Buska den Beibel

Eksodo 4; Eksodo 5; Eksodo 6 BSNP Edita

Eksodo 4

4:1 E ora ei Moisés a kontestá i a bisa: "Suponé ku nan no kier keremi, ni tende na loke mi ta bisa. Suponé ku nan bisa: 'SEÑOR no a paresé na bo.'"

4:2 I SEÑOR a bis'é: "Kiko bo tin den bo man ei?" I el a bisa: "Un bara."

4:3 Anto Dios a bisa: "Bent'é abou na suela." I Moisés a bent'é abou na suela i el a bira un kolebra, i Moisés a hui p'é.

4:4 Ma SEÑOR a bisa Moisés: "Saka bo man gar'é na su rabu" (asina Moisés a saka su man gar'é, i e kolebra a bira un bara den su man)

4:5 "pa nan kere ku SEÑOR, e Dios di nan tatanan, e Dios di Abraham, e Dios di Isaak i e Dios di Jakòb, a paresé na bo."

4:6 Ademas, SEÑOR a bis'é: "Awor hinka bo man den bo bus." I Moisés a hinka su man den su bus, i ora ku el a sak'é, ata su man tabata leproso manera sneu.

4:7 I El a bisa: "Hinka bo man den bo bus atrobe." I el a bolbe hinka su man den su bus, i ora ku el a sak'é for di su bus, ata su man a bolbe bira manera e restu di su karni.

4:8 "I lo sosodé ku si nan no kier kerebo ni tende na e testimonio di e promé señal, nan lo kere e testimonio di e di dos señal.

4:9 Ma lo t'asina ku si nan no kier kere e dos señalnan aki tampoko, ni tende na loke bo ta bisa, e ora ei bo mester saka poko awa for di Neil bash'é riba tera seku, i e awa ku bo saka for di Neil lo bira sanger riba e tera seku."

H518 -- Ma lo t'asina ku si -> But if
H834 -- ku -> which
H539 -- nan no kier kere -> they will not believe
H1571 -- e -> even
H428 -- dos -> these
H226 -- señalnan -> signs
H8085 -- ni tende -> or heed
H8147 -- dos -> two
H6963 -- na loke -> what
H6963 -- bo ta bisa -> you say
H3947 -- , e ora ei bo mester saka -> then you shall take
H4480 -- poko -> some
H4325 -- awa -> water
H2975 -- for di Neil -> from the Nile
H8210 -- bash'é -> and pour
H3004 -- riba tera seku -> it on the dry
H3004 -- , i e awa -> ground
H4325 -- ku -> and the water
H3947 -- bo saka -> you take
H2975 -- for di Neil -> from the Nile
H1961 -- lo bira -> will become
H1818 -- sanger -> blood
H3006 -- riba e tera seku -> on the dry
H3006 -- . -> ground

4:10 E ora ei Moisés a bisa SEÑOR: "Pa fabor, Señor, nunka mi no tabata un hende elokuente, ni antes, ni desde ku Bo a papia ku Bo sirbidó, pasobra mi no por papia bon i mi lenga ta pisá."

H4872 -- E ora ei Moisés -> Then Moses
H994a -- : "Pa fabor -> Please
H559 -- a bisa -> said
H136 -- , Señor -> Lord
H3808 -- , nunka mi no -> I have never
H376 -- tabata un hende elokuente -> been eloquent
H1571 -- , ni -> neither
H4480 -- antes -> recently
H1571 -- , ni -> nor
H8032a -- desde ku -> in time
H8032a -- Bo a papia -> past
H1571 -- ku -> nor
H3975b -- Bo sirbidó -> since
H1696 -- , pasobra -> You have spoken
H5650 -- mi no por papia bon -> to Your servant
H3515 -- i mi lenga -> for I am slow
H6310 -- ta pisá -> of speech
H3515 -- . -> and slow
H3956 -- . -> of tongue

4:11 I SEÑOR a bis'é: "Ta ken a traha boka di hende? Ta ken a traha e mudo, òf e sordo, òf esun ku ta mira òf e siegu? No ta Ami, SEÑOR?

4:12 Bai awor anto, i Ami, sí Ami, lo ta ku bo boka i lo siñabo kiko bo mester bisa."

4:13 Ma Moisés a bisa: "Pa fabor, Señor, manda e mensahe pa medio di esun ku Abo kier manda."

4:14 E ora ei rabia di SEÑOR a kima kontra Moisés i El a bisa: "E levita Aaron no ta bo ruman? Mi sa ku e por papia bon. Ademas, at'é ta sali bin kontrabo; ora ku e mirabo, e lo ta kontentu den su kurason.

4:15 I abo mester papia kuné i pone e palabranan den su boka; i Ami, sí Ami, lo ta ku bo boka i ku su boka, i lo Mi siña boso kiko boso mester hasi.

4:16 Ademas, e lo papia ku e pueblo pa bo; i lo sosodé ku e lo ta manera un boka pa bo, i abo lo ta manera Dios p'é.

