Marko 15

BSNP Edita

Marko 15

15:1 I mainta tempran e saserdotenan prinsipal ku e ansianonan i e eskribanan, i henter e Konsilio, mesora a reuní pa konsultá ku otro; i nan a mara Jesus, a bai kunE i a entregu'E na Pilato.

15:2 I Pilato a puntr'E: "Ta Abo ta e Rei di e hudiunan?" I El a kontestá i a bis'é: "Ta manera bo ta bisa."

15:3 I e saserdotenan prinsipal a kuminsá akus'E di hopi kos.

15:4 I Pilato a bolbe puntr'E, bisando: "Bo no ta kontestá nada? Mira di kuantu kos nan ta akusáBo!"

15:5 Ma Jesus no a kontestá nada mas, asina ku Pilato a keda mashá asombrá.

15:6 Awor riba dia di e Fiesta e tabatin e kustumber di duna un prezo libertat pa nan, esun ku nan pidié.

15:7 I e hòmber ku yama Barabas tabata será huntu ku e revolushonarionan ku a mata hende durante di e revolushon.

15:8 I e multitut a bin i a kuminsá pidié pa hasi manera e tabatin kustumber di hasi pa nan.

15:9 I Pilato a kontestá nan, bisando: "Boso kier pa mi duna e Rei di e hudiunan libertat pa boso?"

15:10 Pasobra e tabata sa ku e saserdotenan prinsipal a entregu'E pa motibu di envidia.

15:11 Ma e saserdotenan prinsipal a instigá e multitut pa pidié pa duna Barabas libertat pa nan na Su lugá.

15:12 I Pilato a kontestá i a bisa nan atrobe: "Kiko anto lo mi hasi ku Esun ku boso ta yama Rei di e hudiunan?"

15:13 I nan a bolbe grita: "Krusifik'E!"

15:14 Ma Pilato tabata bisa nan: "Pakiko? Ta ki malu El a hasi?" Ma nan a grita mas duru ainda: "Krusifik'E!"

15:15 I Pilato, kende kier a komplasé e multitut, a duna Barabas libertat pa nan, i despues di a laga suta Jesus, el a entregu'E pa wòrdu krusifiká.

15:16 I e sòldánan a hib'E den palasio (esta, Pretorio), i nan a yama henter e batayon romano huntu.

15:17 I nan a bistiE un mantel púrpura, i nan a flègt un korona di sumpiña i a pone esaki riba Su kabes;

15:18 i nan a kuminsá salud'E: "Saludo, Rei di e hudiunan!"

15:19 I nan a sigui dal E riba Su kabes ku un richi, skupi riba djE, i nan tabata kai na rudia i bùig Su dilanti.

15:20 I despues ku nan a hasi bofon di djE, nan a kita e mantel púrpura for di Su kurpa i a bistiE Su mes pañanan. I nan a hib'E pafó pa krusifik'E.

15:21 I nan a obligá un hende, ku tabata pasa, pa karga Su krus, un tal Simon di Sirene, kende tabata bin for di kunuku, tata di Alehandro i Rufus.

15:22 I nan a hib'E na e lugá ku yama Gólgota, ku tradusí ta nifiká Lugá di Kalpachi.

15:23 I nan a dun'E biña mesklá ku mirra, ma E no a tum'é.

15:24 I nan a krusifik'E i a parti Su pañanan entre nan dor di tira lòt riba nan, pa disidí kiko kada un lo a haña.

15:25 I tabata nueb'or di mainta ora nan a krusifik'E.

15:26 I e inskripshon di e akusashon kontra djE tabata bisa: "E REI DI E HUDIUNAN."

15:27 I nan a krusifiká dos ladron huntu kunE, un na Su man drechi i un na Su man robes.

15:28 [I e Skritura a keda kumplí ku ta bisa: "I El a wòrdu kontá ku e transgresornan."f28*

15:29 I esnan ku tabata pasa tabata blasfem'E i sakudí kabes, bisando: "Ahan! Abo ku ta bai destruí e tèmpel i lant'é bèk den tres dia,

15:30 salba Bo mes, i baha for di e krus ei!"

15:31 Di e mesun manera e saserdotenan prinsipal tambe, huntu ku e eskribanan, tabata hasi bofon di djE i tabata bisa otro: "El a salba otronan; E no por salba Su mes.

15:32 Laga e Cristo aki, e Rei di Israel, baha for di e krus awor, pa nos por mira i kere!" I esnan ku a wòrdu krusifiká huntu kunE tabata tira e mesun insulto na Su kara.

15:33 I ora ku a bira diesdos or, skuridat a baha riba henter e tera te tres or di atardi.

15:34 I pa tres or di atardi Jesus a sklama na bos haltu: "|iEloi, Eloi, lama sabaktani?" ku tradusí ta nifiká: "Mi Dios, Mi Dios, pakiko Bo a bandonáMi?"

15:35 I ora ku algun hende ku tabata pará einan a tende esei, nan a bisa: "Mira, ta Elias E ta yama."

15:36 I un hende a kore bin i a papa un spòns ku binager, a hink'é na un richi i a dun'E di bebe, bisando: "Laga nos wak si Elias ta bin bah'E."

15:37 I Jesus a dal un gritu duru, i a hala Su último rosea.

15:38 I e kortina di tèmpel a sker na dos, for di ariba te abou.

15:39 I ora ku e senturión ku tabata pará nèt Su dilanti a mira kon El a hala Su último rosea, el a bisa: "Di bèrdat e hòmber aki tabata e Yu di Dios!"

15:40 I tambe tabatin algun hende muhé ta para wak for di un distansia, entre nan Maria Magdalena, Maria, mama di Santiago Chikí i di Jose, i Salomé.

15:41 I tempu ku E tabata na Galilea, nan tabata siguiE i sirbiE; i tabatin hopi otro hende muhé ku a bin Jerusalèm huntu kunE.

15:42 I ora ku a bira tardi kaba, pasobra tabata dia di preparashon, esta, bispu di Sabat,

15:43 Jose di Arimatea, un miembro prominente di Konsilio, kende tambe tabata spera e reino di Dios, a bin i el a tuma kurashi i a drenta bai serka Pilato, i a pidi e kurpa di Jesus.

G2501 -- Jose -> Joseph
G707 -- di Arimatea -> of Arimathea
G2158 -- , un miembro prominente -> a prominent
G1010 -- di -> member
G1010 -- Konsilio -> of the Council
G3739 -- , kende -> who
G846 -- tambe -> himself
G4327 -- tabata spera -> was waiting
G932 -- e reino -> for the kingdom
G2316 -- di Dios -> of God
G2064 -- a bin -> came
G5111 -- i el a tuma -> and he gathered
G5111 -- kurashi -> up courage
G1525 -- i a drenta -> and went
G4314 -- bai serka -> in before
G4091 -- Pilato -> Pilate
G154 -- , i a pidi -> and asked
G4983 -- e kurpa -> for the body
G2424 -- di Jesus -> of Jesus

15:44 I Pilato a haña straño ku ya El a muri kaba, i a manda yama e senturión i a puntr'é si El a muri kaba.

15:45 I ora ku el a haña sa esaki for di e senturión, el a entregá e kurpa na Jose.

15:46 I Jose a kumpra tela di lino, a bah'E for di krus, a lor'E den e tela di lino i a pon'E den un tumba ku a wòrdu kobá den baranka; i el a lora un piedra pone na entrada di e tumba.

15:47 I Maria Magdalena i Maria, mama di Jose, tabata wak pa mira na unda El a wòrdu poní.

Marko 14 Marko 16