Buska den Beibel

Genesis 35; Genesis 36; Genesis 37 BSNP Edita

Genesis 35

35:1 E ora ei Dios a bisa Jakòb: "Lanta, bai Bèt-èl, i keda biba ayanan, i traha un altar ayanan pa Dios, Kende a paresé na bo tempu ku bo a hui pa bo ruman Esau."

35:2 Pesei Jakòb a bisa e hendenan di su kas i tur esnan ku tabata serka djé: "Deshasí di e diosnan stranhero ku ta meimei di boso, i purifiká boso mes i kambia boso paña.

35:3 I laga nos lanta bai Bèt-èl, i ayanan lo mi traha un altar pa Dios, Kende a kontestámi den e dia di mi angustia, i tabata ku mi unda ku mi a bai."

35:4 Asina nan a duna Jakòb tur e diosnan stranhero ku nan tabatin i e renchinan ku tabata na nan orea; i Jakòb a skonde nan bou di e palu di eik ku tabata keda pegá ku Sikem.

35:5 I nan a sali bai, i e teror di Dios tabata riba e statnan ku tabata rònt di nan, i nan no a pèrsiguí e yunan di Jakòb.

35:6 Asina Jakòb a yega na Luz (esta, Bèt-èl) ku ta keda na tera di Kanaan, é ku tur e hendenan ku tabata huntu kuné.

35:7 I ayanan Jakòb a traha un altar, i a yama e lugá El-bèt-èl, pasobra ayanan Dios a revelá Su mes na djé, tempu ku el a hui pa su ruman.

35:8 Awor Débora, yaya di Rebeka, a muri, i el a wòrdu derá serka di Bèt-èl bou di e palu di eik, i e palu a wòrdu yamá Alon-bakut.

35:9 Anto Dios a paresé na Jakòb atrobe, ora ku el a yega for di Padan-aram, i El a bendishon'é.

35:10 I Dios a bis'é: "Bo nòmber ta Jakòb; lo bo no yama Jakòb mas, ma Israel lo ta bo nòmber." Asina El a dun'é e nòmber Israel.

35:11 Tambe Dios a bis'é: "Ami ta Dios Todopoderoso; sea fruktífero i multipliká. Un nashon i un multitut di nashon lo sali for di bo, i reinan lo sali for di bo.

35:12 I e tera ku Mi a duna Abraham i Isaak, lo Mi dunabo é, i lo Mi duna e tera na bo desendientenan despues di bo."

35:13 E ora ei Dios a subi bai lagu'é na e lugá kaminda El a papia kuné.

35:14 Anto Jakòb a pone un pilar para na e lugá kaminda El a papia kuné, un pilar di piedra, i el a basha un ofrenda di bibida riba djé; tambe el a basha zeta riba djé.

35:15 I Jakòb a yama e lugá kaminda Dios a papia kuné, Bèt-èl.

35:16 E ora ei nan a biaha bai for di Bèt-èl; i ora tabata falta algu di distansia ainda pa yega Efrata, Raquel a haña yu, i e tabatin mal parto.

35:17 I a sosodé ku ora doló a bira hopi pisá, e partera a bis'é: "No tene miedu, pasobra e biaha aki tambe bo tin un yu hòmber."

35:18 I a sosodé ku ora su alma tabata sali (pasobra el a muri), el a dun'é e nòmber Benoni, ma su tata a dun'é e nòmber Benjamin.

35:19 Asina Raquel a muri i a wòrdu derá na kaminda pa Efrata (esta, Bètlehèm).

35:20 I Jakòb a pone un pilar riba su graf; esei ta e pilar di Raquel su graf te dia djawe.

35:21 Despues Israel a sigui biaha i a lanta su tènt mas ayá di e toren di Edar.

35:22 I a sosodé ku mientras ku Israel tabata biba na e tera ei, Ruben a bai i a drumi ku Bilha, konkubina di su tata; i Israel a haña sa esaki. Awor Jakòb tabatin diesdos yu hòmber:

35:23 e yu hòmbernan di Lea: Ruben, Jakòb su primogénito, despues Simeon, Leví, Juda, Isakar i Zabulon;

35:24 e yu hòmbernan di Raquel: Jose i Benjamin;

35:25 i e yu hòmbernan di Bilha, Raquel su kriá: Dan i Nèftalí;

35:26 i e yu hòmbernan di Zilpa, Lea su kriá: Gad i Aser. Esakinan ta e yu hòmbernan di Jakòb ku a nase p'é na Padan-aram.

35:27 I Jakòb a bin serka su tata Isaak na Mamre di Kiriat-arba (esta, Hebròn), kaminda Abraham i Isaak a keda biba pa un tempu.

