Eksodo 2

BSNP Edita

Eksodo 2

2:1 Awor un hòmber di kas di Leví a kasa ku un yu muhé di Leví.

2:2 I e muhé a sali na estado i a haña un yu hòmber; i ora ku el a mira ku e yu tabata bunita, el a skond'é tres luna largu.

2:3 Ma ora ku e no por a skond'é mas, el a kohe un makutu di rit i a klafati'é ku asfalt i breu. E ora ei el a pone e yu aden i a pon'é meimei di e richinan kantu di Neil.

2:4 I su ruman muhé tabata pará na un distansia pa wak kiko lo a bai pasa kuné.

2:5 E ora ei yu muhé di Farao a bin pa baña den Neil. I su sirbientenan tabata kana kantu di Neil; i el a mira e makutu meimei di e richinan i a manda su sirbiente bai koh'é.

2:6 Ora ku el a habrié, el a mira e mucha, i at'e mucha tabata yora. I el a haña duele di djé i a bisa: "Esaki ta un di e muchanan hebreo."

2:7 E ora ei e mucha su ruman muhé a bisa yu muhé di Farao: "Bo kier mi bai yama un menchi pa bo serka e muhénan hebreo, pa e kria e yu na pechu pa bo?"

2:8 I yu muhé di Farao a bis'é: "Sí, bai." Asina e mucha muhé a bai yama mama di e mucha.

2:9 E ora ei yu muhé di Farao a bis'é: "Tuma e yu aki, kri'é na pechu pa mi i lo mi dunabo bo pago." Asina e muhé a tuma e mucha i a kri'é.

2:10 I e mucha a krese bira grandi, i el a hib'é pa yu muhé di Farao i el a bira su yu. I el a dun'é e nòmber Moisés i a bisa: "Pasobra mi a sak'é for di awa."

2:11 Awor a sosodé ku tempu Moisés a krese bira grandi, el a sali bai serka su rumannan i a mira nan trabou pisá; i el a mira un egipsio ta bati un hebreo, un di su rumannan.

2:12 I el a wak pariba, wak pabou, i ora ku el a mira ku no tabatin ningun hende eibanda, el a dal e egipsio mata i a skond'é den santu.

2:13 I su manisé el a sali bai, i mira, dos hebreo tabata bringa ku otro; i el a bisa esun ku tabatin falta: "Pakiko bo ta dal bo kompañero?"

2:14 Ma el a bisa: "Ta ken a hasibo prens òf hues riba nos? Bo tin idea di matami manera bo a mata e egipsio?" E ora ei Moisés a haña miedu i a bisa: "E asunto aki sigur a sali na kla."

2:15 Ora Farao a tende di e asunto aki, el a trata di mata Moisés. Ma Moisés a hui bai for di presensia di Farao i a bai biba na tera di Madian; i el a kai sinta banda di un pos.

2:16 Awor e saserdote di Madian tabatin shete yu muhé; i nan a bin pa saka awa i a yena e bakinan pa duna e karnénan di nan tata awa.

2:17 E ora ei e wardadónan di karné a bin i a kore ku nan, ma Moisés a lanta i a yuda nan i a duna nan karnénan awa.

2:18 Ora ku e mucha muhénan a yega serka nan tata Reuel, el a bisa: "Di kon boso a bin asina lihé awe?"

2:19 I nan a bisa: "Un egipsio a libra nos for di man di e wardadónan di karné; tambe el a saka awa pa nos i a duna e karnénan awa."

2:20 I el a bisa su yu muhénan: "Unda e ta anto? Pakiko boso a laga e hòmber ked'atras? Invit'é pa bin kome."

2:21 I Moisés tabata dispuesto pa keda biba serka e hòmber, i el a duna Moisés su yu muhé Séfora.

2:22 I Séfora a duna lus na un yu hòmber i Moisés a dun'é e nòmber Gerson, pasobra el a bisa: "Mi a bira un stranhero na un tera straño."

2:23 Awor a sosodé ku den kurso di e temporada largu ei rei di Egipto a muri. I e yunan di Israel tabata suspirá den nan mes pa motibu di sklabitut, i nan tabata sklama; i nan sklamashon pa yudansa pa motibu di sklabitut a subi yega serka Dios.

H1961 -- Awor a sosodé -> Now it came
H3117 -- temporada -> days
H7227a -- largu -> many
H1992a -- ei -> ] those
H4428 -- rei -> that the king
H4714 -- di Egipto -> of Egypt
H4191 -- a muri -> died
H1121 -- I e yunan -> . And the sons
H3478 -- di Israel -> of Israel
H584 -- tabata suspirá -> sighed
H5656 -- di sklabitut -> of the bondage
H2199 -- i nan tabata sklama -> and they cried
H7775 -- i nan sklamashon -> out; and their cry
H7775 -- pa yudansa -> for help
H5656 -- di sklabitut -> ] bondage
H5927 -- a subi -> rose
H430 -- yega serka Dios -> up to God
H4480 -- pa motibu di -> because
H4480 -- pa motibu di -> because

2:24 Asina Dios a tende nan kehamentu, i Dios a kòrda riba Su aliansa ku Abraham, Isaak i Jakòb.

2:25 I Dios a mira e yunan di Israel i Dios a tene kuenta ku nan situashon.

Eksodo 1 Eksodo 3