Isaias 63

BSNP Edita

Isaias 63

63:1 Ken esaki ta ku ta bin for di Edòm, for di Bosra, ku bistí kòrá, Esun aki ku ta mahestuoso den Su bistí, ku ta marcha den e grandesa di Su fortalesa? "Ta Ami ku ta papia den hustisia, ku ta poderoso pa salba."

63:2 Pakiko Bo paña ta kòrá, i Bo bistínan manera di esun ku ta trapa den e baki-di-pèrs-wendrùif?

63:3 "Ta Ami so a trapa den e baki-di-pèrs-wendrùif, i no tabatin ningun hende di e pueblonan huntu ku Mi. Tambe Mi a trapa nan den Mi rabia i a plècha nan den Mi furia; nan sanger a spat riba Mi bistínan, i Mi a mancha tur Mi paña.

H1869 -- "Ta Ami so a trapa -> I have trodden
H6333b -- den e baki-di-pèrs-wendrùif -> the wine
H6333b -- den e baki-di-pèrs-wendrùif -> trough
H905 -- , i no tabatin ningun hende -> alone
H5971a -- di e pueblonan -> And from the peoples
H369 -- huntu ku Mi -> there
H369 -- huntu ku Mi -> was no
H376 -- huntu ku Mi -> man
H1869 -- . Tambe Mi a trapa -> with Me. I also trod
H639 -- nan den Mi rabia -> them in My anger
H7429 -- i a plècha -> And trampled
H2534 -- nan den Mi furia -> them in My wrath
H5332 -- ; nan sanger -> And their lifeblood
H5137a -- a spat -> is sprinkled
H899b -- riba Mi bistínan -> on My garments
H1351 -- , i Mi a mancha -> And I stained
H4403 -- tur Mi paña -> My raiment
H3605 -- tur -> all

63:4 Pasobra e dia di vengansa tabata den Mi kurason, i Mi aña di redenshon a yega.

63:5 Mi a wak i no tabatin ni un hende pa yuda, i Mi a keda asombrá ku ni un hende no tabata duna sosten; asina Mi mes brasa a trese salbashon pa Mi, i Mi furia a sostenéMi.

63:6 Mi a kana riba e pueblonan den Mi rabia, i a hasi nan burachi den Mi furia, i Mi a basha nan sanger riba tera."

63:7 Lo Mi menshoná e miserikòrdianan di SEÑOR, e alabansanan di SEÑOR, konforme tur loke SEÑOR a duna nos, i e gran bondat pa ku e kas di Israel, ku El a duna nan konforme Su kompashon, i konforme e multitut di Su miserikòrdianan.

63:8 Pasobra El a bisa: "Siguramente, nan ta Mi pueblo, yunan ku no ta gaña." Asina El a bira nan Salbador.

63:9 Den tur nan aflikshon E tabata afligí, i e Angel di Su presensia a salba nan. Den Su amor i den Su miserikòrdia El a redimí nan; El a hisa nan i a karga nan tur e dianan di promé aya.

63:10 Ma nan a rebeldiá i a hasi Su Spiritu Santu tristu; pesei, pa nan El a kambia bira nan enemigu; El a bringa ku nan.

63:11 Anto Su pueblo a kòrda riba e dianan di promé aya, riba Moisés. Unda Esun ta ku a trese nan for di laman huntu ku e wardadónan di Su tou? Unda Esun ta ku a pone Su Spiritu Santu meimei di nan,

63:12 ku a hasi Su brasa glorioso bai na man drechi di Moisés, ku a parti e awanan nan dilanti pa stablesé un nòmber etèrno pa Su mes,

63:13 ku a guia nan dor di e profundidatnan? Manera kabai den tera seku, nan no a trompeká;

63:14 manera baka ku ta baha bai den vaye, e Spiritu di SEÑOR a duna nan sosiegu. Asina Bo a guia Bo pueblo, pa stablesé un nòmber glorioso pa Bo mes.

63:15 Wak abou for di shelu i mira for di Bo habitashon santu i glorioso; unda Bo zelo i Bo echonan poderoso ta keda? Bo ta nenga di mustrami e kariño di Bo kurason i Bo kompashon.

63:16 Pasobra Abo ta nos Tata, maske Abraham no konosé nos, i Israel no rekonosé nos. Abo, O SEÑOR, ta nos Tata, nos Redentor for di etèrnidat ta Bo nòmber.

63:17 O SEÑOR, pakiko Bo ta hasi nos dwal for di Bo kamindanan, i ta hasi nos kurason duru pa nos no tin temor pa Bo? Bolbe pa motibu di Bo sirbidónan, e tribunan di Bo erensia.

63:18 Bo pueblo santu tabata poseé Bo santuario pa un tempu kòrtiku; nos atversarionan a trapa riba djé.

63:19 Nos a bira manera esnan ku Bo no a goberná nunka, manera esnan ku no a wòrdu yamá na Bo nòmber.

Isaias 62 Isaias 64