1 Tesalonisensenan 4

BSNP Edita

1 Tesalonisensenan 4

4:1 Finalmente anto, rumannan, nos ta pidi i spièrta boso den Señor Jesus, pa, meskos ku boso a siña di nos kon boso mester kana i agradá Dios (meskos ku boso ta kana awor), boso sobresalí mas i mas.

G3062 -- Finalmente -> Finally
G3767 -- anto -> then
G80 -- , rumannan -> brethren
G2065 -- , nos ta pidi -> we request
G3870 -- i spièrta -> and exhort
G2962 -- boso den Señor -> you in the Lord
G2424 -- Jesus -> Jesus
G3880 -- , pa, meskos ku boso a siña -> that as you received
G4459 -- di nos kon -> ] as to how
G1163 -- boso mester -> you ought
G4043 -- kana -> to walk
G700 -- i agradá -> and please
G2316 -- Dios -> God
G2531a -- (meskos -> (just
G2532 -- ku boso ta -> as you actually
G4043 -- kana -> do walk
G4052 -- awor), boso sobresalí -> ), that you excel
G3123 -- mas -> still
G3123 -- i mas -> more

4:2 Pasobra boso sa ki mandamentunan nos a duna boso pa medio di Señor Jesus.

4:3 Pasobra esaki ta e boluntat di Dios: boso santifikashon, esta, pa boso apstené boso di inmoralidat seksual,

4:4 pa kada un di boso sa kon pa tene su mes kurpa den santifikashon i onor,

4:5 no ku pashon di deseonan karnal, manera e paganonan ku no konosé Dios;

4:6 i ku ningun hende no transgresá ni defroudá su ruman den nada, pasobra Señor ta e vengadó den tur e kosnan aki, meskos ku nos tambe a bisa boso kaba i a spièrta boso.

4:7 Pasobra Dios no a yama nos pa ta impuru, ma pa hiba un bida santu.

4:8 Pesei, esun ku rechasá esaki, no ta hende e ta rechasá, sino e Dios ku ta duna Su Spiritu Santu na boso.

4:9 Awor tokante di e amor di ruman no tin mester di skirbi boso, pasobra ta Dios ta siña boso stima otro;

4:10 pasobra di bèrdat boso ta hasi esaki ku tur e rumannan ku ta den henter Masedonia. Ma nos ta roga boso, rumannan, pa sobresalí mas i mas.

4:11 Aspirá pa hiba un bida ketu i pa atendé boso ku boso mes asunto i pa traha ku boso man, meskos ku nos a ordená boso,

4:12 pa boso por komportá boso desentemente pa ku esnan di pafó, i pa boso no tin ningun nesesidat.

4:13 Ma nos no kier, rumannan, pa boso keda den ignoransia tokante di esnan ku a muri, pa boso no ta tristu manera e otronan ku no tin speransa.

4:14 Pasobra si nos ta kere ku Jesus a muri i a lanta atrobe, meskos tambe Dios lo trese huntu kunE esnan ku a muri den Jesus.

4:15 Pasobra esaki nos ta bisa boso pa medio di e palabra di Señor: nos ku ta bibu, i ku ta keda te na e binida di Señor, lo no bai dilanti di esnan ku a muri.

4:16 Pasobra Señor mes lo baha for di shelu ku un gritu, ku bos di arkangel i ku tròmpèt di Dios; i e mortonan den Cristo lo lanta promé.

4:17 E ora ei nos ku ta na bida, i ku a keda, lo wòrdu tumá den e nubianan huntu ku nan pa kontra ku Señor den laira, i asina nos lo ta semper ku Señor.

4:18 Pesei, konsolá otro ku e palabranan aki.

1 Tesalonisensenan 3 1 Tesalonisensenan 5