Buska den Beibel

Job 40; Job 41; Job 42 BSNP Edita

Job 40

40:1 E ora ei SEÑOR a bisa Jòb:

40:2 "Esun ku ta piki fout lo pleita ku e Todopoderoso? Laga esun ku ta reprendé Dios kontestá esaki."

40:3 E ora ei Jòb a kontestá SEÑOR i a bisa:

40:4 "Mira, ami ta insignifikante; kiko mi por kontestáBo? Mi ta pone mi man riba mi boka.

40:5 Un biaha mi a papia, i lo mi no kontestá; sí, dos biaha, i lo mi no sigui papia mas."

40:6 E ora ei SEÑOR a kontestá Jòb for di e tempestat, i a bisa:

40:7 "Awor, faha bo hep manera hòmber; Ami lo hasibo pregunta, i abo instruíMi.

40:8 "Di bèrdat bo kier anulá Mi huisio? Bo kier kondenáMi pa abo por ta hustifiká?

40:9 Of bo tin un brasa manera Dios, i bo por strena ku un bos manera esun di djE?

40:10 Dòrna bo mes ku gloria i splendor; i bisti bo mes ku onor i mahestat.

40:11 Basha e furia di bo rabia; i mira riba kada hende ku ta orguyoso, i rebah'é.

40:12 Mira riba kada hende ku ta orguyoso, i umiy'é; i trapa riba e malbadonan kaminda nan ta pará.

40:13 Skonde nan huntu den stòf; mara nan den e lugá skondí.

40:14 E ora ei Ami tambe lo konfesá na bo, ku bo mes man drechi por salbabo.

40:15 "Awor, wak Behemot, ku Mi a traha meskos ku Mi a trahabo; e ta kome yerba manera buey.

40:16 Mira awor, su forsa ta den su hep, i su poder ta den e múskulonan di su barika.

40:17 E ta dobla su rabu manera un palu di seda; e múskulonan di su bel di pia ta gewef na otro.

40:18 Su wesunan ta manera tubo di bròns; su repchinan ta manera bara di heru.

40:19 E ta esun di promé di e obranan di Dios; laga Esun ku a trah'é aserk'é ku Su spada.

40:20 Siguramente e serunan ta produsí kuminda p'é, i tur bestia di mondi ta hunga ayanan.

40:21 E ta kai drumi bou di e matanan di lotus, skondí den richi i den muras.

40:22 E matanan di lotus ta tap'é ku nan sombra; e welgnan kantu di roi ta tur rònt di djé.

40:23 Maske riu krese, e no ta alarmá; e ta trankil, maske Jordan kore basha den su boka.

40:24 Tin hende ku por koh'é ora ku e ta vigilá, òf traspasá su nanishi ku hak?

Job 41

41:1 "Bo por hala leviatan trese ariba ku un anzué? Of primi su lenga abou ku un liña?

41:2 Bo por pasa un kabuya den su nanishi? Of traspasá su kakumbein ku un hak?

41:3 Lo e hasi hopi súplika na bo? Of lo e papia palabranan suave ku bo?

41:4 Lo e sera un aliansa ku bo? Lo bo tum'é komo un sirbidó pa semper?

41:5 Lo bo hunga kuné manera ku un parha? Of lo bo mar'é pa bo mucha muhénan?

41:6 E kompañeronan lo negoshá ofer di djé? Nan lo partié entre e komersiantenan?

41:7 Bo por yena su kueru ku harpun, òf su kabes ku lansa di piskadó?

41:8 Pone bo man riba djé; kòrda e bataya; lo bo no hasié mas!

41:9 Mira, bo speransa ta en bano. Lo bo no desmayá djis di wak e so?

41:10 Ningun hende no tin asina un kurashi ku e ta tribi molesti'é; ken anto ta esun ku por para Mi dilanti?

41:11 Ken a dunaMi, ku Mi mester pagu'é bèk? Tur loke tin bou di henter shelu ta di Mi.

41:12 "Lo Mi no keda ketu tokante di e miembronan di su kurpa, ni tokante di su forsa poderoso, ni su kurpa bon formá.

41:13 Ken por kita su bachi? Ken por penetrá su armadura dòbel?

