Ezikiel 7

BSNP Edita

Ezikiel 7

7:1 Ademas, e palabra di SEÑOR a yega na mi, bisando:

7:2 "I abo, yu di hende, asina Señor DIOS ta bisa tera di Israel: 'E fin! E fin a yega na tur kuater skina di e tera.

7:3 Awor e fin a yega pa bo, i lo Mi manda Mi rabia kontra bo. Lo Mi huzgabo segun bo kondukta, i lo Mi pone tur bo abominashonnan riba bo.

7:4 Lo Mi no wak bo ku duele, ni spar bo tampoko, ma lo Mi pone bo kondukta riba bo; i bo abominashonnan lo ta meimei di bo. E ora ei boso lo sa ku Ami ta SEÑOR!'

7:5 "Asina Señor DIOS ta bisa: 'Un desaster! Un desaster úniko! At'é ta bin!

7:6 E fin ta bin! E fin a yega! El a spièrta kontra bo. At'el a yega!

7:7 Bo destrukshon a bin riba bo, O habitante di e tera. E tempu a yega, e dia ta serka--pániko na lugá di gritu di alegria riba e serunan.

7:8 Awor pronto lo Mi drama Mi furia riba bo i kumpli ku Mi rabia kontra bo; lo Mi huzgabo segun bo kondukta i pone tur bo abominashonnan riba bo.

7:9 Lo Mi no wak bo ku duele, ni spar bo tampoko. Lo Mi pagabo segun bo kondukta, mientras ku bo abominashonnan ta meimei di bo. E ora ei boso lo sa ku ta Ami, SEÑOR, ta kastigá.

7:10 'At'e dia! At'é ta bin! Bo destrukshon ta yegando; e bara a saka kònòpi, arogansia a floria.

7:11 Violensia a krese bira un bara di maldat. Ningun di nan lo no keda, ningun di nan multitut, nada di nan rikesa, ni nada meimei di nan ku ta di balor.

7:12 E tempu a bin, e dia a yega. No laga e kumpradó regosihá, ni laga e bendedó lamentá, pasobra tin furia riba henter nan multitut.

7:13 Di bèrdat, e bendedó lo no rekobrá loke el a bende tanten ku nan tur dos ta na bida ainda; pasobra e vishon ku ta konserní henter e multitut lo no wòrdu revoká. Pa motibu di nan inikidat, ni un di nan lo no preservá su bida.

7:14 Nan a toka tròmpèt i a prepará tur kos, ma ni un no ta bai bataya, pasobra Mi furia ta kontra henter nan multitut.

7:15 'Tin spada pafó, pèst i hamber paden. Esun ku ta den kunuku lo muri pa medio di spada; i hamber i pèst lo kaba ku esnan den stat.

7:16 Maske nan sobrebibientenan skapa, nan lo ta riba e serunan manera palomba di vaye; nan tur lo ta bou di yoramentu, kada un pa su mes inikidat.

7:17 Tur man lo kologá slap, i tur rudia lo bira debil manera awa.

7:18 I nan lo faha nan mes ku paña-di-saku, i temblamentu lo poderá di nan. I riba tur kara lo tin bèrguensa, i nan kabes lo keda pelon-pelon.

7:19 Nan lo tira nan plata riba kaya, i nan oro lo bira un kos di horor. Nan plata i nan oro lo no por libra nan den e dia di e furia di SEÑOR. Nan lo no por satisfasé nan apetit, ni nan lo no por yena nan barika, pasobra nan inikidat a bira pa nan un piedra di trompeká.

H7993 -- Nan lo tira -> ‘They will fling
H3701 -- nan plata -> their silver
H2351 -- riba kaya -> into the streets
H2091 -- i nan oro -> and their gold
H1961 -- lo bira -> will become
H5079 -- un kos di horor -> an abhorrent
H5079 -- un kos di horor -> thing
H3701 -- Nan plata -> their silver
H2091 -- i nan oro -> and their gold
H3201 -- lo no por -> will not be able
H5337 -- libra -> to deliver
H3117 -- nan den e dia -> them in the day
H5678 -- di e furia -> of the wrath
H3808 -- SEÑOR. Nan lo no por -> . They cannot
H7646 -- satisfasé -> satisfy
H5315 -- nan apetit -> their appetite
H3808 -- ni -> nor
H4390 -- nan lo no por yena -> can they fill
H4578 -- nan barika -> their stomachs
H5771 -- pasobra nan inikidat -> for their iniquity
H4383 -- a bira pa nan un piedra di trompeká -> an occasion
H4383 -- a bira pa nan un piedra di trompeká -> of stumbling
H1961 -- a bira -> has become

7:20 I nan a kambia e bunitesa di Su adornonan hasié bira orguyo, i nan a traha e imagennan di nan abominashonnan i nan kosnan repugnante kuné; pesei lo Mi hasi esei un kos di horor pa nan.

7:21 Lo Mi entregu'é den man di stranheronan komo plùnder i na e malbadonan di tera komo botín, i nan lo profan'é.

7:22 Tambe lo Mi kita kara pa nan i nan lo profaná Mi lugá sekreto; e ora ei ladron lo drenta den djé i lo profan'é.

7:23 'Prepará e kadena, pasobra e tera ta yen di krimen sangriente i e stat ta yen di violensia.

7:24 Pesei lo Mi trese esnan di mas malu di e nashonnan, i nan lo poderá di nan kasnan. Tambe lo Mi pone un fin na e orguyo di e poderosonan, i nan lugánan santu lo wòrdu profaná.

7:25 Ora angustia bin, nan lo buska pas, ma lo no tin.

7:26 Lo bin desaster riba desaster i rumor riba rumor. E ora ei nan lo purba di haña un vishon for di un profeta, ma lei lo ta pèrdí pa e saserdote i konseho pa e ansianonan.

7:27 Rei lo tene rou, prens lo ta bistí ku horor, i mannan di e hendenan di e tera lo tembla. Lo Mi hasi ku nan di akuèrdo ku nan kondukta, i segun nan mes huisionan lo Mi huzga nan. I nan lo sa ku Ami ta SEÑOR.'"

Ezikiel 6 Ezikiel 8