Buska den Beibel

Deuteronomio 17; Deuteronomio 18; Deuteronomio 19; Deuteronomio 20 BSNP Edita

Deuteronomio 17

17:1 "No ofresé un buey òf karné ku tin mancha òf kualke defekto komo sakrifisio na SEÑOR bo Dios, pasobra esei ta un abominashon na SEÑOR bo Dios.

17:2 "Si wòrdu hañá meimei di boso, den kualke di bo statnan ku SEÑOR bo Dios ta dunabo, un hòmber òf un muhé ku ta hasi loke ta malu den bista di SEÑOR bo Dios, dor di kibra Su aliansa,

17:3 i ku a bai sirbi otro diosnan i a adorá nan, òf solo, òf luna, òf loke sea di e ehérsito di shelu, loke Mi no a ordená,

17:4 i si bo a wòrdu avisá di esaki i bo a tende di djé, e ora ei bo mester hasi un investigashon profundo. I mira, si ta bèrdat i ta sigur ku e abominashon aki a wòrdu hasí den Israel,

17:5 e ora ei bo mester hiba e hòmber òf muhé ei, ku a hasi e kos malu aki, na bo portanan di stat, esta, e hòmber òf e muhé, i piedra e persona ei te ora ku e muri.

17:6 Riba testimonio di dos testigu òf tres testigu esun ku tin ku muri mester wòrdu matá; e no mester wòrdu matá riba testimonio di ún testigu so.

17:7 Man di e testigunan mester lanta promé kontra djé pa mat'é i despues man di henter e pueblo. Asina lo bo kita e maldat for di meimei di bo.

17:8 "Si un kaso ta muchu difisil pa bo disidí, entre un klase di matamentu i otro, entre un klase di derecho legal i otro, i entre un klase di asalto i otro, asuntonan di diskushon den bo korte di hustisia, e ora ei bo mester lanta bai na e lugá ku SEÑOR bo Dios skohe.

17:9 Bai serka e saserdote levita òf e hues ku t'ei den e dianan ei, i konsultá ku nan i nan lo deklarábo e veredikto di e kaso.

17:10 I bo mester hasi segun e palabranan di e veredikto ku nan ta deklará na bo for di e lugá ei ku SEÑOR skohe; i pèrkurá di hasi segun tur loke nan siñabo.

17:11 Segun e palabranan di e lei ku nan ta siñabo i segun e veredikto ku nan ta partisipá na bo, bo mester hasi; no apartá bo mes for di e palabra ku nan ta deklará na bo, ni na man drechi ni na man robes.

17:12 I e hòmber ku ta aktua ku tribilidat dor di no skucha e saserdote ku ta para einan pa sirbi SEÑOR bo Dios, dor di no skucha e hues, e hòmber ei mester muri; asina bo mester kita e maldat for di Israel.

17:13 E ora ei henter e pueblo lo tende i tene miedu, i lo no aktua ku tribilidat mas.

17:14 "Ora bo drenta e tera ku SEÑOR bo Dios ta dunabo, i bo poderá di djé i biba den djé, i bo bisa: 'Lo mi pone un rei riba mi, manera tur e nashonnan ku tin rònt di mi,'

17:15 e ora ei siguramente bo mester pone un rei riba bo ku SEÑOR bo Dios skohe, un persona for di meimei di bo paisanonan bo mester pone komo rei riba bo. No pone un stranhero riba bo ku no ta bo paisano.

17:16 Ademas, e rei no mester multipliká kabai pa su mes, ni hasi e pueblo bolbe Egipto pa multipliká kabai, komo ku SEÑOR a bisabo: 'No bolbe pa e kaminda ei nunka mas.'

17:17 Ni e no mester tuma hopi esposa pa su mes, pa su kurason no desviá; ni e no mester montoná plata ni oro na abundansia pa su mes.

17:18 "Awor lo sosodé ku ora e sinta riba trono di su reino, e mester skirbi pa su mes un kopia di e lei aki riba un ròl den presensia di e saserdotenan levita.

