Buska den Beibel

Deuteronomio 5; Deuteronomio 6; Deuteronomio 7 BSNP Edita

Deuteronomio 5

5:1 E ora ei Moisés a manda yama henter Israel i a bisa nan: "Tende, O Israel, e statutonan i e ordenansanan ku mi ta papia awe pa boso tende, pa boso siña nan i warda nan ku tur diligensia.

5:2 SEÑOR nos Dios a sera un aliansa ku nos na Horèb.

5:3 SEÑOR no a sera e aliansa aki ku nos tatanan, ma ku nos, ku tur di nos aki ku ta na bida awe.

5:4 SEÑOR a papia ku boso kara-kara riba e seru for di meimei di e kandela,

5:5 mientras ku e tempu ei mi tabata para entre SEÑOR i boso, pa partisipá na boso e palabra di SEÑOR; pasobra boso tabatin miedu pa motibu di e kandela i boso no a subi bai riba e seru. El a bisa:

5:6 'Ami ta SEÑOR bo Dios, Kende a sakabo for di tera di Egipto, for di e kas di sklabitut.

5:7 'Bo no mester tin otro dios Mi dilanti.

5:8 'No traha ningun imagen grabá pa bo mes, ni nada semehante na loke tin ariba den shelu, ni abou riba tera, ni den e awa bou di tera.

5:9 No adorá nan ni sirbi nan, pasobra Ami, SEÑOR bo Dios, ta un Dios yalurs, Kende ta bishitá inikidat di e tatanan riba e yunan, i riba e di tres i e di kuater generashon di esnan ku ta odiaMi,

5:10 ma Kende ta mustra miserikòrdia na milnan, na esnan ku ta stimaMi i ta warda Mi mandamentunan.

5:11 'No uza nòmber di SEÑOR bo Dios en bano, pasobra SEÑOR no ta keda sin kastigá esun ku uza Su nòmber en bano.

5:12 'Warda dia di sabat, pa santifik'é, manera SEÑOR bo Dios a ordenábo.

5:13 Seis dia bo mag traha i hasi tur bo trabou,

5:14 ma e di shete dia ta un sabat di SEÑOR bo Dios; riba e dia ei bo no mag hasi ningun trabou, ni abo, ni bo yu hòmber, ni bo yu muhé, ni bo sirbidó hòmber, ni bo sirbidó muhé, ni bo buey, ni bo buriku, ni ningun di bo bakanan, ni esun ku ta keda biba pa un tempu serka bo, pa bo sirbidó hòmber i bo sirbidó muhé por sosegá meskos ku bo.

H7637 -- ma e di shete -> but the seventh
H7676 -- ta un sabat -> is a sabbath
H3117 -- dia -> day
H430 -- bo Dios -> your God
H6213a -- bo no mag hasi -> ] you shall not do
H3605 -- ningun -> any
H4399 -- trabou -> work
H1121 -- ni abo, ni bo yu hòmber -> you or your son
H1323 -- ni bo yu muhé -> or your daughter
H5650 -- ni bo sirbidó -> or your male
H5650 -- hòmber -> servant
H519 -- ni bo sirbidó -> or your female
H519 -- muhé -> servant
H7794 -- ni bo buey -> or your ox
H2543 -- ni bo buriku -> or your donkey
H3605 -- ni ningun -> or any
H929 -- di bo bakanan -> of your cattle
H1616 -- ni esun ku ta keda biba pa un tempu serka bo -> or your sojourner
H834 -- ku -> who
H4616 -- pa bo sirbidó hòmber i bo sirbidó muhé por sosegá meskos ku bo -> stays with you, so
H5650 -- pa bo sirbidó hòmber i bo sirbidó muhé por sosegá meskos ku bo -> that your male
H5650 -- pa bo sirbidó hòmber i bo sirbidó muhé por sosegá meskos ku bo -> servant
H519 -- pa bo sirbidó hòmber i bo sirbidó muhé por sosegá meskos ku bo -> and your female
H519 -- pa bo sirbidó hòmber i bo sirbidó muhé por sosegá meskos ku bo -> servant
H5117 -- pa bo sirbidó hòmber i bo sirbidó muhé por sosegá meskos ku bo -> may rest

5:15 I kòrda ku bo tabata esklabu na tera di Egipto i ku SEÑOR bo Dios a sakabo for di ayanan pa medio di un man poderoso i un brasa ekstendí; pesei SEÑOR bo Dios a ordenábo pa warda dia di sabat.

5:16 'Onra bo tata i bo mama, manera SEÑOR bo Dios a ordenábo, pa bo dianan wòrdu prolongá i pa bai bon ku bo den e tera ku SEÑOR bo Dios ta dunabo.

5:17 'No mata.

5:18 'No kometé adulterio.

