Buska den Beibel

Deuteronomio 24; Deuteronomio 25; Deuteronomio 26; Deuteronomio 27 BSNP Edita

Deuteronomio 24

24:1 "Ora ku un hòmber tuma un esposa i kasa kuné, i sosodé ku e esposa no ta agrad'é, pasobra el a haña algu indesente den djé, i e skirbié un karta di diborsio i entregá esaki den su man i mand'é bai for di su kas,

24:2 i e muhé sali for di su kas i bai i bira esposa di otro hòmber,

24:3 i e último esposo aki abores'é i skirbié un karta di diborsio, i entregá e karta den man di e muhé i mand'é bai for di su kas, òf e último esposo, ku a tum'é pa su esposa, muri,

24:4 e ora ei su promé esposo, ku a mand'é bai, no mag bolbe tum'é pa ta su esposa, komo ku el a wòrdu hasí impuru; pasobra esei ta un abominashon dilanti di SEÑOR, i bo no mester trese piká riba e tera ku SEÑOR bo Dios ta dunabo komo erensia.

24:5 "Ora ku un hòmber ta resien kasá, e no mester sali bai guera, ni wòrdu enkargá ku ningun obligashon; e mester ta liber na kas pa un aña i duna felisidat na e esposa ku el a tuma.

24:6 "Ningun hende no mag tuma un mulina di man òf e piedra di mulina di mas ariba komo garantia, pasobra ta un bida e ta tuma komo garantia.

24:7 "Si un hende wòrdu hañá ta sekuestrá un di su paisanonan for di e yunan di Israel, i e maltrat'é òf bend'é, e ladron ei mester muri; bo mester kita e maldat for di meimei di bo.

24:8 "Den kaso di plaga di lepra, pèrkurá di opservá i hasi eksaktamente konforme tur loke e saserdotenan levita ta siña boso; manera mi a ordená nan, asina boso mester pèrkurá di hasi.

24:9 Kòrda kiko SEÑOR bo Dios a hasi ku Miriam na kaminda, ora boso a sali for di Egipto.

24:10 "Ora bo fia bo próhimo kualke kos, no drenta su kas pa tuma su garantia.

24:11 Keda pafó, i laga e hòmber, na kende bo a fia, trese e garantia pafó pa bo.

24:12 I si e ta un hòmber pober, no bai drumi ku su garantia den bo poder.

24:13 Sin falta bo mester debolb'é e garantia ora solo ta baha, pa e por drumi den su mantel i bendishonábo; i esaki lo ta hustisia pa bo dilanti di SEÑOR bo Dios.

24:14 "No oprimí un sirbidó kontratá ku ta pober i den nesesidat, sea ku e ta un di bo paisanonan òf un di e stranheronan ku ta biba na bo tera den bo statnan.

24:15 Dun'é su suèldo riba mesun dia, promé ku solo baha, pasobra e ta pober i ta konta kuné, pa e no sklama na SEÑOR kontra bo i esaki bira piká den bo.

24:16 "Tatanan no mester wòrdu matá pa motibu di nan yu hòmbernan, ni yu hòmbernan no mester wòrdu matá pa motibu di nan tatanan; kada un mester wòrdu matá pa su mes piká.

24:17 "No trose e hustisia ku un stranhero òf wérfano tin derecho riba djé, ni tuma bistí di un biuda komo garantia.

24:18 Kòrda ku bo tabata esklabu na Egipto, i ku SEÑOR bo Dios a redimíbo for di einan; pesei mi ta ordenábo hasi e kos aki.

24:19 "Ora bo ta rekohé bo kosecha den bo kunuku i a lubidá un bohí den kunuku, no bai bèk pa koh'é; laga esaki keda pa e stranhero, pa e wérfano i pa e biuda, pa SEÑOR bo Dios por bendishonábo den tur e trabou di bo mannan.

24:20 Ora bo sakudí bo palu di oleifi, no bolbe repasá e ramanan; laga esaki keda pa e stranhero, pa e wérfano i pa e biuda.

24:21 Ora bo piki wendrùif di bo kunuku di wendrùif, no bolbe repas'é; laga esaki keda pa e stranhero, pa e wérfano i pa e biuda.

24:22 I kòrda ku bo tabata esklabu na tera di Egipto; pesei mi ta ordenábo hasi e kos aki.

