Buska den Beibel

Eksodo 36; Eksodo 37; Eksodo 38 BSNP Edita

Eksodo 36

36:1 "Awor Bezaleel i Aholiab i tur persona eksperto, den kendenan SEÑOR a pone kapasidat i komprendementu pa sa kon pa hasi tur e trabou den konstrukshon di e santuario, mester hasi konforme tur loke SEÑOR a ordená."

36:2 E ora ei Moisés a yama Bezaleel i Aholiab i tur persona eksperto, den kendenan SEÑOR a pone kapasidat, kada un ku su kurason tabata konmov'é pa bin hasi e trabou.

36:3 I di Moisés nan a risibí tur e kontribushonnan ku e yunan di Israel a hiba pa hasi e trabou den konstrukshon di e santuario. I ainda e pueblo tabata sigui hiba ofrendanan boluntario p'é tur mainta.

36:4 I tur e hòmbernan eksperto ku tabata hasi tur trabou di e santuario a bin, kada un for di e trabou ku e tabata hasi,

36:5 i nan a bisa Moisés: "E pueblo ta hiba muchu mas ku sufisiente pa e trabou di konstrukshon ku SEÑOR a ordená nos pa hasi."

36:6 Pesei Moisés a duna òrdu, i un proklamashon a wòrdu pasá rònt den henter e kampamentu, bisando: "No laga ni hòmber ni muhé hasi ningun trabou mas pa e ofrendanan di e santuario." Asina nan a stòp e pueblo di hiba mas.

36:7 Pasobra e material ku nan tabatin tabata sufisiente, i mas ku sufisiente, pa tur e trabou ku mester a wòrdu hasí.

36:8 I tur e hòmbernan eksperto entre esnan ku tabata hasi e trabou a traha e tabernakel di dies kortina; di lino fini trosí i hilu blou, púrpura i skarlata, ku kerubin, e obra di un trahadó eksperto, Bezaleel a traha nan.

36:9 E largura di kada kortina tabata bint'i ocho kodo, i e hanchura di kada kortina, kuater kodo; tur e kortinanan tabatin e mesun midí.

36:10 I el a pega sinku kortina na otro, i e otro sinku kortinanan el a pega na otro.

36:11 I el a traha lùs koló blou na rant di e kortina ku tabata mas pafó den e promé sèt; i meskos el a hasi na rant di e kortina ku tabata mas pafó den e di dos sèt.

36:12 El a traha sinkuenta lùs den esun kortina i el a traha sinkuenta lùs na rant di e kortina ku tabata den e di dos sèt; e lùsnan tabata keda un enfrente di otro.

36:13 I el a traha sinkuenta hak di oro i a pega e kortinanan na otro ku e haknan, asina ku e tabernakel a keda tur na ún.

36:14 E ora ei el a traha kortina di lana di kabritu hasi nan un tènt pa tapa e tabernakel; el a traha diesun kortina na tur.

36:15 E largura di kada kortina tabata trinta kodo, i kuater kodo e hanchura di kada kortina; e diesun kortinanan tabatin e mesun midí.

36:16 I el a pega sinku kortina na otro i e otro seis kortinanan na otro.

36:17 Ademas, el a traha sinkuenta lùs na rant di e kortina ku tabata mas pafó den e promé sèt, i el a traha sinkuenta lùs na rant di e kortina ku tabata mas pafó den e di dos sèt.

36:18 I el a traha sinkuenta hak di bròns pa pega e tènt na otro, pa e keda tur na ún.

36:19 I el a traha un kapa pa e tènt di kueru di karné chubatu tiñá kòrá, i un kapa di kueru di dòlfein riba djé.

36:20 E ora ei el a traha e tablanan pa e tabernakel di palu di akasia, pará règt.

36:21 E largura di kada tabla tabata dies kodo i e hanchura di kada tabla, un kodo i mei.

36:22 Tabatin dos pènchi pa kada tabla, pa pega nan na otro; asina el a hasi ku tur e tablanan di e tabernakel.

36:23 I el a traha e tablanan pa e tabernakel: binti tabla pa e banda sùit;

36:24 i el a traha kuarenta pia di plata bou di e binti tablanan; dos pia bou di esun tabla pa su dos pènchinan i dos pia bou di e otro tabla pa su dos pènchinan.

36:25 Anto pa e di dos banda di e tabernakel, na e banda nòrt, el a traha binti tabla,

36:26 i nan kuarenta pianan di plata; dos pia bou di esun tabla i dos pia bou di e otro tabla.

36:27 I pa e parti patras di e tabernakel, na e parti pabou, el a traha seis tabla.

