Ezikiel 23

BSNP Edita

Ezikiel 23

23:1 Atrobe e palabra di SEÑOR a yega na mi, bisando:

23:2 "Yu di hende, tabatin dos muhé, yu muhénan di e mesun mama.

23:3 Nan a bira prostituta na Egipto. Nan a duna nan mes komo prostituta den nan hubentut. Den e tera ei nan bus a wòrdu karisiá i nan pechunan birgen a wòrdu primí.

23:4 E mayó tabata yama Ahola, i su ruman muhé tabata yama Aholiba. Nan a bira di Mi, i nan a duna lus na yu hòmbernan i yu muhénan. I pa loke ta nan nòmber: Samaria ta Ahola, i Jerusalèm ta Aholiba.

23:5 "Ahola a kometé prostitushon, mientras ku e tabata di Mi; i e tabata loko-loko tras di su amantenan, tras di e asirionan, su bisiñanan,

23:6 kendenan tabata bistí na púrpura, gobernantenan i ofisialnan, nan tur hobennan deseabel, hòmbernan ku tabata kore riba kabai.

23:7 I el a duna su mes komo prostituta na nan, na tur esnan ku tabata e hòmbernan di mas mihó di Asiria; i ku tur esnan ku e tabata loko-loko nan tras, ku tur nan ídolonan el a kontaminá su mes.

23:8 E no a bandoná su prostitushon ku el a kuminsá kuné for di tempu di Egipto; pasobra den su hubentut hòmbernan tabata drumi kuné, i nan tabata primi su pechunan birgen i drama nan pashon riba djé.

23:9 "Pesei Mi a entregu'é den man di su amantenan, den man di e asirionan ku e tabata loko-loko nan tras.

23:10 Nan a kit'é sunú; nan a kohe su yu hòmbernan i su yu muhénan bai kuné, ma e mes nan a mata ku spada. Asina el a bira un refran entre muhénan, i nan a ehekutá huisio kontra djé.

23:11 "Awor su ruman muhé Aholiba a mira esaki; sinembargo, den su pashon e tabata mas korumpí ku su ruman muhé, i su prostitushon a bira pió ku e prostitushon di su ruman muhé.

23:12 E tabata loko-loko tras di e asirionan, gobernantenan i ofisialnan, su bisiñanan masha luhoso bistí, hòmbernan riba kabai, nan tur hobennan deseabel.

23:13 I Mi a mira ku el a kontaminá su mes; nan tur dos a kohe e mesun kaminda.

23:14 "Sí, el a oumentá su prostitushon. I el a mira hòmbernan pintá riba muraya, figuranan di kaldeonan, pintá koló kòrá,

23:15 ku faha mará na hep i ku tùlban di hopi koló mará na kabes; nan tur tabata parse ofisialnan, manera e hòmbernan di Babilonia na Kaldea, e tera di nan nasementu.

23:16 Ora ku el a mira nan, el a bira loko-loko nan tras i a manda mensaheronan serka nan na Kaldea.

23:17 I e hòmbernan di Babilonia a bin serka djé den e kama di amor, i ku nan pashon nan a kontamin'é. I despues ku el a wòrdu kontaminá dor di nan, el a desgustá di nan.

23:18 I el a praktiká su prostitushon públikamente i a eksponé su sunú; e ora ei Mi a desgustá di djé, meskos ku Mi a desgustá di su ruman muhé.

23:19 Sinembargo, el a multipliká su prostitushon, kòrdando e dianan di su hubentut, tempu ku e tabata prostituta na tera di Egipto.

23:20 I e tabata loko-loko tras di su amantenan, kende nan órganonan genital tabata manera di buriku, i kende nan fluho tabata manera fluho di kabai.

23:21 Asina bo tabata anhelá na e luhuria di bo hubentut, tempu ku e egipsionan tabata primi bo pechunan, e pechunan di bo hubentut.

23:22 "Pesei, O Aholiba, asina Señor DIOS ta bisa: 'Mira, lo Mi hasi bo amantenan lanta kontra bo, esnan ku bo a bira lomba p'é, i lo Mi trese nan kontra bo for di tur banda:

23:23 esnan di Babilonia i tur e kaldeonan, Pekod, Soa i Koa, i tur e asirionan huntu ku nan; hobennan deseabel, gobernantenan i ofisialnan, nan tur komandantenan i hòmbernan di fama, nan tur riba kabai.

