Buska den Beibel

Deuteronomio 11; Deuteronomio 12; Deuteronomio 13 BSNP Edita

Deuteronomio 11

11:1 "Pesei, stima SEÑOR bo Dios i semper kumpli ku Su enkargo, Su statutonan, Su ordenansanan i Su mandamentunan.

11:2 I komprendé awe ku mi no ta papia ku boso yunan ku no a konosé ni a mira e disiplina di SEÑOR boso Dios, Su grandesa, Su man poderoso i Su brasa ekstendí,

11:3 i Su señalnan i Su obranan ku El a hasi meimei di Egipto ku Farao, rei di Egipto, i ku henter su tera;

11:4 i loke El a hasi ku e ehérsito di Egipto, ku su kabainan i su garoshinan, dia ku El a hasi e awa di Laman Kòrá pasa riba nan, ora nan tabata pèrsiguí boso, i kon SEÑOR a destruí nan kompletamente;

11:5 i loke El a hasi ku boso den desierto te ora boso a yega na e lugá aki;

11:6 i loke El a hasi ku Datan i Abiram, e yu hòmbernan di Eliab, yu hòmber di Ruben, ora tera a habri su boka traga nan, nan famianan, nan tèntnan i tur ser bibu ku tabata sigui nan, meimei di henter Israel--

H834 -- i loke -> and what
H6213a -- El a hasi -> He did
H1885 -- ku Datan -> to Dathan
H48 -- i Abiram -> and Abiram
H1121 -- , e yu hòmbernan -> the sons
H446 -- di Eliab -> of Eliab
H1121 -- , yu hòmber -> the son
H7205 -- di Ruben -> of Reuben
H776 -- , ora tera -> when the earth
H6475 -- a habri -> opened
H6310 -- su boka -> its mouth
H1104 -- traga -> and swallowed
H1004 -- nan, nan famianan -> them, their households
H168 -- , nan tèntnan -> their tents
H3351 -- i tur ser -> living
H3351 -- bibu -> thing
H7272 -- ku tabata sigui -> that followed
H7130 -- nan, meimei di -> them, among
H3478 -- henter Israel -> Israel
H3605 -- i tur -> and every
H3605 -- tur -> all

11:7 ma boso mes wowo a mira henter e gran obra di SEÑOR ku El a hasi.

11:8 "Pesei, warda tur mandamentu ku mi ta ordená boso awe, pa boso ta fuerte, i pa boso drenta i poderá di e tera ku boso ta bai krusa pa poderá di djé;

11:9 pa boso prolongá boso dianan riba e tera ku SEÑOR a hura na boso tatanan di duna nan i nan desendientenan, un tera ku tin lechi i miel na abundansia.

11:10 Pasobra e tera ku bo ta bai drenta pa poderá di djé no ta manera tera di Egipto for di kual boso a bin, kaminda bo tabata sembra bo simia i muh'é ku bo pia manera ta muha un hòfi di bèrdura.

11:11 Ma e tera ku boso ta bai krusa pa poderá di djé, un tera di seru i vaye, ta bebe awa di yobida di shelu,

11:12 un tera ku SEÑOR bo Dios ta pèrkurá p'é; semper wowo di SEÑOR bo Dios ta riba djé, for di prinsipio di aña te na fin.

11:13 "I lo sosodé ku si boso obedesé kuidadosamente mi mandamentunan ku mi ta ordená boso awe, pa stima SEÑOR boso Dios i pa sirbiE ku henter boso kurason i henter boso alma,

11:14 E lo duna awaseru pa boso tera na su tempu, e awaseru tempran i e awaseru lat, pa bo por rekohé bo trigo, bo biña nobo i bo zeta.

11:15 I E lo duna yerba den bo kunukunan pa bo bestianan, i lo bo kome i keda satisfecho.

11:16 "Tene kuidou pa boso kurason no wòrdu gañá i boso bira bai i sirbi otro diosnan i adorá nan.

11:17 Sino e rabia di SEÑOR lo sende kontra boso, i E lo sera e shelunan, asina ku lo no tin awaseru, ni tera lo no duna su fruta; i boso lo peresé mesora for di e bon tera ku SEÑOR ta duna boso.

11:18 Pesei, pone e palabranan aki di mi den boso kurason i den boso alma; i mara nan komo un señal na boso man, i nan lo ta manera banchi na boso frenta.

