Ezikiel 16

BSNP Edita

Ezikiel 16

16:1 Atrobe e palabra di SEÑOR a yega na mi, bisando:

16:2 "Yu di hende, hasi Jerusalèm konosé su abominashonnan,

16:3 i bisa: 'Asina Señor DIOS ta bisa Jerusalèm: "Bo origen i bo nasementu ta di tera di Kanaan. Bo tata tabata un amoreo i bo mama un heteo.

16:4 Enkuanto bo nasementu: riba e dia ku bo a nase bo kabuya di lombrishi no a wòrdu kòrtá, ni bo no a wòrdu labá ku awa pa limpiabo, ni bo no a wòrdu fregá ku salu, ni lorá den paña.

16:5 Ningun wowo no a wak bo ku duele pa hasi un di e kosnan aki pa bo, pa tin kompashon ku bo. Mas bien bo a wòrdu tirá afó den kunuku habrí, pasobra riba e dia ku bo a nase bo a wòrdu despresiá.

16:6 "I ora Mi a pasa banda di bo i a mirabo ta sapatiá den bo sanger, Mi a bisabo, mientras ku bo tabata drumí den bo sanger: 'Biba!' Sí, mi a bisabo, mientras ku bo tabata drumí den bo sanger: 'Biba!'

16:7 Mi a hasibo multipliká manera mata di kunuku. Anto bo a krese bira grandi i a yega na edat di bisti prenda bunita. Bo pechunan a haña forma i bo kabei a krese; tòg bo tabata sunú i sin nada bistí.

16:8 "Anto Mi a pasa banda di bo i a mirabo, i mira, tempu di amor a yega pa bo; asina Mi a habri Mi mantel ofer di bo i a tapa bo sunú. Tambe Mi a hasi un huramentu na bo i a sera un aliansa ku bo, asina bo a bira di Mi," Señor DIOS ta deklará.

16:9 "E ora ei Mi a bañabo ku awa, a laba kita bo sanger for di bo kurpa i a ungibo ku zeta.

16:10 Tambe Mi a bistibo paña bòrdá i a pone sandalia di kueru di dòlfein na bo pia; i Mi a fahabo ku lino fini i a lorabo den seda.

16:11 Mi a dòrnabo ku prenda i a pone armbant na bo brasanan i un kadena na bo garganta.

16:12 Tambe Mi a pone un renchi na bo nanishi i renchi na bo orea i un korona bunita riba bo kabes.

16:13 Asina bo a keda tur dòrná ku oro i plata. I bo bistí tabata di lino fini, di seda i di paña bòrdá. Bo tabata kome hariña fini, miel i zeta. Asina bo tabata súmamente bunita i a progresá, te ku bo a bira reina.

H5710b -- Asina bo a keda tur dòrná -> Thus you were adorned
H2091 -- ku oro -> with gold
H3701 -- i plata -> and silver
H4403 -- . I bo bistí -> and your dress
H8336 -- tabata di lino fini -> was of fine
H8336 -- lino -> linen
H4897 -- , di seda -> silk
H7553 -- i di paña bòrdá -> and embroidered
H7553 -- paña -> cloth
H398 -- . Bo tabata kome -> . You ate
H5560 -- hariña -> flour
H5560 -- hariña fini -> fine
H1706 -- , miel -> honey
H8081 -- i zeta -> and oil
H3966 -- . Asina bo tabata súmamente -> so you were exceedingly
H3302 -- bunita -> beautiful
H6743b -- i a progresá -> and advanced
H4410 -- , te ku bo a bira reina -> to royalty

16:14 I bo fama a plama meimei di e nashonnan pa kousa di bo bunitesa, pasobra esei tabata perfekto pa motibu di Mi splendor ku Mi a pone riba bo," Señor DIOS ta deklará.

16:15 "Ma bo a konfia den bo bunitesa i a uza bo fama pa bira prostituta. Bo a drama bo fabornan riba tur ku a pasa eibanda, riba ken ku tabata kier.

