Buska den Beibel

Eksodo 7; Eksodo 8; Eksodo 9 BSNP Edita

Eksodo 7

7:1 E ora ei SEÑOR a bisa Moisés: "Mira, Mi ta hasibo manera Dios pa Farao, i bo ruman Aaron lo ta bo profeta.

7:2 Bo mester papia tur loke Mi ordenábo, i bo ruman Aaron mester papia ku Farao pa e laga e yunan di Israel sali for di su tera.

7:3 Ma lo Mi hasi Farao su kurason duru pa Mi multipliká Mi señalnan i Mi maraviyanan na tera di Egipto.

7:4 Ora Farao no kier skuchabo, lo Mi pone Mi man riba Egipto i saka Mi ehérsitonan, Mi pueblo, e yunan di Israel, for di tera di Egipto pa medio di huisionan pisá.

7:5 I e egipsionan lo sa ku ta Ami ta SEÑOR, ora Mi ekstendé Mi man riba Egipto i saka e yunan di Israel for di meimei di nan."

7:6 Asina Moisés i Aaron a hasi; manera SEÑOR a ordená nan, asina nan a hasi.

7:7 I Moisés tabatin ochenta aña i Aaron ochent'i tres, dia ku nan a papia ku Farao.

7:8 Awor SEÑOR a papia ku Moisés i Aaron, bisando:

7:9 "Ora Farao papia ku boso, bisando: 'Hasi un milager,' e ora ei bo mester bisa Aaron: 'Kohe bo bara i bent'é abou na suela dilanti di Farao pa e bira kolebra.'"

7:10 Asina Moisés i Aaron a yega serka Farao i nan a hasi meskos ku SEÑOR a ordená; i Aaron a benta su bara abou na suela dilanti di Farao i su sirbidónan, i esaki a bira kolebra.

7:11 E ora ei Farao tambe a manda yama e sabionan i e hasidónan di bruha, i nan tambe, esta e magonan di Egipto, ku nan trikinan mágiko, a hasi meskos.

7:12 Pasobra kada un a benta su bara abou na suela i nan a bira kolebra. Ma e bara di Aaron a guli nan baranan.

7:13 Sinembargo, Farao su kurason a keda duru i e no a skucha nan, manera SEÑOR a bisa.

7:14 E ora ei SEÑOR a bisa Moisés: "Farao su kurason ta duru; e ta nenga di laga e pueblo bai.

7:15 Bai serka Farao mainta ora ku e ta sali bai na e awa, i para ward'é kantu di Neil, i tene e bara, ku a bira kolebra, den bo man.

7:16 I bis'é: 'SEÑOR, e Dios di e hebreonan, a mandami serka bo, bisando: "Laga Mi pueblo bai pa nan sirbiMi den desierto. Ma mira, te awor bo no a skucha."

7:17 Asina SEÑOR ta bisa: "Dor di esaki lo bo sa ku ta Ami ta SEÑOR: mira, lo mi bati ku e bara ku ta den mi man riba e awa ku tin den Neil, i esaki lo bira sanger.

7:18 E piskánan den Neil lo muri, i Neil lo hole malu; i e egipsionan lo no por bebe e awa di Neil."'"

7:19 E ora ei SEÑOR a bisa Moisés: "Bisa Aaron: 'Kohe bo bara i ekstendé bo man ofer di e awanan di Egipto, ofer di nan riunan, ofer di nan kanalnan, ofer di nan plasnan di awa i ofer di tur nan bakinan di awa, pa nan bira sanger; i lo tin sanger tur kaminda na tera di Egipto, tantu den e artíkulonan-di-uzo trahá di palu komo den esnan trahá di piedra.'"

7:20 Asina Moisés i Aaron a hasi manera SEÑOR a ordená. I el a lanta e bara i a dal riba e awa ku tabatin den Neil, den bista di Farao i den bista di su sirbidónan, i tur e awa ku tabatin den Neil a bira sanger.

7:21 I e piskánan ku tabatin den Neil a muri, i Neil tabata hole malu, asina ku e egipsionan no por a bebe awa for di Neil. I tabatin sanger tur kaminda na tera di Egipto.

7:22 Ma e magonan di Egipto a hasi meskos ku nan trikinan mágiko; i Farao su kurason a keda duru i e no a skucha nan, manera SEÑOR a bisa.