35:28 Awor e dianan di Isaak tabata shent'i ochenta aña.

35:29 I Isaak a hala su último rosea i a muri i a wòrdu reuní ku su pueblo, un hòmber bieu, di edat avansá; i su yu hòmbernan Esau i Jakòb a der'é.

Genesis 36

36:1 Awor esakinan ta e generashonnan di Esau, (esta, Edòm).

36:2 Esau a tuma su esposanan for di e yu muhénan di Kanaan: Ada, yu muhé di Elon e heteo, i Aholibama, yu muhé di Aná i nieta di Zibeon e heveo;

36:3 tambe Basemat, yu muhé di Ismael i ruman muhé di Nebaiot.

36:4 I Ada a haña Elifaz pa Esau, i Basemat a haña Reuel,

36:5 i Aholibama a haña Jeús, Jalam i Koré. Esakinan ta e yu hòmbernan di Esau ku a nase p'é na tera di Kanaan.

36:6 Anto Esau a tuma su esposanan, su yu hòmbernan i su yu muhénan i tur e hendenan di su kas i su bestianan di kria i tur su animalnan i tur su biennan ku el a atkirí na tera di Kanaan, i a bai un otro tera, laga su ruman hòmber Jakòb.

H6215 -- Anto Esau -> Then Esau
H3947 -- a tuma -> took
H802 -- su esposanan -> his wives
H1121 -- , su yu hòmbernan -> and his sons
H1323 -- i su yu muhénan -> and his daughters
H1004 -- e hendenan di su kas -> his household
H4735 -- i su bestianan di kria -> and his livestock
H3605 -- i tur -> and all
H3605 -- i tur -> and all
H3605 -- i tur -> and all
H929 -- i tur su animalnan -> his cattle
H7075 -- i tur su biennan -> his goods
H7408 -- ku el a atkirí -> he had acquired
H3667a -- na tera di Kanaan -> of Canaan
H1980 -- , i a bai -> and went
H776 -- un otro tera -> ] land
H251 -- , laga su ruman hòmber -> away from his brother
H3290 -- Jakòb -> Jacob
H834 -- ku -> which
H776 -- na tera -> in the land

36:7 Pasobra nan propiedat a bira muchu grandi pa nan keda biba huntu, i e tera kaminda nan a keda biba pa un tempu no por a sostené nan pa motibu di nan bestianan.

36:8 Asina Esau a biba den e serunan di Seir; Esau ta Edòm.

36:9 Esakinan anto ta e generashonnan di Esau, tata di e edomitanan den e serunan di Seir.

36:10 Esakinan ta e nòmbernan di e yu hòmbernan di Esau: Elifaz, yu hòmber di Esau su esposa Ada; Reuel, yu hòmber di Esau su esposa Basemat.

36:11 I e yu hòmbernan di Elifaz tabata Teman, Omar, Zefo, Gatam i Kenaz.

36:12 I Timna tabata konkubina di Elifaz, yu hòmber di Esau, i el a haña Amalek pa Elifaz. Esakinan ta e yu hòmbernan di Esau su esposa Ada.

36:13 I esakinan ta e yu hòmbernan di Reuel: Nahat, Zera, Sama i Miza. Esakinan tabata e yu hòmbernan di Esau su esposa Basemat.

36:14 I esakinan tabata e yu hòmbernan di Esau su esposa Aholibama, yu muhé di Aná i nieta di Zibeon: el a haña Jeús, Jalam i Koré pa Esau.

36:15 Esakinan ta e hefenan di e yu hòmbernan di Esau. E yu hòmbernan di Elifaz, e primogénito di Esau, ta: Hefe Teman, Hefe Omar, Hefe Zefo, Hefe Kenaz,

36:16 Hefe Koré, Hefe Gatam i Hefe Amalek. Esakinan ta e hefenan ku tabata desendiente di Elifaz na tera di Edòm; esakinan ta e yu hòmbernan di Ada.

36:17 I esakinan ta e yu hòmbernan di Reuel, yu hòmber di Esau: Hefe Nahat, Hefe Zera, Hefe Sama i Hefe Miza. Esakinan ta e hefenan ku tabata desendiente di Reuel na tera di Edòm; esakinan ta e yu hòmbernan di Esau su esposa Basemat.

