Ezikiel 22

BSNP Edita

Ezikiel 22

22:1 E ora ei e palabra di SEÑOR a yega na mi, bisando:

22:2 "I abo, yu di hende, ta huzga bo kier huzga? Bo kier huzga e stat dramadó di sanger? Hasié konosé tur su abominashonnan anto.

22:3 I bo mester bisa: 'Asina Señor DIOS ta bisa: "E stat ta drama sanger meimei di su mes, asina ku su tempu lo yega; i e ta traha ídolonan kontra su mes pa kontaminá su mes!

22:4 Bo a bira kulpabel dor di e sanger ku bo a drama, i bo a wòrdu kontaminá dor di e ídolonan ku bo a traha. Asina bo a trese bo dia serka i a yega na e fin di bo añanan. Pesei Mi a hasibo un reproche pa e nashonnan i un kos di bofon pa tur e teranan.

H816 -- Bo a bira -> You have become
H834 -- ku -> which
H834 -- ku -> which
H816 -- kulpabel -> guilty
H1818 -- dor di e sanger -> by the blood
H8210 -- ku bo a drama -> you have shed
H2930 -- , i bo a wòrdu kontaminá -> and defiled
H1544 -- dor di e ídolonan -> by your idols
H6213a -- ku bo a traha -> you have made
H7126 -- . Asina bo a trese -> . Thus you have brought
H3117 -- bo dia -> your day
H7126 -- serka -> near
H935 -- i a yega -> and have come
H8141 -- na e fin di bo añanan -> to your years
H5921 -- . Pesei -> therefore
H6213a -- Mi a hasibo -> I have made
H2781 -- un reproche -> you a reproach
H1471 -- pa e nashonnan -> to the nations
H7048 -- i un kos di bofon -> and a mocking
H3605 -- pa tur -> to all
H776 -- e teranan -> the lands

22:5 Esnan ku ta serka i esnan ku ta leu di bo lo hasi bofon di bo, abo ku tin mal fama i ku ta yen di desòrdu.

22:6 "Mira, e gobernantenan di Israel, kada un segun su poder, tabata den bo, ku e propósito di drama sanger.

22:7 Den bo nan a trata tata i mama ku despresio; den bo nan a oprimí stranhero, i den bo nan a maltratá wérfano i biuda.

22:8 Bo a despresiá Mi kosnan santu i a profaná Mi sabatnan.

22:9 Tabatin hòmbernan kalumniadó den bo, ku e propósito di drama sanger; den bo nan a kome riba e serunan. Den bo nan a hasi kosnan pèrvèrso.

22:10 Den bo nan ta deskubrí sunú di nan tatanan; den bo nan ta violá muhénan durante di nan periodo di menstruashon, ora nan ta impuru.

22:11 I un hòmber ta kometé abominashon ku esposa di su próhimo, i sin ningun bèrguensa un otro ta desonrá esposa di su yu, i den bo un otro ta violá su ruman muhé, yu muhé di su mes tata.

22:12 Den bo hende ta aseptá plaka pasá bou di mesa pa drama sanger; bo ta eksigí interes i demasiado ganashi, i pa ganashi inhustu bo ta hasi daño na bo próhimo pa medio di violensia, i bo a lubidáMi," Señor DIOS ta deklará.

22:13 "Mira, pesei Mi ta dal Mi mannan kontra otro pa motibu di e ganashi inhustu ku bo a atkirí, i pa e sanger ku ta wòrdu dramá den bo.

22:14 Bo kurason por soportá, òf bo mannan lo ta fuerte riba e dia ku Mi ta bai trata ku bo? Ami, SEÑOR, a papia, i lo Mi hasié.

22:15 Lo Mi plamabo meimei di e nashonnan i bentabo p'aki p'aya den tur e paisnan; i lo Mi kita tur bo impuresa for di bo i kaba kuné.

22:16 Lo bo profaná bo mes den bista di e nashonnan, i lo bo sa ku Ami ta SEÑOR."'"

