Buska den Beibel

Levitiko 8; Levitiko 9; Levitiko 10 BSNP Edita

Levitiko 8

8:1 E ora ei SEÑOR a papia ku Moisés, bisando:

8:2 "Hiba Aaron ku su yu hòmbernan huntu kuné i e pañanan, e zeta di unshon, e bishé machu di e ofrenda pa piká, e dos karnénan chubatu i e makutu di pan sin zürdeg,

8:3 i reuní henter e kongregashon na entrada di e tènt di reunion."

8:4 Asina Moisés a hasi meskos ku SEÑOR a orden'é. I e kongregashon a reuní na entrada di e tènt di reunion.

8:5 I Moisés a bisa e kongregashon: "Esaki ta loke SEÑOR a ordená pa hasi."

8:6 E ora ei Moisés a hasi Aaron ku su yu hòmbernan hala serka, i a laba nan ku awa.

8:7 I el a bistié e túnika, a fah'é ku e faha, a bistié e mantel i a bistié e efòd; i el a fah'é ku e banchi masha fini gewef di e efòd, ku kual el a mara e efòd na djé.

8:8 E ora ei el a bistié e pechero, i den e pechero el a pone e Urim i e Tumim.

8:9 Tambe el a pone e tùlban riba su kabes, i riba e tùlban, na su parti dilanti, el a pone e plachi di oro, e korona santu, meskos ku SEÑOR a ordená Moisés.

8:10 E ora ei Moisés a kohe e zeta di unshon i a ungi e tabernakel i tur loke tabatin den djé, i a konsagrá nan.

8:11 I el a sprèngu poko di djé riba e altar shete biaha i a ungi e altar i tur su artíkulonan-di-uzo, i e labamano ku su pia, pa konsagrá nan.

8:12 E ora ei el a basha poko di e zeta di unshon riba Aaron su kabes i a ungié, pa konsagr'é.

8:13 Kaba Moisés a hasi Aaron su yu hòmbernan hala serka i a bisti nan e túnikanan, i a faha nan ku faha i a mara paña na nan kabes, meskos ku SEÑOR a ordená Moisés.

8:14 E ora ei el a trese e bishé machu di e ofrenda pa piká, i Aaron ku su yu hòmbernan a pone nan mannan riba kabes di e bishé machu di e ofrenda pa piká.

8:15 Kaba Moisés a mat'é i a kohe e sanger, i ku su dede el a pone poko di esaki tur rònt riba e kachunan di e altar i a purifiká e altar. E ora ei el a basha sobrá di e sanger na pia di e altar i a konsagrá esaki, pa hasi ekspiashon pa esaki.

8:16 Tambe el a kohe tur e vèt ku tabatin na e shirishiri, e vèt di e higra, e dos nirnan i nan vèt; i Moisés a kima esaki riba e altar.

8:17 Ma e bishé machu, su kueru, su karni i su mèst el a kima den kandela pafó di e kampamentu, meskos ku SEÑOR a ordená Moisés.

8:18 E ora ei el a presentá e karné chubatu di e ofrenda kimá, i Aaron ku su yu hòmbernan a pone nan mannan riba kabes di e karné chubatu.

8:19 I Moisés a mat'é i a sprèngu e sanger tur rònt riba e altar.

8:20 Ora ku el a kòrta e karné chubatu den su diferente pidanan, Moisés a kima e kabes, e pidanan i e sebu.

8:21 Despues ku el a kaba di laba e shirishiri i e patanan ku awa, Moisés a kima henter e karné chubatu riba e altar. Esaki tabata un ofrenda kimá komo un holó dushi; e tabata un ofrenda di kandela na SEÑOR, meskos ku SEÑOR a ordená Moisés.

8:22 E ora ei el a presentá e di dos karné chubatu, e karné chubatu di konsagrashon; i Aaron ku su yu hòmbernan a pone nan mannan riba kabes di e karné chubatu.

8:23 I Moisés a mat'é i a kohe poko di su sanger i a pone esaki na klèp di Aaron su orea drechi, na dùim di su man drechi i na dede grandi di su pia drechi.

8:24 Tambe el a hasi Aaron su yu hòmbernan hala serka; i Moisés a pone poko di e sanger na klèp di nan orea drechi, na dùim di nan man drechi i na dede grandi di nan pia drechi. E ora ei Moisés a sprèngu sobrá di e sanger tur rònt riba e altar.

