Salmonan 136

BSNP Edita

136:1 Duna gradisimentu na SEÑOR, pasobra E ta bon, pasobra Su miserikòrdia ta pa semper.

136:2 Duna gradisimentu na e Dios di diosnan, pasobra Su miserikòrdia ta pa semper.

136:3 Duna gradisimentu na e Señor di señornan, pasobra Su miserikòrdia ta pa semper.

136:4 Na e Uniko ku ta hasi gran maraviyanan, pasobra Su miserikòrdia ta pa semper;

136:5 na Esun ku a traha e shelunan ku sabiduria, pasobra Su miserikòrdia ta pa semper;

136:6 na Esun ku a ekstendé tera riba e awanan, pasobra Su miserikòrdia ta pa semper;

136:7 na Esun ku a traha e lusnan grandi, pasobra Su miserikòrdia ta pa semper;

136:8 solo pa goberná den dia, pasobra Su miserikòrdia ta pa semper;

136:9 luna i strea pa goberná anochi, pasobra Su miserikòrdia ta pa semper.

136:10 Na Esun ku a mata e primogénitonan di Egipto, pasobra Su miserikòrdia ta pa semper;

136:11 i a saka Israel for di meimei di nan, pasobra Su miserikòrdia ta pa semper;

136:12 ku man fuerte i ku brasa ekstendí, pasobra Su miserikòrdia ta pa semper;

136:13 na Esun ku a parti Laman Kòrá na dos, pasobra Su miserikòrdia ta pa semper;

136:14 i a hasi Israel pasa meimei di djé, pasobra Su miserikòrdia ta pa semper;

136:15 i El a derotá Farao i su ehérsito den Laman Kòrá, pasobra Su miserikòrdia ta pa semper.

136:16 Na Esun ku a guia Su pueblo dor di desierto, pasobra Su miserikòrdia ta pa semper;

136:17 na Esun ku a derotá gran reinan, pasobra Su miserikòrdia ta pa semper;

136:18 i a mata reinan poderoso, pasobra Su miserikòrdia ta pa semper;

136:19 Sehon, rei di e amoreonan, pasobra Su miserikòrdia ta pa semper;

136:20 i Og, rei di Basan, pasobra Su miserikòrdia ta pa semper;

136:21 i nan tera El a duna komo un erensia, pasobra Su miserikòrdia ta pa semper;

136:22 komo un erensia na Su sirbidó Israel, pasobra Su miserikòrdia ta pa semper.

136:23 Kende a kòrda riba nos den nos umiyashon, pasobra Su miserikòrdia ta pa semper;

136:24 i a reskatá nos for di nos atversarionan, pasobra Su miserikòrdia ta pa semper;

136:25 Kende ta duna kuminda na tur karni, pasobra Su miserikòrdia ta pa semper.

136:26 Duna gradisimentu na e Dios di shelu, pasobra Su miserikòrdia ta pa semper.