Deuteronomio 25

25:1 "Ora hòmbernan tin un pleitu ku otro i nan bai korte i e huesnan huzga nan kaso, i nan hustifiká e hustu i kondená e malbado,

25:2 e ora ei, si e hòmber malbado meresé sota, e hues mester lagu'é kai drumi abou i laga sut'é den su presensia ku e kantidat di sota di akuèrdo ku su kulpa.

25:3 E mag dun'é kuarenta sota, ma no mas, pa e no dun'é muchu mas sota ku esakinan i bo ruman wòrdu rebahá den bo bista.

25:4 "No bisti buey bosal ora ku e ta trapa mainshi.

25:5 "Ora ruman hòmbernan ta biba huntu i un di nan muri sin laga yu hòmber, esposa di e defunto no mag kasa pafó di e famia ku un hòmber stranhero. Ruman hòmber di su esposo mester drumi kuné i tum'é komo esposa i kumpli ku e deber di ruman hòmber di un esposo p'é.

25:6 I lo t'asina ku e primogénito ku e duna lus na djé lo karga nòmber di su ruman hòmber defunto, pa su nòmber no wòrdu kitá for di Israel.

25:7 "Ma si e hòmber no ta deseá di tuma esposa di su ruman, e ora ei esposa di su ruman mester bai na porta di stat serka e ansianonan i bisa: 'Ruman hòmber di mi esposo ta nenga di stablesé un nòmber pa su ruman hòmber na Israel; e no kier kumpli ku e deber di ruman hòmber di un esposo pa mi.'

25:8 E ora ei e ansianonan di su stat mester manda yam'é i papia kuné. I si e pèrsistí i bisa: 'Mi no ta deseá di tum'é,'

25:9 e ora ei esposa di su ruman mester aserk'é den bista di e ansianonan, i kita sandalia di e hòmber for di su pia i skupi den su kara; i e muhé mester deklará: 'Asina ta hasi ku e hòmber ku no ta edifiká kas di su ruman.'

25:10 I na Israel nan lo dun'é e nòmber: 'Kas di esun ku su sandalia a wòrdu kitá.'

25:11 "Si dos hòmber, un hòmber i su paisano, bringa ku otro, i esposa di esun yega serka pa libra su esposo for di man di esun ku ta dal é, i e esposa saka su man i gara su partinan privá,

25:12 e ora ei bo mester kòrta su man afó; no tene duele di djé.

25:13 "Bo no mester tin den bo saku diferente sorto di peso, un grandi i un chikitu.

25:14 Bo no mester tin den bo kas diferente sorto di midí, un grandi i un chikitu.

25:15 Bo mester tin peso eksakto i hustu; bo mester tin un midí eksakto i hustu, pa bo dianan wòrdu prolongá na e tera ku SEÑOR bo Dios ta dunabo.

25:16 Pasobra ken ku hasi e kosnan aki, ken ku aktua inhustu, ta un abominashon na SEÑOR bo Dios.

25:17 "Kòrda kiko Amalek a hasi ku bo na kaminda, tempu ku bo a sali for di Egipto,

25:18 kon el a topabo na kaminda i a ataká tur e debilnan ku a keda bo tras, ora bo tabata morchá i morto kansá; i e no tabatin temor di Dios.

25:19 Pesei lo sosodé ku ora SEÑOR bo Dios dunabo sosiegu for di tur bo enemigunan rònt di bo, na e tera ku SEÑOR bo Dios ta dunabo komo erensia pa bo poderá di djé, bo mester kita e rekuèrdo di Amalek for di bou di shelu; no lubidá esaki!

Deuteronomio 26

26:1 "Anto lo t'asina ku ora bo drenta e tera ku SEÑOR bo Dios ta dunabo komo erensia, i bo poderá di djé i biba den djé,

26:2 bo mester kohe algun di e promé frutanan di henter e kosecha di e tera, ku bo ta rekohé for di e tera ku SEÑOR bo Dios ta dunabo, i pone esaki den makutu i bai na e lugá ku SEÑOR bo Dios ta skohe pa stablesé Su nòmber.

