Buska den Beibel

Levitiko 24; Levitiko 25 BSNP Edita

Levitiko 24

24:1 E ora ei SEÑOR a papia ku Moisés, bisando:

24:2 "Ordená e yunan di Israel pa nan trese pa bo zeta puru di oleifi batí pa e lus, pa laga un lampi sende kontinuamente.

24:3 Pafó di e velo di testimonio den e tènt di reunion Aaron mester pèrkurá pa esaki for di atardi te mainta dilanti di SEÑOR, kontinuamente; esaki mester ta un statuto perpetuo durante di tur boso generashonnan.

24:4 E mester pèrkurá pa e lampinan riba e kandelá di oro puru dilanti di SEÑOR, kontinuamente.

24:5 "E ora ei bo mester kohe hariña fini i hòrna diesdos pan buskuchi kuné; mester tin dos désimo parti di un efa den kada pan buskuchi.

24:6 I bo mester pone nan den dos kareda, seis den kada kareda, riba e mesa di oro puru dilanti di SEÑOR.

24:7 I pone sensia puru riba kada kareda, pa e ta un porshon di konmemorashon pa e pan, un ofrenda di kandela na SEÑOR.

24:8 Tur dia di sabat e mester pèrkurá pa esaki dilanti di SEÑOR, kontinuamente; ta un aliansa etèrno pa e yunan di Israel.

24:9 I e mester ta pa Aaron ku su yu hòmbernan, i nan mester kom'é den un lugá santu; pasobra pa Aaron esaki ta algu masha santu mes di e ofrendanan di kandela di SEÑOR, su porshon pa semper."

24:10 Awor e yu hòmber di un muhé israelita, kende su tata tabata un egipsio, a sali bai entre e yunan di Israel; i e yu hòmber di e muhé israelita i un hòmber di Israel tabata bringa ku otro den e kampamentu.

24:11 I e yu hòmber di e muhé israelita tabata blasfemá e Nòmber i tabata maldishoná. Pesei nan a hib'é serka Moisés. (Awor nòmber di su mama tabata Selomit, yu muhé di Dibri, di e tribu di Dan.)

24:12 I nan a ser'é den prizon te ora ku e òrdu di SEÑOR a wòrdu hasí kla na nan.

24:13 E ora ei SEÑOR a papia ku Moisés, bisando:

24:14 "Saka esun ku a maldishoná for di e kampamentu, i tur ku a tend'é mester pone nan mannan riba su kabes; anto henter e kongregashon mester piedr'é.

24:15 I papia ku e yunan di Israel, bisando: 'Ken ku maldishoná su Dios mester karga su piká.

24:16 Ademas, esun ku blasfemá e nòmber di SEÑOR mester wòrdu matá sigur; siguramente henter e kongregashon mester piedr'é. Tantu stranhero komo yu di tera, si e blasfemá e Nòmber, e mester wòrdu matá.

24:17 'I si un hòmber kita bida di un ser humano, e mester wòrdu matá sigur.

24:18 I esun ku kita bida di un bestia mester hasi restitushon: bida pa bida.

24:19 I si un hende hasi daño na su próhimo, meskos ku el a hasi, asina mester hasi kuné tambe:

24:20 fraktura pa fraktura, wowo pa wowo, djente pa djente; meskos ku el a hasi daño na un hende, asina mester hasi kuné tambe.

24:21 Asina esun ku mata un bestia mester hasi restitushon, ma esun ku mata un hende mester wòrdu matá.

24:22 Mester tin ún lei pa boso; e mester ta tantu pa stranhero komo pa yu di tera, pasobra Ami ta SEÑOR boso Dios.'"

24:23 E ora ei Moisés a papia ku e yunan di Israel, i nan a saka esun ku a maldishoná for di e kampamentu i a piedr'é ku piedra. Asina e yunan di Israel a hasi meskos ku SEÑOR a ordená Moisés.

Levitiko 25

25:1 Anto SEÑOR a papia ku Moisés na Seru Sinaí, bisando:

25:2 "Papia ku e yunan di Israel i bisa nan: 'Ora boso bin den e tera ku Mi lo duna boso, e tera mester warda un sabat pa SEÑOR.

25:3 Seis aña bo mester sembra bo kunuku, i seis aña bo mester snui bo plantashon di wendrùif i rekohé su fruta,

25:4 ma durante di e di shete aña e tera mester tene un sabat di sosiegu, un sabat pa SEÑOR; bo no mag sembra bo kunuku ni snui bo plantashon di wendrùif.