8:25 I el a tuma e vèt, e rabu gordo i tur e vèt ku tabatin na e shirishiri, e vèt di e higra, e dos nirnan i nan vèt i e pia drechi.

8:26 I for di e makutu di pan sin zürdeg ku tabata dilanti di SEÑOR, el a kohe un pan buskuchi sin zürdeg, un pan buskuchi mesklá ku zeta i un oblea, i a pone nan riba e porshonnan di vèt i riba e pia drechi.

8:27 E ora ei el a pone tur esakinan riba mannan di Aaron i riba mannan di su yu hòmbernan, i a presentá nan komo un ofrenda di zoyamentu dilanti di SEÑOR.

8:28 E ora ei Moisés a tuma nan for di nan man i a kima nan riba e altar huntu ku e ofrenda kimá. Nan tabata un ofrenda di konsagrashon komo un holó dushi; tabata un ofrenda di kandela na SEÑOR.

8:29 Tambe Moisés a kohe e pechu i a present'é komo un ofrenda di zoyamentu dilanti di SEÑOR; esaki tabata Moisés su porshon di e karné chubatu di konsagrashon, meskos ku SEÑOR a ordená Moisés.

8:30 Asina Moisés a kohe poko di e zeta di unshon i poko di e sanger ku tabatin riba e altar i a sprèngu esaki riba Aaron, riba su pañanan, riba su yu hòmbernan i riba e pañanan di su yu hòmbernan huntu kuné; i el a konsagrá Aaron, su pañanan, su yu hòmbernan i e pañanan di su yu hòmbernan huntu kuné.

8:31 E ora ei Moisés a bisa Aaron ku su yu hòmbernan: "Herebé e karni na entrada di e tènt di reunion i kom'é ayanan huntu ku e pan ku ta den e makutu di e ofrenda di konsagrashon, meskos ku mi a ordená, bisando: 'Aaron ku su yu hòmbernan mester kom'é.'

8:32 I sobrá di e karni i di e pan boso mester kima den kandela.

8:33 I shete dia largu boso no mag sali for di entrada di e tènt di reunion, te na e dia ku e periodo di boso konsagrashon keda kumplí; pasobra durante di shete dia e lo konsagrá boso.

8:34 Manera a wòrdu hasí awe, asina SEÑOR a ordená pa hasi, pa hasi ekspiashon pa boso.

8:35 Ademas, na entrada di e tènt di reunion boso mester keda di dia i anochi, shete dia largu, i kumpli ku e enkargo di SEÑOR, pa boso no muri, pasobra t'asina mi a wòrdu ordená."

8:36 Asina Aaron ku su yu hòmbernan a hasi tur e kosnan ku SEÑOR a ordená pa medio di Moisés.

Levitiko 9

9:1 Awor a sosodé ku riba e di ocho dia Moisés a yama Aaron ku su yu hòmbernan i e ansianonan di Israel;

9:2 i el a bisa Aaron: "Kohe pa bo mes un bishé machu komo un ofrenda pa piká i un karné chubatu komo un ofrenda kimá, tur dos sin defekto, i ofresé nan dilanti di SEÑOR.

9:3 E ora ei papia ku e yunan di Israel, bisando: 'Kohe un kabritu chubatu komo un ofrenda pa piká i un bishé i un lamchi, tur dos di un aña, sin defekto, komo un ofrenda kimá,

9:4 i un buey i un karné chubatu komo ofrendanan di pas, pa ofresé sakrifisio dilanti di SEÑOR, i un ofrenda di mainshi mesklá ku zeta; pasobra awe SEÑOR lo paresé na boso.'"

9:5 Asina nan a hiba loke Moisés a ordená na e parti dilanti di e tènt di reunion, i henter e kongregashon a hala serka i a bai para dilanti di SEÑOR.

9:6 I Moisés a bisa: "Esaki ta loke SEÑOR a ordená boso pa hasi, pa e gloria di SEÑOR paresé na boso."

9:7 E ora ei Moisés a bisa Aaron: "Hala serka di e altar i ofresé bo ofrenda pa piká i bo ofrenda kimá, pa bo hasi ekspiashon pa bo mes i pa e pueblo; despues ofresé e ofrenda pa e pueblo, pa bo hasi ekspiashon pa nan, meskos ku SEÑOR a ordená."

