1 Tesalonisensenan 2

BSNP Edita

1 Tesalonisensenan 2

2:1 Pasobra boso mes sa, rumannan, ku nos binimentu serka boso no tabata en bano,

2:2 ma despues ku nos a sufri kaba i a wòrdu maltratá na Filipos, manera boso sa, den nos Dios nos tabatin e kurashi di papia e evangelio di Dios ku boso meimei di hopi oposishon.

2:3 Pasobra nos eksortashon no ta bin for di eror, ni di impuresa, ni ku engaño;

2:4 ma meskos ku nos a wòrdu aprobá dor di Dios pa wòrdu konfiá ku e evangelio, asina nos ta papia, no pa agradá hende sino Dios, Kende ta proba nos kurason.

2:5 Pasobra nunka nos no a bin ku labiamentu, manera boso sa, ni nos no a uza ningun preteksto pa satisfasé nos golosidat--Dios ta testigu--

2:6 ni nos no a buska gloria serka hende, ni serka boso, ni serka otronan. Komo apòstel di Cristo nos por a hasi uzo di nos outoridat,

2:7 ma nos tabata kariñoso meimei di boso, manera un menchi ta kuida su mes yunan ku ternura.

2:8 Teniendo pues un amor grandi pa boso, a agradá nos pa no solamente kompartí e evangelio di Dios ku boso, ma tambe nos mes bida, pasobra boso a bira masha stimá pa nos.

2:9 Pasobra boso ta kòrda, rumannan, nos trabou i esfuerso, kon, trahando di dia i anochi pa no ta un karga pa ningun di boso, nos a proklamá na boso e evangelio di Dios.

2:10 Boso ta testigu, i Dios tambe, kon santu i korekto i sin kulpa nos a komportá nos mes pa ku boso, kreyentenan;

2:11 meskos ku boso sa kon nos tabata eksortá i enkurashá i roga kada un di boso, manera un tata su mes yunan,

2:12 pa boso kana na un manera digno di e Dios, Kende ta yama boso den Su mes reino i gloria.

2:13 I pa e motibu aki nos ta gradisí Dios konstantemente tambe, ku ora boso a risibí for di nos e palabra di Dios Su mensahe, boso a asept'é no komo palabra di hende, ma pa loke e ta bèrdaderamente, e palabra di Dios ku ta obra tambe den boso ku ta kere.

G3778 -- I pa e motibu aki -> For this
G1223 -- motibu -> reason
G2532 -- nos tambe -> we also
G89 -- konstantemente -> constantly
G2168 -- ta gradisí -> thank
G2316 -- Dios -> God
G3880 -- ku ora boso a risibí -> that when you received
G3056 -- e palabra -> the word
G2316 -- di Dios -> of God
G3739 -- Su -> which
G191 -- mensahe -> you heard
G1209 -- boso a asept'é -> from us, you accepted
G3056 -- palabra -> ] the word
G444 -- di hende -> of men
G2531a -- loke -> ] what
G230 -- e ta bèrdaderamente -> it really
G3056 -- e palabra -> is, the word
G2316 -- di Dios -> of God
G3739 -- ku ta obra -> which
G2532 -- tambe -> also
G1754 -- obra -> performs
G1754 -- obra -> its work
G4100 -- den boso ku ta kere -> in you who believe

2:14 Pasobra boso, rumannan, a bira imitadónan di e iglesianan di Dios den Cristo Jesus ku ta na Judea, pasobra boso tambe a soportá e mesun sufrimentunan na man di boso mes paisanonan, meskos ku nan a sufri di e hudiunan,

2:15 kendenan a mata tantu Señor Jesus komo e profetanan, i a pèrsiguí nos. Nan no ta agradabel na Dios, ma enemigu di tur hende,

2:16 i ta stroba nos di papia ku e paganonan pa nan wòrdu salbá, ku e resultado ku semper nan ta yena e midí di nan pikánan. Ma furia a bin riba nan te na fin.

2:17 Ma nos, rumannan, siendo separá for di boso pa un tempu kòrtiku--di bista, no di kurason--tabata ansioso ku gran deseo pa mira boso kara.

2:18 Pasobra nos kier a bin serka boso--ami, Pablo, mas ku un biaha--ma Satanás a stroba nos.

2:19 Pasobra ta ken ta nos speransa òf goso òf korona di gloria? No ta boso den e presensia di nos Señor Jesus na Su binida?

2:20 Pasobra boso ta nos gloria i goso.

1 Tesalonisensenan 1 1 Tesalonisensenan 3