Huan 6

BSNP Edita

Huan 6

6:1 Despues di e kosnan aki Jesus a bai na e otro banda di Laman di Galilea (òf Tiberias).

6:2 I un multitut grandi tabata siguiE, pasobra nan tabata mira e milagernan ku E tabata hasi na esnan ku tabata malu.

6:3 I Jesus a subi bai riba seru i ayanan El a sinta ku Su disipelnan.

6:4 Awor Pasku, e fiesta di e hudiunan, tabata serka.

6:5 Pesei, ora Jesus a hisa kara wak i a mira ku un multitut grandi tabata bin serka djE, El a bisa Felipe: "Unda nos lo kumpra pan pa esakinan por kome?"

6:6 I esaki El a bisa pa pon'é na prueba; pasobra E mes tabata sa kiko E tabatin intenshon di hasi.

6:7 Felipe a kontest'E: "Ni dos shen denario di pan no ta basta pa nan, pa kada un haña un pida."

6:8 Un di Su disipelnan, Andres, ruman hòmber di Simon Pedro, a bis'E:

6:9 "Tin un mucha hòmber akinan ku tin sinku pan di puspas i dos piská, ma kiko esakinan ta pa tantu hende asina?"

6:10 Jesus a bisa: "Laga e hendenan bai sinta." I na e lugá ei tabatin hopi yerba. Asina e hòmbernan a bai sinta, un kantidat di mas o menos sinku mil.

6:11 Jesus anto a kohe e pannan; i despues di a duna gradisimentu, El a parti nan pa esnan ku tabata sintá einan; di e mesun manera tambe e piskánan, kuantu ku nan tabata kier.

6:12 I ora nan barika tabata yen, El a bisa Su disipelnan: "Rekohé e pida-pidanan ku a sobra, pa nada no bai pèrdí."

6:13 I asina nan a rekohé nan i a yena diesdos makutu ku e pida-pidanan ku a sobra di e sinku pannan di puspas, ku e hendenan ku a kome a laga.

6:14 Pesei, ora ku e hendenan a mira e milager ku Jesus a hasi, nan a bisa: "Esaki bèrdaderamente ta e Profeta ku mester a bin den mundu."

6:15 Jesus anto, sabiendo ku nan tabatin intenshon di bin i gar'E pa hasiE rei, a retirá atrobe bai riba e seru, E so.

6:16 Awor ora nochi a sera, Su disipelnan a baha bai laman,

6:17 i nan a bai den un boto i a kuminsá krusa laman pa bai Kapernaum. Ya a bira skur kaba i ainda Jesus no a bin serka nan.

6:18 I laman a bira brutu pa motibu di un bientu fuerte ku tabata supla.

6:19 Ora nan a rema mas o menos sinku òf seis kilometer, nan a mira Jesus ta kana riba laman i ta aserká e boto, i nan a spanta mashá.

6:20 Ma El a bisa nan: "Ta Ami; no tene miedu."

6:21 E ora ei ku gustu nan a tum'E den boto; i unbes e boto a yega na e lugá ku nan tabata bai.

6:22 Su manisé e multitut ku tabata pará na e otro banda di e laman a mira ku tabatin solamente un boto chikitu einan, i ku Jesus no a bai ku Su disipelnan den e boto, ma ku Su disipelnan a bai nan so.

G1887 -- Su -> The next
G1887 -- manisé -> day
G3793 -- e multitut -> the crowd
G2476 -- ku tabata pará -> that stood
G4008 -- na e otro -> on the other
G4008 -- banda -> side
G2281 -- di e laman -> of the sea
G3708 -- a mira -> saw
G3756 -- ku tabatin solamente -> that there was no
G243 -- un -> other
G4142 -- boto chikitu -> small
G4142 -- einan -> boat
G1563 -- i -> there
G1508 -- ku -> except
G1520 -- Jesus -> one
G2424 -- no a bai -> and that Jesus
G4897 -- ku Su disipelnan -> had not entered
G3101 -- den e boto -> with His disciples
G4143 -- ma ku Su disipelnan -> into the boat
G3101 -- a bai -> ] His disciples
G565 -- nan so -> had gone
G565 -- . -> away
G3441 -- . -> alone

6:23 I otro botonan chikitu for di Tiberias a yega, pegá ku e lugá kaminda nan a kome pan despues ku Señor a duna gradisimentu.

6:24 Pesei ora ku e multitut a mira ku Jesus no tabata einan, ni Su disipelnan, nan tambe a bai den e botonan chikitu i a bin Kapernaum pa buska Jesus.

6:25 I ora nan a hañ'E na e otro banda di laman, nan a bis'E: "Rabi, ki ora Bo a yega akinan?"

6:26 Jesus a kontestá nan i a bisa: "Di bèrdat, di bèrdat, Mi ta bisa boso, boso ta buskaMi, no pasobra boso a mira milagernan, ma pasobra boso a kome di e pannan i a keda barika yen.

6:27 No traha pa e kuminda ku ta peresé, ma pa e kuminda ku ta permanesé pa bida etèrno, lokual e Yu di Hende lo duna boso; pasobra ta riba djE e Tata, esta Dios, a pone Su seyo."

6:28 Anto nan a bis'E: "Kiko nos lo hasi pa nos por realisá e obranan di Dios?"

6:29 Jesus a kontestá i a bisa nan: "Esaki ta e obra di Dios, pa boso kere den Esun ku El a manda."

6:30 E ora ei nan a bis'E: "Ki señal Bo ta hasi anto pa nos por mira i kereBo? Ki obra Bo ta hasi?

6:31 Nos tatanan a kome mana den desierto; manera ta pará skirbí: 'Pan for di shelu El a duna nan kome.'"