H3947 -- bo mester kohe -> that you shall take
H4480 -- algun -> some
H7225 -- di e promé -> of the first
H3605 -- di henter -> of all
H6529 -- e kosecha -> the produce
H935 -- bo ta rekohé -> you bring
H127 -- di e tera -> of the ground
H776 -- for di e tera -> in from your land
H834 -- ku -> which
H430 -- bo Dios -> your God
H5414 -- ta dunabo -> gives
H7760 -- i pone -> you, and you shall put
H2935 -- esaki den makutu -> ] in a basket
H1980 -- i bai -> and go
H4725 -- na e lugá -> to the place
H834 -- ku -> where
H430 -- bo Dios -> your God
H977 -- ta skohe -> chooses
H7931 -- pa stablesé -> to establish
H8034 -- Su nòmber -> His name

26:3 I bo mester bai serka e saserdote ku ta sirbi den e dianan ei i bis'é: 'Awe mi ta deklará na SEÑOR mi Dios ku mi a drenta e tera ku SEÑOR a hura na nos tatanan di duna nos.'

26:4 E ora ei e saserdote mester tuma e makutu for di bo man pon'é dilanti di e altar di SEÑOR bo Dios.

26:5 I bo mester kontestá i bisa dilanti di SEÑOR bo Dios: 'Mi tata tabata un arameo ku tabata na punto di peresé, i el a bai Egipto i a keda biba ayanan pa un tempu, ku poko hende; ma ayanan el a bira un nashon grandi, poderoso i numeroso.

H6030a -- I bo mester kontestá -> You shall answer
H559 -- i bisa -> and say
H6440 -- dilanti di -> before
H430 -- bo Dios -> your God
H1 -- : 'Mi tata -> ‘My father
H6 -- tabata un arameo ku tabata na punto di peresé -> was a wandering
H761 -- tabata un arameo ku tabata na punto di peresé -> Aramean
H3381 -- , i el a bai -> and he went
H3381 -- , i el a bai -> down
H4714 -- Egipto -> to Egypt
H1481a -- i a keda biba -> and sojourned
H8033 -- ayanan -> there
H4592 -- , ku poko -> few
H4962 -- hende -> in number
H8033 -- ; ma ayanan -> but there
H1961 -- el a bira -> he became
H1419 -- un nashon grandi -> a great
H6099 -- , poderoso -> mighty
H7227a -- i numeroso -> and populous
H1471 -- nashon -> nation

26:6 I e egipsionan a maltratá nos i a afligí nos i a pone trabou pisá riba nos.

26:7 E ora ei nos a sklama na SEÑOR, e Dios di nos tatanan, i SEÑOR a tende nos bos i a mira nos aflikshon, nos trabou pisá i nos opreshon;

26:8 i SEÑOR a saka nos for di Egipto ku un man poderoso i un brasa ekstendí, ku gran teror, i ku señalnan i maraviyanan;

26:9 i El a trese nos na e lugá aki i a duna nos e tera aki, un tera ku tin lechi i miel na abundansia.

26:10 I awor, mira, mi a trese e promé frutanan di e kosecha di e tera ku Abo, O SEÑOR, a dunami.' Anto bo mester pon'é dilanti di SEÑOR bo Dios i adorá dilanti di SEÑOR bo Dios;

26:11 i abo, e levita i e stranhero ku ta biba meimei di bo lo regosihá den tur kos bon ku SEÑOR bo Dios a duna abo i bo kas.

26:12 "Ora bo a kaba di paga henter e diesmo di bo produkshon den e di tres aña, e aña di paga diesmo, e ora ei bo mester duna e levita, e stranhero, e wérfano i e biuda esaki, pa nan kome den bo statnan i keda satisfecho.

H3588 -- Ora -> when
H3615 -- bo a kaba -> you have finished
H6237 -- di paga -> paying
H3605 -- henter -> all
H4643 -- e diesmo -> the tithe
H8393 -- di bo produkshon -> of your increase
H7992 -- den e di tres -> in the third
H8141 -- aña -> year
H8141 -- e aña -> the year
H4643 -- di paga diesmo -> of tithing
H5414 -- e ora ei bo mester duna -> then you shall give
H3881 -- e levita -> it to the Levite
H1616 -- e stranhero -> to the stranger
H3490 -- e wérfano -> to the orphan
H490 -- i e biuda -> and to the widow
H398 -- pa nan kome -> that they may eat
H8179 -- den bo statnan -> in your towns
H7646 -- i keda satisfecho -> and be satisfied

26:13 I bo mester bisa dilanti di SEÑOR bo Dios: 'Mi a saka e porshon sagrado for di mi kas, i tambe a duna e levita, e stranhero, e wérfano i e biuda esaki, konforme tur Bo mandamentunan ku Bo a ordenámi; mi no a transgresá ni lubidá ningun di Bo mandamentunan.