16:16 Bo a kohe algun di bo bistínan, a traha pa bo mes lugánan haltu di diferente koló, i a sigui kometé bo prostitushon riba nan. Kosnan asina no mester a sosodé nunka, ni lo no sosodé mas.

16:17 Tambe bo a kohe bo hoyanan bunita ku Mi a dunabo, i ku ta trahá di Mi oro i di Mi plata, i a traha imagennan di hende hòmber pa bo mes, i bo a kometé prostitushon ku nan.

16:18 I bo a kohe bo paña bòrdá i a tapa nan kuné i a ofresé Mi zeta i Mi sensia nan dilanti.

16:19 Tambe Mi pan ku Mi a dunabo--hariña fini, zeta i miel, ku Mi a alimentábo kuné--bo tabata ofresé nan dilanti komo un holó dushi. Asina a sosodé," Señor DIOS ta deklará.

16:20 "Ademas, bo a kohe bo yu hòmbernan i bo yu muhénan ku bo a haña pa Mi, i bo a sakrifiká nan komo kuminda na e ídolonan. Akaso bo prostitushon no tabata basta?

16:21 Bo a mata Mi yunan i a ofresé nan na ídolonan dor di hasi nan pasa dor di kandela.

16:22 I ku tur bo abominashonnan i bo prostitushon bo no a kòrda e dianan di bo hubentut, tempu ku bo tabata sunú i sin nada bistí i tabata sapatiá den bo sanger.

16:23 "('Ai, ai di bo!' Señor DIOS ta deklará.) Ademas di tur bo maldat,

16:24 bo a konstruí pa bo mes un pedestal i a traha pa bo mes un lugá haltu riba tur plenchi.

16:25 Na kuminsamentu di tur kaya bo a traha pa bo mes un lugá haltu i a hasi bo bunitesa abominabel; i bo a habri bo pia pa tur ku a pasa eibanda, pa multipliká bo echonan di prostitushon.

16:26 Tambe bo a kometé prostitushon ku e egipsionan, bo bisiñanan yen di pashon, i a multipliká bo echonan di prostitushon, pa probokáMi na rabia.

16:27 At'awor, Mi a ekstendé Mi man kontra bo i a redusí bo porshon. I Mi a entregábo na deseo di esnan ku ta odiabo, e yu muhénan di e filisteonan, kendenan tin bèrguensa di bo kondukta skandaloso.

16:28 Ademas, bo a kometé prostitushon ku e asirionan, pasobra bo no a keda satisfecho, i bo a kometé prostitushon ku nan i tòg bo no a keda satisfecho.

16:29 Tambe bo a multipliká bo echonan di prostitushon ku e tera di komersiantenan, Kaldea; tòg ku esaki tampoko bo no a keda satisfecho."'"

16:30 "Esta inkonstante bo kurason ta," Señor DIOS ta deklará, "ku bo ta hasi tur e kosnan aki, echonan di un prostituta ku no tin kunes!

16:31 Ora bo a konstruí bo pedestal na kuminsamentu di tur kaya i a traha bo lugá haltu riba tur plenchi, tòg bo no tabata manera prostituta, pasobra bo tabata menospresiá plaka.

16:32 "Mas bien bo ta manera un esposa adúltera ku ta risibí stranhero na lugá di su esposo!

16:33 Na tur prostituta hòmber ta duna regalo, ma abo ta duna bo regalonan na tur bo amantenan, pagando nan pa bin serka bo for di tur parti, pa bin kometé fornikashon ku bo.

16:34 Asina den bo prostitushon bo ta kontrario na e otro muhénan ei, pa motibu ku ni un no ta prostituta manera abo; pasobra abo ta duna plaka, ma abo sí no ta risibí nada di plaka. Asina abo ta diferente."

16:35 Pesei, O prostituta, tende e palabra di SEÑOR.