H1121 -- esnan di Babilonia -> the Babylonians
H3605 -- i tur -> and all
H3605 -- tur -> all
H3778 -- e kaldeonan -> the Chaldeans
H6489 -- , Pekod -> Pekod
H7772 -- , Soa -> and Shoa
H6970 -- i Koa -> and Koa
H3605 -- i tur -> ] all
H1121 -- e asirionan -> the Assyrians
H2531 -- huntu ku nan; hobennan deseabel -> with them; desirable
H970 -- hobennan -> young
H970 -- deseabel -> men
H6346 -- , gobernantenan -> governors
H5461 -- i ofisialnan -> and officials
H7991c -- , nan tur komandantenan -> of them, officers
H7121 -- i hòmbernan -> and men
H7121 -- di fama -> of renown
H3605 -- , nan tur -> all
H7392 -- riba -> of them riding
H5483b -- kabai -> on horses

23:24 I nan lo bin kontra bo ku arma, garoshi i wagen, i ku un multitut di hende. Nan lo tuma posishon kontra bo for di tur banda, ku eskudo grandi i chikitu i ku hèlm. I lo Mi entregábo den nan man, i nan lo huzgabo segun nan kustumbernan.

H935 -- I nan lo bin -> ‘They will come
H5921 -- kontra -> against
H2021 -- bo ku arma -> you with weapons
H7393 -- , garoshi -> chariots
H1534 -- i wagen -> and wagons
H6951 -- , i ku un multitut -> and with a company
H5971a -- di hende -> of peoples
H7760 -- . Nan lo tuma posishon -> . They will set
H5921 -- kontra -> themselves against
H5439 -- bo for di tur -> you on every
H5439 -- banda -> side
H6793c -- , ku eskudo grandi -> with buckler
H4043 -- i chikitu -> and shield
H6959 -- i ku hèlm -> and helmet
H5414 -- . I lo Mi entregábo -> and I will commit
H4941 -- den nan man -> the judgment
H8199 -- , i nan lo huzgabo -> to them, and they will judge
H4941 -- segun nan kustumbernan -> you according to their customs

23:25 Lo Mi lanta Mi yalursheit kontra bo, pa nan trata ku bo ku furia. Nan lo kita bo nanishi i bo oreanan afó; i bo sobrebibientenan lo kai pa medio di spada. Nan lo bai ku bo yu hòmbernan i ku bo yu muhénan, i bo sobrebibientenan lo wòrdu destruí pa medio di kandela.

23:26 Tambe nan lo kita bo pañanan for di bo kurpa i bai ku bo bunita hoyanan.

23:27 Asina lo Mi pone un fin na bo luhuria i bo prostitushon tresí for di tera di Egipto, asina ku lo bo no hisa wowo wak nan ni kòrda Egipto mas.'

23:28 "Pasobra asina Señor DIOS ta bisa: 'Mira, lo Mi entregábo den man di esnan ku bo ta odia, den man di esnan ku bo a bira lomba p'é.

23:29 I nan lo trata ku bo ku odio i kohe tur bo propiedat. Nan lo lagabo sin nada bistí, tur sunú, i e bèrguensa di bo prostitushon lo keda bisto, tantu bo luhuria komo bo prostitushon.

23:30 E kosnan aki nan lo hasi ku bo, pasobra bo tabata loko-loko tras di e nashonnan, pasobra bo a kontaminá bo mes ku nan ídolonan.

23:31 Bo a kana den e kaminda di bo ruman muhé; pesei lo Mi entregá su kopa den bo man.'

23:32 "Asina Señor DIOS ta bisa: 'Lo bo bebe e kopa di bo ruman muhé, un kopa hundu i hanchu. Nan lo haribo i hasi bofon di bo, pasobra e ta yen te na rant.

23:33 Lo bo ta yen di buracheria i tristesa, e kopa di horor i desolashon, e kopa di bo ruman muhé Samaria.