7:23 Anto Farao a bira bai den su kas sin preokupá pa esaki tampoko.

7:24 Asina e egipsionan tur a koba tur rònt di Neil pa buska awa pa bebe, pasobra nan no por a bebe e awa di Neil.

7:25 I shete dia a pasa despues ku SEÑOR a dal Neil.

Eksodo 8

8:1 E ora ei SEÑOR a bisa Moisés: "Bai serka Farao i bis'é: 'Asina SEÑOR ta bisa: "Laga Mi pueblo bai pa nan sirbiMi.

8:2 Ma si bo nenga di laga nan bai, mira, lo Mi afligí henter bo teritorio ku dori.

8:3 I Neil lo ta yen-yen di dori ku lo sali bai den bo kas, den bo kamber di drumi, riba bo kama, den e kasnan di bo sirbidónan, riba bo pueblo, den bo fòrnunan i den bo kòmchinan-pa-traha-mansa.

8:4 Asina e dorinan lo sali bin riba bo, riba bo pueblo i riba tur bo sirbidónan."'"

8:5 E ora ei SEÑOR a bisa Moisés: "Bisa Aaron: 'Ekstendé bo man ku bo bara ofer di e riunan, ofer di e kanalnan i ofer di e plasnan di awa, i hasi dori sali bin riba tera di Egipto.'"

8:6 Asina Aaron a ekstendé su man ofer di e awanan di Egipto, i e dorinan a sali i a tapa tera di Egipto.

8:7 I e magonan a hasi meskos ku nan trikinan mágiko, i nan a hasi dori sali bin riba tera di Egipto.

8:8 E ora ei Farao a manda yama Moisés i Aaron i a bisa: "Roga SEÑOR pa E kita e dorinan for di mi i for di mi pueblo; i lo mi laga e pueblo bai pa nan ofresé sakrifisio na SEÑOR."

8:9 I Moisés a bisa Farao: "E onor ta na bo pa bisami ki dia mi tin di roga pa bo, pa bo sirbidónan i pa bo pueblo, pa e dorinan wòrdu destruí for di bo i for di bo kasnan, pa nan keda den Neil so."

8:10 E ora ei el a bisa: "Mañan." Pesei Moisés a bisa: "Ku sosodé konforme bo palabra, pa bo sa ku no tin ni un manera SEÑOR nos Dios.

8:11 I e dorinan lo bai for di bo, for di bo kasnan, for di bo sirbidónan i for di bo pueblo; nan lo keda den Neil so."

8:12 E ora ei Moisés i Aaron a bai for di presensia di Farao, i Moisés a sklama na SEÑOR tokante di e dorinan ku El a pone kontra Farao.

8:13 I SEÑOR a hasi konforme e palabra di Moisés, i e dorinan a muri bai for di e kasnan, for di e plenchinan i for di e kunukunan.

8:14 Anto nan a hala e dorinan pone na monton, i e tera tabata hole malu.

8:15 Ma ora Farao a mira ku tabatin alivio, el a hasi su kurason duru i no a skucha nan, manera SEÑOR a bisa.

8:16 E ora ei SEÑOR a bisa Moisés: "Bisa Aaron: 'Saka bo bara i dal e stòf di tera, pa esei bira pieu den henter tera di Egipto.'"

8:17 I asina nan a hasi; i Aaron a saka su man ku su bara den su man i a dal e stòf di tera, i tabatin pieu riba hende i bestia. Tur e stòf di tera a bira pieu den henter tera di Egipto.

H6213a -- I asina nan a hasi -> They did
H3651 -- ; i Aaron -> so
H175 -- Aaron -> and Aaron
H5186 -- a saka -> stretched
H3027 -- su man -> out his hand
H4294 -- ku su bara -> with his staff
H5221 -- i a dal -> and struck
H6083 -- e stòf -> the dust
H776 -- di tera -> of the earth
H3654 -- i tabatin pieu -> and there were gnats
H120 -- riba hende -> on man
H929 -- i bestia -> and beast
H3605 -- Tur -> . All
H6083 -- e stòf -> the dust
H776 -- di tera -> of the earth
H1961 -- a bira -> became
H3654 -- pieu -> gnats
H3605 -- den henter -> through all
H776 -- tera -> the land
H4714 -- di Egipto -> of Egypt

8:18 I e magonan a trata di produsí pieu ku nan trikinan mágiko, ma nan no tabata por; asina tabatin pieu riba hende i bestia.