11:19 Siña boso yunan e palabranan aki, i papia di nan ora bo ta sinta den bo kas, ora bo ta kana riba kaminda, ora bo ta bai drumi i ora bo ta lanta.

11:20 I skirbi nan riba e koseinnan-di-porta di bo kas i riba bo portanan di kurá,

11:21 pa boso dianan i e dianan di boso yu hòmbernan lo ta multipliká riba e tera ku SEÑOR a hura na boso tatanan di duna nan, tanten ku e shelunan ta keda ariba di tera.

11:22 "Pasobra si boso pèrkurá di warda henter e mandamentu aki ku Mi ta ordená boso pa boso kumpli kuné, pa stima SEÑOR boso Dios, pa kana den tur Su kamindanan i tene duru na djE,

11:23 e ora ei SEÑOR lo kore ku tur e nashonnan aki for di boso dilanti, i boso lo kore ku nashonnan mas grandi i mas poderoso ku boso.

11:24 Tur lugá ku boso plant'i pia trapa lo ta di boso; boso frontera lo ta for di e desierto te na Líbano i for di e riu, Riu Eufrates, te na e Laman di Pabou.

11:25 Ningun hende lo no por para boso dilanti; SEÑOR boso Dios lo pone miedu i temor pa boso riba henter e tera ku boso pone boso pia ariba, manera El a bisa boso.

11:26 "Mira, mi ta pone awe boso dilanti un bendishon i un maldishon:

11:27 e bendishon, si boso skucha e mandamentunan di SEÑOR boso Dios, ku mi ta ordená boso awe;

11:28 i e maldishon, si boso no skucha e mandamentunan di SEÑOR boso Dios, ma ta bira bai for di e kaminda ku mi ta ordená boso awe, dor di sigui otro diosnan ku boso no a konosé.

11:29 I lo sosodé ku ora SEÑOR bo Dios tresebo den e tera ku bo ta bai drenta pa poderá di djé, bo mester pone e bendishon riba Seru Gerizim i e maldishon riba Seru Ebal.

11:30 No ta na e otro banda di Jordan, pabou di e kaminda den direkshon di kaminda solo ta baha, na tera di e kananeonan ku ta biba na Arabá, dilanti di Gilgal, banda di e palunan di eik di More, nan ta keda?

11:31 Pasobra boso ta na punto di krusa Jordan pa drenta i poderá di e tera ku SEÑOR boso Dios ta duna boso, i boso mester poderá di djé i biba den djé,

11:32 i boso mester pèrkurá di kumpli ku tur e statutonan i huisionan ku mi ta pone boso dilanti awe.

Deuteronomio 12

12:1 "Esakinan ta e statutonan i e huisionan ku boso mester pèrkurá di kumpli ku nan na e tera ku SEÑOR, e Dios di bo tatanan, a dunabo pa bo poderá di djé tanten ku boso ta biba riba tera.

12:2 Boso mester destruí henteramente tur e lugánan kaminda e nashonnan, ku boso mester kore ku nan, ta sirbi nan diosnan, riba e montañanan haltu, riba e serunan i bou di tur palu bèrdè.

12:3 I boso mester basha nan altarnan abou, kibra nan pilarnan sagrado na pida-pida i kima nan imagennan di Asera ku kandela; i boso mester kap e imagennan grabá di nan diosnan bash'abou, i kita nan nòmber kompletamente for di e lugá ei.

12:4 Boso no mester aktua na e manera aki pa ku SEÑOR boso Dios.

12:5 Ma boso mester buska SEÑOR na e lugá ku SEÑOR boso Dios lo skohe for di tur boso tribunan, pa stablesé Su nòmber ayanan komo Su lugá di biba, i ayanan boso mester bai.

12:6 I ayanan boso mester hiba boso ofrendanan kimá, boso sakrifisionan, boso diesmonan, e ofrendanan di halsamentu, boso ofrendanan di promesa, boso ofrendanan boluntario i e primogénitonan di boso kria di baka i di boso tou di bestia chikitu.

12:7 Ayanan tambe boso i e hendenan di boso kas mester kome dilanti di SEÑOR boso Dios, i regosihá den tur obra di boso man, ku SEÑOR bo Dios a bendishonábo kuné.

12:8 "Di ningun manera boso no mester hasi loke nos ta hasi aki awe: tur hende ta hasi loke ta korekto den su mes bista.