23:34 I lo bo beb'é te na e delaster gota; e ora ei lo bo kou su pida-pidanan i ranka bo pechunan kit'afó; pasobra Ami a papia,' Señor DIOS ta deklará.

23:35 "Pesei, asina Señor DIOS ta bisa: 'Pasobra bo a lubidáMi i a tiraMi tras di bo lomba, awor karga e kastigu di bo luhuria i bo prostitushon.'"

23:36 Ademas SEÑOR a bisami: "Yu di hende, bo kier huzga Ahola i Aholiba? Hasi nan rekonosé nan abominashonnan anto.

23:37 Pasobra nan a kometé adulterio i tin sanger na nan man. Asina nan a kometé adulterio ku nan ídolonan i asta nan yu hòmbernan, ku nan a haña pa Mi, nan a laga pasa dor di kandela komo kuminda pa nan ídolonan.

23:38 Ademas, esaki tambe nan a hasi ku Mi: nan a kontaminá Mi santuario riba e mesun dia i a profaná Mi sabatnan.

23:39 Pasobra ora nan a mata nan yunan komo sakrifisio pa nan ídolonan, nan a drenta den Mi santuario riba e mesun dia i a profan'é; asina nan a hasi den Mi kas.

23:40 "Ademas, nan asta a manda un mensahero buska hòmbernan ku a bin for di leu; i ata, nan a bin tambe i bo a baña bo kurpa pa nan, a pinta bo wowo i a dòrna bo kurpa ku hoya.

H637 -- "Ademas -> Furthermore
H3588 -- , nan asta -> they have even
H7971 -- a manda -> sent
H7971 -- a manda -> was sent
H376 -- un mensahero buska hòmbernan -> for men
H4397 -- un mensahero -> a messenger
H935 -- ku a bin -> who come
H4801 -- for di leu -> from afar
H834 -- ; i ata -> to whom
H2009 -- , nan a bin tambe -> and lo
H935 -- , nan a bin tambe -> they came
H834 -- i bo a baña bo kurpa pa nan -> for whom
H7364 -- i bo a baña bo kurpa pa nan -> you bathed
H3583 -- , a pinta bo wowo -> painted
H5869 -- bo wowo -> your eyes
H5710b -- i a dòrna bo kurpa -> and decorated
H5710b -- i a dòrna bo kurpa -> yourselves
H5716 -- ku hoya -> with ornaments

23:41 I bo a sinta riba un sofá luhoso, ku un mesa drechá dilanti di djé, riba kual bo a pone Mi sensia i Mi zeta.

23:42 "E boroto di un multitut ku no tin kuenta ku nada tabata rònt di djé. Burachénan a wòrdu tresí for di den desierto, huntu ku hòmbernan masha bulgar. I nan a pone armbant na man di e muhénan i korona bunita riba nan kabes.

23:43 E ora ei Mi a bisa di esun ku adulterio a kaba kuné: 'Nan lo kometé adulterio kuné, awor ku e t'asina?'

23:44 Tòg nan a drumi kuné manera ta drumi ku prostituta. Asina nan a drumi ku Ahola i Aholiba, e muhénan sin bèrguensa.

23:45 Ma hòmbernan hustu lo huzga nan, meskos ku ta huzga muhénan adúltera i meskos ku ta huzga muhénan ku ta drama sanger, pasobra nan ta muhénan adúltera i tin sanger na nan man.

23:46 "Pasobra asina Señor DIOS ta bisa: 'Trese un multitut kontra nan i entregá nan na teror i plùnder.

23:47 I e multitut lo bati nan ku piedra i ku nan spada nan lo kaba ku nan. Nan lo mata nan yu hòmbernan i nan yu muhénan i lo sende nan kasnan na kandela.

23:48 'Asina ei lo Mi pone un fin na luhuria den e tera, pa tur muhé wòrdu spièrtá i no kometé luhuria mas manera boso a hasi.

23:49 Boso lo sufri e kastigu di boso luhuria, i boso lo karga e konsekuensia di boso idolatria. Asina boso lo sa ku Ami ta Señor DIOS.'"

Ezikiel 22 Ezikiel 24