17:19 I e mester tin esaki huntu kuné i mester les'é tur e dianan di su bida, pa e siña teme SEÑOR su Dios, dor di pèrkurá di kumpli ku tur e palabranan di e lei i di e statutonan aki,

17:20 pa su kurason no wòrdu halsá riba su paisanonan i pa e no bira bai for di e mandamentu, ni na man drechi ni na man robes; pa é ku su yu hòmbernan sigui biba pa hopi tempu den su reino meimei di Israel.

Deuteronomio 18

18:1 "E saserdotenan levita, henter e tribu di Leví, no mester tin parti ni erensia huntu ku Israel; nan lo kome di e ofrendanan di kandela na SEÑOR i di Su erensia.

18:2 I nan no mester tin erensia entre nan paisanonan; SEÑOR ta nan erensia, manera El a primintí nan.

18:3 "Awor esaki lo ta e derecho di e saserdotenan di parti di e pueblo, di parti di esnan ku ta ofresé sakrifisio, sea un buey òf un karné, di kual nan lo duna e saserdote e skouder, e dos bandanan di kara i e stoma.

18:4 Bo mester dun'é e promé frutanan di bo mainshi, bo biña nobo, bo zeta i e promé pelamentu di bo karnénan.

18:5 Pasobra SEÑOR bo Dios a skohe é ku su yu hòmbernan for di tur bo tribunan, pa para i pa sirbi den nòmber di SEÑOR pa semper.

18:6 "Awor si un levita sali for di un di bo statnan den henter Israel kaminda e ta biba, i segun e deseo di su kurason e bin na e lugá ku SEÑOR skohe,

18:7 e ora ei e por sirbi den nòmber di SEÑOR su Dios, manera tur su rumannan, e levitanan ku ta para ayanan dilanti di SEÑOR.

18:8 Nan mester kome porshonnan igual, ademas di loke nan ta risibí for di benta di propiedat di nan tatanan.

18:9 "Ora bo drenta e tera ku SEÑOR bo Dios ta dunabo, no siña imitá e abominashonnan di e nashonnan ei.

18:10 Entre boso no mag wòrdu hañá ningun hende ku ta hasi su yu hòmber òf su yu muhé pasa dor di kandela, ni ningun hende ku ta praktiká adivinashon òf ku ta praktiká bruheria, òf ku ta pronostiká, òf ku ta praktiká magia,

18:11 ni ningun hende ku ta plega hende, òf ku ta montadó òf spiritista, òf ku ta konsultá ku e mortonan.

18:12 Pasobra ken ku hasi e kosnan aki ta un abominashon na SEÑOR; i pa motibu di e abominashonnan aki SEÑOR bo Dios lo kore ku nan for di bo dilanti.

18:13 Bo mester ta perfekto dilanti di SEÑOR bo Dios.

18:14 "Pasobra e nashonnan ei, ku bo mester kore kuné for di bo dilanti, ta skucha na esnan ku ta praktiká bruheria i adivinadónan, ma abo, SEÑOR bo Dios no a pèrmitíbo hasi asina.

18:15 SEÑOR bo Dios lo lanta pa bo un profeta manera ami for di meimei di bo, for di bo paisanonan; boso mester skucha na djé.

18:16 Esaki ta segun tur loke bo a pidi di SEÑOR bo Dios na Horèb riba e dia di asamblea, bisando: 'No lagami tende e bos di SEÑOR mi Dios mas, ni lagami mira e kandela grandi aki mas, pa mi no muri.'

H2088 -- Esaki -> this
H3605 -- Esaki ta segun tur -> This is according to all
H7592 -- loke bo a pidi -> that you asked
H430 -- bo Dios -> your God
H2722 -- na Horèb -> in Horeb
H3117 -- riba e dia -> on the day
H6951 -- di asamblea -> of the assembly
H8085 -- , bisando: 'No lagami tende -> ‘Let me not hear
H559 -- bisando -> saying
H3254 -- mas -> again
H6963 -- e bos -> the voice
H430 -- mi Dios -> my God
H7200 -- ni lagami mira -> let me not see
H1419 -- grandi -> great
H784 -- kandela -> fire
H5750 -- aki mas -> anymore
H3808 -- , pa -> or
H4191 -- mi no muri -> I will die

18:17 "I SEÑOR a bisami: 'Loke nan a papia ta bon.

