Huan 5

BSNP Edita

Huan 5

5:1 Despues di e kosnan aki tabatin un fiesta di e hudiunan, i Jesus a bai Jerusalèm.

5:2 Awor na Jerusalèm, na e porta di karné, tin un tanki di awa ku na hebreo yama Betèsda, i ku tin sinku veranda di pilar.

5:3 Den nan tabatin drumí un multitut di hende malu, siegu, lam, paralisá, [ku tabata spera riba moveshon di e awa;

5:4 pasobra na sierto temporadanan un angel di Señor tabata baha den e tanki, i tabata hasi e awa move; anto esun ku drenta aden promé, despues di moveshon di e awa, tabata wòrdu kurá di ki malesa ku e tabata sufri di djé.]

5:5 I tabatin un hòmber einan ku pa trint'i ocho aña tabata malu.

5:6 Ora Jesus a mir'é drumí einan i tabata sa ku e tabatin hopi tempu kaba den e kondishon ei, El a bis'é: "Bo kier bira bon?"

5:7 E hòmber malu a kontest'E: "Señor, mi no tin hende pa ponemi den e tanki ora ku e awa wòrdu moví, i mientras ku mi ta na kaminda, un otro ta baha aden promé ku mi."

5:8 Jesus a bis'é: "Lanta, kohe bo kama i kana."

5:9 I mesora e hòmber a bira bon i a kohe su kama i a kuminsá kana. Awor e dia ei tabata Sabat.

5:10 Pesei, e hudiunan a bisa esun ku a wòrdu kurá: "Ta Sabat, i Lei no ta pèrmití pa bo karga bo kama."

5:11 Ma el a kontestá nan: "Esun ku a kurami ta Esun ku a bisami: 'Kohe bo kama i kana.'"

5:12 Nan a puntr'é: "Ta ken ta e hòmber ku a bisabo: 'Kohe bo kama i kana'?"

5:13 Ma esun ku a wòrdu kurá no tabata sa ta ken, komo ku Jesus a retirá, pasobra tabatin un multitut di hende na e lugá ei.

5:14 Despues Jesus a hañ'é den tèmpel i a bis'é: "Mira, bo a bira bon; no peka mas pa nada pió no sosodé ku bo."

5:15 E hòmber a bai i a bisa e hudiunan ku ta Jesus a kur'é.

5:16 I pa e motibu aki e hudiunan tabata pèrsiguí Jesus, pasobra E tabata hasi e kosnan aki riba Sabat.

5:17 Ma Jesus a kontestá nan: "Mi Tata ta traha te awor i Mi tambe ta traha."

5:18 Pesei, pa e motibu aki e hudiunan mas ainda tabata busk'E pa mata, pasobra no solamente E tabata kibra Sabat, ma tambe E tabata yama Dios Su mes Tata, hasiendo Su mes igual ku Dios.

G3778 -- Pesei, pa e -> For this
G1223 -- motibu -> reason
G3767 -- aki -> therefore
G2453 -- e hudiunan -> the Jews
G3123 -- mas ainda -> all the more
G2212 -- tabata busk'E -> were seeking
G615 -- pa mata -> to kill
G3754 -- , pasobra -> Him, because
G3440 -- no solamente E -> He not only
G3089 -- tabata kibra -> was breaking
G4521 -- Sabat -> the Sabbath
G2532 -- , ma tambe -> but also
G3004 -- E tabata yama -> was calling
G2316 -- Dios -> God
G2398 -- Su mes -> His own
G3962 -- Tata -> Father
G4160 -- , hasiendo -> making
G1438 -- Su mes -> Himself
G2470 -- igual -> equal
G2316 -- ku Dios -> with God

5:19 Pesei, Jesus a kontestá i a bisa nan: "Di bèrdat, di bèrdat, Mi ta bisa boso, e Yu no por hasi nada di Su mes, si no ta algu ku E ta mira e Tata hasi; pasobra tur loke ku e Tata hasi, e Yu tambe ta hasi meskos.

