Buska den Beibel

1 Kronikonan 1; 1 Kronikonan 2 BSNP Edita

1 Kronikonan 1

1:1 Adam, Sèt, Enos,

1:2 Kainán, Mahalaleel, Jared,

1:3 Enok, Matusalen, Lamek,

1:4 Noe, Sèm, Kam i Jafet.

1:5 E yu hòmbernan di Jafet tabata Gomer, Magòg, Madai, Javan, Tubal, Mesek i Tiras.

1:6 I e yu hòmbernan di Gomer tabata Askenaz, Rifat i Togarma.

1:7 I e yu hòmbernan di Javan tabata Elisa, Tarsis, Kitim i Dodanim.

1:8 E yu hòmbernan di Kam tabata Kus, Mizraim, Put i Kanaan.

1:9 I e yu hòmbernan di Kus tabata Seba, Havila, Sabta, Raama i Sabteka; i e yu hòmbernan di Raama tabata Seba i Dedan.

1:10 I Kus a engendrá Nimròd; esaki a kuminsá bira poderoso riba tera.

1:11 I Mizraim a engendrá e pueblo di Lud, Anam, Lehab, Naftu,

1:12 Patrus, Kaslu, for di kualnan e filisteonan a sali, i e kaftoreonan.

1:13 I Kanaan a engendrá Sidon, su primogénito, i Hèt,

1:14 i e jebuseonan, e amoreonan, e gergeseonan,

1:15 e heveonan, e arakeonan, e sineonan,

1:16 e arvadeonan, e zemareonan i e hamateonan.

1:17 E yu hòmbernan di Sèm tabata Elam, Asur, Arfaksad, Lud, Aram, Uz, Hul, Geter i Mesek.

1:18 I Arfaksad a engendrá Sela, i Sela a engendrá Heber.

1:19 I Heber a haña dos yu hòmber. Nòmber di esun tabata Peleg, pasobra den su dianan e tera a wòrdu dividí, i nòmber di su ruman hòmber tabata Joktan.

1:20 I Joktan a engendrá Almodad, Selef, Hazar-mavet, Jera,

1:21 Hadoram, Uzal, Dikla,

1:22 Ebal, Abimael, Seba,

1:23 Ofir, Havila i Jobab; tur esakinan tabata e yu hòmbernan di Joktan.

1:24 Sèm, Arfaksad, Sela,

1:25 Heber, Peleg, Reu,

1:26 Serug, Nakor, Taré

1:27 Abram, esta, Abraham.

1:28 E yu hòmbernan di Abraham tabata Isaak i Ismael.

1:29 Esakinan ta nan genealogianan: e primogénito di Ismael tabata Nebaiot, despues Kedar, Adbeel, Mibsam,

1:30 Misma, Duma, Masa, Hadad, Tema,

1:31 Jetur, Nafis i Kedema; esakinan tabata e yu hòmbernan di Ismael.

1:32 I e yu hòmbernan ku Ketura, Abraham su konkubina, a haña p'é, tabata: Zimran, Joksan, Medan, Madian, Isbak i Súa. I e yu hòmbernan di Joksan tabata Seba i Dedan.

1:33 I e yu hòmbernan di Madian tabata Efa, Efer, Hanok, Abida i Elda. Tur esakinan tabata e yu hòmbernan di Ketura.

1:34 I Abraham a engendrá Isaak. E yu hòmbernan di Isaak tabata Esau i Israel.

1:35 E yu hòmbernan di Esau tabata: Elifaz, Reuel, Jeús, Jaalam i Koré.

1:36 E yu hòmbernan di Elifaz tabata Teman, Omar, Zefo, Gatam, Kenaz, Timna i Amalek.

1:37 E yu hòmbernan di Reuel tabata: Nahat, Zera, Sama i Miza.

1:38 I e yu hòmbernan di Seir tabata Lotan, Sobal, Zibeon, Ana, Dison, Ezer i Disan.

1:39 I e yu hòmbernan di Lotan tabata Hori i Homam; i Timna tabata ruman muhé di Lotan.

1:40 E yu hòmbernan di Sobal tabata Alvan, Manahat, Ebal, Sefo i Onam. I e yu hòmbernan di Zibeon tabata Aja i Ana.

1:41 E yu hòmber di Ana tabata Dison. I e yu hòmbernan di Dison tabata Amram, Esban, Itran i Keran.