12:9 Pasobra te ainda boso no a yega na e lugá di sosiegu i e erensia ku SEÑOR boso Dios ta duna boso.

12:10 Ora boso krusa Jordan i ta biba den e tera ku SEÑOR boso Dios ta duna boso pa eredá, i E duna boso sosiegu for di tur boso enemigunan rònt di boso, asina ku boso ta biba den siguridat,

12:11 e ora ei lo sosodé ku na e lugá ku SEÑOR boso Dios lo skohe pa Su nòmber keda, ayanan boso mester trese tur loke mi ordená boso: boso ofrendanan kimá, boso sakrifisionan, boso diesmonan, e ofrenda di halsamentu i tur boso ofrendanan di promesa di mas mihó, ku boso mester hura na SEÑOR.

12:12 I regosihá dilanti di SEÑOR boso Dios, boso i boso yu hòmbernan i yu muhénan, boso sirbidónan hòmber i sirbidónan muhé i e levita ku ta biba paden di boso portanan di stat, komo ku e no tin parti ni erensia ku boso.

12:13 Pèrkurá pa bo no ofresé bo ofrendanan kimá na kualke lugá ku bo mira,

12:14 sino na e lugá ku SEÑOR skohe den un di bo tribunan, ayanan bo mester ofresé bo ofrendanan kimá, i ayanan bo mester hasi tur loke mi ordenábo.

12:15 "Sinembargo, bo por mata i kome karni paden di tur bo portanan di stat, tur loke bo kurason ta deseá, segun e bendishon di SEÑOR bo Dios ku El a dunabo; tantu e hende impuru komo esun limpi por kome di djé, manera ta kome gasèl òf biná.

12:16 Solamente, boso no mag kome e sanger; boso mester bash'é riba tera manera awa.

12:17 Paden di bo portanan di stat bo no mag kome e diesmo di bo mainshi, ni biña nobo ni zeta, ni e primogénitonan di bo kria di baka ni di bo tou di bestia chikitu, ni ningun di bo ofrendanan di promesa ku bo ta primintí, ni bo ofrendanan boluntario, ni bo ofrenda di halsamentu.

12:18 Ma bo mester kome nan dilanti di SEÑOR bo Dios na e lugá ku SEÑOR bo Dios lo skohe, abo ku bo yu hòmber i yu muhé, bo sirbidónan hòmber i sirbidónan muhé, i e levita ku ta biba paden di bo portanan di stat; i bo mester regosihá dilanti di SEÑOR bo Dios den tur obra di bo man.

12:19 Pèrkurá pa bo no bandoná e levita tanten ku bo ta biba na bo tera.

12:20 "Ora SEÑOR bo Dios ekstendé bo frontera manera El a primintíbo, i bo bisa: 'Mi kier kome karni,' pasobra bo tin deseo di kome karni, e ora ei bo mag kome karni, manera bo kurason ta deseá.

12:21 Si e lugá ku SEÑOR bo Dios skohe pa pone Su nòmber ta muchu leu for di bo, e ora ei bo por mata di bo kria di baka i di bo tou di bestia chikitu ku SEÑOR a dunabo, manera mi a ordenábo; i bo por kome paden di bo portanan di stat tur loke bo kurason ta deseá.

12:22 Manera ta kome gasèl òf biná, asina bo mester kom'é; tantu e hende impuru komo esun limpi por kome di djé.

12:23 Solamente, sea sigur di no kome e sanger, pasobra e sanger ta e bida, i bo no mag kome e bida huntu ku e karni.

12:24 Bo no mag kom'é; bo mester bash'é riba suela manera awa.

12:25 No kom'é, pa bai bon ku bo i ku bo yu hòmbernan despues di bo, pasobra lo bo ta hasiendo loke ta bon den bista di SEÑOR.

12:26 "Solamente e kosnan santu ku bo tin i bo ofrendanan di promesa bo mester kohe i bai na e lugá ku SEÑOR skohe.

12:27 I ofresé bo ofrendanan kimá, e karni i e sanger, riba e altar di SEÑOR bo Dios; i e sanger di bo sakrifisionan mester wòrdu bashá riba e altar di SEÑOR bo Dios, ma e karni bo mag kome.

