Salmonan 39

BSNP Edita

Salmonan 39

39:1 Mi a bisa: "Lo mi warda mi kamindanan, pa mi no hasi piká ku mi lenga; lo mi warda mi boka ku un bosal, tanten ku e malbadonan ta den mi presensia."

39:2 Mi a keda stòm i sin abla, mi a keda sin papia asta loke ta bon; i mi doló a bira pió.

39:3 Mi kurason tabata kima den mi; mientras mi tabata sinta pensa e kandela tabata kima; e ora ei mi a papia ku mi lenga:

39:4 "SEÑOR, lagami sa mi fin i kuantu mi dianan ta; lagami sa kon pasahero mi ta.

39:5 Ata, Bo a hasi mi dianan manera un span di man, i mi edat ta manera nada den Bo bista; siguramente kada hende den su mihó kondishon ta djis un rosea.

39:6 Di bèrdat, tur hende ta kana rònt manera un sombra; sí, nan ta hasi lawai pòrnada; e ta montoná rikesanan i no sa ken lo rekohé nan.

39:7 "I awor, Señor, riba kiko mi ta spera? Mi speransa ta den Bo.

39:8 Librami for di tur mi transgreshonnan; no hasimi bira reproche di hende bobo.

39:9 Mi a bira mudo, mi no ta habri mi boka, pasobra ta Abo a hasi esaki.

39:10 Kita Bo plaga for di mi; pa motibu di e preshon di Bo man mi ta peresé.

39:11 Ora Bo koregí un hende ku kastigu pa su inikidat, Bo ta kaba ku loke ta presioso p'é, meskos ku mòt ta hasi; siguramente hende ta djis un rosea.

39:12 "Tende mi orashon, O SEÑOR, i skucha mi sklamashon; no keda ketu pa mi lágrimanan; pasobra mi ta un deskonosí serka Bo, un stranhero, manera tur mi antepasadonan.

39:13 Kita Bo bista for di mi, pa mi por ta kontentu atrobe, promé ku mi bai i mi no t'ei mas."

Salmonan 38 Salmonan 40