H428 -- I esakinan -> These
H1121 -- ta e yu hòmbernan -> are the sons
H7467 -- di Reuel -> of Reuel
H6215 -- , yu hòmber di Esau -> Esau’s
H1121 -- yu hòmber di Esau -> son
H441b -- : Hefe -> chief
H5184 -- Nahat -> Nahath
H441b -- , Hefe -> chief
H2226 -- Zera -> Zerah
H441b -- , Hefe -> chief
H8048 -- Sama -> Shammah
H441b -- i Hefe -> chief
H4199 -- Miza -> Mizzah
H428 -- . Esakinan -> . These
H441b -- ta e hefenan -> are the chiefs
H7467 -- ku tabata desendiente di Reuel -> descended from Reuel
H112b -- na tera di Edòm -> of Edom
H428 -- ; esakinan -> these
H1121 -- ta e yu hòmbernan -> are the sons
H6215 -- di Esau -> of Esau’s
H802 -- su esposa -> wife
H1315 -- Basemat -> Basemath
H776 -- na tera -> in the land

36:18 I esakinan ta e yu hòmbernan di Esau su esposa Aholibama: Hefe Jeús, Hefe Jalam i Hefe Koré. Esakinan ta e hefenan ku tabata desendiente di Esau su esposa Aholibama, yu muhé di Aná.

36:19 Esakinan ta e yu hòmbernan di Esau (esta, Edòm), i esakinan ta nan hefenan.

36:20 Esakinan ta e yu hòmbernan di Seir e horeo, e habitantenan di e tera: Lotan, Sobal, Zibeon, Aná,

36:21 Dison, Ezer i Disan. Esakinan ta e hefenan ku tabata desendiente di e horeonan, e yu hòmbernan di Seir na tera di Edòm.

36:22 I e yu hòmbernan di Lotan tabata Hori i Heman, i e ruman muhé di Lotan tabata Timna.

36:23 I esakinan ta e yu hòmbernan di Sobal: Alvan, Manahat, Ebal, Sefo i Onam.

36:24 I esakinan ta e yu hòmbernan di Zibeon: Aja i Aná. Esaki ta e Aná ku a haña e fuentenan di awa kayente den desierto tempu ku e tabata pastoriá e burikunan di su tata Zibeon.

36:25 I esakinan ta e yunan di Aná: Dison, i Aholibama, yu muhé di Aná.

36:26 I esakinan ta e yu hòmbernan di Dison: Hemdan, Esban, Itran i Keran.

36:27 Esakinan ta e yu hòmbernan di Ezer: Bilhan, Zaavan i Akan.

36:28 Esakinan ta e yu hòmbernan di Disan: Uz i Aran.

36:29 Esakinan ta e hefenan ku tabata desendiente di e horeonan: Hefe Lotan, Hefe Sobal, Hefe Zibeon, Hefe Aná,

36:30 Hefe Dison, Hefe Ezer i Hefe Disan. Esakinan ta e hefenan ku tabata desendiente di e horeonan, segun nan hefenan na tera di Seir.

36:31 Awor esakinan ta e reinan ku tabata reina na tera di Edòm promé ku tabatin un rei ta reina riba e yunan di Israel.

36:32 Bela, yu hòmber di Beor, tabata reina na Edòm, i nòmber di su stat tabata Dinaba.

36:33 Bela a muri, i Jobab, yu hòmber di Zera for di Bosra, a bira rei na su lugá.

36:34 Jobab a muri, i Husam di e tera di e temanitanan a bira rei na su lugá.

36:35 Husam a muri, i Hadad, yu hòmber di Bedad, kende a derotá Madian den sabana di Moab, a bira rei na su lugá; i nòmber di su stat tabata Avit.

36:36 Hadad a muri, i Samla di Masreka a bira rei na su lugá.

36:37 Samla a muri, i Saul di Rehobot na Riu Eufrates a bira rei na su lugá.

36:38 Saul a muri, i Baal-hanan, yu hòmber di Akbor, a bira rei na su lugá.

36:39 Baal-hanan, yu hòmber di Akbor, a muri, i Hadar a bira rei na su lugá; i nòmber di su stat tabata Pau, i nòmber di su esposa tabata Mehetabel, yu muhé di Matred, yu muhé di Mezahab.