4:17 I bo mester kohe e bara aki den bo man, ku kual bo ta hasi e señalnan."

4:18 E ora ei Moisés a bolbe bai serka su suegro Jetro i a bis'é: "Pa fabor, lagami bai, pa mi bolbe serka mi rumannan ku ta na Egipto i mira si nan ta na bida ainda." I Jetro a bisa Moisés: "Bai na pas."

H4872 -- E ora ei Moisés -> Then Moses
H1980 -- a bolbe bai serka su suegro Jetro -> departed
H7725 -- i a bis'é: -> and returned
H3500 -- "Pa fabor, lagami bai -> to Jethro
H2860b -- , pa mi bolbe serka mi rumannan ku ta na Egipto -> his father-in-law
H559 -- i mira si nan ta na bida ainda. -> and said
H4994 -- I Jetro a bisa Moisés: -> to him “Please
H1980 -- "Bai na pas." -> let me go
H7725 -- . -> that I may return
H251 -- . -> to my brethren
H834 -- . -> who
H4714 -- . -> are in Egypt
H7200 -- . -> and see
H5750 -- . -> if they are still
H2416a -- . -> alive
H3503 -- . -> .” And Jethro
H4872 -- . -> to Moses
H1980 -- . -> Go
H7965 -- . -> in peace
H559 -- a bisa -> said

4:19 Awor na Madian SEÑOR a bisa Moisés: "Bai Egipto bèk, pasobra tur e hòmbernan ku tabata buskabo pa mata a muri."

4:20 E ora ei Moisés a tuma su esposa i su yu hòmbernan i a pone nan riba buriku, i a bolbe pa tera di Egipto. Tambe Moisés a kohe e bara di Dios den su man.

4:21 I SEÑOR a bisa Moisés: "Ora bo bai bèk Egipto, mira pa bo hasi dilanti di Farao tur e maraviyanan ku Mi a pone den bo man; ma Ami lo hasi su kurason duru, asina ku e lo no laga e pueblo bai.

H559 -- a bisa -> said
H4872 -- Moisés -> to Moses
H1980 -- Ora bo bai -> When you go
H7725 -- bèk -> back
H4714 -- Egipto -> to Egypt
H7200 -- mira -> see
H6213a -- pa bo hasi -> that you perform
H6440 -- dilanti -> before
H6547 -- Farao -> Pharaoh
H4159 -- e maraviyanan -> the wonders
H3605 -- tur -> all
H7760 -- Mi a pone -> I have put
H3027 -- den bo man -> in your power
H834 -- ku -> which
H2388 -- ma Ami lo hasi -> but I will harden
H3820 -- su kurason -> his heart
H7971 -- asina ku e lo no laga -> so that he will not let
H5971a -- e pueblo -> the people
H7971 -- bai -> go

4:22 E ora ei lo bo bisa Farao: 'Asina SEÑOR ta bisa: "Israel ta Mi yu hòmber, Mi primogénito.

4:23 Pesei Mi a bisabo: 'Laga Mi yu hòmber bai, pa e sirbiMi'; ma bo a nenga di lagu'é bai. Mira, lo Mi mata bo yu hòmber, bo primogénito."'"

4:24 Awor a sosodé ku na kaminda, na e posada, SEÑOR a kontra kuné i a busk'é pa mata.

4:25 E ora ei Séfora a kohe un kuchú di piedra i a kòrta prepusio di su yu hòmber kit'afó, i a tir'é na pia di Moisés i a bisa: "Di bèrdat, bo ta un brùidehòm di sanger pa mi."

4:26 I El a lagu'é bai. E ora ei Séfora a bisa: "Bo ta un brùidehòm di sanger"--pa motibu di e sirkumsishon.

4:27 Awor SEÑOR a bisa Aaron: "Bai kontra ku Moisés den desierto." Asina el a bai i a kontra kuné na e seru di Dios i el a sunch'é.

4:28 I Moisés a konta Aaron tur e palabranan di SEÑOR ku kualnan El a mand'é, i tur e señalnan ku El a orden'é pa hasi.

4:29 E ora ei Moisés i Aaron a bai i a reuní tur e ansianonan di e yunan di Israel;

4:30 i Aaron a papia tur e palabranan ku SEÑOR a papia ku Moisés. Despues el a hasi e señalnan den bista di e pueblo.

4:31 I e pueblo a kere; i ora nan a tende ku SEÑOR a bishitá e yunan di Israel i ku El a mira nan aflikshon, nan a bùig te na suela i a adorá.

Eksodo 5

5:1 I despues Moisés i Aaron a bai bisa Farao: "Asina SEÑOR, e Dios di Israel, ta bisa: 'Laga Mi pueblo bai pa nan tene un fiesta pa Mi den desierto.'"

5:2 Ma Farao a bisa: "Ta ken ta SEÑOR ku mi mester obedesé Su bos i laga Israel bai? Mi no konosé SEÑOR, i lo mi no laga Israel bai tampoko."

