Lukas 6

BSNP Edita

Lukas 6

6:1 Awor a sosodé ku riba dia di Sabat E tabata pasando dor di kunukunan di mainshi; i Su disipelnan tabata kita e tapushinan di mainshi, frega nan den nan man i kome nan.

6:2 Ma algun di e fariseonan a bisa: "Pakiko boso ta hasi loke Lei no ta pèrmití pa hasi riba dia di Sabat?"

6:3 I kontestando nan Jesus a bisa: "Ni lesa boso no a lesa loke David a hasi ora ku é i esnan ku tabata huntu kuné a haña hamber,

6:4 kon el a bai den e kas di Dios, i a kohe e pan konsagrá kome, loke Lei no ta pèrmití pa ningun hende kome, sino solamente e saserdotenan, i a duna esaki na esnan ku tabata huntu kuné?"

6:5 I E tabata bisa nan: "E Yu di Hende ta Señor di Sabat."

6:6 I a sosodé riba un otro dia di Sabat ku El a bai den snoa i tabata siña e hendenan; i einan tabatin un hòmber, kende su man drechi tabata seku.

6:7 I e eskribanan i e fariseonan tabata ten'E bon na bista, pa wak si E tabata kura riba dia di Sabat, pa nan por a haña motibu pa akus'E.

6:8 Ma E tabata konosé nan pensamentunan, i El a bisa e hòmber ku e man seku: "Lanta bin para meimei aki!" I el a lanta i a bai para ayanan.

6:9 I Jesus a bisa nan: "Mi kier puntra boso un kos: Lei ta pèrmití pa riba dia di Sabat hasi bon òf hasi malu, salba un bida òf destruié?"

6:10 I despues di a wak nan tur, El a bisa e hòmber: "Rèk bo man!" I esei el a hasi; i su man a bira bon atrobe.

6:11 Ma nan mes tabata furioso, i tabata diskutí nan ku nan kiko nan por a hasi kontra Jesus.

6:12 I a sosodé den e dianan ei ku El a subi bai riba seru pa hasi orashon, i El a pasa henter anochi den orashon na Dios.

6:13 I ora dia a habri El a yama Su disipelnan serka djE, i a skohe diesdos di nan, kendenan tambe El a yama apòstel:

6:14 Simon, kende El a yama Pedro tambe, i su ruman Andres; i Santiago i Juan; i Felipe i Bartolomé;

6:15 i Mateo i Tomas; Santiago, yu hòmber di Alfeo, i Simon, kende tabata wòrdu yamá Zelote;

6:16 Judas, yu hòmber di Santiago, i Judas Iskariot, kende a bira un traidó.

6:17 I El a baha huntu ku nan i a keda para riba un lugá plat; i ayanan tabatin un multitut grandi di Su disipelnan, i un multitut grandi di hende for di henter Judea i Jerusalèm i e region na kosta di Tiro i Sidon,

G2597 -- I El a baha -> Jesus came
G2597 -- huntu -> down
G2476 -- ku nan i a keda para -> with them and stood
G3977 -- riba un lugá -> on a level
G5117 -- plat -> place
G4183 -- ; i ayanan tabatin un -> ] a large
G3793 -- multitut -> crowd
G3101 -- grandi di Su disipelnan -> of His disciples
G4183 -- , i un multitut grandi -> and a great
G4128 -- di hende -> throng
G2992 -- for di -> of people
G3956 -- henter -> from all
G2453 -- Judea -> Judea
G2419 -- i Jerusalèm -> and Jerusalem
G3882 -- i e region na kosta -> and the coastal
G3882 -- di -> region
G5184 -- Tiro -> of Tyre
G4605 -- i Sidon -> and Sidon

6:18 kendenan a bin pa tend'E i pa wòrdu kurá di nan malesanan; i esnan ku tabata wòrdu tormentá pa spiritunan impuru tabata wòrdu kurá.

6:19 I henter e multitut tabata buska manera pa mishi kunE, pasobra poder tabata sali for di djE i tabata kura nan tur.

6:20 I El a hisa kara wak Su disipelnan i a bisa: "Bendishoná ta boso ku ta pober, pasobra di boso e reino di Dios ta.

6:21 Bendishoná ta boso ku tin hamber awor, pasobra boso lo wòrdu sasiá. Bendishoná ta boso ku ta yora awor, pasobra boso lo hari.

6:22 Bendishoná ta boso ora hende ta odia boso i ta ekskluí boso i ta insultá boso, i ta rechasá boso nòmber komo malu, pa kousa di e Yu di Hende.

