Lukas 7

BSNP Edita

Lukas 7

7:1 Ora Jesus a kaba di papia tur Su palabranan pa e pueblo tende, El a bai Kapernaum.

7:2 I e esklabu di un senturión, kende esaki tabata apresiá mashá, tabata malu i serka di muri.

7:3 I ora ku el a tende tokante di Jesus, el a manda algun ansiano hudiu serka djE pa pidiE bin skapa bida di su esklabu.

7:4 I ora nan a yega serka Jesus, nan a rogu'E masha hopi mes, bisando: "E ta digno pa Bo konsed'é esaki,

7:5 pasobra e ta stima nos nashon, i ta é a traha e snoa pa nos."

7:6 Awor Jesus a bai ku nan. I ora ku E no tabata muchu leu mas for di e kas, e senturión a manda algun amigu serka djE, bisando: "Señor, no tuma molèster mas, pasobra mi no ta digno pa Bo bin bou di mi dak;

7:7 pesei mi no a konsiderá mi mes digno tampoko pa bin serka Bo, ma djis papia un palabra, i mi sirbidó lo ta kurá.

7:8 Pasobra ami tambe ta un hòmber bou di outoridat, ku sòldá bou di mi mando; i mi ta bisa esun aki: 'Bai!' i e ta bai; i esun aya: 'Bin!' i e ta bin; i mi esklabu: 'Hasi esaki!' i e ta hasié."

G2532 -- Pasobra ami tambe -> For I also
G1510 -- ta -> am
G444 -- un hòmber -> a man
G5259 -- bou -> placed under
G1849 -- di outoridat -> authority
G4757 -- ku sòldá -> with soldiers
G5259 -- bou -> under
G3004 -- di mi mando; i mi ta bisa -> me; and I say
G3778 -- esun aki -> to this
G3778 -- esun -> one
G4198 -- Bai -> ‘Go
G4198 -- i e ta bai -> !’ and he goes
G243 -- i esun aya -> and to another
G2064 -- Bin -> ‘Come
G2064 -- i e ta bin -> !’ and he comes
G1401 -- i mi esklabu -> and to my slave
G4160 -- Hasi -> ‘Do
G3778 -- esaki -> this
G4160 -- i e ta hasié -> !’ and he does

7:9 Awor ora Jesus a tende esaki, El a keda maraviyá di djé, i a drai wak i a bisa e multitut ku tabata siguiE: "Mi ta bisa boso, ni na Israel Mi no a haña un fe asina grandi."

7:10 I ora ku esnan ku a wòrdu mandá a bolbe na e kas, nan a haña e esklabu bon di salú.

7:11 I a sosodé ku e siguiente dia El a bai un stat ku yama Nain; i Su disipelnan a bai huntu kunE, kompañá pa un multitut grandi.

7:12 Awor ora ku E tabata yega na porta di e stat, ata, un morto tabata wòrdu hibá pa dera, e úniko yu hòmber di su mama, kende tabata biuda; i un multitut grandi for di e stat tabata huntu kuné.

7:13 I ora Señor a mir'é, El a sinti kompashon p'é, i a bis'é: "No yora."

7:14 I El a yega serka i a mishi ku e kaha di morto; i e kargadónan di morto a keda para. I El a bisa: "Hoben, Mi ta bisabo: Lanta!"

7:15 I e morto a lanta sinta i a kuminsá papia. I Jesus a entregu'é bèk na su mama.

7:16 I temor a poderá di nan tur, i nan a kuminsá glorifiká Dios, bisando: "Un gran profeta a lanta meimei di nos!" i "Dios a bishitá Su pueblo!"

7:17 I e notisia aki tokante di djE a plama den henter Judea i den henter e distrikto eibanda.

7:18 I e disipelnan di Juan a kont'é di tur e kosnan aki.

7:19 I Juan, yamando dos di su disipelnan serka djé, a manda nan serka Señor pa puntra: "Ta Abo ta Esun ku mester bin, òf nos mester spera un otro?"

7:20 I ora ku e hòmbernan a yega serka djE, nan a bisa: "Juan Boutista a manda nos serka Bo pa puntra: 'Ta Abo ta Esun ku mester bin, òf nos mester spera un otro?'"

7:21 I na e momento ei E tabata kura hopi hende di malesanan i aflikshonnan i di spiritunan malu; i El a duna bista na hopi ku tabata siegu.

7:22 I El a kontestá i a bisa nan: "Bai konta Juan loke boso a mira i tende: e siegunan ta mira, e lamnan ta kana, e leprosonan ta wòrdu hasí limpi, e sordonan ta tende, e mortonan ta wòrdu lantá i na e pobernan evangelio ta wòrdu prediká.

7:23 I bendishoná ta esun ku no ta sinti su mes ofendí pa Mi motibu."

7:24 I ora ku e mensaheronan di Juan a bai, El a kuminsá papia ku e multitutnan tokante di Juan: "Ta kiko boso a sali bai wak den desierto? Un richi sakudí dor di bientu?

7:25 Ma ta kiko boso a sali bai wak? Un hòmber bistí na paña fini? Mira, esnan ku ta bon bistí i ta biba den luho bo ta haña den palasionan real.

