Mateo 14

BSNP Edita

Mateo 14

14:1 Na e tempu ei Herodes, e tetrarka, a tende e notisia tokante di Jesus,

14:2 i el a bisa su sirbidónan: "Esaki ta Juan Boutista; el a lanta for di e mortonan, i ta pesei e podernan pa hasi milager ta obra den djé."

14:3 Pasobra Herodes a arestá Juan, a mar'é i a pon'é den prizon pa motibu di Herodias, esposa di su ruman Felipe.

14:4 Pasobra Juan tabata bis'é: "Lei no ta pèrmití pa bo tin é."

14:5 I maske e tabata kier a mat'é, e tabatin miedu di e multitut, pasobra nan tabatin é pa un profeta.

14:6 Ma ora nan tabata selebrá e hasimentu di aña di Herodes, yu muhé di Herodias a balia dilanti di nan i a agradá Herodes.

14:7 Pesei el a primintí bou di huramentu pa dun'é tur loke e pidi.

14:8 I instigá pa su mama, el a bisa: "Dunami aki riba un teblachi e kabes di Juan Boutista."

14:9 I maske a duel rei, tòg el a duna òrdu pa dun'é esaki, pa motibu di su huramentu i pa motibu di esnan ku tabata huntu kuné na mesa.

14:10 I el a duna òrdu pa kap Juan su kabes afó den prizon.

14:11 I nan a trese su kabes riba un teblachi i a duna e mucha muhé esaki; i el a hib'é pa su mama.

14:12 I su disipelnan a bin, a kohe e kurpa bai kuné i a der'é; i nan a bai konta Jesus.

14:13 Awor ora Jesus a tende esaki, El a retirá for di e lugá ei den un boto pa bai Su so na un lugá solitario; i ora ku e multitutnan a tende esaki, nan a siguiE na pia for di e statnan.

14:14 I ora Jesus a baha for di e boto, El a mira un multitut grandi, i El a sinti kompashon pa nan i a kura nan enfermonan.

14:15 I ora ku a bira tardi, e disipelnan a bin serka djE, bisando: "E lugá aki ta desolá i ya ta lat kaba; pesei, manda e multitutnan bai, pa nan por bai na e pueblitonan i kumpra kuminda pa nan mes."

G3798 -- I ora ku a bira tardi -> When it was evening
G3101 -- e disipelnan -> the disciples
G4334 -- a bin -> came
G3004 -- serka djE, bisando -> to Him and said
G3588 -- E -> This
G5117 -- lugá -> place
G2048 -- ta desolá -> is desolate
G5610 -- i ya ta lat kaba -> and the hour
G2235 -- ya -> is already
G3928 -- lat -> late
G3767 -- pesei -> so
G630 -- manda -> send
G3793 -- e multitutnan -> the crowds
G630 -- bai -> away
G565 -- pa nan por bai -> that they may go
G2968 -- na e pueblitonan -> into the villages
G59 -- i kumpra -> and buy
G1033 -- kuminda -> food
G1438 -- pa nan mes -> for themselves

14:16 Ma Jesus a bisa nan: "Nan no tin mester di bai; boso duna nan algu di kome!"

14:17 Ma nan a bis'E: "Ta sinku pan i dos piská so nos tin akinan."

14:18 I El a bisa: "Trese nan aki pa Mi."

14:19 I despues di a manda e multitutnan sint'abou riba e yerba, El a kohe e sinku pannan i e dos piskánan, i mirando ariba na shelu El a bendishoná nan; i El a kibra e pannan i a duna nan na e disipelnan, i e disipelnan a duna e multitutnan,

G2753 -- I despues di a manda -> Ordering
G3793 -- e multitutnan -> the people
G347 -- sint'abou -> to sit
G347 -- sint'abou -> down
G5528 -- riba e yerba -> on the grass
G2983 -- El a kohe -> He took
G4002 -- e sinku -> the five
G740 -- pannan -> loaves
G1417 -- i e dos -> and the two
G2486 -- piskánan -> fish
G308 -- i mirando -> and looking
G1519 -- ariba na -> up toward
G3772 -- shelu -> heaven
G2127 -- El a bendishoná -> He blessed
G2806 -- i El a kibra -> ], and breaking
G740 -- e pannan -> the loaves
G1325 -- a duna -> He gave
G3101 -- nan na e disipelnan -> them to the disciples
G3101 -- i e disipelnan -> and the disciples
G3793 -- a duna e multitutnan -> ] to the crowds

14:20 i nan tur a kome keda barika yen. I nan a rekohé loke a sobra di e pida-pidanan, diesdos makutu yen.

14:21 I esnan ku a kome tabata komo sinku mil hende hòmber, sin konta hende muhé i mucha.

14:22 I mesora Jesus a manda e disipelnan bai den e boto i bai Su dilanti na e otro banda, mientras ku E tabata manda e multitutnan bai.

14:23 I despues ku El a manda e multitutnan bai, E so a subi bai riba seru pa hasi orashon. I ora nochi a sera, E tabata Su so ayanan.

14:24 Ma e boto tabata meimei di laman kaba, i e olanan tabata sut'é, pasobra bientu tabata kontrario.

14:25 I den e di kuater warda di anochi Jesus a bin serka nan, kanando riba laman.

14:26 I ora ku e disipelnan a mir'E ta kana riba laman, nan a spanta, bisando: "Ta un spiritu!" I nan a grita di miedu.

14:27 Ma mesora Jesus a papia ku nan, bisando: "Tene kurashi, ta Ami; no tene miedu."

14:28 I Pedro a kontest'E, bisando: "Señor, si ta Abo, ordenámi bin serka Bo riba awa."

14:29 I El a bisa: "Bin!" I Pedro a sali for di e boto, a kana riba awa i a bai serka Jesus.

14:30 Ma notando e bientu fuerte el a haña miedu, i ora ku el a kuminsá senk, el a grita, bisando: "Señor, salbami!"

14:31 I mesora Jesus a saka Su man gar'é i a bis'é: "O abo, hende di poko fe, pakiko bo a duda?"

14:32 I ora nan a bai den e boto, bientu a stòp di supla.

14:33 I esnan ku tabata den e boto a ador'E, bisando: "Di bèrdat Bo ta e Yu di Dios!"

14:34 I ora nan a krusa, nan a yega tera na Genesaret.

14:35 I ora ku e hòmbernan di e lugá ei a rekonos'E, nan a manda notisia tur kaminda den e distrikto ei i a trese tur esnan ku tabata malu serka djE.

14:36 I nan a kuminsá rogu'E pa nan por a djis mishi ku zòm di Su mantel; i tur esnan ku a mishi ku esaki a kura.

Mateo 13 Mateo 15