu pa entregu'é e kurpa.

27:59 I Jose a tuma e kurpa i a lor'é den un pida tela di lino limpi,

27:60 i a pon'é den su tumba nobo ku el a koba den un baranka; i el a lora un piedra grandi pone na entrada di e tumba, i a bai.

27:61 I Maria Magdalena i e otro Maria tabata einan, sintá dilanti di e tumba.

27:62 Su siguiente dia, kual tabata e dia despues di e preparashon, e saserdotenan prinsipal i e fariseonan a bin huntu serka Pilato,

27:63 i a bisa: "Señor, nos ta kòrda ku tempu ku E tabata na bida ainda, e gañadó ei a bisa: 'Despues di tres dia lo Mi lanta.'

27:64 Pesei, duna òrdu pa laga sigurá e tumba te na e di tres dia, pa Su disipelnan no bin hòrt'E i bisa e pueblo: 'El a lanta for di e mortonan,' i e último engaño lo ta pió ku esun promé."

G3767 -- Pesei -> Therefore
G2753 -- , duna -> give
G2753 -- òrdu -> orders
G5028 -- pa laga sigurá e tumba -> for the grave
G805 -- te na -> to be made
G805 -- e di tres -> secure
G2193 -- dia -> until
G5154 -- , pa Su disipelnan -> the third
G2250 -- no bin -> day
G3379 -- hòrt'E -> otherwise
G3101 -- i bisa e pueblo -> His disciples
G2064 -- : 'El a lanta -> may come
G2813 -- for di e mortonan -> and steal
G2813 -- , i e último engaño -> Him away
G3004 -- lo ta pió -> and say
G2992 -- ku esun promé -> to the people
G1453 -- .' -> ‘He has risen
G3498 -- " -> from the dead
G2078 -- . -> ’ and the last
G4106 -- . -> deception
G5501 -- . -> will be worse
G4413 -- . -> than the first

27:65 Pilato a bisa nan: "Ata un warda di sòldá pa boso; bai sigurá e tumba mas mihó ku boso por."

27:66 I nan a bai i a sigurá e tumba, a seya e piedra i a pone e warda di sòldá.

Mateo 26 Mateo 28