16:36 Asina Señor DIOS ta bisa: "Pasobra bo luhuria i bo sunú a wòrdu eksponí pa medio di bo prostitushon ku bo amantenan i ku tur bo ídolonan repugnante, i pa motibu di e sanger di bo yu hòmbernan ku bo a duna na ídolonan,

16:37 pesei, mira, Mi ta bai trese tur bo amantenan huntu, ku kendenan bo tabatin plaser, tur esnan ku bo a stima i tur esnan ku bo a odia. Asina lo Mi reuní nan kontra bo for di tur parti i eksponé bo sunú na nan, asina ku nan lo mira tur bo sunú.

16:38 Asina lo Mi huzgabo manera ta huzga muhénan ku ta kometé adulterio òf ku ta drama sanger. Lo Mi trese riba bo e sanger di furia i yalursheit.

16:39 Tambe lo Mi entregábo den man di bo amantenan, i nan lo basha bo pedestalnan abou i tumba bo lugánan haltu; nan lo kita bo pañanan for di bo kurpa, kita bo hoyanan bunita i lagabo sunú i sin nada bistí.

16:40 Nan lo pone un multitut lanta kontra bo, i nan lo piedrabo i kap bo na pida-pida ku nan spada.

16:41 Nan lo kima bo kasnan ku kandela i ehekutá huisio riba bo den bista di hopi muhé. E ora ei lo Mi pone un fin na bo prostitushon i lo bo no paga bo amantenan mas tampoko.

16:42 Asina lo Mi kalma Mi furia kontra bo i Mi yalursheit lo kita for di bo, i lo Mi trankilisá i no rabia mas.

16:43 "Pasobra bo no a kòrda e dianan di bo hubentut, ma a probokáMi na rabia ku tur e kosnan aki, mira, Ami tambe lo trese bo kondukta riba bo mes kabes," Señor DIOS ta deklará, "pa bo no kometé e luhuria aki, ademas di tur bo otro abominashonnan.

H3282 -- "Pasobra -> Because
H2142 -- bo no a kòrda -> you have not remembered
H3117 -- e dianan -> the days
H5271 -- e dianan di bo hubentut -> of your youth
H7264 -- ma a probokáMi na rabia -> but have enraged
H3605 -- ku tur -> Me by all
H428 -- e -> these
H428 -- kosnan -> things
H1887 -- , mira -> behold
H1571 -- , Ami tambe -> I in turn
H5414 -- lo trese -> will bring
H1870 -- bo kondukta -> your conduct
H5414 -- riba -> down
H7218 -- bo mes kabes -> on your own head
H5002 -- ," Señor DIOS ta deklará -> declares
H136 -- Señor -> the Lord
H6213a -- , "pa bo no kometé -> so that you will not commit
H2154 -- e luhuria aki -> this lewdness
H5921 -- , ademas -> on top
H3605 -- di tur -> of all
H8441 -- abominashonnan -> ] abominations

16:44 "Mira, tur ku ta sita proverbio lo sita e proverbio aki tokante di bo: 'Manera e mama ta, asina e yu muhé tambe ta.'

16:45 Bo ta yu muhé di bo mama, kende tabatin asko di su esposo i su yunan. Tambe bo ta ruman muhé di bo ruman muhénan, kendenan tabatin asko di nan esposo i nan yunan. Boso mama tabata un heteo i boso tata un amoreo.

16:46 Bo ruman muhé mas grandi ta Samaria, kende ta biba panòrt di bo, huntu ku su yu muhénan. I bo ruman muhé mas chikitu, kende ta biba pasùit di bo, ta Sodoma ku su yu muhénan.

16:47 Tòg, no solamente bo a kana den nan kamindanan i a hasi konforme nan abominashonnan, ma komo si fuera esei no tabata basta, bo tabata mas korumpí ku nan den henter bo kondukta.

16:48 Manera Mi ta biba," Señor DIOS ta deklará, "bo ruman muhé Sodoma i su yu muhénan no a hasi manera abo i bo yu muhénan a hasi.

16:49 "Mira, esaki tabata e kulpa di bo ruman muhé Sodoma: e ku su yu muhénan tabatin orguyo, kuminda na abundansia i bon bida sin ningun preokupashon, ma e no tabata yuda hende pober i esun den nesesidat.