H1177 -- Baal-hanan -> Then Baal-hanan
H1121 -- yu hòmber -> the son
H5907 -- di Akbor -> of Achbor
H4191 -- a muri -> died
H1924 -- i Hadar -> and Hadar
H4427a -- a bira -> became
H4427a -- rei -> king
H8478 -- na su lugá -> in his place
H8034 -- i nòmber -> and the name
H5892b -- di su stat -> of his city
H6464 -- tabata Pau -> was Pau
H802 -- i nòmber di su esposa -> and his wife’s
H8034 -- tabata -> name
H4105 -- Mehetabel -> was Mehetabel
H1323 -- yu muhé -> the daughter
H4308 -- di Matred -> of Matred
H1323 -- yu muhé -> daughter
H4314 -- di Mezahab -> of Mezahab

36:40 Awor esakinan ta e nòmbernan di e hefenan ku tabata desendiente di Esau, segun nan famianan i nan lugánan i nan nòmbernan: Hefe Timna, Hefe Alva, Hefe Jetet,

36:41 Hefe Aholibama, Hefe Ela, Hefe Pinon,

36:42 Hefe Kenaz, Hefe Teman, Hefe Mibzar,

36:43 Hefe Magdiel i Hefe Iram. Esakinan ta e hefenan di Edòm (esta, Esau tata di e edomitanan), segun nan lugánan di biba na e tera di nan poseshon.

Genesis 37

37:1 Awor Jakòb tabata biba na e tera kaminda su tata tabata biba pa un tempu, na tera di Kanaan.

37:2 Esakinan ta e generashonnan di Jakòb. Jose, un hoben di dieshete aña, tabata pastoriá e karnénan huntu ku su rumannan, huntu ku e yu hòmbernan di Bilha i e yu hòmbernan di Zilpa, esposanan di su tata. I Jose a hiba mal notisia di nan pa su tata.

H428 -- Esakinan -> These
H8435 -- e generashonnan -> ] the generations
H3290 -- di Jakòb -> of Jacob
H3130 -- Jose -> . Joseph
H7651 -- , un hoben di dieshete -> when seventeen
H1121 -- aña -> of age
H7462a -- , tabata pastoriá -> was pasturing
H8141 -- aña -> years
H6629 -- e karnénan -> the flock
H251 -- huntu ku su rumannan -> with his brothers
H5288 -- huntu ku -> ] a youth
H1121 -- e yu hòmbernan -> along with the sons
H1090a -- di Bilha -> of Bilhah
H1121 -- i e yu hòmbernan -> and the sons
H2153 -- di Zilpa -> of Zilpah
H1 -- , esposanan di su tata -> his father’s
H802 -- esposanan -> wives
H3130 -- I Jose -> . And Joseph
H1681 -- a hiba mal -> back a bad
H1681 -- notisia -> report
H1 -- di nan pa su tata -> about them to their father
H935 -- a hiba -> brought

37:3 Awor Israel tabata stima Jose mas ku tur su otro yu hòmbernan, pasobra e tabata e yu di su biehes; i el a laga traha un túnika di hopi koló p'é.

37:4 I su ruman hòmbernan a mira ku nan tata tabata stim'é mas ku tur su otro ruman hòmbernan; pesei nan a odi'é i no por a papia kuné ku kariño.

37:5 Anto Jose tabatin un soño, i ora ku el a konta su ruman hòmbernan esaki, nan a odi'é mas ainda.

37:6 I el a bisa nan: "Pa fabor, skucha e soño aki ku mi tabatin;

37:7 pasobra mira, nos tabata mara bohí den kunuku, i ata, mi bohí a lanta i a keda para règt; i mira, boso bohínan a bin para tur rònt i a bùig pa mi bohí."

37:8 E ora ei su ruman hòmbernan a bis'é: "Ta reina bo ta bai reina riba nos? Of ta goberná bo ta bai goberná riba nos?" Asina nan a odi'é mas ainda pa motibu di su soñonan i pa motibu di su palabranan.

37:9 Awor el a bolbe haña un otro soño i a konta su ruman hòmbernan esaki, i a bisa: "Ata, mi tabatin un soño mas, i mira, solo, luna i diesun strea tabata bùig pa mi."

37:10 I el a konta su tata i su ruman hòmbernan esaki; i su tata a reprend'é i a bis'é: "Ta kiko e soño ku bo tabatin aki? Kier men anto ku ami, bo mama i bo ruman hòmbernan lo bin bùig te na suela pa bo?"

37:11 I su rumannan tabata yalurs riba djé, ma su tata a keda pensa riba e asunto aki.

37:12 Despues su rumannan a bai pastoriá e karnénan di nan tata na Sikem.

37:13 I Israel a bisa Jose: "Ta na Sikem bo rumannan ta pastoriá e karnénan tòg? Bin, i lo mi mandabo serka nan." I el a bisa su tata: "Mi ta bai."

37:14 Anto el a bis'é: "Bai awor i mira kon ta bai ku bo rumannan i kon ta bai ku e karnénan, i bin kontami." Asina el a lagu'é bai for di e vaye di Hebròn, i el a yega Sikem.

37:15 I un hòmber a hañ'é ta kana dwal den kunuku, i e hòmber a puntr'é: "Kiko bo ta buska?"