6:32 E ora ei Jesus a bisa nan: "Di bèrdat, di bèrdat, Mi ta bisa boso, no ta Moisés a duna boso e pan for di shelu, ma ta Mi Tata ta duna boso e pan bèrdadero for di shelu.

6:33 Pasobra e pan di Dios ta Esun ku ta baha for di shelu i ta duna bida na mundu."

6:34 E ora ei nan a bis'E: "Señor, duna nos semper e pan aki."

6:35 Jesus a bisa nan: "Ami ta e pan di bida; esun ku bin serka Mi lo no haña hamber, i esun ku kere den Mi lo no haña set nunka.

6:36 Ma Mi a bisa boso ku boso a miraMi i tòg no ta kere.

6:37 Tur loke e Tata dunaMi lo bin serka Mi, i esun ku bin serka Mi, sigur-sigur lo Mi no tir'afó.

6:38 Pasobra Mi a baha for di shelu, no pa hasi Mi mes boluntat, sino e boluntat di Esun ku a mandaMi.

6:39 I esaki ta e boluntat di Esun ku a mandaMi, ku di tur loke El a dunaMi Mi no pèrdè nada, ma pa Mi lant'é den e último dia.

6:40 Pasobra esaki ta e boluntat di Mi Tata, ku tur ku mira e Yu, i a kere den djE, tin bida etèrno; i Ami mes lo lant'é den e último dia."

6:41 E hudiunan anto tabata murmurá kontra djE, pasobra El a bisa: "Ami ta e pan ku a baha for di shelu."

6:42 I nan tabata bisa: "E Jesus aki no ta yu di Jose, kende su tata i mama nos konosé? Kon E ta bisa awor: 'Mi a baha for di shelu'?"

6:43 Jesus a kontestá i a bisa nan: "Boso no murmurá un ku otro.

6:44 Ni un hende no por bin serka Mi, si no ta e Tata ku a mandaMi a hal'é; i Ami lo lant'é den e último dia.

6:45 Ta pará skirbí den e profetanan: 'I nan tur lo wòrdu siñá dor di Dios.' Tur hende ku a tende i a siña di e Tata ta bin serka Mi.

6:46 No ku un hende a yega di mira e Tata; solamente Esun ku ta di Dios, Esei a mira e Tata.

6:47 Di bèrdat, di bèrdat, Mi ta bisa boso, esun ku kere tin bida etèrno.

6:48 Ami ta e pan di bida.

6:49 Boso tatanan a kome mana den desierto i nan a muri.

6:50 Esaki ta e pan ku ta baha for di shelu, pa un hende por kome di djé i no muri.

6:51 Ami ta e pan bibu ku a baha for di shelu; si un hende kome di e pan aki, e lo biba pa semper; i e pan ku lo Mi duna pa bida di e mundu ta Mi karni."

6:52 E ora ei e hudiunan a kuminsá diskutí ku otro, bisando: "Kon e hòmber aki por duna nos Su karni pa kome?"

6:53 E ora ei Jesus a bisa nan: "Di bèrdat, di bèrdat, Mi ta bisa boso, si boso no kome e karni di e Yu di Hende i bebe Su sanger, boso no tin bida den boso.

6:54 Esun ku kome Mi karni i bebe Mi sanger tin bida etèrno, i lo Mi lant'é den e último dia.

6:55 Pasobra Mi karni ta kuminda bèrdadero, i Mi sanger ta bibida bèrdadero.

6:56 Esun ku kome Mi karni i bebe Mi sanger ta permanesé den Mi, i Ami den djé.

6:57 Meskos ku e Tata ku ta biba a mandaMi, i Ami ta biba dor di e Tata, asina esun ku komeMi tambe lo biba dor di Mi.

6:58 Esaki ta e pan ku a baha for di shelu; no manera e tatanan a kome mana i a muri; esun ku kome e pan aki lo biba pa semper."

6:59 E kosnan aki El a bisa den snoa ora ku E tabata siña e hendenan na Kapernaum.

6:60 E ora ei hopi di Su disipelnan, ora nan a tende esaki, a bisa: "E palabra aki ta difisil; ken por komprendé esaki!"

6:61 Ma Jesus, konsiente ku Su disipelnan tabata murmurá kontra esaki, a bisa nan: "Esaki ta hasi boso trompeká?

6:62 Kiko anto, si boso lo a mira e Yu di Hende subi bai kaminda E tabata promé?

6:63 Ta e Spiritu ta Esun ku ta duna bida; e karni no bal nada; e palabranan ku Mi a papia ku boso ta spiritu i ta bida.

6:64 Ma tin algun di boso ku no ta kere." Pasobra for di prinsipio Jesus tabata sa ta ken tabata esnan ku no tabata kere, i ta ken tabata esun ku lo a traishon'E.

6:65 I El a bisa: "Pa e motibu aki Mi a bisa boso ku ni un hende no por bin serka Mi, si esaki no ta duná na djé di e Tata."

6:66 Komo resultado di esaki hopi di Su disipelnan a retirá i no tabata kana kunE mas.

6:67 Jesus anto a bisa e diesdosnan: "Boso tambe kier bai anto?"

6:68 Simon Pedro a kontest'E: "Señor, serka ken nos lo bai? Abo tin e palabranan di bida etèrno.

6:69 I nos a kere i a haña sa ku Abo ta Esun Santu di Dios."

6:70 Jesus a kontestá nan: "No ta Ami mes a skohe boso, e diesdosnan? I tòg un di boso ta un diabel."

6:71 Awor E tabata kier men Judas, yu hòmber di Simon Iskariot, pasobra esaki, un di e diesdosnan, tabata bai traishon'E.

Huan 5 Huan 7