H559 -- I bo mester bisa -> You shall say
H6440 -- dilanti di -> before
H430 -- bo Dios -> your God
H1197a -- Mi a saka -> ‘I have removed
H6944 -- e porshon sagrado -> the sacred
H1004 -- for di mi kas -> ] house
H1571 -- i tambe -> and also
H5414 -- a duna -> have given
H3881 -- e levita -> it to the Levite
H1616 -- e stranhero -> and the alien
H3490 -- e wérfano -> the orphan
H490 -- i e biuda -> and the widow
H3605 -- konforme tur -> according to all
H4687 -- Bo mandamentunan -> Your commandments
H6680 -- Bo a ordenámi -> You have commanded
H5674a -- mi no a transgresá -> me; I have not transgressed
H7911 -- ni lubidá -> or forgotten
H4480 -- ningun -> any
H4687 -- di Bo mandamentunan -> of Your commandments
H834 -- ku -> which

26:14 Mi no a kome di djé mientras ku mi tabata na rou, ni mi no a kita nada di djé mientras ku mi tabata impuru, ni a ofresé nada di djé na e mortonan. Mi a skucha e bos di SEÑOR mi Dios; mi a hasi konforme tur loke Bo a ordenámi.

26:15 Wak abou for di Bo habitashon santu, for di shelu, i bendishoná Bo pueblo Israel i e tera ku Bo a duna nos, un tera ku tin lechi i miel na abundansia, manera Bo a hura na nos tatanan.'

26:16 "Riba e dia aki SEÑOR bo Dios ta ordenábo pa kumpli ku e statutonan i ordenansanan aki. Pesei, pèrkurá di kumpli ku nan ku henter bo kurason i ku henter bo alma.

26:17 Awe bo a deklará ku SEÑOR ta bo Dios i ku lo bo kana den Su kamindanan i warda Su statutonan, Su mandamentunan i Su ordenansanan, i ku lo bo skucha Su bos.

26:18 I SEÑOR a deklará awe na bo ku lo bo ta Su pueblo pekuliar, manera El a primintíbo, i ku bo mester warda tur Su mandamentunan;

26:19 i ku E lo halsabo riba tur nashon ku El a traha, pa alabansa, fama i onor; i ku lo bo ta un pueblo konsagrá na SEÑOR bo Dios, manera El a bisa."

Deuteronomio 27

27:1 E ora ei Moisés i e ansianonan di Israel a ordená e pueblo, bisando: "Warda tur e mandamentunan ku mi ta ordená boso awe.

27:2 I lo t'asina ku riba e dia ku bo ta krusa Jordan pa bai na e tera ku SEÑOR bo Dios ta dunabo, bo mester lanta pa bo mes piedranan grandi, i hunta nan ku kalki

27:3 i skirbi riba nan tur e palabranan di e lei aki, ora bo ta krusa pasa pa drenta e tera ku SEÑOR bo Dios ta dunabo, un tera ku tin lechi i miel na abundansia, manera SEÑOR, e Dios di bo tatanan, a primintíbo.

H3789 -- i skirbi -> and write
H3605 -- riba nan tur -> on them all
H1697 -- e palabranan -> the words
H2088 -- di e -> of this
H8451 -- lei -> law
H5674a -- aki, ora bo ta krusa -> when you cross
H5674a -- pasa -> over
H4616 -- pa -> so
H935 -- drenta -> that you may enter
H776 -- e tera -> the land
H430 -- bo Dios -> your God
H5414 -- ta dunabo -> gives
H776 -- , un tera -> you, a land
H834 -- ku -> which
H2100 -- ku tin -> flowing
H2461 -- lechi -> with milk
H1706 -- i miel -> and honey
H430 -- , e Dios -> the God
H1 -- di bo tatanan -> of your fathers
H1696 -- , a primintíbo -> promised

27:4 Asina lo ta ku ora bo ta krusa Jordan, bo mester lanta e piedranan aki riba Seru Ebal, manera mi ta ordená boso awe, i hunta nan ku kalki.