37:16 I Jose a bisa: "Mi ta buska mi rumannan; pa fabor, kontami unda nan ta pastoriá e karnénan."

37:17 I e hòmber a bisa: "Nan a bai for di aki, pasobra mi a tende nan ta bisa: 'Laga nos bai Dotan.'" Asina Jose a bai tras di su rumannan i a haña nan na Dotan.

37:18 Ora nan a mir'é di leu, i promé ku el a yega serka nan, nan a traha kòmplòt kontra djé pa mat'é.

37:19 I nan a bisa otro: "Ata e soñadó ta bin!

37:20 Awor anto, ban laga nos mat'é i tir'é den un di e posnan; i nos lo bisa: 'Un bestia salbahe a devor'é.' Anto laga nos mira kiko ta para di su soñonan!"

37:21 Ma Ruben a tende esaki i a reskatá Jose for di nan man i a bisa: "Laga nos no kita su bida."

37:22 Tambe Ruben a bisa nan: "No drama sanger. Tir'é den e pos aki ku ta keda den desierto, ma no pone man riba djé"--pa e por reskat'é for di nan man, pa hib'é bèk pa su tata.

37:23 Asina a sosodé ku ora Jose a yega serka su rumannan, nan a kita Jose su túnika for di su kurpa, e túnika di hopi koló ku e tabatin bistí;

37:24 i nan a kohe Jose tir'é den e pos. Awor e pos tabata bashí, sin ni un tiki awa aden.

37:25 E ora ei nan a kai sinta pa kome pan. I ora nan a hisa kara wak, ata un karavana di ismaelitanan tabata bin for di Galaad, nan kamelnan kargá ku speserei, balsem i mirra, ku nan tabata hiba Egipto.

H3427 -- E ora ei nan a kai sinta -> Then they sat
H3427 -- sinta -> down
H398 -- pa kome -> to eat
H3899 -- pan -> a meal
H5375 -- . I ora nan a hisa -> . And as they raised
H5869 -- kara -> their eyes
H7200 -- wak -> and looked
H2009 -- , ata -> behold
H736 -- un karavana -> a caravan
H3459 -- di ismaelitanan -> of Ishmaelites
H935 -- tabata bin -> was coming
H1568 -- for di Galaad -> from Gilead
H1581 -- , nan kamelnan -> with their camels
H5375 -- kargá -> bearing
H5219 -- ku speserei -> aromatic
H5219 -- speserei -> gum
H6875 -- , balsem -> and balm
H3910 -- i mirra -> and myrrh
H1980 -- , ku nan tabata hiba -> on their way
H3381 -- Egipto -> ] down
H3381 -- Egipto -> to bring
H4714 -- Egipto -> to Egypt

37:26 I Juda a bisa su rumannan: "Di ki probecho esei ta pa nos pa mata nos ruman i tapa su sanger?

37:27 Ban laga nos bend'é ku e ismaelitanan i no pone nos man riba djé, pasobra e ta nos ruman, nos mes karni." I su rumannan a skuch'é.

37:28 Anto algun komersiante madianita a pasa, i nan a hala Jose trese ariba i a sak'é for di e pos, i a bend'é ku e ismaelitanan pa binti siklo di plata. Asina nan a hiba Jose Egipto.

37:29 Despues Ruben a bolbe na e pos, i mira, Jose no tabata den e pos; pesei el a sker su pañanan.

37:30 I el a bolbe bai serka su rumannan i a bisa: "E mucha no t'ei; i ami, unda lo mi bai?"

37:31 Asina nan a kohe Jose su túnika, a mata un kabritu chubatu i a dòp e túnika den e sanger.

37:32 Anto nan a laga hiba e túnika di hopi koló pa nan tata i a bisa: "Nos a haña esaki; pa fabor, wak si ta bo yu hòmber su túnika, sí òf nò."

37:33 Anto el a rekonosé esaki i a bisa: "Ta mi yu hòmber su túnika. Un bestia salbahe a devor'é; siguramente el a sker Jose na pida-pida!"

37:34 Pesei Jakòb a sker su pañanan i a pone paña-di-saku na su hep, i a tene rou hopi dia pa su yu.

37:35 E ora ei tur su yu hòmbernan i tur su yu muhénan a lanta pa konsol'é, ma el a nenga di wòrdu konsolá. I el a bisa: "Siguramente lo mi baha bai den Seol na rou pa mi yu hòmber." Asina su tata a yor'é.

37:36 Mientras tantu e madianitanan a bende Jose na Egipto ku Potifar, ofisial di Farao, kapitan di guardia.