H4872 -- E ora ei Moisés -> Moses
H559 -- a bisa -> then said
H175 -- Aaron -> to Aaron
H7126 -- Hala -> Come
H7126 -- serka -> near
H4196 -- di e altar -> to the altar
H6213a -- i ofresé -> and offer
H2403b -- bo ofrenda pa piká -> your sin
H2403b -- bo ofrenda pa piká -> offering
H5930a -- i bo ofrenda kimá -> and your burnt
H5930a -- i bo ofrenda kimá -> offering
H3722a -- pa bo hasi -> that you may make
H3722a -- ekspiashon -> atonement
H5971a -- pa bo mes i pa e pueblo -> for yourself and for the people
H6213a -- despues ofresé -> then make
H7133a -- e ofrenda -> the offering
H5971a -- pa e pueblo -> for the people
H3722a -- pa bo hasi -> that you may make
H3722a -- ekspiashon -> atonement
H3512c -- pa nan, meskos -> for them, just
H6680 -- a ordená -> has commanded

9:8 Asina Aaron a bai na e altar i a mata e bishé di e ofrenda pa piká ku tabata pa su mes.

9:9 I Aaron su yu hòmbernan a presentá e sanger na djé; anto el a dòp su dede den e sanger i a pone poko na e kachunan di e altar, i a basha sobrá di e sanger na pia di e altar.

9:10 Ma e vèt, e nirnan i e vèt di e higra di e ofrenda pa piká el a kima riba e altar, meskos ku SEÑOR a ordená Moisés.

9:11 Ma e karni i e kueru el a kima ku kandela pafó di e kampamentu.

9:12 E ora ei el a mata e ofrenda kimá, i Aaron su yu hòmbernan a presentá e sanger na djé, i el a sprèngu esaki tur rònt riba e altar.

9:13 I nan a presentá e ofrenda kimá na djé, na pida-pida huntu ku e kabes, i el a kima nan riba e altar.

9:14 Tambe el a laba e shirishiri i e patanan, i a kima nan huntu ku e ofrenda kimá riba e altar.

9:15 E ora ei el a presentá e ofrenda di e pueblo, i a kohe e kabritu di e ofrenda pa piká ku tabata pa e pueblo, i a mat'é i a ofres'é pa piká, meskos ku esun di promé.

9:16 Tambe el a presentá e ofrenda kimá i a ofresé esaki konforme e ordenansa.

9:17 Kaba el a presentá e ofrenda di mainshi i a kohe un man yen for di djé i a kima esaki riba e altar, ademas di e ofrenda kimá di mainta.

9:18 E ora ei el a mata e buey i e karné chubatu, e sakrifisio di e ofrendanan di pas ku tabata pa e pueblo; i Aaron su yu hòmbernan a presentá e sanger na djé, i el a sprèngu esaki tur rònt riba e altar.

9:19 Pa loke ta e porshonnan di vèt di e buey i di e karné chubatu, e rabu gordo, e vèt ku ta tapa e shirishiri, e nirnan i e vèt di e higra,

9:20 nan a pone e porshonnan di vèt riba e pechunan; i el a kima nan riba e altar.

9:21 Ma e pechunan i e pia drechi Aaron a presentá komo un ofrenda di zoyamentu dilanti di SEÑOR, meskos ku Moisés a ordená.

9:22 E ora ei Aaron a halsa su mannan den direkshon di e pueblo i a bendishoná nan, i despues di a ofresé e ofrenda pa piká, e ofrenda kimá i e ofrendanan di pas, el a bah'abou.

9:23 Anto Moisés i Aaron a bai den e tènt di reunion. Ora nan a sali i a bendishoná e pueblo, e gloria di SEÑOR a paresé na henter e pueblo.

9:24 E ora ei kandela a sali for di dilanti di SEÑOR i a kima e ofrenda kimá i e porshonnan di vèt i a kaba ku nan riba e altar; i ora henter e pueblo a mira esaki, nan a dal un gritu i a tira nan kurpa abou ku nan kara te na suela.

Levitiko 10

10:1 Awor Nadab i Abiú, yu hòmbernan di Aaron, kada un a kohe su wea-pa-kandela, i despues di a pone kandela den nan, nan a pone sensia riba esaki i a ofresé kandela straño dilanti di SEÑOR, lokual E no a ordená nan.

10:2 I kandela a sali for di e presensia di SEÑOR i a kaba ku nan, i nan a muri dilanti di SEÑOR.

10:3 E ora ei Moisés a bisa Aaron: "Esaki ta loke SEÑOR a papia, bisando: 'Atraves di esnan ku hala serka Mi lo Mi wòrdu tratá komo santu, i dilanti di henter e pueblo lo Mi wòrdu onrá.'" I Aaron a keda ketu.

