1 Reinan 4

BSNP Edita

1 Reinan 4

4:1 Awor rei Salomon tabata rei di henter Israel.

4:2 I esakinan tabata su ofisialnan: Azarias, yu hòmber di Sadok, tabata saserdote;

4:3 Elihoref i Ahias, e yu hòmbernan di Sisa, tabata sekretario; Josafat, yu hòmber di Ahilud, tabata registradó;

4:4 i Bènaia, yu hòmber di Joiada, tabata manda riba e ehérsito; i Sadok i Abiatar tabata saserdote;

4:5 Azarias, yu hòmber di Natan, tabata manda riba e ofisialnan; i Zabud, yu hòmber di Natan, un saserdote, tabata rei su amigu;

4:6 i Ahisar tabata mayordomo di e kas; i Adoniram, yu hòmber di Abda, tabata manda riba e hòmbernan ku mester a hasi trabou fòrsá.

4:7 I Salomon tabatin diesdos gobernadónan ofer di henter Israel, kendenan tabata proveé kuminda pa rei i pa e hendenan di su kas; kada un mester a proveé un luna pa aña.

4:8 I esakinan ta nan nòmber: Bèn-hur, den e serunan di Efrain;

4:9 Bèn-dekar na Makaz, Saalbim, Bèt-semes i Elon-bèt-hanan;

4:10 Bèn-hesed na Arubot (Soko tabata di djé i henter e tera di Hefer);

4:11 Bèn-abinadab na henter e teritorio di Dor (Tafat, yu muhé di Salomon, tabata su esposa);

4:12 Baana, yu hòmber di Ahilud, na Taanak i Meguido, i henter Bèt-sean, ku ta keda banda di Zaretan bou di Jezreel, for di Bèt-sean te na Abel-mehola, te na e otro banda di Jokmeam;

4:13 Bèn-geber, na Ramot-galaad (e statnan di Jair, yu hòmber di Manasés, kualnan ta keda na Galaad, tabata di djé: e region di Argob, ku ta keda na Basan, sesenta stat grandi ku muraya i tranka di bròns tabata di djé).

H1127 -- Bèn-geber -> Ben-geber
H7433 -- na Ramot-galaad -> in Ramoth-gilead
H2333 -- (e statnan -> (the towns
H2971 -- di Jair -> of Jair
H1121 -- yu hòmber -> the son
H4519 -- di Manasés -> of Manasseh
H834 -- kualnan -> which
H1568 -- ta keda na Galaad -> are in Gilead
H2256a -- tabata di djé: e region -> were his: the region
H709b -- di Argob -> of Argob
H834 -- ku -> which
H1316 -- ta keda na Basan -> is in Bashan
H8346 -- sesenta -> sixty
H1419 -- grandi -> great
H5892b -- stat -> cities
H2346 -- ku muraya -> with walls
H5178 -- i tranka di bròns -> and bronze
H1280 -- tabata di djé -> bars

4:14 Ahinadab, yu hòmber di Ido, na Mahanaim;

4:15 Ahimaas, na Nèftalí (tambe el a kasa ku Basemat, yu muhé di Salomon);

4:16 Baana, yu hòmber di Husai, na Aser i Alot;

4:17 Josafat, yu hòmber di Parúa, na Isakar;

4:18 Simei, yu hòmber di Ela, na Benjamin;

4:19 Geber, yu hòmber di Uri, na tera di Galaad, tera di Sehon, rei di e amoreonan, i di Og, rei di Basan; i e tabata e úniko ofisial ku tabata na e tera.

4:20 Juda i Israel tabata mes numeroso ku e santu ku tin na abundansia kantu di laman; nan tabata kome, bebe i regosihá.

4:21 Awor Salomon tabata goberná riba tur e reinonan for di Riu Eufrates te na e tera di e filisteonan i te na e frontera di Egipto; nan tabata trese tributo i tabata sirbi Salomon tur e dianan di su bida.

4:22 I Salomon su provishon pa un dia tabata trinta midí di hariña fini i sesenta midí di hariña gròf,

4:23 dies buey gordo, binti buey gòrdá den lugá di yerba bèrdè, shen karné i tambe biná, gasèl, biná di dam i parha gòrdá.

4:24 Pasobra e tabatin dominio riba tur region pabou di Riu Eufrates; for di Tifsa te na Gaza, riba tur e reinan pabou di Riu Eufrates; i e tabatin pas na tur banda tur rònt di djé.

4:25 Asina Juda i Israel tabata biba den siguridat, kada hòmber bou di su mata di wendrùif i bou di su palu di figo, for di Dan te na Beerseba, tur e dianan di Salomon.

4:26 I Salomon tabatin kuarenta mil stal di kabai pa su garoshinan i diesdos mil koredó di kabai.

4:27 I e ofisialnan ei tabata proveé kuminda pa rei Salomon i pa tur ku tabata bin na rei Salomon su mesa, kada un den su luna; nan tabata pèrkurá pa no falta nada.

4:28 Tambe nan tabata trese puspas i yerba seku pa e kabainan i kabainan di kareda na e lugá kaminda mester a hiba esaki, kada un segun su enkargo.

4:29 Awor Dios a duna Salomon sabiduria i disernimentu grandi i grandesa di kurason, manera e santu ku tin kantu di laman.

4:30 I e sabiduria di Salomon tabata surpasá e sabiduria di tur e hòmbernan di oriente i tur e sabiduria di Egipto.

4:31 Pasobra e tabata mas sabí ku tur hende, mas sabí ku Etan e esraita, Heman, Kalkol i Darda, yu hòmbernan di Mahol; i su fama tabata konosí den tur e nashonnan tur rònt.

4:32 Tambe el a papia tres mil proverbio i su kantikanan tabata mil i sinku.

4:33 I e tabata papia di e palunan, di e palu di seda ku tin na Líbano te na e hisòp ku ta krese na muraya; tambe e tabata papia di e bestianan, di parha, bestia ku ta lastra i piská.

4:34 I tabata bin hende for di tur pueblo pa tende e sabiduria di Salomon, for di tur e reinan di tera ku a tende di su sabiduria.

1 Reinan 3 1 Reinan 5