25:5 No rekohé loke nase di su mes despues di kosecha, ni kosechá bo wendrùifnan di mata di wendrùif ku bo no a snui; e tera mester haña un aña di sosiegu.

25:6 I boso tur mester haña e kosecha di sabat di e tera pa kuminda; abo mes, bo esklabunan hòmber i muhé, bo hòmbernan kontratá i e stranhero ku ta keda biba pa un tempu serka bo.

25:7 Tambe bo bakanan i e bestianan ku ta den bo tera mag haña tur su kosecha pa kome.

25:8 'Bo mester konta tambe shete sabat di aña pa bo mes, shete bes shete aña, asina ku bo tin e periodo di e shete sabatnan di aña, esta, kuarent'i nuebe aña.

25:9 E ora ei bo mester laga un kachu di karné chubatu zona tur kaminda riba e di dies dia di e di shete luna; riba e dia di ekspiashon boso mester laga un kachu zona den henter boso tera.

25:10 Asina boso mester konsagrá e di sinkuenta aña i proklamá libertat den e tera pa tur su habitantenan. E mester ta un hubileo pa boso, i kada un di boso mester bolbe na su mes propiedat, i kada un di boso mester bolbe serka su famia.

25:11 E di sinkuenta aña mester ta un hubileo pa boso; no sembra, ni kosechá loke nase di su mes despues di kosecha, ni rekohé fruta di su matanan di wendrùif ku no ta gesnui.

25:12 Pasobra ta un hubileo e ta; e mester ta santu pa boso. Boso mag kome solamente e kosecha di e kunuku.

25:13 'Den e aña di hubileo aki kada un di boso mester bolbe na su mes propiedat.

25:14 'Ademas, si boso bende algu ku boso amigu òf kumpra algu for di djé, no probechá di otro.

25:15 Konforme e kantidat di aña despues di e hubileo bo mester kumpra for di bo amigu; e mester bende ku bo konforme e kantidat di aña di kosecha.

25:16 Segun e kantidat di aña bo mester oumentá su preis, i segun ku e kantidat di e añanan bira menos, bo mester baha su preis; pasobra ta un kantidat di kosecha e ta bende ku bo.

25:17 Pesei boso no mester probechá di otro, ma boso mester teme boso Dios, pasobra Ami ta SEÑOR boso Dios.

25:18 'Asina boso mester ehekutá Mi statutonan i warda Mi ordenansanan pa kumpli ku nan, pa boso biba trankil den e tera.

25:19 E ora ei e tera lo duna su fruta, asina ku boso por kome barika yen i biba trankil den djé.

25:20 Ma si boso bisa: "Kiko nos ta bai kome den e di shete aña, si nos no sembra ni rekohé nos kosecha?"

25:21 e ora ei lo Mi manda Mi bendishon pa boso den e di seis aña pa e duna kosecha pa tres aña.

25:22 Mientras ku boso ta sembra durante di e di ocho aña, ainda boso lo kome kosnan bieu di e kosecha; boso lo sigui kome e bieu te na e di nuebe aña ora su kosecha drenta.

25:23 'Ademas, e tera no mester keda bendí permanentemente, pasobra e tera ta di Mi; pasobra boso ta stranhero i hende ku ta keda biba pa un tempu serka Mi.

25:24 Asina pa kada pida di boso propiedat boso mester proveé pa redenshon di e tera.

25:25 'Si un paisano di bo bira asina pober ku e mester bende parti di su propiedat, e ora ei su famia di mas yegá mester bin i kumpra bèk loke su famia a bende.

25:26 Of si akaso un hòmber no tin famia, ma ta rekobrá su medionan, di tal manera ku e ta haña sufisiente pa redenshon di su propiedat,

25:27 e ora ei e mester kalkulá e añanan for di benta di e propiedat i debolbé loke a keda na e hòmber ku el a bend'é kuné, i asina bolbe na su propiedat.

25:28 Ma si e no haña sufisiente medionan pa hañ'é bèk pa su mes, e ora ei loke ku el a bende mester keda den man di e kumpradó te na e aña di hubileo; ma na e hubileo e mester wòrdu debolbí, pa e doño por bolbe na su propiedat.