41:14 Ken por habri e portanan di su kara? Rònt di su djentenan tin teror.

41:15 Su skamanan fuerte ta su orguyo, bon será na otro, manera ta ku seyo nan ta será na otro.

41:16 Esun ta asina serka di e otro, ku aire no por pasa meimei di nan.

41:17 Nan ta pegá un na otro; nan ta wantá na otro, i no por wòrdu separá.

41:18 Su nisternan ta saka chispa di lus, i su wowonan ta manera e klèpnan di wowo di mainta.

41:19 For di su boka ta sali flambeunan sendí; chispa di kandela ta spat.

41:20 For di su burakunan di nanishi ta sali huma, manera for di un wea ku ta herebé i richi ku ta kima.

41:21 Su rosea ta sende karbon, i un flam ta sali for di su boka.

41:22 Den su nèk tin forsa, i sustu ta bula su dilanti.

41:23 E ploinan di su karni ta será na otro, firme na su kurpa i inmovibel.

41:24 Su kurason ta duru manera piedra; mes duru ku e piedra parti djabou di mulina.

41:25 Ora ku e lanta su kurpa, e poderosonan ta spanta; pa motibu di e boroto, pániko ta drenta nan.

41:26 E spada ku alkans'é no por hasié nada; ni e lansa, ni e flecha, ni e yabalina.

41:27 E ta konsiderá heru komo yerba seku, i bròns komo palu putrí.

41:28 Flecha no por pon'é hui; piedra di slenger ta bira palu di mainshi seku p'é.

41:29 Klòp ta wòrdu konsiderá komo palu di mainshi seku; e ta hari ora ku e yabalina ta zona.

41:30 Bou di su barika tin manera splenter skèrpi di wea di klei; e ta laga lastronan marká den lodo.

41:31 E ta hasi e profundidatnan herebé manera un wea; e ta hasi laman manera un pòchi di unguente.

41:32 Su tras e ta laga un lastro ku ta lombra; hende lo a kere ku e profundidat tin kabei blanku.

41:33 Nada riba tera no ta manera é, ku a wòrdu trahá sin miedu.

41:34 E ta wak ku menospresio riba tur loke ta haltu; e ta rei riba tur e yunan di orguyo."

Job 42

42:1 E ora ei Jòb a kontestá SEÑOR, i a bisa:

42:2 "Mi sa ku Bo por hasi tur kos, i ku ningun di Bo propósitonan no por wòrdu strobá.

42:3 'Ta ken t'esun ku ta skonde konseho sin konosementu?' Pesei mi a deklará loke mi no tabata komprendé, kosnan muchu maraviyoso pa mi, ku mi no tabata konosé.

42:4 'Skucha awor, i ami lo papia; ami lo hasiBo pregunta i Abo instruími.'

42:5 Ta tende mi a tende di Bo, ma awor mi wowo ta miraBo;

42:6 pesei mi ta hala mi palabranan atras, i ta repentí den stòf i shinishi."

42:7 I a sosodé ku despues ku SEÑOR a kaba di papia e palabranan aki ku Jòb, SEÑOR a bisa Elifaz e temanita: "Mi furia a sende kontra bo i kontra bo dos amigunan, pasobra boso no a papia di Mi loke ta rekto, manera Mi sirbidó Jòb a hasi.

H1961 -- I a sosodé -> It came
H310 -- ku despues -> about after
H1696 -- a kaba di papia -> had spoken
H428 -- e -> these
H1697 -- palabranan -> words
H347 -- ku Jòb -> to Job
H464 -- a bisa Elifaz -> to Eliphaz
H8489 -- e temanita -> the Temanite
H639 -- : "Mi furia -> My wrath
H2734 -- a sende -> is kindled
H8147 -- kontra bo i kontra bo dos -> against you and against your two
H7453 -- amigunan -> friends
H559 -- a bisa -> said
H1696 -- pasobra boso no a papia -> you have not spoken
H3559 -- di Mi loke ta rekto -> of Me what is right
H5650 -- manera Mi sirbidó -> as My servant
H347 -- Jòb -> Job
H3588 -- pasobra -> because

42:8 Pesei anto, boso kohe shete bishé machu i shete karné chubatu i bai serka Mi sirbidó Jòb, i ofresé pa boso mes un ofrenda kimá; i Mi sirbidó Jòb lo hasi orashon pa boso. Pasobra lo Mi aseptá su orashon, pa Mi no trata ku boso segun boso lokura, pasobra boso no a papia di Mi loke ta rekto, manera Mi sirbidó Jòb a hasi."

