Isaias 1

BSNP Edita

Isaias 1

1:1 E vishon ku Isaias, yu hòmber di Amos, a mira tokante di Juda i Jerusalèm, durante di e dianan di Uzias, Jotam, Akaz i Ezekias, reinan di Juda.

1:2 Skucha, O shelunan, i tende, O tera; pasobra SEÑOR ta papia: "Mi a kria i a kuida yunan, ma nan a rebeldiá kontra Mi.

1:3 Buey konosé su doño, i buriku konosé pesebre di su shon, ma Israel no sa, Mi pueblo no ta komprendé."

1:4 O nashon pekaminoso, pueblo kargá ku inikidat, desendientenan di malbadonan, yunan ku ta komportá nan mes na un manera korupto! Nan a bandoná SEÑOR, nan a despresiá Esun Santu di Israel, nan a bira lomba p'E.

H1945 -- O -> Alas
H2398 -- nashon pekaminoso -> sinful
H1471 -- nashon pekaminoso -> nation
H5971a -- pueblo -> People
H3515 -- kargá -> weighed
H3515 -- kargá -> down
H5771 -- ku inikidat -> with iniquity
H2233 -- desendientenan -> Offspring
H7489a -- di malbadonan -> of evildoers
H1121 -- yunan -> Sons
H7843 -- ku ta komportá nan mes -> who act
H7843 -- na un manera korupto -> corruptly
H5800a -- Nan a bandoná -> ! They have abandoned
H5006 -- nan a despresiá -> They have despised
H6918 -- Esun Santu -> the Holy
H6918 -- Esun Santu -> One
H3478 -- di Israel -> of Israel
H2114a -- nan a bira -> They have turned
H2114a -- lomba p'E -> away

1:5 Pakiko mester sigui batibo? Pakiko bo ta sigui rebeldiá? Henter e kabes ta malu, i henter e kurason ta desmayá.

1:6 For di plant'i pia te na kabes no tin nada bon den djé, sino solamente herida, gòlpi i yaga habrí ku no a wòrdu primí, ni mará ku verbant, ni suavisá ku zeta.

1:7 Boso tera ta desolá, boso statnan ta kimá ku kandela; i boso kunukunan, stranheronan ta destruí nan den boso presensia; e ta un desolashon, komo si fuera ta stranheronan a destruié.

1:8 I e yu muhé di Sion a keda manera un kabaña den un kunuku di wendrùif, manera un chosa den un kunuku di kònkòmber, manera un stat rondoná.

1:9 Si e SEÑOR di ehérsitonan no a laga algun sobrebibiente pa nos, nos lo tabata manera Sodoma, nos lo tabata manera Gomora.

1:10 Tende e palabra di SEÑOR, boso, gobernantenan di Sodoma; skucha e instrukshon di nos Dios, boso, pueblo di Gomora.

1:11 "Di kiko e multitut di boso sakrifisionan ta sirbiMi?" SEÑOR ta puntra. "Mi ta hartá di boso ofrendanan kimá di chubatu i di e vèt di bestianan gòrdá. Mi no ta hiba gustu den e sanger di bishé machu, lamchi òf kabritu.

H4100 -- "Di -> What
H7230 -- kiko e multitut di boso -> are your multiplied
H2077 -- sakrifisionan -> sacrifices
H559 -- ta sirbiMi?" SEÑOR ta puntra. -> to Me?” Says
H7646 -- "Mi -> . “I have had
H7646 -- ta hartá -> enough
H5930a -- di boso ofrendanan kimá -> of burnt
H5930a -- di boso ofrendanan kimá -> offerings
H352a -- di chubatu -> of rams
H2459 -- i di e vèt -> And the fat
H4806 -- di bestianan gòrdá. -> of fed
H4806 -- di bestianan gòrdá. -> cattle
H2654a -- Mi no ta hiba -> And I take
H3808 -- no -> no
H2654a -- gustu -> pleasure
H1818 -- den e sanger -> in the blood
H6499 -- di bishé machu, -> of bulls
H3532 -- lamchi -> lambs
H6260 -- òf kabritu. -> or goats

1:12 Ora boso bin pa presentá Mi dilanti, ta ken ta eksigí di boso pa trapa Mi pationan?

1:13 No trese ofrendanan bano mas, sensia ta un abominashon pa Mi. Luna nobo i sabat, e yamamentu di asambleanan-- Mi no por soportá inikidat, ni e asamblea solèm.

1:14 Mi ta odia boso festivalnan di luna nobo i boso fiestanan stipulá; nan a bira un karga pa Mi. Mi ta kansá di soportá nan.

1:15 Pesei, ora boso habri boso mannan den orashon, lo Mi skonde Mi wowonan pa boso; sí, maske boso hasi hopi orashon, lo Mi no skucha. Boso mannan ta yen di sanger.

1:16 Laba boso mes, hasi boso mes limpi; kita e maldat di boso echonan for di Mi bista. Stòp di hasi maldat,

1:17 siña di hasi bon, buska huisio, reprendé e hende kruel, defendé e wérfano, pleita kaso di e biuda.

1:18 "Bin awor, i laga nos rasoná huntu," SEÑOR ta bisa. "Maske boso pikánan ta manera skarlata, nan lo bira blanku manera sneu; maske nan ta kòrá manera skarlata, nan lo bira manera lana.

1:19 Si boso ta dispuesto i ta obedesé, boso lo kome e mihó di e tera;

1:20 ma si boso nenga i rebeldiá, spada lo devorá boso." Di bèrdat, e boka di SEÑOR a papia.

1:21 Mira kon e stat fiel a para bira un prostituta, esun ku tabata yen di rektitut! Un tempu hustisia tabata biba den djé, ma awor ta asesinonan ta biba den djé.

1:22 Bo plata a bira skuma, bo bibida ta mesklá ku awa.

1:23 Bo gobernantenan ta rebeldenan i kompañeronan di ladron; nan tur ta stima plaka pasá bou di mesa i ta kore tras di rekompensa. Nan no ta defendé e wérfano, i kaso di e biuda tampoko no ta yega serka nan.

1:24 Pesei e Señor DIOS di ehérsitonan, Esun Poderoso di Israel, ta deklará: "Mira, lo Mi libra Mi mes di Mi atversarionan, i tuma vengansa riba Mi enemigunan.

1:25 Tambe lo Mi bira Mi man kontra bo, i lo Mi dirti bo skuma, komo si fuera ta ku soda brabu Mi ta hasié, i lo Mi kita tur bo impuresa.

1:26 E ora ei lo Mi restorá bo huesnan manera den tempunan aya, i bo konseheronan manera den prinsipio; despues lo bo wòrdu yamá stat di hustisia, un stat fiel."

1:27 Sion lo wòrdu redimí ku huisio, i esnan di djé ku repentí, ku hustisia.

1:28 Ma transgresornan i pekadónan, tur dos, lo wòrdu destruí, i esnan ku bandoná SEÑOR lo yega na un fin.

1:29 Siguramente boso lo tin bèrguensa di e palunan di eik ku boso a deseá, i boso lo keda brongosá pa motibu di e hòfinan ku boso a skohe.

1:30 Pasobra boso lo ta manera un palu di eik ku su blachinan ta marchitá, òf manera un hòfi sin awa.

1:31 E hòmber fuerte lo bira manera yerba seku, su trabou manera un chispa di kandela; asina nan tur dos lo kima huntu, sin ningun hende pa paga nan.

E Kanto di tur Kanto 8 Isaias 2