16:50 Asina nan tabata arogante i nan tabata kometé abominashonnan Mi dilanti. Pesei Mi a deshasí di nan, ora Mi a mira esei.

16:51 Ademas, Samaria no a kometé ni mitar di e pikánan ku abo a kometé. Bo a multipliká bo abominashonnan mas ku nan. Asina abo a hasi bo ruman muhénan parse hustu dor di tur e abominashonnan ku abo a kometé.

16:52 Abo ku a huzga bo ruman muhénan, karga bo mes bèrguensa tambe. Pasobra e pikánan ku abo a kometé tabata mas abominabel ku esnan di nan; nan ta mas hustu ku bo. Sí, tene bèrguensa tambe i karga bo mes bèrguensa, pasobra abo a hasi bo ruman muhénan parse hustu.

H1571 -- Abo -> Also
H4480 -- ku -> than
H4480 -- ku -> than
H5375 -- karga -> bear
H3639 -- bo mes bèrguensa -> your disgrace
H6419 -- ku a huzga -> in that you have made
H6419 -- huzga -> judgment
H6419 -- bo ruman muhénan -> favorable
H269 -- bo ruman muhénan -> for your sisters
H2403b -- karga bo mes bèrguensa tambe. Pasobra e pikánan -> . Because of your sins
H834 -- ku -> in which
H8581 -- abo a kometé -> you acted
H4480 -- mas -> more
H8581 -- abominabel -> abominably
H4480 -- nan; nan ta mas -> they, they are more
H6663 -- hustu -> in the right
H1571 -- ku bo. Sí -> you. Yes
H1571 -- tene bèrguensa tambe -> be also
H954 -- bèrguensa -> ashamed
H5375 -- i karga -> and bear
H3639 -- bo mes bèrguensa -> your disgrace
H6663 -- pasobra abo a hasi -> in that you made
H269 -- bo ruman muhénan -> your sisters
H6663 -- parse hustu. -> appear righteous

16:53 "Sinembargo, lo Mi trese nan bèk for di nan koutiverio, e koutiverio di Sodoma ku su yu muhénan, e koutiverio di Samaria ku su yu muhénan, i huntu ku nan bo mes koutiverio,

16:54 pa bo karga bo umiyashon i sinti bèrguensa pa tur loke bo a hasi ora bo bira un konsuelo pa nan.

16:55 I bo ruman muhénan, Sodoma ku su yu muhénan i Samaria ku su yu muhénan, lo bolbe na nan estado di antes, i abo ku bo yu muhénan tambe lo bolbe na boso estado di antes.

16:56 Meskos ku bo boka no a menshoná nòmber di bo ruman muhé Sodoma den e dia di bo orguyo,

16:57 promé ku bo maldat a wòrdu tresí na kla, asina abo a bira un reproche pa e yu muhénan di Siria i pa tur su bisiñanan, pa e yu muhénan di e filisteonan--esnan rònt di bo ku ta despresiábo.

16:58 Bo a karga e kastigu di bo luhuria i di bo abominashonnan," SEÑOR ta deklará.

16:59 Pasobra asina Señor DIOS ta bisa: "Ami tambe lo hasi ku bo manera abo a hasi, abo ku a despresiá e huramentu dor di kibra e aliansa.

16:60 Sinembargo, lo Mi kòrda Mi aliansa ku Mi a sera ku bo den e dianan di bo hubentut, i lo Mi stablesé un aliansa etèrno ku bo.

16:61 E ora ei lo bo kòrda bo kondukta i lo bo tin bèrguensa, ora bo risibí bo ruman muhénan, tantu esnan mas grandi komo esnan mas chikitu. Lo Mi dunabo nan komo yu muhé, ma no pa motibu di bo aliansa.

16:62 I lo Mi sera Mi aliansa ku bo, i abo lo sa ku Ami ta SEÑOR,

16:63 pa bo kòrda i sinti bèrguensa i nunka mas habri bo boka pa motibu di bo umiyashon, ora Mi pordonábo tur loke bo a hasi," Señor DIOS ta deklará.

Ezikiel 15 Ezikiel 17