18:18 Lo Mi lanta un profeta manera abo for di meimei di nan paisanonan, i lo Mi pone Mi palabranan den su boka, i e lo papia ku nan tur loke Mi orden'é.

18:19 I lo sosodé ku ken ku no skucha Mi palabranan ku e lo papia den Mi nòmber, Ami mes lo pidié kuenta di esaki.

18:20 Ma e profeta ku ta tribi papia un palabra den Mi nòmber ku Mi no a orden'é papia, òf ku e ta papia den nòmber di otro diosnan, e profeta ei mester muri.'

18:21 "I si bo bisa den bo kurason: 'Kon nos lo konosé e palabra ku SEÑOR no a papia?'

18:22 si un profeta papia den nòmber di SEÑOR i e kos no sosodé ni bira realidat, esei ta loke SEÑOR no a papia. E profeta a papia esaki ku tribilidat; no tene miedu di djé.

Deuteronomio 19

19:1 "Ora SEÑOR bo Dios kaba ku e nashonnan, kende nan tera SEÑOR bo Dios ta dunabo, i bo kore ku nan i bai biba den nan statnan i den nan kasnan,

19:2 e ora ei apartá tres stat pa bo mes meimei di e tera ku SEÑOR bo Dios ta dunabo pa bo poderá di djé.

19:3 Prepará e kamindanan pa bo mes, i parti na tres pida e teritorio di bo tera ku SEÑOR bo Dios lo dunabo komo erensia, pa tur matadó por hui bai ayanan.

19:4 "Awor esaki ta e kaso di e matadó ku por hui bai ayanan i keda na bida: ora ku e mata su amigu no intenshonalmente, sin ku e tabatin odio kontra djé den pasado--

19:5 manera ora un hòmber bai den mondi ku su amigu pa kap palu, i e zwai e hacha ku su man pa kap e palu, i e kabes di heru kita for di e kabu i dal su amigu, asina ku e ta muri--e por hui bai na un di e statnan aki i keda na bida;

19:6 pa e vengadó di sanger, den e kayente di su rabia, no pèrsiguí e matadó i alkans'é, pasobra e kaminda ta largu, i mat'é, maske e no tabata meresé morto, komo ku e no tabatin odio kontra djé den pasado.

19:7 Pesei mi ta ordenábo, bisando: 'Lo bo apartá tres stat pa bo mes.'

19:8 "I si SEÑOR bo Dios hasi bo teritorio mas grandi, manera El a hura na bo tatanan, i dunabo henter e tera ku El a primintí di duna bo tatanan--

19:9 si bo pèrkurá di kumpli ku henter e mandamentu aki ku mi ta ordenábo awe, pa stima SEÑOR bo Dios i pa kana den Su kamindanan semper--e ora ei bo mester añadí tres stat mas pa bo mes na e tresnan aki.

19:10 Asina sanger inosente lo no wòrdu dramá meimei di e tera ku SEÑOR bo Dios ta dunabo komo erensia, i kulpa di sanger keda riba bo.

19:11 "Ma si tin un hende ku ta odia su próhimo i ta skonde ward'é, i ta lanta kontra djé i ta dal é asina ku e ta muri, i e hui bai na un di e statnan aki,

19:12 e ora ei e ansianonan di su stat mester manda busk'é, sak'é for di einan i entregu'é den man di e vengadó di sanger, pa e muri.

19:13 No tene duele di djé, ma bo mester kita sanger di e inosente for di Israel, pa bai bon ku bo.

