Salmonan 42

BSNP Edita

Salmonan 42

42:1 Manera biná ta anhelá na koridanan di awa, asina mi alma ta anhelá na Bo, O Dios.

42:2 Mi alma tin set di Dios, di e Dios bibu; ki dia lo mi bin i presentá dilanti di Dios?

42:3 Mi lágrimanan tabata mi kuminda di dia i anochi, mientras nan ta puntrami henter dia: "Unda bo Dios ta?"

42:4 E kosnan aki mi ta kòrda, i mi ta drama mi alma den mi. Pasobra mi tabatin kustumber di bai ku e multitut i guia nan den proseshon na e kas di Dios, ku bos di goso i gradisimentu, un multitut ku tabata selebrá dia di fiesta.

H428 -- E -> These
H428 -- kosnan -> things
H2142 -- aki mi ta kòrda, -> I remember
H8210 -- i mi ta drama -> and I pour
H5315 -- mi alma -> out my soul
H5921 -- den mi. -> within
H5674a -- Pasobra mi tabatin kustumber di bai -> me. For I used to go
H5519 -- ku e multitut -> with the throng
H1718 -- i guia -> ] lead
H1718 -- nan den proseshon -> them in procession
H1004 -- na e kas -> to the house
H6963 -- , ku bos -> With the voice
H7440 -- di goso -> of joy
H8426 -- i gradisimentu, -> and thanksgiving
H1995 -- un multitut -> a multitude
H2287 -- ku tabata selebrá -> keeping
H2287 -- dia di fiesta. -> festival
H430 -- di Dios -> of god

42:5 Pakiko bo ta abatí, O mi alma? I pakiko bo a bira intrankil den mi? Spera riba Dios, pasobra lo mi bolbe alab'E pa e yudansa di Su presensia.

42:6 O mi Dios, mi alma ta abatí den mi; pesei mi ta kòrda riba Bo for di tera di Jordan, i e halturanan di Hermon, for di Seru Mizar.

42:7 Profundidat ta yama profundidat na e zonidu di Bo waterfalnan; tur Bo ondanan i olanan grandi a pasa riba mi.

42:8 SEÑOR lo manda Su miserikòrdia den dia; i anochi Su kantika lo ta ku mi, un orashon na e Dios di mi bida.

42:9 Lo mi puntra Dios, mi baranka: "Pakiko Bo a lubidámi? Pakiko mi ta kana bistí na rou pa motibu di e opreshon di e enemigu?"

42:10 Komo si fuera ta garna nan ta garna mi wesunan, asina mi atversarionan ta reprochámi, mientras ku nan ta puntrami henter dia: "Unda bo Dios ta?"

42:11 Pakiko bo ta abatí, O mi alma? i pakiko bo a bira intrankil den mi? Spera riba Dios, pasobra ainda lo mi alab'E, mi Salbador i mi Dios.

Salmonan 41 Salmonan 43