H518 -- Ma si -> ‘But if
H4672 -- e no haña -> he has not found
H1767 -- sufisiente -> sufficient
H3027 -- medionan -> means
H7725 -- pa hañ'é -> to get
H7725 -- bèk -> it back
H4465 -- pa su mes, e ora ei loke -> for himself, then what
H4465 -- ku el a bende -> he has sold
H1961 -- mester keda -> shall remain
H3027 -- den man -> in the hands
H7069 -- di e kumpradó -> of its purchaser
H8141 -- te na e aña -> the year
H3104 -- di hubileo -> of jubilee
H3104 -- ; ma na e hubileo -> but at the jubilee
H3318 -- e mester wòrdu debolbí -> it shall revert
H7725 -- , pa e doño por bolbe -> that he may return
H5704 -- te na -> until
H272 -- na su propiedat -> to his property

25:29 'Di e mesun manera, si un hòmber bende un kas pa biba aden den un stat ku tin muraya rònt di djé, e ora ei su derecho di redenshon ta dura pa henter un aña despues di a bend'é; su derecho di redenshon ta keda pa henter un aña.

H3588 -- 'Di e mesun manera, si -> ‘Likewise, if
H4376 -- bende -> sells
H376 -- un hòmber -> a man
H4186 -- un kas pa biba aden -> a dwelling
H1004 -- kas -> house
H2346 -- den un stat ku tin muraya rònt di djé -> in a walled
H5892b -- stat -> city
H1353 -- , e ora ei su derecho di redenshon -> then his redemption
H1353 -- derecho -> right
H5704 -- pa -> valid until
H1961 -- ta dura -> remains
H8552 -- henter un -> a full
H8141 -- aña -> year
H4465 -- despues di a bend'é -> from its sale
H1353 -- ; su derecho -> his right
H1353 -- di redenshon -> of redemption
H1961 -- ta keda -> lasts
H3117 -- pa henter un -> a full
H3117 -- aña -> year

25:30 Ma si e no wòrdu kumprá bèk p'é denter di término di henter un aña, e ora ei e kas den e stat ku tin muraya rònt di djé ta pasa permanentemente ofer pa esun ku a kumpr'é, durante di tur su generashonnan; e no mag wòrdu debolbí den e hubileo.

25:31 Sinembargo, e kasnan di e pueblitonan ku no tin muraya rònt di nan mester wòrdu konsiderá komo kunukunan habrí; nan tin derechonan di redenshon, i mester wòrdu debolbí den e hubileo.

25:32 'Pa loke ta e statnan di e levitanan, e levitanan tin un derecho permanente di redenshon pa e kasnan di e statnan ku ta nan propiedat.

25:33 Pesei, loke ta pertenesé na e levitanan por wòrdu redimí, i un kas bendí den e stat di e propiedat aki mester wòrdu debolbí den e aña di hubileo, pasobra e kasnan den e statnan di e levitanan ta nan propiedat meimei di e yunan di Israel.

H834 -- Pesei, loke -> ‘What
H4480 -- ta pertenesé -> therefore, belongs
H3881 -- na e levitanan -> to the Levites
H1350 -- por wòrdu redimí -> may be redeemed
H1004 -- , i un kas -> and a house
H4465 -- bendí -> sale
H5892b -- den e stat -> in the city
H272 -- di e propiedat aki -> of this possession
H3318 -- mester wòrdu debolbí -> reverts
H3104 -- den e aña di hubileo -> in the jubilee
H1004 -- , pasobra e kasnan -> for the houses
H5892b -- den e statnan -> of the cities
H3881 -- di e levitanan -> of the Levites
H272 -- ta nan propiedat -> are their possession
H1121 -- meimei di e yunan -> the sons
H3478 -- di Israel -> of Israel
H8432 -- meimei -> among

25:34 Ma e lugánan di yerba bèrdè di nan statnan no mester wòrdu bendí, pasobra esei ta nan propiedat perpetuo.

25:35 'Awor si akaso un paisano di bo bira pober i no por kumpli ku su obligashonnan pa ku bo, e ora ei bo mester sosten'é manera bo ta sostené un stranhero òf un hende ku ta keda biba pa un tempu serka bo, pa e keda biba serka bo.

25:36 No tuma ningun sorto di interes for di djé, ma teme bo Dios, pa bo paisano keda na bida serka bo.