8:19 E ora ei e magonan a bisa Farao: "Esaki ta e dede di Dios." Ma Farao su kurason a keda duru i e no a skucha nan, manera SEÑOR a bisa.

8:20 Awor SEÑOR a bisa Moisés: "Lanta mainta tempran i presentá bo mes dilanti di Farao ora ku e ta sali bai na e awa, i bis'é: 'Asina SEÑOR ta bisa: "Laga Mi pueblo bai, pa nan sirbiMi.

8:21 Pasobra si bo no kier laga Mi pueblo bai, mira, lo Mi manda muska na kantidat riba bo, riba bo sirbidónan, riba bo pueblo i den bo kasnan; i e kasnan di e egipsionan lo ta yen-yen di muska, i tambe e suela ku nan ta biba ariba.

H518 -- Pasobra si -> For if
H7971 -- bo no kier laga -> you do not let
H5971a -- Mi pueblo -> My people
H7971 -- bai -> go
H2009 -- , mira -> behold
H7971 -- , lo Mi manda -> I will send
H6157 -- muska na kantidat -> swarms
H5650 -- riba bo, riba bo sirbidónan -> of flies on you and on your servants
H5971a -- riba bo pueblo -> and on your people
H1004 -- i den bo kasnan -> and into your houses
H1004 -- ; i e kasnan -> and the houses
H4714 -- di e egipsionan -> of the Egyptians
H4390 -- lo ta yen-yen -> will be full
H6157 -- di muska -> of swarms
H1571 -- , i tambe -> of flies, and also
H127 -- e suela -> the ground
H834 -- ku nan ta biba ariba -> on which

8:22 "Ma e dia ei lo Mi separá tera di Gosen, kaminda Mi pueblo ta biba, asina ku lo no tin muska mas ayanan, pa bo sa ku Ami, SEÑOR, ta meimei di e tera.

8:23 I lo Mi pone un divishon entre Mi pueblo i bo pueblo. Mañan e señal aki lo sosodé."'"

8:24 Anto asina SEÑOR a hasi. A bai muska na kantidat den e kas di Farao i den e kasnan di su sirbidónan, i e tera a keda ruiná pa motibu di e muskanan na henter tera di Egipto.

8:25 E ora ei Farao a manda yama Moisés i Aaron i a bisa: "Bai, ofresé sakrifisio na boso Dios den e tera aki."

8:26 I Moisés a bisa: "No ta korekto pa hasi asina, pasobra nos lo ofresé komo sakrifisio na SEÑOR nos Dios loke ta un abominashon pa e egipsionan. Si nos ofresé komo sakrifisio loke ta un abominashon den bista di e egipsionan, nan lo no piedra nos?

8:27 Nos mester hasi un biahe di tres dia den desierto i ofresé sakrifisio na SEÑOR nos Dios, manera E ta ordená nos."

8:28 I Farao a bisa: "Mi ta laga boso bai, pa boso ofresé sakrifisio na SEÑOR boso Dios den desierto, kontal ku boso no bai muchu leu. Hasi súplika pa mi."

8:29 E ora ei Moisés a bisa: "Mira, mi ta bai for di bo presensia i lo mi hasi súplika na SEÑOR pa mañan e muskanan kita for di Farao, for di su sirbidónan i for di su pueblo; kontal ku Farao no trata ku engaño atrobe dor di no laga e pueblo bai ofresé sakrifisio na SEÑOR."

H4872 -- E ora ei Moisés -> Then Moses
H3318 -- a bisa: "Mira, mi ta bai -> I am going
H559 -- a bisa -> said
H6279 -- for di bo presensia i lo mi hasi -> out from you, and I shall make
H2009 -- Mira -> behold
H6279 -- súplika -> supplication
H6157 -- pa mañan e muskanan -> that the swarms
H5493 -- kita for di -> of flies may depart
H6547 -- Farao -> from Pharaoh
H5650 -- , for di su sirbidónan -> from his servants
H5971a -- i for di su pueblo -> and from his people
H4279 -- ; kontal -> tomorrow
H7534 -- ; kontal -> only
H6547 -- ku Farao no -> do not let Pharaoh
H8524 -- trata ku -> deal
H8524 -- engaño -> deceitfully
H3254 -- atrobe -> again
H7971 -- dor di no laga -> in not letting
H5971a -- e pueblo -> the people
H7971 -- bai -> go
H2076 -- ofresé sakrifisio -> to sacrifice

8:30 Asina Moisés a bai laga Farao i a hasi súplika na SEÑOR.