19:14 "No kita e markanan di propiedat di bo próhimo, ku e antepasadonan a pone den bo erensia ku bo ta bai eredá na e tera ku SEÑOR bo Dios ta dunabo, pa bo poderá di djé.

19:15 "Un solo testigu no mester lanta kontra un hende pa motibu di kualke inikidat òf kualke piká ku el a kometé; riba testimonio di dos òf tres testigu un kaso ta keda konfirmá.

19:16 "Si un testigu falsu lanta kontra un hende pa akus'é di mal echo,

19:17 e ora ei tur dos hòmber ku tin e pleitu mester para dilanti di SEÑOR, dilanti di e saserdotenan i e huesnan ku lo ta einan den e dianan ei.

19:18 I e huesnan mester hasi un investigashon profundo; i si e testigu ta un testigu falsu i el a akusá su ruman falsamente,

19:19 e ora ei boso mester hasi kuné meskos ku e tabatin intenshon di hasi ku su ruman. Asina bo mester kita e maldat for di meimei di boso.

19:20 I esnan ku keda lo tende i tene miedu, i nunka mas lo hasi un maldat asina meimei di boso.

19:21 Pesei, no tene duele: bida pa bida, wowo pa wowo, djente pa djente, man pa man, pia pa pia.

Deuteronomio 20

20:1 "Ora bo sali pa bringa kontra bo enemigunan i bo mira kabai i garoshi i un pueblo mas numeroso ku bo, no tene miedu di nan, pasobra SEÑOR bo Dios, Kende a sakabo for di tera di Egipto, ta ku bo.

20:2 Awor lo sosodé ku ora boso ta serka di drenta bataya, e saserdote lo yega serka i papia ku e pueblo.

20:3 I e lo bisa nan: 'Tende, O Israel, awe boso ta serka di drenta bataya kontra boso enemigunan. No laga boso kurason desmayá. No tene miedu ni pèrdè kabes, ni tembla nan dilanti,

20:4 pasobra SEÑOR boso Dios ta Esun ku ta bai ku boso, pa bringa pa boso kontra boso enemigunan, pa salba boso.'

20:5 "E ofisialnan tambe lo papia ku e pueblo, bisando: 'Ken a traha un kas nobo, ma ainda no a dedik'é? Lagu'é sali bai su kas bèk, pa e no muri den bataya i un otro hòmber dedik'é.

H7860 -- "E ofisialnan -> The officers
H1696 -- tambe lo papia -> also shall speak
H5971a -- ku e pueblo -> to the people
H4310 -- , bisando: 'Ken -> ‘Who
H376 -- a traha -> is the man
H1129 -- a traha -> that has built
H2319 -- un kas nobo -> a new
H1004 -- un kas nobo -> house
H2596 -- , ma ainda no a dedik'é -> and has not dedicated
H1980 -- ? Lagu'é sali bai -> it? Let him depart
H559 -- bisando -> saying
H7725 -- bai -> and return
H1004 -- su kas bèk -> to his house
H6435 -- , pa e no -> otherwise
H4191 -- muri -> he might die
H4421 -- den bataya -> in the battle
H312 -- i un otro -> and another
H376 -- hòmber -> man
H2596 -- dedik'é -> would dedicate

20:6 I ken a planta un kunuku di wendrùif, ma ainda no a disfrutá di djé? Lagu'é sali bai su kas bèk, pa e no muri den bataya i un otro hòmber disfrutá di djé.

H4310 -- I ken -> ‘Who
H376 -- a planta -> is the man
H5193 -- a planta -> that has planted
H3754 -- un kunuku di wendrùif -> a vineyard
H2490c -- , ma ainda no a disfrutá -> and has not begun
H2490c -- di djé -> to use
H2490c -- di djé -> its fruit
H1980 -- ? Lagu'é sali bai -> ? Let him depart
H7725 -- bai -> and return
H1004 -- su kas bèk -> to his house
H6435 -- , pa e no -> otherwise
H4191 -- muri -> he might die
H4421 -- den bataya -> in the battle
H312 -- i un otro -> and another
H376 -- hòmber -> man
H2490c -- disfrutá -> would begin
H2490c -- di djé -> to use
H2490c -- di djé -> its fruit

20:7 I ken a komprometé su mes ku un muhé, ma ainda no a kasa kuné? Lagu'é sali bai su kas bèk, pa e no muri den bataya i un otro hòmber kasa kuné.'