27:5 Ademas, ayanan bo mester traha un altar pa SEÑOR bo Dios, un altar di piedra; bo no mester traha ku hèrmènt di heru riba nan.

27:6 Traha e altar di SEÑOR bo Dios di piedra ku no a wòrdu gekap, i ofresé riba djé ofrendanan kimá na SEÑOR bo Dios;

27:7 i ofresé ofrendanan di pas i kome ayanan, i regosihá dilanti di SEÑOR bo Dios.

27:8 I riba e piedranan bo mester skirbi kla-kla tur e palabranan di e lei aki."

27:9 E ora ei Moisés i e saserdotenan levítiko a papia ku henter Israel, bisando: "Keda ketu i skucha, O Israel! Awe bo a bira un pueblo di SEÑOR bo Dios.

27:10 Pesei, obedesé SEÑOR bo Dios, i kumpli ku Su mandamentunan i Su statutonan ku mi ta ordenábo awe."

27:11 Tambe Moisés a ordená e pueblo e dia ei, bisando:

27:12 "Ora bo ta krusa Jordan, esakinan mester para riba Seru Gerizim pa bendishoná e pueblo: Simeon, Leví, Juda, Isakar, Jose, i Benjamin.

27:13 I pa maldishoná, esakinan mester para riba Seru Ebal: Ruben, Gad, Aser, Zabulon, Dan i Nèftalí.

27:14 "E ora ei e levitanan mester kontestá i bisa tur e hòmbernan di Israel na bos haltu:

27:15 'Maldishoná ta e hòmber ku traha un ídolo òf un imagen bashá, un abominashon na SEÑOR, e trabou di e mannan di un hòmber di ofishi, i lanta esaki na skondí.' I henter e pueblo mester kontestá i bisa: 'Amèn.'

H779 -- 'Maldishoná -> ‘Cursed
H376 -- ta e hòmber -> is the man
H834 -- ku -> who
H6213a -- traha -> makes
H6459 -- un ídolo -> an idol
H4541a -- òf un imagen -> or a molten
H4541a -- bashá -> image
H8441 -- , un abominashon -> an abomination
H4639 -- na SEÑOR, e trabou -> the work
H3027 -- di e mannan -> of the hands
H2796 -- di un hòmber di ofishi -> of the craftsman
H7760 -- , i lanta -> and sets
H5643a -- esaki na skondí -> ] up in secret
H3605 -- .' I henter -> .’ And all
H5971a -- e pueblo -> the people
H6030a -- mester kontestá -> shall answer
H559 -- i bisa -> and say
H543 -- : 'Amèn -> ‘Amen

27:16 'Maldishoná ta esun ku desonrá su tata òf su mama.' I henter e pueblo mester bisa: 'Amèn.'

27:17 'Maldishoná ta esun ku hala e piedra ku ta marka tereno di su próhimo.' I henter e pueblo mester bisa: 'Amèn.'

27:18 'Maldishoná ta esun ku hasi un siegu desviá for di kaminda.' I henter e pueblo mester bisa: 'Amèn.'

27:19 'Maldishoná ta esun ku trose e hustisia ku un stranhero, wérfano i biuda tin derecho riba djé.' I henter e pueblo mester bisa: 'Amèn.'

27:20 'Maldishoná ta esun ku drumi ku esposa di su tata, pasobra el a profaná kama di su tata.' I henter e pueblo mester bisa: 'Amèn.'

27:21 'Maldishoná ta esun ku tin relashon seksual ku un bestia.' I henter e pueblo mester bisa: 'Amèn.'

27:22 'Maldishoná ta esun ku drumi ku su ruman muhé, yu muhé di su tata òf di su mama.' I henter e pueblo mester bisa: 'Amèn.'

27:23 'Maldishoná ta esun ku drumi ku su suegra.' I henter e pueblo mester bisa: 'Amèn.'

27:24 'Maldishoná ta esun ku mata su próhimo na skondí.' I henter e pueblo mester bisa: 'Amèn.'

27:25 'Maldishoná ta esun ku aseptá plaka pasá bou di mesa pa mata un persona inosente.' I henter e pueblo mester bisa: 'Amèn.'

27:26 'Maldishoná ta esun ku no konfirmá e palabranan di e lei aki pa kumpli ku nan.' I henter e pueblo mester bisa: 'Amèn.'