6:23 "Sea kontentu den e dia ei i bula di goso, pasobra mira, boso rekompensa ta grandi den shelu; pasobra meskos nan tatanan tabata hasi ku e profetanan.

6:24 "Ma ai di boso ku ta riku, pasobra ya boso a risibí boso konsuelo kaba.

6:25 Ai di boso ku ta barika yen awor, pasobra boso lo tin hamber. Ai di boso ku ta hari awor, pasobra boso lo lamentá i yora.

6:26 Ai di boso ora tur hende ta papia bon di boso, pasobra meskos nan tatanan tabata hasi ku e profetanan falsu.

6:27 "Ma na boso ku ta tende Mi ta bisa, stima boso enemigunan, hasi bon na esnan ku ta odia boso,

6:28 bendishoná esnan ku ta maldishoná boso, hasi orashon pa esnan ku ta maltratá boso.

6:29 Ken ku dal bo na esun banda di kara, ofres'é e otro banda tambe; i ken ku kita bo mantel for di bo, lagu'é kohe bo túnika tambe.

6:30 Duna na tur hende ku pidibo, i ken ku kohe loke ta di bo, no eksigí esaki bèk.

6:31 I meskos ku boso kier pa hende hasi ku boso, boso tambe hasi ku nan.

6:32 "I si boso stima esnan ku ta stima boso, ki mérito esei ta pa boso? Pasobra asta pekadónan ta stima esnan ku ta stima nan.

6:33 I si boso hasi bon na esnan ku ta hasi bon na boso, ki mérito esei ta pa boso? Pasobra asta pekadónan ta hasi meskos.

6:34 I si boso fia esnan for di kendenan boso ta spera di risibí, ki mérito esei ta pa boso? Asta pekadónan ta fia pekadónan, pa risibí meskos bèk.

6:35 Ma stima boso enemigunan, i hasi bon, i fia sin spera di haña nada bèk; i boso rekompensa lo ta grandi, i boso lo ta yunan di e Haltísimo; pasobra E mes ta kariñoso pa ku ingratonan i malbadonan.

6:36 Sea miserikòrdioso, meskos ku boso Tata ta miserikòrdioso.

6:37 "No huzga, i boso lo no wòrdu huzgá; no kondená, i boso lo no wòrdu kondená; pordoná, i boso lo wòrdu pordoná.

6:38 Duna, i lo wòrdu duná na boso: un midí bon yená, bon primí, bon sakudí, ku ta basha ofer, nan lo drama den boso skochi. Pasobra ku e mesun midí ku boso midi kuné lo wòrdu midí bèk pa boso."

6:39 I tambe El a konta nan un parábola: "Akaso un siegu por guia un siegu? Nan tur dos lo no kai den buraku?

6:40 Un disipel no ta mas ku su maestro; ma tur hende, despues di a kaba di siña tur kos, lo ta meskos ku su maestro.

6:41 "I pakiko bo ta wak e stòf ku tin den wowo di bo ruman, ma no ta ripará e balki ku tin den bo mes wowo?

6:42 Of kon bo por bisa bo ruman: 'Ruman, lagami saka e stòf for di bo wowo,' mientras ku abo mes no ta mira e balki ku tin den bo mes wowo? Abo hipokrít, saka promé e balki for di bo mes wowo, i e ora ei lo bo mira bon kla pa saka e stòf ku tin den wowo di bo ruman.

6:43 "Pasobra no tin palu bon ku ta duna mal fruta, ni palu malu ku ta duna bon fruta.

6:44 Pasobra kada palu ta konosí na su fruta. Pasobra hende no sa kita figo for di mata di sumpiña, ni nan no sa kita wendrùif for di mata di wabi.

6:45 E bon hende, for di e bon tesoro di su kurason, ta saka loke ta bon; i e mal hende, for di e mal tesoro, ta saka loke ta malu; pasobra for di e abundansia di kurason su boka ta papia.

6:46 "I pakiko boso ta yamaMi: 'Señor, Señor,' i no ta hasi loke Mi ta bisa?

6:47 Ken ku bin serka Mi i tende Mi palabranan i hasi nan, lo Mi mustra boso ku ken e ta igual:

6:48 e ta igual ku un hòmber ku a traha un kas, kende a koba hundu i a pone un fundeshi riba e baranka; i ora ku a bin un diluvio, e torente di awa a suta duru kontra e kas ei i no por a sakudié, pasobra e tabata bon trahá.

6:49 Ma esun ku a tende i no a hasi nada ta igual ku un hòmber ku a traha un kas riba tera sin ningun fundeshi; i e torente di awa a suta duru kontra djé i mesora el a bash'aden, i e ruina di e kas ei tabata grandi."

Lukas 5 Lukas 7