36:28 I el a traha dos tabla pa e skinanan di e tabernakel na e parti patras.

36:29 I abou nan tabata pegá na otro, i ariba pegá huntu ku un solo renchi. Asina el a traha nan dos pa e dos skinanan.

36:30 I tabatin ocho tabla ku nan pianan di plata, dieseis pia, dos bou di kada tabla.

36:31 Anto el a traha baranan di palu di akasia, sinku pa e tablanan di esun banda di e tabernakel,

36:32 i sinku bara pa e tablanan di e otro banda di e tabernakel, i sinku bara pa e tablanan di parti patras di e tabernakel, parti pabou.

36:33 I el a traha e bara meimei pa pasa dor di e tablanan, nèt meimei, di punta pa punta.

36:34 I el a fura e tablanan ku oro i a traha nan renchinan di oro pa tene e baranan kuné, i a fura e baranan ku oro.

36:35 Ademas, el a traha e velo di hilu blou, púrpura i skarlata, i lino fini trosí; el a trah'é ku kerubin, e obra di un trahadó eksperto.

36:36 I el a traha kuater pilar di palu di akasia p'é, i a fura nan ku oro, ku nan haknan di oro; i el a basha kuater pia di plata pa nan.

36:37 I el a traha un skèrm pa entrada di e tènt, di hilu blou, púrpura i skarlata, i lino fini trosí, obra di un wefdó-di-tela;

36:38 i el a traha su sinku pilarnan ku nan haknan, i el a fura nan kapitelnan i nan banchinan ku oro, ma nan sinku pianan tabata di bròns.

Eksodo 37

37:1 Awor Bezaleel a traha e arka di palu di akasia; su largura tabata dos kodo i mei, i su hanchura un kodo i mei, i su haltura un kodo i mei;

37:2 i el a fur'é ku oro puru paden i pafó, i a traha un leishi di oro p'é tur rònt.

37:3 I el a basha kuater renchi di oro p'é na su kuater pianan; dos renchi na esun banda di djé i dos renchi na e otro banda di djé.

37:4 I el a traha baranan di palu di akasia i a fura nan ku oro.

37:5 I el a pasa e baranan den e renchinan na e bandanan di e arka, pa karga e arka kuné.

37:6 I el a traha un propisiatorio di oro puru, dos kodo i mei largu, i un kodo i mei hanchu.

37:7 I el a traha dos kerubin di oro; di obra batí-ku-martiu el a traha nan, na e dos puntanan di e propisiatorio;

37:8 un kerubin na esun punta i un kerubin na e otro punta; el a traha e kerubinnan di un solo pida ku e propisiatorio na e dos puntanan.

37:9 I e kerubinnan tabatin nan halanan habrí mandá ariba, i tabata tapa e propisiatorio ku nan halanan, ku nan kara den direkshon di otro; kara di e kerubinnan tabata den direkshon di e propisiatorio.

H3742 -- e kerubinnan -> the cherubim
H1961 -- tabatin -> had
H3671 -- halanan -> ] wings
H6566 -- habrí -> spread
H4605 -- mandá ariba -> upward
H5526a -- , i tabata tapa -> covering
H3727 -- e propisiatorio -> the mercy
H3727 -- propisiatorio -> seat
H3671 -- ku nan halanan -> with their wings
H6440 -- , ku nan kara -> with their faces
H413 -- den direkshon -> toward
H376 -- di -> each
H251 -- otro -> other
H6440 -- ; kara -> the faces
H3742 -- di e kerubinnan -> of the cherubim
H413 -- tabata den direkshon -> were toward
H3727 -- di e propisiatorio -> the mercy
H3727 -- propisiatorio -> seat

37:10 Despues el a traha e mesa di palu di akasia, dos kodo largu i un kodo hanchu, i un kodo i mei haltu.

37:11 I el a fur'é ku oro puru i a traha un leishi di oro tur rònt di djé.

37:12 I el a traha un rant p'é di hanchura di un man tur rònt, i a traha un leishi di oro pa su rant tur rònt.

37:13 I el a basha kuater renchi di oro p'é i a pone e renchinan na e kuater skinanan ku tabatin na su kuater pianan.

37:14 Pegá ku e rant tabatin e renchinan, e kosnan pa tene e baranan pa karga e mesa kuné.

37:15 I e baranan pa karga e mesa kuné el a traha di palu di akasia i a fura nan ku oro.

37:16 I el a traha e artíkulonan-di-uzo ku tabatin riba e mesa: su tayónan, su kucharanan, su kòmchinan i su kanikanan pa basha e ofrendanan di bibida kuné, di oro puru.

