Tito 3

BSNP Edita

Tito 3

3:1 Rekòrdá nan pa ta sumiso na gobernantenan i na outoridatnan, pa ta obedesido, i dispuesto pa hasi tur bon obra,

3:2 pa no kalumniá ningun hende, pa no ta pleitadó, ma suave, mustrando tur konsiderashon pa tur hende.

3:3 Pasobra nos mes tambe un tempu tabata ignorante, desobedesido, gañá, sklabisá na varios pashon i plaser, bibando den malisia i envidia, odioso i odiando otro.

3:4 Ma ora ku e kariño di Dios nos Salbador i Su amor pa humanidat a paresé,

3:5 El a salba nos, no a base di obranan ku nos a hasi den hustisia, ma segun Su miserikòrdia, pa medio di e labamentu di regenerashon i renobashon pa medio di Spiritu Santu,

3:6 Kende El a basha rikamente riba nos pa medio di Jesu-Cristo nos Salbador,

3:7 pa nos, siendo hustifiká pa medio di Su grasia, por wòrdu hasí erederonan segun e speransa di bida etèrno.

3:8 Esaki ta un palabra fiel; i e kosnan aki mi kier pa bo konfirmá konstantemente, pa esnan ku a kere den Dios pèrkurá di hasi bon obranan. E kosnan aki ta bon i di probecho pa hende.

G3588 -- Esaki -> This
G4103 -- ta un palabra -> is a trustworthy
G3056 -- fiel -> statement
G4012 -- i e kosnan aki -> and concerning
G3778 -- mi kier -> these
G3778 -- pa bo -> things
G1014 -- konfirmá -> I want
G1226 -- konstantemente -> you to speak
G1226 -- pa esnan -> confidently
G2443 -- ku a kere -> so
G3588 -- den Dios -> that those
G4100 -- pèrkurá -> who have believed
G2316 -- di hasi -> God
G5431 -- bon obranan -> will be careful
G4291b -- E kosnan aki -> to engage
G2570 -- ta bon -> in good
G2041 -- i di probecho -> deeds
G3778 -- pa hende -> . These

3:9 Ma evitá kontroversianan bobo i genealogianan i pleitu i diskushonnan tokante di Lei; pasobra nan ta sin probecho i no ta bal nada.

3:10 Rechasá un hende ku ta kousa divishon despues di un promé i un di dos spièrtamentu,

3:11 sabiendo ku un hende asina ta pèrvèrso i ta hasi piká, i ta kondená su mes.

3:12 Ora mi manda Artemas òf Tikiko serka bo, hasi tur esfuerso pa bin serka mi na Nikópolis, pasobra mi a disidí di pasa wenter einan.

3:13 Yuda abogado Zenas i Apolo ku diligensia pa sigui nan kaminda, pa nan no tin falta di nada.

3:14 I laga nos hendenan tambe siña di hasi bon obra den kasonan di nesesidat, pa nan no keda sin duna fruta.

3:15 Tur esnan ku ta huntu ku mi ta saludábo. Saludá esnan ku ta stima nos den fe. Grasia sea ku boso tur. Amèn.

Tito 2 Filemon 1