1:42 E yu hòmbernan di Ezer tabata Bilhan, Zaavan i Jaakan. E yu hòmbernan di Disan tabata Uz i Aran.

1:43 Awor esakinan ta e reinan ku a reina na tera di Edòm promé ku un rei di e yunan di Israel a yega di reina. Bela tabata yu hòmber di Beor, i nòmber di su stat tabata Dinaba.

1:44 Dia Bela a muri, Jobab, yu hòmber di Zera, di Bosra, a bira rei na su lugá.

1:45 Dia Jobab a muri, Husam di e tera di e temanitanan a bira rei na su lugá.

1:46 Dia Husam a muri, Hadad, yu hòmber di Bedad, kende a derotá Madian den e sabana di Moab, a bira rei na su lugá; i nòmber di su stat tabata Avit.

1:47 Dia Hadad a muri, Samla di Masreka a bira rei na su lugá.

1:48 Dia Samla a muri, Saul di Rehobot banda di e riu, a bira rei na su lugá.

1:49 Dia Saul a muri, Baal-hanan, yu hòmber di Akbor, a bira rei na su lugá.

1:50 Dia Baal-hanan a muri, Hadad a bira rei na su lugá; i nòmber di su stat tabata Pai, i nòmber di su esposa tabata Mehetabel, yu muhé di Matred, yu muhé di Mezahab.

1:51 Despues Hadad a muri. Awor e hefenan di Edòm tabata: hefe Timna, hefe Alva, hefe Jetet,

1:52 hefe Aholibama, hefe Ela, hefe Pinon,

1:53 hefe Kenaz, hefe Teman, hefe Mibzar,

1:54 hefe Magdiel, hefe Iram. Esakinan tabata e hefenan di Edòm.

1 Kronikonan 2

2:1 Esakinan ta e yu hòmbernan di Israel: Ruben, Simeon, Leví, Juda, Isakar, Zabulon,

2:2 Dan, Jose, Benjamin, Nèftalí, Gad i Aser.

2:3 E yu hòmbernan di Juda tabata: Er, Onan i Sela; e tresnan aki Bat-súa e kananeo a haña p'é. I Er, Juda su primogénito, tabata malbado den bista di SEÑOR; pesei El a mat'é.

2:4 I su nuera Tamar a haña Fares i Zera p'é. Na tur Juda tabatin sinku yu hòmber.

2:5 E yu hòmbernan di Fares tabata: Hezron i Hamul.

2:6 I e yu hòmbernan di Zera tabata Zimri, Etan, Heman, Kalkol i Dara; sinku na tur.

2:7 I e yu hòmber di Karmi tabata Akan, esun ku a trese kalamidat riba Israel, pasobra el a kohe loke tabata maldishoná.

2:8 I e yu hòmber di Etan tabata Azarias.

2:9 Awor e yu hòmbernan ku a nase pa Hezron tabata Jerameel, Ram i Kelubai.

2:10 I Ram a engendrá Aminadab, i Aminadab a engendrá Nason, lider di e yu hòmbernan di Juda;

2:11 Nason a engendrá Salmon, Salmon a engendrá Boaz,

2:12 Boaz a engendrá Obed, i Obed a engendrá Isaí.

2:13 Isaí a engendrá Eliab, su primogénito, despues Abinadab, esun di dos, i Simea, esun di tres,

2:14 Natanael, esun di kuater, Radai, esun di sinku,

2:15 Ozem, esun di seis, David, esun di shete;

2:16 i nan ruman muhénan tabata Sarvia i Abigail. I e tres yu hòmbernan di Sarvia tabata Abisai, Joab i Asael.

2:17 I Abigail a haña Amasa, i tata di Amasa tabata Jeter e ismaelita.

2:18 Awor Kalèb, yu hòmber di Hezron, a engendrá yu hòmbernan ku su esposa Azuba, i ku Jeriot; i esakinan tabata su yu hòmbernan: Jeser, Sobab i Ardon.

2:19 Dia Azuba a muri, Kalèb a kasa ku Efrata, kende a haña Hur p'é.

2:20 Anto Hur a engendrá Uri, i Uri a engendrá Bezaleel.

2:21 Despues Hezron a drumi ku yu muhé di Makir, tata di Galaad, ku kende el a kasa tempu ku e tabatin sesenta aña; i el a haña Zegub p'é.

2:22 I Zegub a engendrá Jair, kende tabatin bint'i tres stat na tera di Galaad.