37:17 Anto el a traha e kandelá di oro puru. El a traha e kandelá, su base i su pia di obra batí-ku-martiu. Su kèlkinan, su kònòpinan di flor i su flornan tabata di un solo pida kuné.

37:18 I tabatin seis brasa ta sali for di su bandanan; tres brasa di e kandelá for di esun banda di djé, i tres brasa di e kandelá for di e otro banda di djé;

37:19 tres kèlki trahá den forma di flor di amandel, un kònòpi di flor i un flor den un brasa, i tres kèlki trahá den forma di flor di amandel, un kònòpi di flor i un flor den e otro brasa--i asina pa e seis brasanan ku ta sali for di e kandelá.

H7969 -- tres -> three
H1375 -- kèlki -> cups
H8246 -- trahá -> shaped
H8246 -- den forma -> like
H8246 -- di flor di amandel -> almond
H3730 -- un kònòpi di flor -> ], a bulb
H6525 -- i un flor -> and a flower
H259 -- den un -> in one
H7070 -- brasa -> branch
H7969 -- i tres -> and three
H1375 -- kèlki -> cups
H8246 -- trahá -> shaped
H8246 -- den forma -> like
H8246 -- di flor di amandel -> almond
H3730 -- un kònòpi di flor -> ], a bulb
H6525 -- i un flor -> and a flower
H259 -- den e otro -> in the other
H7070 -- brasa -> branch
H3651 -- i asina -> so
H8337a -- pa e seis -> for the six
H7070 -- brasanan -> branches
H3318 -- ku ta sali -> going
H4501 -- for di e kandelá -> out of the lampstand

37:20 I na e kandelá tabatin kuater kèlki trahá den forma di flor di amandel, su kònòpinan di flor i su flornan;

37:21 i tabatin un kònòpi di flor bou di e promé par di brasa ku ta sali for di djé, i un kònòpi di flor bou di e di dos par di brasa ku ta sali for di djé, i un kònòpi di flor bou di e di tres par di brasa ku ta sali for di djé, pa e seis brasanan ku ta sali for di e kandelá.

37:22 Nan kònòpinan di flor i nan brasanan tabata di un solo pida kuné; tur huntu e tabata un solo obra di oro puru batí-ku-martiu.

37:23 I el a traha su shete lampinan ku su kosnan-pa-paga-lampi i su skalchinan, di oro puru.

37:24 I el a traha e kandelá ku tur su artíkulonan-di-uzo di un talento di oro puru.

37:25 Anto el a traha e altar di sensia di palu di akasia: un kodo largu i un kodo hanchu, firkant, i dos kodo haltu; su kachunan tabata di un solo pida kuné.

37:26 I el a fur'é ku oro puru, su parti ariba i su bandanan tur rònt i su kachunan; i el a traha un leishi di oro tur rònt di djé.

37:27 I el a traha dos renchi di oro p'é bou di su leishi, na su dos bandanan--enfrente di otro--komo kosnan pa tene e baranan pa kargu'é kuné.

37:28 I el a traha e baranan di palu di akasia i a fura nan ku oro.

37:29 Tambe el a traha e zeta santu di unshon i e sensia puru di spesereinan aromátiko, obra di un trahadó-di-perfume.

Eksodo 38

38:1 Anto el a traha e altar di ofrenda kimá di palu di akasia, sinku kodo largu i sinku kodo hanchu, firkant, i tres kodo haltu.

38:2 I el a traha su kachunan na su kuater skinanan; su kachunan tabata di un solo pida kuné, i el a fur'é ku bròns.

38:3 I el a traha tur e artíkulonan-di-uzo di e altar: e hèmchinan, e skòpnan, e puncheronan, e fòrkinan i e weanan-pa-kandela; el a traha tur su artíkulonan-di-uzo di bròns.

38:4 I el a traha pa e altar, bou di su rant, un roster di bròns ku tabata yega na mitar di e haltura di e altar.

38:5 I el a basha kuater renchi na e kuater puntanan di e roster di nètwèrk di bròns komo kosnan pa tene e baranan kuné.

38:6 I el a traha e baranan di palu di akasia i a fura nan ku bròns.

38:7 I el a pasa e baranan den e renchinan na e bandanan di e altar, pa kargu'é kuné. El a traha e altar hòl, di tabla.

38:8 Tambe el a traha e labamano di bròns, ku su pia di bròns, for di e spilnan di e muhénan sirbidó ku tabata sirbi na entrada di e tènt di reunion.

38:9 E ora ei el a traha e plenchi: pa e banda sùit e kortinanan di e plenchi tabata di lino fini trosí, shen kodo;

38:10 nan binti pilarnan i nan binti pianan, trahá di bròns; e haknan di e pilarnan i nan banchinan tabata di plata.