H6258 -- Pesei -> Now
H3947 -- anto, boso kohe -> therefore, take
H7651 -- shete -> for yourselves seven
H6499 -- bishé machu -> bulls
H7651 -- i shete -> and seven
H352a -- karné chubatu -> rams
H1980 -- i bai -> and go
H5650 -- serka Mi sirbidó -> to My servant
H347 -- Jòb -> Job
H5927 -- , i ofresé -> and offer
H5930a -- pa boso mes un ofrenda kimá -> up a burnt
H347 -- i Mi sirbidó Jòb -> Job
H6419 -- lo hasi orashon -> will pray
H6440 -- pa boso. Pasobra lo Mi aseptá -> for you. For I will accept
H1115 -- su orashon, pa -> him so
H6213a -- Mi no trata -> that I may not do
H5039 -- segun boso lokura -> ] folly
H1696 -- pasobra boso no a papia -> you have not spoken
H3559 -- di Mi loke ta rekto -> of Me what is right
H5650 -- , manera Mi sirbidó -> as My servant
H347 -- Jòb -> Job
H3588 -- pasobra -> because

42:9 Asina Elifaz e temanita, Bildad e suhita i Zofar e naamatita a bai i a hasi manera SEÑOR a ordená nan. I SEÑOR a aseptá e orashon di Jòb.

42:10 I SEÑOR a restorá e rikesanan di Jòb ora ku el a hasi orashon pa su amigunan, i SEÑOR a duna Jòb dòbel di tur loke e tabatin promé.

42:11 E ora ei tur su ruman hòmbernan i tur su ruman muhénan, i tur ku tabata konos'é antes, a bin serka djé, i nan a kome pan huntu kuné den su kas. I nan a konsol'é i a ekspresá nan duele pa tur e maldat ku SEÑOR a trese riba djé. I kada un a dun'é un plaka di plata, i kada un a dun'é un renchi di oro.

H3605 -- E ora ei tur -> Then all
H3605 -- i tur -> and all
H3605 -- i tur -> and all
H251 -- su ruman hòmbernan -> his brothers
H269 -- su ruman muhénan -> his sisters
H3045 -- ku tabata konos'é -> who had known
H6440 -- antes -> him before
H935 -- a bin -> came
H398 -- serka djé, i nan a kome -> to him, and they ate
H3899 -- pan -> bread
H1004 -- huntu kuné den su kas -> with him in his house
H5110 -- I nan a konsol'é -> and they consoled
H5162 -- i a ekspresá nan duele -> him and comforted
H3605 -- pa tur -> him for all
H7463a -- e maldat -> the adversities
H935 -- a trese -> had brought
H376 -- riba djé. I kada -> on him. And each
H376 -- un -> one
H5414 -- a dun'é -> gave
H259 -- un -> him one
H7192 -- plaka -> piece
H7192 -- di plata -> of money
H376 -- , i kada -> and each
H5141 -- un renchi -> a ring
H2091 -- di oro -> of gold

42:12 I SEÑOR a bendishoná e último dianan di Jòb mas ku e proménan. I e tabatin dieskuater mil karné, seis mil kamel, mil yugo di buey i mil buriku yewa.

42:13 E tabatin shete yu hòmber i tres yu muhé.

42:14 I el a yama esun promé Jemima, e di dos Kesia, i e di tres Keren-hapuk.

42:15 I den henter e tera no por a haña muhénan asina bunita manera e yu muhénan di Jòb; i nan tata a duna nan erensia huntu ku nan ruman hòmbernan.

42:16 I despues di esaki Jòb a biba shent'i kuarenta aña, i a mira su yunan i yunan di su yunan, kuater generashon.

42:17 I Jòb a muri, un hòmber bieu i yen di dia.n BUKI Ir Salmo 1-41