8:31 I SEÑOR a hasi manera Moisés a pidi i a kita e muskanan for di Farao, for di su sirbidónan i for di su pueblo; no a keda ni ún.

8:32 Ma e biaha aki tambe Farao a hasi su kurason duru i e no a laga e pueblo bai.

Eksodo 9

9:1 E ora ei SEÑOR a bisa Moisés: "Bai serka Farao i bis'é: 'Asina SEÑOR, e Dios di e hebreonan, ta bisa: "Laga Mi pueblo bai pa nan sirbiMi.

9:2 Pasobra si bo nenga di laga nan bai i sigui tene nan,

9:3 mira, e man di SEÑOR lo bin ku un plaga masha pisá riba bo bestianan di kria ku ta den kunuku, riba e kabainan, riba e burikunan, riba e kamelnan, riba e bakanan i riba e bestianan chikitu.

9:4 Ma SEÑOR lo hasi distinshon entre e bestianan di kria di Israel i e bestianan di kria di Egipto, asina ku nada di loke ta pertenesé na e yunan di Israel lo no muri."'"

9:5 I SEÑOR a pone un tempu fiho, bisando: "Mañan SEÑOR lo hasi e kos aki den e tera."

9:6 Asina ku su manisé SEÑOR a hasi e kos aki i tur e bestianan di kria di Egipto a muri; ma di e bestianan di kria di e yunan di Israel ni ún no a muri.

9:7 I Farao a manda investigá, i mira, ni sikiera ún di e bestianan di kria di Israel no a muri. Ma Farao su kurason a keda duru i e no a laga e pueblo bai.

9:8 E ora ei SEÑOR a bisa Moisés i Aaron: "Kohe pa boso mes mannan yen di chemené for di un fòrnu di klei, i laga Moisés tira esaki den laira den bista di Farao.

9:9 I esaki lo bira stòf fini den henter tera di Egipto, i lo bira blufein ku ta habri na herida riba hende i bestia den henter tera di Egipto."

9:10 Pesei nan a kohe chemené for di un fòrnu di klei i a bai para dilanti di Farao; i Moisés a tira esaki den laira i el a bira blufein ku ta habri na herida riba hende i bestia.

9:11 I e magonan no por a para dilanti di Moisés pa motibu di e blufeinnan, pasobra tantu e magonan komo tur e egipsionan tabata tur na blufein.

9:12 Anto SEÑOR a hasi Farao su kurason duru, i Farao no a skucha nan, meskos ku SEÑOR a bisa Moisés.

9:13 E ora ei SEÑOR a bisa Moisés: "Lanta mainta tempran i bai para dilanti di Farao i bis'é: 'Asina SEÑOR, e Dios di e hebreonan, ta bisa: "Laga Mi pueblo bai pa nan sirbiMi.

9:14 Pasobra e biaha aki lo Mi manda tur Mi plaganan riba bo, riba bo sirbidónan i riba bo pueblo, pa bo sa ku no tin ni un manera Ami den henter tera.

9:15 Pasobra awor lo Mi saka Mi man pa dal abo i bo pueblo ku un plaga, i lo bo wòrdu kòrtá kitá for di tera.

9:16 Ma di bèrdat, pa e motibu aki Mi a pèrmitíbo keda na bida, pa mustrabo Mi poder i pa proklamá Mi nòmber den henter mundu.

9:17 Ma ainda bo ta halsa bo mes kontra Mi pueblo dor di no laga nan bai.

9:18 Mira, mañan na e ora aki lo Mi hasi hagel yobe masha pisá, manera no a wòrdu mirá na Egipto for di dia ku el a wòrdu fundá te awor.

9:19 Awor, duna òrdu pa buska bo bestianan di kria i trese nan i tur loke bo tin den kunuku, pone nan den siguridat. Tur hende i bestia ku wòrdu hañá den kunuku i ku no a wòrdu hibá kas lo muri ora hagel kai riba nan."'"