12:28 Pèrkurá di skucha tur e palabranan aki ku mi ta ordenábo, pa bai bon ku bo i ku bo yu hòmbernan despues di bo pa semper, pasobra lo bo ta hasiendo loke ta bon i korekto den bista di SEÑOR bo Dios.

12:29 "Ora SEÑOR bo Dios kòrta kita for di bo dilanti e nashonnan na unda bo ta bai pa kore ku nan, i bo kore ku nan i biba den nan tera,

12:30 pèrkurá pa bo no kai den e trampa di sigui nan, despues ku nan ta keda destruí bo dilanti, i pa bo no informá tokante di nan diosnan, bisando: 'Kon e nashonnan aki ta sirbi nan diosnan, pa ami tambe hasi meskos?'

12:31 Bo no mester komportábo asina pa ku SEÑOR bo Dios, pasobra tur echo abominabel ku SEÑOR ta odia nan a hasi pa nan diosnan; pasobra asta nan yu hòmbernan i yu muhénan nan ta kima den kandela na nan diosnan.

12:32 "Pèrkurá di kumpli ku tur loke mi ordenábo; no añadí ni kita for di djé.

Deuteronomio 13

13:1 "Si un profeta òf un soñadó di soño lanta meimei di boso i dunabo un señal òf un milager,

13:2 i e señal òf milager ku el a papia ku bo di djé sosodé, i e bisabo: 'Laga nos sigui otro diosnan (ku bo no a konosé) i laga nos sirbi nan,'

13:3 bo no mester skucha e palabranan di e profeta ei ni di e soñadó di soño ei; pasobra ta SEÑOR boso Dios ta pone boso na prueba, pa haña sa si boso ta stima SEÑOR boso Dios ku henter boso kurason i ku henter boso alma.

13:4 Boso mester sigui SEÑOR boso Dios i tin temor p'E; i boso mester warda Su mandamentunan, skucha Su bos, sirbiE i pega na djE.

13:5 Ma e profeta òf e soñadó di soño ei mester wòrdu matá, pasobra el a konsehá rebelion kontra SEÑOR boso Dios, Kende a sakabo for di tera di Egipto i a librabo for di e kas di sklabitut, pa kitabo for di e kaminda ku SEÑOR bo Dios a mandabo kana. Asina bo mester kita e maldat for di meimei di bo.

H5030 -- Ma e profeta -> But that prophet
H176 -- òf -> or
H2492b -- e soñadó -> that dreamer
H2472 -- di soño -> of dreams
H4191 -- ei mester wòrdu -> shall be put
H4191 -- matá -> to death
H1696 -- pasobra el a konsehá -> he has counseled
H5627 -- rebelion -> rebellion
H5921 -- kontra -> against
H430 -- boso Dios -> your God
H3318 -- , Kende a saka -> who brought
H776 -- bo for di tera -> you from the land
H3588 -- pasobra -> because
H4714 -- di Egipto -> of Egypt
H6299 -- i a libra -> and redeemed
H1004 -- bo for di e kas -> you from the house
H5650 -- di sklabitut -> of slavery
H5080 -- , pa kita -> to seduce
H1870 -- bo for di e kaminda -> you from the way
H834 -- ku -> in which
H430 -- bo Dios -> your God
H6680 -- a manda -> commanded
H1980 -- bo kana. -> you to walk
H1197a -- Asina bo mester kita -> . So you shall purge
H7451b -- e maldat -> the evil
H7130 -- for di meimei -> from among

13:6 "Si bo ruman hòmber, yu hòmber di bo mama, òf bo yu hòmber òf bo yu muhé, òf e esposa ku bo ta stima, òf bo amigu íntimo, sedusíbo na sekreto, bisando: 'Laga nos ban sirbi otro diosnan' (ku ni abo ni bo tatanan no a konosé,

H3588 -- "Si -> If
H251 -- bo ruman hòmber -> your brother
H517 -- , yu hòmber di bo mama -> your mother’s
H1121 -- , òf -> son
H176 -- òf -> or
H1121 -- bo yu hòmber -> your son
H176 -- òf -> or
H1323 -- bo yu muhé -> daughter
H176 -- , òf -> or
H802 -- e esposa -> the wife
H2436 -- ku bo ta stima -> you cherish
H176 -- , òf -> or
H7453 -- bo amigu -> your friend
H834 -- íntimo -> who
H5315 -- , sedusíbo -> is as your own soul
H5496 -- na sekreto -> entice
H5643a -- , bisando -> you secretly
H1980 -- : 'Laga nos ban -> ‘Let us go
H5647 -- sirbi -> and serve
H312 -- otro -> other
H430 -- diosnan' -> gods
H834 -- (ku -> ’ (whom
H3808 -- ni -> neither
H3808 -- abo ni -> you nor
H1 -- bo tatanan -> your fathers
H3045 -- no a konosé, -> have known
H559 -- bisando -> saying