5:19 'No hòrta.

5:20 'No lanta testimonio falsu kontra bo próhimo.

5:21 'No kudishá esposa di bo próhimo i no deseá kas di bo próhimo, ni su kunuku, ni su esklabu hòmber ni su esklabu muhé, ni su buey, ni su buriku, ni nada ku ta pertenesé na bo próhimo.'

5:22 "E palabranan aki SEÑOR a papia ku henter boso asamblea riba e seru for di meimei di e kandela, di e nubia i di e tiniebla, ku gran bos, i E no a añadí nada mas. I El a skirbi nan riba dos tabla-di-piedra i a dunami nan.

H428 -- E -> These
H1697 -- palabranan -> words
H1696 -- a papia -> spoke
H3605 -- ku henter -> to all
H6951 -- boso asamblea -> your assembly
H2022 -- riba e seru -> at the mountain
H8432 -- for di meimei -> from the midst
H784 -- di e kandela -> of the fire
H6051 -- di e nubia -> ] the cloud
H6205 -- i di e tiniebla -> ] the thick
H6205 -- tiniebla -> gloom
H1419 -- ku gran -> with a great
H6963 -- bos -> voice
H3254 -- i E no a añadí -> and He added
H3808 -- no -> no
H3254 -- nada mas -> more
H3789 -- I El a skirbi -> . He wrote
H8147 -- nan riba dos -> them on two
H3871 -- tabla-di-piedra -> tablets
H68 -- tabla-di-piedra -> of stone
H5414 -- i a dunami -> and gave

5:23 "I a sosodé ku ora boso a tende e bos for di meimei di e skuridat, mientras ku e seru tabata kima ku kandela, boso a bin serka mi, tur e kabesantenan di boso tribunan i boso ansianonan.

5:24 I boso a bisa: 'Mira, SEÑOR nos Dios a mustra nos Su gloria i Su grandesa, i nos a tende Su bos for di meimei di e kandela; nos a mira awe ku Dios ta papia ku hende, i tòg e ta keda na bida.

5:25 Awor anto, pakiko nos mester muri? Pasobra e kandela grandi aki lo kaba ku nos; si nos tende e bos di SEÑOR nos Dios pa mas tempu, e ora ei nos lo muri.

5:26 Pasobra ta kiko hende ta, pa tende e bos di e Dios bibu papia for di meimei di kandela, manera nos a tende, i keda na bida?

5:27 Hala serka i tende tur loke SEÑOR nos Dios ta bisa; e ora ei papia ku nos tur loke SEÑOR nos Dios papia ku bo, i nos lo tende i hasié.'

5:28 "I SEÑOR a tende e bos di boso palabranan ora boso a papia ku mi, i SEÑOR a bisami: 'Mi a tende e bos di e palabranan di e pueblo aki, ku nan a papia ku bo. Tur loke nan a papia ta bon.

5:29 O ku nan tabatin tal kurason den nan, ku nan lo tabatin temor pa Mi, i semper warda tur Mi mandamentunan, pa bai bon ku nan i ku nan yunan pa semper!

5:30 'Bai, bisa nan: "Bolbe na boso tèntnan."

5:31 Ma pa loke t'abo, para aki serka Mi, pa Mi dunabo tur e mandamentunan, e statutonan i e huisionan ku bo mester siña nan, pa nan kumpli ku nan na e tera ku Mi ta duna nan pa nan poderá di djé.'

5:32 "Asina, mira pa boso hasi meskos ku SEÑOR boso Dios a ordená boso; no bira bai na man drechi ni na man robes.

5:33 Kana den henter e kaminda ku SEÑOR boso Dios a ordená boso, pa boso keda na bida i pa bai bon ku boso, i pa boso prolongá boso dianan den e tera ku boso lo poderá di djé.

Deuteronomio 6

6:1 "Awor esaki ta e mandamentu, e statutonan i e huisionan ku SEÑOR boso Dios a ordenámi pa siña boso, pa boso por hasi nan na e tera ku boso ta bai pa poderá di djé,

6:2 pa asina abo, bo yu hòmber i bo nietu teme SEÑOR bo Dios, pa warda tur Su statutonan i Su mandamentunan ku mi ta ordenábo tur e dianan di bo bida, i pa bo dianan wòrdu prolongá.

6:3 O Israel, bo mester skucha i pèrkurá di hasié, pa bai bon ku bo i pa bo multipliká grandemente, manera SEÑOR, e Dios di bo tatanan, a primintíbo, na un tera ku tin lechi i miel na abundansia.

6:4 "Tende, O Israel! SEÑOR ta nos Dios, SEÑOR ta ún!

6:5 I stima SEÑOR bo Dios ku henter bo kurason, ku henter bo alma i ku tur bo forsa.