H6258 -- Awor -> Now
H7971 -- duna òrdu -> therefore send
H5756 -- pa buska -> bring
H4735 -- bo bestianan di kria -> your livestock
H3605 -- i trese nan i tur loke bo tin -> and whatever
H7704 -- den kunuku -> you have in the field
H5756 -- pone nan den siguridat -> to safety
H3605 -- Tur -> . Every
H929 -- hende i bestia -> and beast
H4672 -- ku wòrdu hañá -> that is found
H7704 -- den kunuku -> in the field
H622 -- i ku no a wòrdu hibá -> and is not brought
H1004 -- kas -> home
H1259 -- lo muri ora hagel -> when the hail
H120 -- hende -> man
H3381 -- kai -> comes
H3381 -- riba -> down
H4191 -- nan -> on them, will die

9:20 Esun entre Farao su sirbidónan ku tabata teme e palabra di SEÑOR a manda su sirbidónan pura hiba su bestianan di kria paden;

9:21 ma esun ku no a hasi kaso di e palabra di SEÑOR a laga su sirbidónan i su bestianan di kria keda den kunuku.

9:22 Awor SEÑOR a bisa Moisés: "Ekstendé bo man na shelu, pa hagel kai riba henter tera di Egipto, riba hende, riba bestia i riba tur mata di kunuku den henter tera di Egipto."

9:23 Anto Moisés a ekstendé su bara na shelu i SEÑOR a manda strena i hagel, i kandela tabata basha bin riba tera. I SEÑOR a hasi hagel yobe riba tera di Egipto.

9:24 Asina tabatin hagel, i kandela mesklá ku hagel, masha pisá mes, manera no tabatin nunka na henter tera di Egipto for di dia ku esaki a bira un nashon.

9:25 I e hagel a bati tur loke tabatin den kunuku na henter tera di Egipto, tantu hende komo bestia; tambe e hagel a bati tur mata di kunuku i a kibra tur palu di kunuku na pida-pida.

H1259 -- I e hagel -> The hail
H5221 -- a bati -> struck
H7704 -- tur loke tabatin den kunuku -> that was in the field
H3605 -- tur -> all
H3605 -- tur -> every
H3605 -- tur -> every
H3605 -- na henter -> through all
H776 -- tera -> the land
H4714 -- di Egipto -> of Egypt
H4480 -- , tantu -> both
H929 -- komo bestia -> and beast
H1259 -- ; tambe e hagel -> the hail
H5221 -- a bati -> also struck
H6212a -- tur mata -> plant
H120 -- hende -> man
H7704 -- di kunuku -> of the field
H7665 -- i a kibra -> and shattered
H7704 -- tur palu di kunuku na pida-pida -> of the field
H6086 -- palu -> tree

9:26 Solamente na tera di Gosen, kaminda e yunan di Israel tabata, no tabatin hagel.

9:27 E ora ei Farao a manda yama Moisés i Aaron i a bisa nan: "E biaha aki mi a peka; SEÑOR ta Esun hustu, i ami ku mi pueblo ta esnan malbado.

9:28 Hasi súplika na SEÑOR, pasobra nos a haña basta di Dios Su strena i hagel kaba; i lo mi laga boso bai, i boso lo no keda mas."

9:29 I Moisés a bis'é: "Asina mi sali for di stat, lo mi ekstendé mi mannan na SEÑOR; e strena lo stòp i lo no tin hagel mas, pa bo sa ku tera ta di SEÑOR.

9:30 Ma pa loke t'abo i bo sirbidónan, mi sa ku ainda boso no ta teme SEÑOR Dios."

9:31 Awor e lino i e puspas a wòrdu ruiná, pasobra e puspas tabata na tapushi i e lino tabata na flor.

9:32 Ma e trigo i e senteno no a wòrdu ruiná, pasobra nan ta hecha lat.

9:33 I Moisés a sali for di stat bai laga Farao, i a ekstendé su mannan na SEÑOR; i e strena i e hagel a stòp i awaseru no a basha mas riba tera.

9:34 Ma ora Farao a mira ku e awaseru, e hagel i e strena a stòp, el a bolbe peka i a hasi su kurason duru, é ku su sirbidónan.

9:35 I Farao su kurason a keda duru i e no a laga e yunan di Israel bai, meskos ku SEÑOR a papia pa medio di Moisés.