Salmonan 56

BSNP Edita

Salmonan 56

56:1 Tene miserikòrdia di mi, O Dios, pasobra hende ta trapa riba mi; bringando henter dia e ta oprimími.

56:2 Mi enemigunan ta trapa riba mi henter dia, pasobra hopi ta esnan ku den nan orguyo ta bringa kontra mi.

56:3 Ora mi tin miedu, lo mi konfia den Bo.

56:4 Den Dios, Kende Su palabra mi ta alabá, den Dios mi a pone mi konfiansa; lo mi no tin miedu. Kiko hende por hasimi?

56:5 Henter dia nan ta trose mi palabranan; tur nan pensamentunan ta kontra mi, pa hasimi daño.

56:6 Nan ta reuní, nan ta skonde, nan ta opservá mi pasonan, mientras ku nan ta lur pa kita mi bida.

56:7 Pa motibu di maldat, tira nan afó, den rabia, benta e pueblonan abou, O Dios!

56:8 Bo a nota tur e biahanan ku mi a kana dwal; pone mi lágrimanan den Bo butishi; nan no ta den Bo buki?

56:9 E ora ei mi enemigunan lo hal'atras den e dia ku mi sklama na Bo; esaki sí mi sa, ku Dios ta ku mi.

56:10 Den Dios, Kende Su palabra mi ta alabá, den SEÑOR, Kende Su palabra mi ta alabá,

56:11 den Dios mi a pone mi konfiansa; lo mi no tin miedu. Kiko hende por hasimi?

56:12 Bo promesanan ta riba mi, O Dios; lo mi duna ofrendanan di gradisimentu na Bo.

56:13 Pasobra Bo a libra mi alma for di morto; di bèrdat, Bo a warda mi pianan pa mi no trompeká, asina ku mi por kana dilanti di Dios den e lus di bida.di David, tempu ku el a hui pa Saul i a bai den kueba.

Salmonan 55 Salmonan 57