6:6 E palabranan aki, ku mi ta ordenábo awe, mester ta riba bo kurason.

6:7 Siña nan ku tur diligensia na bo yunan, i papia di nan ora bo ta sinta den bo kas, ora bo ta kana riba kaminda, ora bo ta bai drumi i ora bo ta lanta.

6:8 Mara nan komo un señal na bo man i komo un banchi na bo frenta.

6:9 Skirbi nan riba e koseinnan-di-porta di bo kas i riba bo portanan di kurá.

6:10 "E ora ei lo sosodé ku ora SEÑOR bo Dios tresebo den e tera ku El a hura na bo tatanan, Abraham, Isaak i Jakòb, pa dunabo, statnan grandi i bon ku bo no a traha,

6:11 i kasnan yen di tur kos bon ku bo no a yena nan kuné, posnan kobá ku bo no a koba, kunukunan di wendrùif i palunan di oleifi ku bo no a planta, i bo kome i keda satisfecho,

H1004 -- i kasnan -> and houses
H4392 -- yen -> full
H3605 -- di -> of all
H2898 -- tur kos bon -> good
H2898 -- tur kos bon -> things
H834 -- ku -> which
H834 -- ku -> which
H834 -- ku -> which
H4390 -- bo no a yena nan kuné -> you did not fill
H2672 -- posnan kobá -> and hewn
H953a -- posnan kobá -> cisterns
H2672 -- ku bo no a koba -> you did not dig
H3754 -- kunukunan di wendrùif -> vineyards
H2132 -- i palunan di oleifi -> and olive
H2132 -- i palunan di oleifi -> trees
H5193 -- ku bo no a planta -> you did not plant
H398 -- i bo kome -> and you eat
H7646 -- i keda satisfecho -> and are satisfied

6:12 e ora ei tene kuidou pa bo no lubidá SEÑOR, Kende a sakabo for di tera di Egipto, for di e kas di sklabitut.

6:13 "Teme solamente SEÑOR bo Dios, i sirbiE i hura den Su nòmber.

6:14 No bai tras di otro dios, ningun di e diosnan di e pueblonan ku ta rònt di boso,

6:15 (pasobra SEÑOR bo Dios, Kende ta meimei di boso, ta un Dios yalurs), pa e rabia di SEÑOR bo Dios no sende kontra bo i E destruíbo for di riba tera.

6:16 No tenta SEÑOR boso Dios, manera boso a tent'E na Masa.

6:17 Warda ku tur diligensia e mandamentunan di SEÑOR boso Dios i Su testimonionan i Su statutonan ku El a ordenábo.

6:18 Hasi loke ta korekto i bon den bista di SEÑOR, pa bai bon ku bo i pa bo drenta i poderá di e bon tera ku SEÑOR a hura di duna bo tatanan,

6:19 dor di kore ku tur bo enemigunan for di bo dilanti, manera SEÑOR a bisa.

6:20 "Mañan, ora bo yu hòmber puntrabo: 'Kiko e testimonionan, e statutonan i e huisionan ku SEÑOR a ordená boso ta nifiká?'

6:21 e ora ei bo mester bisa bo yu hòmber: 'Nos tabata esklabu di Farao na Egipto i SEÑOR a saka nos for di Egipto ku un man poderoso.

6:22 Ademas, SEÑOR a mustra señalnan i maraviyanan grandi i desastroso dilanti di nos bista kontra Egipto, Farao i henter su kas;

6:23 i El a saka nos for di ayanan pa trese nos na e tera, pa duna nos e tera ku El a hura di duna nos tatanan.'

6:24 Asina SEÑOR a ordená nos pa kumpli ku tur e statutonan aki, pa semper teme SEÑOR nos Dios pa nos mes bon, i pa nos sobrebibí, manera ta awe.

6:25 I lo ta hustisia pa nos si nos pèrkurá di kumpli ku henter e mandamentu aki dilanti di SEÑOR nos Dios, manera El a ordená nos.

Deuteronomio 7

7:1 "Ora SEÑOR bo Dios hibabo na e tera ku bo ta bai drenta pa poderá di djé, i E kore ku hopi nashon for di bo dilanti, e heteonan, e gergeseonan, e amoreonan, e kananeonan, e ferezeonan, e heveonan i e jebuseonan, shete nashon mas grandi i mas poderoso ku bo,

7:2 i ora SEÑOR bo Dios entregá nan na bo i bo derotá nan, e ora ei bo mester destruí nan kompletamente. No sera aliansa ku nan ni tene miserikòrdia di nan.

7:3 No emparentá ku nan; no duna bo yu muhé na nan yu hòmber, ni tuma nan yu muhé pa bo yu hòmber.

7:4 Pasobra nan lo kita bo yu hòmber di siguiMi pa sirbi otro diosnan; e ora ei e rabia di SEÑOR lo sende kontra bo, i E lo destruíbo mesora.