25:37 No dun'é bo plaka ku interes, ni bo kuminda pa ganashi.

25:38 Ami ta SEÑOR boso Dios, Kende a saka boso for di tera di Egipto pa duna boso tera di Kanaan i pa ta boso Dios.

25:39 'I si un paisano di bo bira asina pober serka bo ku e ta bende su mes ku bo, no pon'é sirbi komo esklabu.

25:40 E mester ta serka bo komo un hòmber kontratá, komo si fuera e tabata un hende ku ta keda biba pa un tempu serka bo; e mester sirbibo te na e aña di hubileo.

25:41 E ora ei e mester bai for di bo, é ku su yu hòmbernan huntu kuné, i bolbe serka su famia, pa e bolbe na e propiedat di su tatanan.

25:42 Pasobra nan ta Mi sirbidónan ku Mi a saka for di tera di Egipto; nan no mag wòrdu bendí komo esklabu.

25:43 No goberná riba djé ku severidat, ma teme bo Dios.

25:44 'Pa loke ta bo esklabunan hòmber i muhé ku bo tin--bo mag buska esklabunan hòmber i muhé for di e nashonnan pagano ku ta keda rònt di boso.

25:45 Tambe di e yunan di esnan ku ta keda biba pa un tempu komo stranhero meimei di boso, ta for di nan boso mag kumpra nan, i for di nan famianan ku ta serka boso, ku nan lo a engendrá den boso tera; nan tambe por bira boso propiedat.

25:46 Boso por duna nan komo erensia na boso yu hòmbernan despues di boso, pa risibí nan komo propiedat; boso por uza nan komo esklabu permanente. Ma enkuanto boso paisanonan, e yunan di Israel, boso no mester goberná riba otro ku severidat.

25:47 'Awor si un stranhero òf un hende ku ta keda biba pa un tempu serka bo, bira riku, i un paisano di bo bira pober i ta bende su mes ku e stranhero ku ta keda biba pa un tempu serka bo, òf ku e desendientenan di famia di un stranhero,

H3588 -- 'Awor si -> ‘Now if
H3027 -- un stranhero òf un hende -> the means
H1616 -- un stranhero òf un hende -> of a stranger
H8453 -- ku ta keda biba pa un tempu -> or of a sojourner
H5381 -- serka bo, bira -> with you becomes
H5381 -- riku -> sufficient
H251 -- , i un paisano -> and a countryman
H4134 -- di bo bira -> of yours becomes
H4134 -- pober -> so poor
H5973 -- i ta bende su mes -> with regard
H4376 -- i ta bende su mes -> to him as to sell
H1616 -- ku e stranhero -> himself to a stranger
H8453 -- ku ta keda biba pa un tempu -> who is sojourning
H176 -- serka bo, òf -> with you, or
H6133 -- ku e desendientenan -> to the descendants
H1616 -- di famia di un stranhero -> of a stranger’s
H4940 -- di famia di un stranhero -> family

25:48 e ora ei e ta keda ku e derecho di redenshon despues ku el a wòrdu bendí. Un di su ruman hòmbernan por redimié,

25:49 òf su tio, òf yu hòmber di su tio por redimié, òf un di su famianan yegá por redimié; òf si e prosperá, e mes por redimí su mes.

25:50 E ora ei é, huntu ku esun ku a kumpr'é, mester hasi un kalkulashon for di e aña ku el a bende su mes kuné te na e aña di hubileo; i e preis di su benta mester ta konforme e kantidat di aña. Manera e dianan di un hòmber kontratá e mester ta serka djé.

25:51 Si ainda ta keda hopi aña, e ora ei e mester debolbé parti di e plaka ku nan a kumpr'é kuné, konforme e añanan pa su mes redenshon;

25:52 i si keda poko aña te na e aña di hubileo, e ora ei e mester hasi un kalkulashon huntu kuné. Konforme su añanan e mester debolbé e preis di su redenshon.

25:53 Mester trat'é manera un hòmber kontratá di aña pa aña; mira pa su doño no goberná ku severidat riba djé.

25:54 'I maske e no wòrdu redimí durante di e añanan aki, tòg e mester sali den e aña di hubileo, é ku su yu hòmbernan huntu kuné.

25:55 Pasobra e yunan di Israel ta Mi sirbidónan; nan ta Mi sirbidónan ku Mi a saka for di tera di Egipto. Ami ta SEÑOR boso Dios.