13:7 diosnan di e pueblonan ku tin rònt di boso, serka di bo òf leu di bo, for di esun banda di tera te na e otro banda),

13:8 no konsentí kuné ni skuch'é, ni wak é ku duele, ni spar é ni tapa p'é,

13:9 ma siguramente bo mester mat'é; bo man mester ta promé kontra djé pa mat'é, i despues man di henter e pueblo.

13:10 Bo mester piedr'é mata, pasobra el a trata di kitabo for di SEÑOR bo Dios, Kende a sakabo for di tera di Egipto, for di e kas di sklabitut.

13:11 E ora ei henter Israel lo tende i tene miedu, i nunka mas nan lo no hasi algu malu asina meimei di bo.

13:12 "Si den un di bo statnan, ku SEÑOR bo Dios ta dunabo pa bo biba aden, bo tende nan bisa ku

13:13 algun hòmber pèrvèrso a sali for di meimei di boso i a instigá e habitantenan di nan stat, bisando: 'Laga nos ban sirbi otro diosnan' (ku boso no a konosé),

13:14 e ora ei bo mester investigá i buska pa sa i informá profundamente. I si esaki ta bèrdat i e asunto ta stablesí ku e abominashon aki a wòrdu hasí meimei di boso,

13:15 siguramente bo mester dal e habitantenan di e stat ei ku filo di spada, i destruí e stat kompletamente huntu ku tur loke tin den djé, i destruí su bakanan ku filo di spada.

13:16 E ora ei bo mester trese tur su botín huntu meimei di e plenchi i kima e stat i tur su botín ku kandela komo un ofrenda kimá kompleto na SEÑOR bo Dios; i esaki lo keda un ruina pa semper. Nunka mas e lo no wòrdu rekonstruí.

H6908 -- E ora ei bo mester trese -> Then you shall gather
H7998 -- tur su botín -> its booty
H8432 -- huntu meimei -> into the middle
H3605 -- tur -> all
H7339 -- di e -> of its open
H7339 -- plenchi -> square
H8313 -- i kima -> and burn
H5892b -- e stat -> the city
H7998 -- tur su botín -> its booty
H784 -- ku kandela -> with fire
H3632 -- komo un -> as a whole
H3632 -- ofrenda kimá -> burnt
H3632 -- ofrenda -> offering
H430 -- bo Dios -> your God
H8510 -- ; i esaki lo keda un ruina -> and it shall be a ruin
H3605 -- i tur -> and all
H3808 -- pa semper. Nunka mas -> . It shall never
H1129 -- e lo no wòrdu rekonstruí -> be rebuilt
H5769 -- pa semper -> forever

13:17 I nada di loke ta poní bou di maldishon lo no pega na bo man, pa SEÑOR bira for di Su rabia ardiente, i mustra miserikòrdia na bo i tin kompashon di bo i multiplikábo, manera El a hura na bo tatanan,

H3808 -- I nada -> Nothing
H2764a -- di loke -> from that which
H2764a -- ta poní bou -> is put under
H2764a -- di maldishon -> the ban
H1692 -- lo no pega -> shall cling
H3027 -- na bo man -> to your hand
H4616 -- , pa -> in order
H7725 -- SEÑOR bira -> may turn
H2740 -- for di Su rabia ardiente -> from His burning
H639 -- rabia -> anger
H5414 -- , i mustra -> and show
H7356 -- miserikòrdia -> mercy
H7355 -- na bo i tin -> to you, and have
H7355 -- kompashon -> compassion
H7235a -- di bo i multiplikábo -> on you and make you increase
H3152c -- , manera -> just
H7650 -- El a hura -> as He has sworn
H1 -- na bo tatanan -> to your fathers

13:18 si bo skucha e bos di SEÑOR bo Dios i warda tur Su mandamentunan ku mi ta ordenábo awe i hasi tur loke ta korekto den bista di SEÑOR bo Dios.