Isaias 41

BSNP Edita

Isaias 41

41:1 "Boso, teranan na kosta, skuchaMi den silensio, i laga e pueblonan haña forsa renobá; laga nan bin dilanti i laga nan papia; laga nos bin huntu pa huisio.

41:2 "Ta ken a lanta un hende for di oriente, ku e ta yama den hustisia na su pianan? E ta entregá nashonnan na djé i ta hasi reinan someté. Ku su spada e ta hasi nan manera stòf, ku su bog e ta hasi nan manera bagas ku bientu ta supla bai kuné.

41:3 E ta pèrsiguí nan, i ta pasa trankil riba un kaminda ku su pianan no a pasa nunka.

41:4 Ken a prepará i a hasi esaki, yamando generashonnan for di prinsipio? 'Ami, SEÑOR, ta e promé; i ku e últimonan ta Ami t'E.'"

41:5 E teranan na kosta a mira i nan tin miedu; e finnan di tera ta tembla; nan a hala serka i a yega.

41:6 Kada un ta yuda su bisiña i ta bisa su ruman hòmber: "Sea fuerte!"

41:7 Asina e hòmber di ofishi ta enkurashá e platé, i esun ku ta hasi metal plat ku martiu ta enkurashá esun ku ta bati ambelt, i ta bisa di loke el a sòlder: "E ta bon"; i e ta pegu'é ku klabu pa e no kènter.

41:8 "Ma abo, Israel, Mi sirbidó, Jakòb, ku Mi a skohe, desendiente di Mi amigu Abraham,

41:9 abo ku Mi a kohe for di e finnan di tera, i Mi a yama for di su lugánan di mas alehá, i a bisabo: 'Abo ta Mi sirbidó, Mi a skohebo i no a rechasábo.

41:10 No tene miedu, pasobra Mi ta ku bo; no desmayá, pasobra Mi ta bo Dios. Lo Mi fortalesébo, sí, lo Mi yudabo, sí, lo Mi sostenébo ku Mi man drechi di hustisia.'

41:11 "Mira, tur esnan ku ta rabiá ku bo lo keda brongosá i desonrá; esnan ku ta pleita ku bo lo ta manera nada i lo peresé.

41:12 Lo bo buska esnan ku ta bringa ku bo, ma lo bo no haña nan, esnan ku ta hasi guera kontra bo lo ta manera nada, manera un kos ku nunka a eksistí.

41:13 Pasobra Ami ta SEÑOR bo Dios, Kende ta sostené bo man drechi, Kende ta bisabo: 'No tene miedu, lo Mi yudabo.'

41:14 No tene miedu, abo bichi Jakòb, boso hòmbernan di Israel; lo Mi yudabo," SEÑOR ta deklará, "I bo Redentor ta Esun Santu di Israel.

41:15 Mira, Mi a hasibo un hèrmènt-pa-bati-mainshi, ku ta nobo, skèrpi i di dos filo; lo bo bati e serunan i hasi nan bira stòf, i hasi e seritunan manera bagas.

41:16 Lo bo bienta nan i bientu lo supla nan bai ku nan, i tempestat lo plama nan; ma abo lo regosihá den SEÑOR, lo bo gloria den Esun Santu di Israel.

41:17 "E afligínan i esnan den nesesidat ta buska awa, ma no tin, i nan lenga ta seku di set; Ami, SEÑOR, lo kontestá nan Mi mes, komo e Dios di Israel lo Mi no bandoná nan.

41:18 Lo Mi habri riunan riba e halturanan pelon, i fuentenan meimei di e vayenan; lo Mi hasi desierto bira un tanki di awa, i tera seku fuentenan di awa.

41:19 Lo Mi pone palu di seda, akasia, mirto i oleifi den tera seku; lo Mi pone palu di pino den desierto, huntu ku palu di bohes i di siprès,

41:20 pa nan mira, rekonosé, konsiderá i komprendé tambe, ku e man di SEÑOR a hasi esaki, i Esun Santu di Israel a krea esaki.

41:21 "Presentá bo kaso," SEÑOR ta bisa. "Trese bo defensanan fuerte padilanti," e Rei di Jakòb ta bisa.

41:22 Laga nan yega serka i bisa nos kiko ta bai sosodé; bisa kiko e kosnan ku a sosodé antes tabata, pa nos konsiderá nan i haña sa nan resultado; òf anunsiá nos kiko ta bai sosodé.

41:23 Konta e kosnan ku ta bin despues, pa nos haña sa ku boso ta diosnan; sí, hasi bon òf malu, pa huntu nos wak rònt di nos ku ansha i temor.

41:24 Mira, boso no bal nada i boso obra ta sin balor; esun ku skohe boso ta un abominashon.

41:25 "Mi a lanta un hende for di nòrt i el a bin; for di kaminda solo ta sali e lo invoká Mi nòmber; e lo trapa riba gobernantenan manera riba lodo, manera e alfarero ta trapa klei."

41:26 Ken a konta esaki for di prinsipio, pa nos por sa, òf for di promé aya, pa nos por bisa: "E tin rason"? Siguramente ningun hende no a konta, siguramente ningun hende no a proklamá, siguramente ningun hende no a tende bo palabranan.

H4310 -- Ken -> Who
H5046 -- a konta -> has declared
H7218 -- esaki for di prinsipio -> ] from the beginning
H3045 -- pa nos por sa -> that we might know
H6440 -- òf for di promé aya -> ? Or from former
H6440 -- òf for di promé aya -> times
H559 -- pa nos por bisa -> that we may say
H6662 -- "E tin rason"? -> ] right
H637 -- "E tin rason"? -> !”? Surely
H369 -- Siguramente ningun hende no a konta -> there
H369 -- Siguramente ningun hende no a konta -> was no
H369 -- Siguramente ningun hende no a konta -> one
H5046 -- Siguramente ningun hende no a konta -> who declared
H637 -- siguramente -> Surely
H369 -- ningun hende no a proklamá -> there
H369 -- ningun hende no a proklamá -> was no
H369 -- ningun hende no a proklamá -> one
H8085 -- ningun hende no a proklamá -> who proclaimed
H637 -- siguramente -> Surely
H369 -- ningun hende no a tende bo palabranan -> there
H369 -- ningun hende no a tende bo palabranan -> was no
H369 -- ningun hende no a tende bo palabranan -> one
H8085 -- ningun hende no a tende bo palabranan -> who heard
H561 -- bo palabranan -> your words

41:27 "Di antemano Mi a bisa Sion: 'Ata nan aki!' I Mi a bisa Jerusalèm: 'Lo Mi duna un mensahero ku ta trese bon nobo.'

41:28 Ma ora Mi wak, no tin ningun hende, i entre nan no tin konsehero ku por duna kontesta, si Mi puntra nan.

41:29 Mira, nan tur ta falsu; nan obranan ta sin balor; nan imagennan bashá ta bientu i banidat.

Isaias 40 Isaias 42