5:20 Pasobra e Tata ta stima e Yu i ta mustr'E tur kos ku E mes ta hasi; i obranan mas grandi ku esakinan E lo mustr'E, pa boso keda asombrá.

5:21 Pasobra meskos ku e Tata ta lanta e mortonan i ta duna nan bida, asina e Yu tambe ta duna bida na esun ku E kier.

5:22 Pasobra e Tata mes no ta huzga ningun hende, ma El a duna tur huisio na e Yu,

5:23 pa tur por onra e Yu, meskos ku nan ta onra e Tata. Esun ku no ta onra e Yu, no ta onra e Tata ku a mand'E.

5:24 "Di bèrdat, di bèrdat, Mi ta bisa boso, esun ku tende Mi palabra i kere Esun ku a mandaMi, tin bida etèrno, i no ta bin na huisio, ma a pasa for di morto pa bida.

5:25 Di bèrdat, di bèrdat, Mi ta bisa boso, e ora lo yega i ta awor, ku e mortonan lo tende e bos di e Yu di Dios, i esnan ku tende lo biba.

5:26 Pasobra meskos ku e Tata tin bida den Su mes, asina El a duna e Yu tambe pa tin bida den Su mes;

5:27 i El a dun'E outoridat pa ehekutá huisio, pasobra E ta e Yu di Hende.

5:28 "No straña boso di esaki, pasobra e ora lo yega den kual tur ku ta den graf lo tende Su bos,

5:29 i lo sali; esnan ku a hasi bon, pa un resurekshon di bida, esnan ku a kometé maldat, pa un resurekshon di huisio.

5:30 Mi no por hasi nada di Mi mes. Manera Mi ta tende, Mi ta huzga; i Mi huzgamentu ta hustu, pasobra Mi no ta buska Mi mes boluntat, sino e boluntat di Esun ku a mandaMi.

5:31 "Si ta Ami so ta duna testimonio di Mi mes, Mi testimonio no ta bèrdadero.

5:32 Tin un otro ku ta duna testimonio di Mi, i Mi sa ku e testimonio ku E ta duna di Mi ta bèrdadero.

5:33 "Boso a manda mensahero serka Juan, i el a duna testimonio di e bèrdat.

5:34 Ma e testimonio ku Mi ta risibí no ta di hende, ma Mi ta bisa e kosnan aki pa boso por wòrdu salbá.

5:35 E tabata e lampi ku tabata sendí i ku tabata lusa, i pa un tempu boso tabata kier regosihá den su lus.

5:36 "Ma e testimonio ku Mi tin ta mas grandi ku esun di Juan; pasobra e obranan ku e Tata a dunaMi pa kumpli kuné, e mesun obranan ku Mi ta hasi, ta duna testimonio di Mi ku ta e Tata a mandaMi.

5:37 I e Tata ku a mandaMi, ta E a duna testimonio di Mi. Boso no a tende Su bos nunka, ni a mira Su forma.

5:38 I boso no tin Su palabra ta biba den boso, pasobra boso no ta kere Esun ku El a manda.

5:39 Boso ta skudriñá e Skrituranan, pasobra boso ta kere ku ta den nan boso tin bida etèrno; i ta esakinan ta duna testimonio di Mi;

5:40 i boso no kier bin serka Mi pa boso por tin bida.

5:41 "Mi no ta risibí gloria for di hende,

5:42 ma Mi konosé boso, ku boso no tin e amor di Dios den boso mes.

5:43 Mi a bin den e nòmber di Mi Tata, i boso no ta risibíMi; si un otro bin den su mes nòmber, boso lo risibié.

5:44 Ta kon boso por kere, boso ku ta risibí gloria un for di otro, i no ta buska e gloria ku ta bin for di e úniko Dios?

5:45 "No kere ku Ami lo akusá boso dilanti di e Tata; esun ku ta akusá boso ta Moisés, den kende boso a pone boso speransa.

5:46 Pasobra si boso a kere Moisés, boso lo a kereMi; pasobra el a skirbi di Mi.

5:47 Ma si boso no ta kere loke el a skirbi, kon boso lo kere Mi palabranan?"

Huan 4 Huan 6