10:4 Tambe Moisés a yama Misael i Elzafan, yu hòmbernan di Uziel, tio di Aaron, i a bisa nan: "Hala serka, karga boso rumannan for di dilanti di e santuario i hiba nan pafó di e kampamentu."

H4872 -- Tambe Moisés -> Moses
H4332 -- a yama Misael -> also to Mishael
H7121 -- a yama -> called
H469 -- i Elzafan -> and Elzaphan
H1121 -- , yu hòmbernan -> the sons
H175 -- di Aaron -> of Aaron’s
H1730 -- tio -> uncle
H5816 -- di Uziel -> Uzziel
H559 -- , i a bisa -> and said
H7126 -- nan: "Hala -> to themCome
H7126 -- serka -> forward
H5375 -- , karga -> carry
H251 -- boso rumannan -> your relatives
H5375 -- for di -> away
H6440 -- dilanti -> from the front
H6944 -- di e santuario -> of the sanctuary
H4480 -- i hiba nan pafó -> to the outside
H4264 -- di e kampamentu -> of the camp

10:5 Asina nan a hala serka i a karga nan, ku nan túnika bistí ainda, hiba pafó di e kampamentu, manera Moisés a bisa.

10:6 E ora ei Moisés a bisa Aaron ku su yu hòmbernan Eleazar i Itamar: "No kita kabes sunú ni sker boso pañanan, pa boso no muri, i pa Dios no bira furioso riba henter e kongregashon. Ma boso rumannan, henter e kas di Israel, mag lamentá e kimamentu ku SEÑOR a laga sosodé.

H4872 -- E ora ei Moisés -> Then Moses
H175 -- a bisa Aaron -> to Aaron
H559 -- a bisa -> said
H1121 -- ku su yu hòmbernan -> and to his sons
H834 -- ku -> which
H499 -- Eleazar -> Eleazar
H385 -- i Itamar -> and Ithamar
H6544a -- : "No kita -> Do not uncover
H7218 -- kabes sunú -> your heads
H3808 -- ni -> nor
H6533 -- sker -> tear
H899b -- boso pañanan -> your clothes
H4191 -- , pa boso no muri -> so that you will not die
H7107 -- , i pa Dios no bira -> and that He will not become
H7107 -- furioso -> wrathful
H5921 -- riba -> against
H3605 -- henter -> all
H5712 -- e kongregashon -> the congregation
H251 -- . Ma boso rumannan -> . But your kinsmen
H3605 -- , henter -> the whole
H1004 -- e kas -> house
H3478 -- di Israel -> of Israel
H1058 -- , mag lamentá -> shall bewail
H8316 -- e kimamentu -> the burning
H8313 -- ku SEÑOR a laga sosodé -> has brought

10:7 No sali for di porta di e tènt di reunion pa boso no muri; pasobra SEÑOR Su zeta di unshon ta riba boso." I nan a hasi konforme e palabra di Moisés.

10:8 E ora ei SEÑOR a papia ku Aaron, bisando:

10:9 "No bebe biña ni bibida stèrki, ni abo ni bo yu hòmbernan huntu ku bo, ora boso ta bai den e tènt di reunion, pa boso no muri--ta un statuto perpetuo durante di tur boso generashonnan--

10:10 i pa hasi un distinshon entre loke ta santu i loke ta profano i entre loke ta impuru i loke ta limpi,

10:11 i pa siña e yunan di Israel tur e statutonan ku SEÑOR a bisa nan pa medio di Moisés."

10:12 E ora ei Moisés a bisa Aaron i su yu hòmbernan ku a sobrebibí, Eleazar i Itamar: "Kohe e ofrenda di mainshi ku a sobra di e ofrendanan di kandela di SEÑOR i kome esaki sin zürdeg banda di e altar, pasobra e ta masha santu mes.

H4872 -- E ora ei Moisés -> Then Moses
H1696 -- a bisa -> spoke
H175 -- Aaron -> to Aaron
H3498 -- i su yu hòmbernan ku a sobrebibí -> and to his surviving
H1121 -- yu hòmbernan -> sons
H499 -- Eleazar -> Eleazar
H385 -- i Itamar -> and Ithamar
H3947 -- Kohe -> Take
H4503 -- e ofrenda di mainshi -> the grain offering
H3498 -- ku a sobra -> that is left
H3498 -- di -> over
H801 -- e ofrendanan -> offerings
H801 -- di kandela -> by fire
H398 -- i kome -> and eat
H4682 -- esaki sin zürdeg -> it unleavened
H681a -- banda di -> beside
H4196 -- e altar -> the altar
H6944 -- , pasobra e ta masha -> for it is most
H6944 -- santu -> holy

10:13 Kome esaki den un lugá santu, pasobra ta bo derecho i derecho di bo yu hòmbernan for di e ofrendanan di kandela di SEÑOR, pasobra t'asina mi a wòrdu ordená.