7:26 Ma ta kiko boso a sali bai wak? Un profeta? Sí, Mi ta bisa boso, i un ku ta mas ku un profeta.

7:27 Esaki ta esun di kende ta pará skirbí: 'Mira, Mi ta manda Mi mensahero dilanti di Bo kara, kende lo prepará Bo kaminda Bo dilanti.'

7:28 Mi ta bisa boso, entre esnan ku a nase for di muhé no tin ni un mas grandi ku Juan; sinembargo, esun di mas chikitu den e reino di Dios ta mas grandi kuné."

7:29 I ora henter e pueblo i e publikanonan a tende esaki, nan a rekonosé Dios Su hustisia, komo ku nan a wòrdu batisá ku e boutismo di Juan.

7:30 Ma e fariseonan i e ekspertonan di Lei a rechasá e propósito di Dios pa nan mes, komo ku nan no a wòrdu batisá dor di Juan.

7:31 "Ku kiko anto lo Mi kompará e hendenan di e generashon aki, i ku ken nan ta igual?

7:32 Nan ta igual ku mucha chikitu ku ta sinta riba plasa i ta grita otro; i nan ta bisa: 'Nos a toka flùit pa boso, i boso no a balia; nos a kanta un kantika di rou, i boso no a yora.'

7:33 Pasobra Juan Boutista a bin i no ta kome pan ni ta bebe biña; i boso ta bisa: 'E tin un demoño!'

7:34 E Yu di Hende a bin i ta kome i bebe; i boso ta bisa: 'Ata un hòmber golos i un buraché, un amigu di publikano i pekadó!'

7:35 Ma sabiduria ta wòrdu hustifiká pa medio di tur su yunan."

7:36 Awor un di e fariseonan a pidiE pa bin kome serka djé. I El a bai den kas di e fariseo i a bai sinta na mesa.

7:37 I mira, den e stat tabatin un muhé ku tabata un pekadó; i ora ku el a haña sa ku Jesus tabata sintá na mesa den kas di e fariseo, el a trese un butishi di alabaster ku perfume aden,

7:38 i el a bai para Su tras na Su pianan ta yora, i a kuminsá muha Su pianan ku su awa di wowo, i tabata seka nan ku su kabei, i tabata sunchi Su pianan i hunta nan ku e perfume.

7:39 Awor ora ku e fariseo ku a kombid'E a mira esaki, el a bisa den su mes: "Si e hòmber aki tabata un profeta E lo tabata sa ta ken i ki sorto di hende e muhé aki ta ku ta mishi kunE, ku ta un pekadó e ta."

G1161 -- Awor -> Now
G5330 -- ora ku e fariseo -> when the Pharisee
G2564 -- ku a kombid'E -> who had invited
G3708 -- a mira -> Him saw
G3004 -- esaki, el a bisa -> this, he said
G1438 -- den su mes -> to himself
G1487 -- : "Si -> If
G3778 -- e hòmber -> this
G3778 -- aki -> man
G4396 -- tabata un profeta -> were a prophet
G1097 -- E lo tabata sa -> He would know
G5101 -- ta ken -> who
G4217 -- i ki sorto -> and what
G4217 -- di hende -> sort
G4217 -- e muhé aki ta -> of person
G3588 -- ku ta mishi kunE -> this
G1135 -- , ku ta un pekadó -> woman
G3748 -- e ta -> is who
G681 -- . -> is touching

7:40 I Jesus a kontestá i a bis'é: "Simon, Mi tin algu di bisabo." I Simon a kontestá: "Papia numa, Maestro."

7:41 "Un sierto fiadó di plaka tabatin dos debedó: esun tabata debe sinku shen denario, i e otro sinkuenta.

7:42 I komo ku nan no tabata por a pagu'é bèk, el a pordoná nan tur dos generosamente. Kual di nan dos anto lo stim'é mas?"

7:43 Simon a kontestá i a bisa: "Mi ta suponé ku ta esun ku el a pordoná mas." I El a bis'é: "Bo a huzga korekto."

7:44 I El a bira wak e muhé i a bisa Simon: "Bo ta mira e muhé aki? Mi a bin den bo kas; abo no a dunaMi awa pa Mi pianan, ma el a muha Mi pianan ku su awa di wowo, i a seka nan ku su kabei.

7:45 Abo no a dunaMi sunchi, ma é, for di ora ku Mi a drenta, no a stòp di sunchi Mi pianan.

7:46 Abo no a hunta Mi kabes ku zeta, ma el a hunta Mi pianan ku perfume.

7:47 Pesei Mi ta bisabo, su pikánan, ku ta hopi, a wòrdu pordoná, pasobra el a stima hopi; ma esun ku a wòrdu pordoná poko, ta stima poko."

7:48 I El a bisa e muhé: "Bo pikánan a wòrdu pordoná."

7:49 I esnan ku tabata sintá na mesa huntu kunE a kuminsá bisa den nan mes: "Ta ken e hòmber aki ta ku asta piká E ta pordoná?"

7:50 El a bisa e muhé: "Bo fe a salbabo; bai na pas."

Lukas 6 Lukas 8