20:8 E ora ei e ofisialnan lo sigui papia ku e pueblo i nan lo bisa: 'Ken tin miedu i tin kurason desmayá? Lagu'é sali bai su kas bèk, pa e no hasi kurason di su rumannan dirti manera su mes kurason.'

20:9 I lo sosodé ku ora e ofisialnan kaba di papia ku e pueblo, nan lo nombra komandantenan di ehérsitonan na kabes di e pueblo.

20:10 "Ora bo aserká un stat pa bringa kontra djé, ofres'é pas.

20:11 I lo sosodé ku si e bai di akuèrdo pa hasi pas ku bo i habri porta pa bo, e ora ei lo t'asina ku henter e pueblo ku tin den djé lo hasi trabou fòrsá pa bo i lo sirbibo.

20:12 Ma si e no hasi pas ku bo, ma ta hasi guera ku bo, e ora ei bo mester rondon'é.

20:13 Ora SEÑOR bo Dios entregu'é den bo man, mata tur hòmber den djé ku filo di spada.

20:14 Solamente e muhénan, muchanan i bestianan, i tur loke tin den e stat, henter e botín, bo mag kohe pa bo mes; anto bo mag hasi uzo di e botín di bo enemigunan ku SEÑOR bo Dios a entregá na bo.

20:15 Asina bo mester hasi ku tur e statnan ku ta keda masha leu for di bo, ku no ta pertenesé na e statnan di e nashonnan aki serka.

20:16 "Solamente den e statnan di e pueblonan aki, ku SEÑOR bo Dios ta dunabo komo erensia, bo no mester laga nada ku ta hala rosea keda na bida.

20:17 Ma bo mester destruí nan kompletamente: e heteo, e amoreo, e kananeo, e ferezeo, e heveo i e jebuseo, manera SEÑOR bo Dios a ordenábo,

20:18 pa nan no siña boso hasi segun tur nan abominashonnan ku nan a hasi pa nan diosnan, i boso peka kontra SEÑOR boso Dios.

20:19 "Ora bo rondoná un stat pa un tempu largu, pa bringa kontra djé pa kaptur'é, no destruí su palunan dor di zwai hacha kontra nan; pasobra bo mag kome di nan, ma bo no mag kap nan. Pasobra ta hende e palu di kunuku ta anto, ku bo mester rondon'é?

H6696a -- "Ora bo rondoná -> When you besiege
H3588 -- Ora -> when
H5892b -- un stat -> a city
H7227a -- pa un tempu largu, -> a long
H3117 -- pa un tempu largu, -> time
H3898a -- pa bringa -> to make
H3898a -- pa bringa -> war
H5921 -- kontra -> against
H8610 -- djé pa kaptur'é, -> it in order to capture
H7843 -- no destruí -> it, you shall not destroy
H6086 -- su palunan -> its trees
H5080 -- dor di zwai -> by swinging
H1631 -- hacha -> an axe
H5921 -- kontra -> against
H398 -- nan; pasobra bo mag kome -> them; for you may eat
H3772 -- di nan, ma bo no mag kap -> from them, and you shall not cut
H3772 -- nan. -> them down
H6086 -- Pasobra ta hende e palu -> . For is the tree
H7704 -- di kunuku -> of the field
H120 -- ta anto, -> a man
H4692 -- ku bo mester rondon'é? -> that it should be besieged

20:20 Solamente e palunan ku bo sa ku nan no ta palu di fruta, eseinan bo mag destruí i kap pa bo konstruí baluarte pa ataká e stat ku ta bringa kontra bo, te ora ku esaki kai.