22:17 I e palabra di SEÑOR a yega na mi, bisando:

22:18 "Yu di hende, e kas di Israel a bira skuma pa Mi; nan tur ta bròns, ten, heru i chumbu den fòrnu. Nan ta skuma di plata.

22:19 Pesei, asina Señor DIOS ta bisa: 'Pasobra boso tur a bira skuma, pesei, mira, lo Mi trese boso huntu meimei di Jerusalèm.

22:20 Manera ta trese plata, bròns, heru, chumbu i ten huntu den fòrnu pa supla kandela riba djé pa hasié dirti, asina lo Mi trese boso huntu den Mi rabia i den Mi furia, i lo Mi pone boso einan i dirti boso.

22:21 I lo Mi trese boso huntu i supla riba boso ku e kandela di Mi furia, i boso lo wòrdu dirtí den djé.

22:22 Manera plata ta wòrdu dirtí den fòrnu, asina boso lo wòrdu dirtí den djé; i boso lo sa ku Ami, SEÑOR, a drama Mi furia riba boso.'"

22:23 I e palabra di SEÑOR a yega na mi, bisando:

22:24 "Yu di hende, bis'é: 'Abo ta un tera ku no ta wòrdu purifiká, ni muhá ku awaseru den e dia di indignashon.'

22:25 Tin un konspirashon di su profetanan den djé ku ta manera e gruñamentu di un leon ku ta sker su proi. Nan a devorá bidanan; nan a kohe tesoro i kosnan presioso; nan a hasi hopi muhé den djé bira biuda.

22:26 Su saserdotenan a violá Mi lei i a profaná Mi kosnan santu; nan no a hasi distinshon entre kosnan santu i kosnan profano, i nan no a siña e diferensia entre loke ta impuru i loke ta puru. I nan a sera nan wowo pa Mi sabatnan, asina ku Mi ta wòrdu profaná meimei di nan.

H3548 -- Su saserdotenan -> Her priests
H2554 -- a violá -> have done
H2554 -- Mi lei -> violence
H8451 -- i a profaná -> to My law
H2490c -- Mi kosnan santu -> and have profaned
H6944 -- ; nan no a hasi -> My holy
H6944 -- distinshon -> things
H914 -- entre kosnan santu -> they have made
H3808 -- i kosnan profano -> no
H914 -- , i nan no a siña -> distinction
H996 -- e diferensia entre -> between
H6944 -- loke ta impuru -> the holy
H2455 -- i loke ta puru -> and the profane
H3045 -- . I nan a sera -> and they have not taught
H996 -- nan wowo -> the difference between
H2931 -- pa Mi sabatnan -> the unclean
H2889 -- , asina ku Mi ta wòrdu profaná -> and the clean
H5956 -- meimei di nan -> and they hide
H5869 -- . -> their eyes
H8432 -- meimei -> among

22:27 Su prensnan meimei di djé ta manera lobo ku ta sker nan proi; nan ta drama sanger i ta destruí bidanan pa haña ganashi inhustu.

22:28 I su profetanan ta pleister nan ku kalki, mirando vishon bano i adivinashon mentiroso pa nan, bisando: 'Asina Señor DIOS ta bisa,' mientras ku SEÑOR no a papia.

22:29 E hendenan di e tera a praktiká opreshon i a kometé ladronisia; nan a maltratá e pobernan i esnan den nesesidat i a oprimí e stranheronan dor di nenga di duna nan nan derecho.

22:30 "I Mi a buska un hòmber meimei di nan ku por a traha e muraya i para Mi dilanti den e kibrá pa defendé e tera, pa Mi no destruié; ma Mi no a haña ni ún.

22:31 Pesei Mi a drama Mi indignashon riba nan; Mi a kaba ku nan ku e kandela di Mi furia; Mi a trese riba nan mes kabes tur loke nan a hasi," Señor DIOS ta deklará.

Ezikiel 21 Ezikiel 23