7:5 Ma asina boso mester hasi ku nan: basha nan altarnan abou, kibra nan pilarnan sagrado na pida-pida, kap nan imagennan di Asera bent'abou i kima nan imagennan grabá ku kandela.

7:6 Pasobra bo ta un pueblo santu pa SEÑOR bo Dios; SEÑOR bo Dios a skohebo, for di tur e pueblonan ku tin riba superfisio di tera, pa ta un pueblo spesial pa Su mes.

7:7 "SEÑOR no a stima boso ni skohe boso, pasobra boso tabata mas hopi ku kualke otro pueblo, pasobra boso tabata esun di mas poko di tur pueblo,

7:8 ma pasobra SEÑOR tabata stima boso i a warda e huramentu ku El a hura na boso tatanan, pesei SEÑOR a saka boso pa medio di un man poderoso i a redimí boso for di e kas di sklabitut, for di man di Farao, rei di Egipto.

7:9 Pesei, sabi ku SEÑOR bo Dios, E ta Dios, e Dios fiel, Kende ta warda Su aliansa i Su miserikòrdia pa ku esnan ku ta stim'E i ta warda Su mandamentunan te na e di mil generashon;

7:10 ma esnan ku ta odi'E, E ta paga bèk en persona, pa destruí nan; E no ta tarda pa paga esun ku ta odi'E, E lo pagu'é bèk en persona.

7:11 Pesei bo mester warda e mandamentu i e statutonan i e huisionan ku mi ta ordenábo awe pa kumpli ku nan.

7:12 "E ora ei lo sosodé ku, pasobra bo ta skucha na e huisionan aki i ta warda i ta kumpli ku nan, SEÑOR bo Dios lo warda Su aliansa i Su miserikòrdia pa ku bo, manera El a hura na bo tatanan.

7:13 I E lo stimabo, bendishonábo i multiplikábo; tambe E lo bendishoná e fruta di bo barika i e fruta di bo suela, bo mainshi, bo biña nobo i bo zeta, e oumento di bo kria di baka i e lamchinan di bo tou di bestia chikitu, na e tera ku El a hura na bo tatanan di dunabo.

7:14 Lo bo ta bendishoná riba tur pueblo; lo no tin ni hòmber ni muhé steril meimei di bo, ni meimei di bo bestianan.

7:15 I SEÑOR lo kita tur malesa for di bo; i E lo no afligíbo ku ningun di e malesanan teribel di Egipto ku bo a konosé, ma E lo pone nan riba tur esnan ku ta odiabo.

7:16 I bo mester kaba ku tur e pueblonan ku SEÑOR bo Dios ta bai entregá na bo; no wak nan ku duele, ni sirbi nan diosnan, pasobra esei lo ta un trampa pa bo.

7:17 "Si akaso bo bisa den bo kurason: 'E nashonnan aki ta mas grandi ku mi. Kon mi ta hasi kore ku nan?'

7:18 no tene miedu di nan; kòrda bon kiko SEÑOR bo Dios a hasi ku Farao i ku henter Egipto:

7:19 e pruebanan grandi ku bo wowo a mira i e señalnan, e maraviyanan, e man poderoso i e brasa ekstendí pa medio di kual SEÑOR bo Dios a sakabo afó. Asina SEÑOR bo Dios lo hasi ku tur e pueblonan ku bo tin miedu di nan.

7:20 Ademas, SEÑOR bo Dios lo manda e maribomba riba nan, te ora ku esnan ku a keda i ku ta skonde nan mes pa bo, peresé.

7:21 No spanta pa nan, pasobra SEÑOR bo Dios ta meimei di bo, un Dios grandi i temibel.

7:22 I na poko-poko SEÑOR bo Dios lo saka e nashonnan aki for di bo dilanti; lo bo no por kaba ku nan mesora, pa bestia di mondi no bira muchu hopi kontra bo.

7:23 Ma SEÑOR bo Dios lo entregá nan na bo i lo trese nan den konfushon grandi, te ora nan keda destruí.

7:24 I E lo entregá nan reinan den bo man, i lo bo kita nan nòmber for di bou di shelu; ningun hende lo no por keda para bo dilanti te ora bo a destruí nan.

7:25 E imagennan grabá di nan diosnan bo mester kima ku kandela. No kudishá e plata ni e oro ku tin riba nan, ni tuma esaki pa bo mes, pa e no bira un trampa pa bo, pasobra e ta un abominashon pa SEÑOR bo Dios.

7:26 No trese un abominashon den bo kas, pa bo no bin bou di maldishon meskos kuné; odi'é di henter bo kurason i abores'é di henter bo kurason, pasobra e ta un kos maldishoná.