2:23 Ma Gesur i Aram a kohe e statnan di Jair for di nan, huntu ku Kenat ku su pueblitonan, sesenta pueblito na tur. Tur esakinan tabata pertenesé na e yu hòmbernan di Makir, tata di Galaad.

2:24 I despues di morto di Hezron na Kalèb-efrata, Abias, esposa di Hezron, a haña Asur, tata di Tekoa, p'é.

2:25 Awor e yu hòmbernan di Jerameel, e primogénito di Hezron, tabata Ram, e primogénito, despues Buna, Oren, Ozem i Ahias.

2:26 I Jerameel tabatin un otro esposa, kende su nòmber tabata Atara; e tabata mama di Onam.

2:27 I e yu hòmbernan di Ram, e primogénito di Jerameel, tabata Maaz, Jamin i Eker.

2:28 I e yu hòmbernan di Onam tabata Samai i Jada. I e yu hòmbernan di Samai tabata Nadab i Abisur.

2:29 I nòmber di Abisur su esposa tabata Abihail, i el a haña Ahban i Molid p'é.

2:30 I e yu hòmbernan di Nadab tabata Seled i Apaim, i Seled a muri sin yu.

2:31 Isi tabata yu hòmber di Apaim. I Sesan tabata yu hòmber di Isi. I Ahlai tabata yu hòmber di Sesan.

2:32 I e yu hòmbernan di Jada, ruman hòmber di Samai, tabata Jeter i Jonatan, i Jeter a muri sin yu.

2:33 I e yu hòmbernan di Jonatan tabata Pelet i Zaza. Esakinan tabata e yu hòmbernan di Jerameel.

2:34 Awor Sesan no tabatin yu hòmber, sino yu muhé so. I Sesan tabatin un sirbidó egipsio ku tabata yama Jarha.

2:35 I Sesan a duna su yu muhé na su sirbidó Jarha komo esposa, i el a haña Atai p'é.

2:36 I Atai a engendrá Natan, i Natan a engendrá Zabad,

2:37 i Zabad a engendrá Eflal, i Eflal a engendrá Obed,

2:38 i Obed a engendrá Jehú, i Jehú a engendrá Azarias,

2:39 i Azarias a engendrá Heles, i Heles a engendrá Elasa,

2:40 i Elasa a engendrá Sismai, i Sismai a engendrá Salum,

2:41 i Salum a engendrá Jekamias, i Jekamias a engendrá Elisama.

2:42 Awor e yu hòmbernan di Kalèb, ruman hòmber di Jerameel, tabata Mesa, su primogénito, kende tabata tata di Zif, i su yu hòmber tabata Maresa, tata di Hebròn.

2:43 I e yu hòmbernan di Hebròn tabata Koré, Tapúa, Rekem i Sema.

2:44 I Sema a engendrá Raham, tata di Jorkeam; anto Rekem a engendrá Samai.

2:45 I e yu hòmber di Samai tabata Maon, i Maon tabata tata di Bèt-sur.

2:46 I Efa, Kalèb su konkubina, a haña Haran, Mosa i Gazez; i Haran a engendrá Gazez.

2:47 I e yu hòmbernan di Jahdai tabata Regem, Jotam, Gesam, Pelet, Efa i Saaf.

2:48 Maaka, Kalèb su konkubina, a haña Seber i Tirhana.

2:49 Tambe el a haña Saaf, tata di Madmana, Seva, tata di Makbena i tata di Gibea; i Aksa tabata yu muhé di Kalèb.

2:50 Esakinan tabata e yu hòmbernan di Kalèb. E yu hòmbernan di Hur, e primogénito di Efrata, tabata Sobal, tata di Kiriat-jearim,

2:51 Salma, tata di Bètlehèm, i Haref, tata di Bèt-gader.

2:52 Anto Sobal, tata di Kiriat-jearim, tabatin yu hòmber: Haroé, mitar di e manahetitanan,

2:53 i e famianan di Kiriat-jearim: e itritanan, e putitanan, e sumatitanan i e misraitanan; for di esakinan a sali e zoratitanan i e estaolitanan.

2:54 E yu hòmbernan di Salma tabata Bètlehèm i e netofatitanan, Atrot-bèt-joab i mitar di e manahetitanan, e zoraitanan.

2:55 I e famianan di e eskribanan ku tabata biba na Jabes tabata e tirateonan, e simeateonan i e sukateonan. Eseinan ta e keneonan ku a sali for di Hamat, tata di e kas di Rekab.