38:11 I pa e banda nòrt, shen kodo; nan binti pilarnan i nan binti pianan tabata di bròns. E haknan di e pilarnan i nan banchinan tabata di plata.

38:12 I pa e banda pabou tabatin kortina di sinkuenta kodo ku nan dies pilarnan i nan dies pianan. E haknan di e pilarnan i nan banchinan tabata di plata.

38:13 I pa e banda pariba, sinkuenta kodo.

38:14 E kortinanan pa esun banda di e entrada tabata diesinku kodo largu, ku nan tres pilarnan i nan tres pianan,

38:15 i meskos pa e otro banda. Na tur dos banda di e entrada di e plenchi tabatin kortina di diesinku kodo, ku nan tres pilarnan i nan tres pianan.

38:16 Tur e kortinanan tur rònt di e plenchi tabata di lino fini trosí.

38:17 I e pianan pa e pilarnan tabata di bròns; e haknan di e pilarnan i nan banchinan, di plata; i e furamentu di nan kapitelnan, di plata, i tur e pilarnan di e plenchi tabatin banchi di plata.

38:18 I e skèrm pa entrada di e plenchi tabata di hilu blou, púrpura i skarlata, i lino fini trosí, obra di e wefdó-di-tela. I e largura tabata binti kodo i e haltura tabata sinku kodo, i tabata korespondé ku e kortinanan di e plenchi.

H4539 -- E skèrm -> The screen
H8179 -- pa entrada -> of the gate
H2691a -- di e plenchi -> of the court
H4639 -- tabata -> was the work
H8504 -- di hilu blou -> of blue
H713 -- púrpura -> and purple
H8144 -- skarlata -> and scarlet
H8336 -- lino fini -> ] and fine
H8336 -- lino -> linen
H7806 -- trosí -> twisted
H7551 -- obra di e wefdó-di-tela -> of the weaver
H753 -- I e largura -> . And the length
H6242 -- binti -> ] twenty
H520 -- kodo -> cubits
H6967 -- e haltura -> and the height
H2568 -- sinku -> ] five
H520 -- kodo -> cubits
H5980 -- korespondé -> corresponding
H7050b -- e kortinanan -> to the hangings
H2691a -- di e plenchi -> of the court

38:19 I nan kuater pilarnan i nan kuater pianan tabata di bròns; nan haknan tabata di plata, i e furamentu di nan kapitelnan i nan banchinan tabata di plata.

38:20 I tur e stakanan di e tabernakel i di e plenchi tur rònt tabata di bròns.

38:21 Esaki ta e inventario di e tabernakel, e tabernakel di e testimonio, kual a wòrdu kontá konforme e òrdu di Moisés, pa e sirbishi di e levitanan, bou di direkshon di Itamar, yu hòmber di saserdote Aaron.

38:22 Awor Bezaleel, yu hòmber di Uri, yu hòmber di Hur, di e tribu di Juda, a traha tur loke SEÑOR a ordená Moisés.

38:23 I Aholiab, yu hòmber di Ahisamak, di e tribu di Dan, un grabadó, un trahadó eksperto i un wefdó-di-tela di hilu blou, púrpura i skarlata, i di lino fini, tabata huntu ku Bezaleel.

38:24 Tur e oro ku a wòrdu uzá pa e trabou, den tur e trabou di e santuario, tambe e oro di e ofrenda di zoyamentu, tabata 29 talento i 730 siklo, segun e siklo di e santuario.

38:25 I e plata di esnan di e kongregashon, ku a wòrdu kontá, tabata 100 talento i 1.775 siklo, segun e siklo di e santuario;

38:26 un beka pa kada hòmber (esta, mitar siklo segun e siklo di e santuario), pa kada un ku a pasa ofer pa esnan ku a wòrdu kontá, for di binti aña p'ariba, pa 603.550 hòmber.

38:27 I e 100 talentonan di plata tabata pa basha e pianan di e santuario i e pianan di e velo kuné; 100 pia pa e 100 talentonan, un talento pa kada pia.

38:28 I di e 1.775 siklonan el a traha hak pa e pilarnan i a fura nan kapitelnan i a traha banchi pa nan.

38:29 I e bròns di e ofrenda di zoyamentu tabata 70 talento i 2.400 siklo.

38:30 I di esei el a traha e pianan pa entrada di e tènt di reunion, e altar di bròns ku su roster di bròns i tur e artíkulonan-di-uzo di e altar,

38:31 i e pianan tur rònt di e plenchi ku e pianan di entrada di e plenchi, i tur e stakanan di e tabernakel i tur e stakanan di e plenchi tur rònt.