10:14 Ma e pechu di e ofrenda di zoyamentu i e pia di e ofrenda boso mag kome den un lugá limpi, abo ku bo yu hòmbernan i bo yu muhénan huntu ku bo; pasobra nan a wòrdu duná komo bo derecho i komo derecho di bo yu hòmbernan for di e sakrifisionan di e ofrendanan di pas di e yunan di Israel.

H2373 -- Ma e pechu -> The breast
H8573 -- di e ofrenda -> of the wave
H8573 -- di zoyamentu -> offering
H7785 -- i e pia -> however, and the thigh
H8641 -- di e ofrenda -> of the offering
H398 -- boso mag kome -> you may eat
H2889 -- den un lugá limpi -> in a clean
H4725 -- lugá -> place
H1121 -- , abo ku bo yu hòmbernan -> you and your sons
H1323 -- i bo yu muhénan -> and your daughters
H5414 -- huntu ku bo; pasobra nan a wòrdu duná -> with you; for they have been given
H2706 -- komo bo derecho -> as your due
H1121 -- i komo derecho di bo yu hòmbernan -> and your sons’
H2706 -- derecho -> due
H2077 -- for di e sakrifisionan -> out of the sacrifices
H8002 -- di e ofrendanan di pas -> of the peace
H8002 -- ofrendanan -> offerings
H1121 -- di e yunan -> of the sons
H3478 -- di Israel -> of Israel

10:15 E pia ofresí pa medio di halsamentu i e pechu ofresí pa medio di zoyamentu nan mester hiba huntu ku e ofrendanan di kandela di e porshonnan di vèt, pa presentá esakinan komo un ofrenda di zoyamentu dilanti di SEÑOR; asina e mester ta un kos ku ta bo derecho pa semper i derecho di bo yu hòmbernan huntu ku bo, meskos ku SEÑOR a ordená."

H7785 -- E pia -> The thigh
H8641 -- ofresí -> offered
H8641 -- pa medio di halsamentu -> by lifting
H2373 -- i e pechu -> up and the breast
H8573 -- ofresí -> offered
H8573 -- pa medio di zoyamentu -> by waving
H935 -- nan mester hiba -> they shall bring
H5921 -- huntu -> along
H801 -- ku e ofrendanan -> with the offerings
H801 -- di kandela -> by fire
H2459 -- di e porshonnan -> of the portions
H2459 -- di vèt -> of fat
H5130 -- , pa presentá -> to present
H8573 -- esakinan komo un ofrenda di zoyamentu -> as a wave
H8573 -- ofrenda -> offering
H6440 -- dilanti di -> before
H2706 -- ; asina e mester ta un kos -> so it shall be a thing
H5769 -- pa semper -> perpetually
H2706 -- derecho -> due
H1121 -- i derecho di bo yu hòmbernan -> you and your sons
H3512c -- huntu ku bo, meskos -> with you, just
H6680 -- a ordená -> has commanded

10:16 I ku tur diligensia Moisés a buska e kabritu di e ofrenda pa piká, ma ata, el a wòrdu kimá! I e tabata rabiá ku Aaron su yu hòmbernan ku a sobrebibí, Eleazar i Itamar, i a bisa:

10:17 "Pakiko boso no a kome e ofrenda pa piká na e lugá santu? Pasobra e ta masha santu mes, i El a duna boso esaki pa karga e kulpa di e kongregashon, pa hasi ekspiashon pa nan dilanti di SEÑOR.

10:18 Mira, komo ku su sanger no a wòrdu tresí paden, den e santuario, siguramente boso mester a kom'é den e santuario, meskos ku mi a ordená."

10:19 Ma Aaron a bisa Moisés: "Mira, awe nan a presentá nan ofrenda pa piká i nan ofrenda kimá dilanti di SEÑOR. Ora kosnan manera esakinan sosodé ku mi, si mi a kome un ofrenda pa piká awe, esei lo tabata bon den bista di SEÑOR?"

10:20 I ora Moisés a tende esei, el a keda satisfecho.