5:3 E ora ei nan a bisa: "E Dios di e hebreonan a kontra ku nos. Pa fabor, laga nos hasi un biahe di tres dia den desierto, pa nos ofresé sakrifisio na SEÑOR nos Dios, pa E no afligí nos ku pèst òf ku spada."

5:4 Ma rei di Egipto a bisa nan: "Moisés i Aaron, pakiko boso ta stroba e hendenan di traha? Boso bai hasi boso trabou!"

5:5 I Farao a bolbe bisa: "Mira, e hendenan di e tera ta hopi awor, i boso kier stòp nan di traha!"

5:6 Asina riba e mesun dia ei Farao a ordená e kapatasnan ku ta riba e pueblo i nan formannan, bisando:

5:7 "Boso no mester duna e pueblo yerba seku mas pa traha klenku kuné, manera promé; laga nan mes bai kohe yerba seku.

5:8 Ma tòg boso mester pone nan traha e mesun kantidat di klenku ku nan tabata traha promé; boso no mag redusí esaki di ningun manera. Pasobra ta floho nan ta, pesei nan ta grita: 'Laga nos bai ofresé sakrifisio na nos Dios.'

5:9 Laga e trabou ta mas pisá pa e hòmbernan, i laga nan okupá nan mes kuné, pa nan no paga atenshon na palabra di mentira."

5:10 Asina e kapatasnan di e pueblo i nan formannan a sali bai papia ku e pueblo, bisando: "Asina Farao ta bisa: 'Mi no ta bai duna boso yerba seku mas.

5:11 Boso mes bai buska yerba seku kaminda boso por haña, ma no ta wòrdu redusí nada di boso trabou.'"

5:12 Asina e pueblo a plama bai dor di henter tera di Egipto pa kohe stòmpi di palu di mainshi na lugá di yerba seku.

5:13 I e kapatasnan tabata pone preshon riba nan, bisando: "Kaba ku boso trabou, e kantidat di kada dia, meskos ku ora boso tabatin yerba seku."

5:14 Ademas, nan tabata bati e formannan di e yunan di Israel ku e kapatasnan di Farao a pone riba nan, i nan tabata puntra nan: "Pakiko ni ayera ni awe boso no a kumpli ku boso tarea di traha klenku manera promé?"

H7860 -- Ademas, nan tabata bati e formannan -> Moreover, the foremen
H1121 -- di e yunan -> of the sons
H3478 -- di Israel -> of Israel
H834 -- ku -> whom
H6547 -- e kapatasnan di Farao -> Pharaoh’s
H5065 -- e kapatasnan di Farao -> taskmasters
H7760 -- a pone -> had set
H5221 -- riba nan, i nan tabata puntra nan -> them, were beaten
H559 -- i nan tabata puntra nan -> and were asked
H4069 -- Pakiko -> Why
H3615 -- boso no a kumpli -> have you not completed
H2706 -- ku boso tarea -> your required
H2706 -- ku boso tarea -> amount
H1571 -- ni -> either
H5921 -- riba -> over
H8543 -- ayera -> yesterday
H1571 -- ni -> or
H3117 -- awe -> today
H3835b -- di traha -> in making
H3835b -- klenku -> brick
H8543 -- manera promé -> as previously

5:15 E ora ei e formannan di e yunan di Israel a bin i a sklama na Farao, bisando: "Pakiko bo ta trata asina ku bo sirbidónan?

5:16 Bo sirbidónan no ta haña yerba seku mas, tòg nan ta sigui bisa nos: 'Traha klenku!' I mira, nan ta bati bo sirbidónan, ma ta falta di bo mes pueblo."

5:17 Ma el a bisa nan: "Boso ta floho, masha floho mes; pesei boso ta bisa: 'Laga nos bai ofresé sakrifisio na SEÑOR.'

5:18 Awor, ban mira, bai traha; boso no ta haña yerba seku, ma tòg boso mester entregá e mesun kantidat di klenku."

5:19 I e formannan di e yunan di Israel a mira ku nan tabata den problema, pasobra nan a bisa nan: "Boso no mag redusí e kantidat di klenku di kada dia."

5:20 Ora nan a sali for di den presensia di Farao, nan a topa Moisés i Aaron, kendenan tabata para warda nan.

5:21 I nan a bisa nan: "Ku SEÑOR mira i huzga boso, pasobra boso a hasi nos un abominashon den bista di Farao i den bista di su sirbidónan dor di pone un spada den nan man pa mata nos."

5:22 E ora ei Moisés a bolbe serka SEÑOR i a bisa: "O Señor, pakiko Bo a trata e pueblo aki asina malu? Pakiko Bo a mandami?

5:23 For di dia ku mi a bai serka Farao pa papia den Bo nòmber, el a trata e pueblo aki masha malu mes, i Abo no a libra Bo pueblo ni un ora so."

Eksodo 6

6:1 E ora ei SEÑOR a bisa Moisés: "Awor lo bo mira kiko Mi ta bai hasi ku Farao; pasobra pa motibu di un man poderoso e lo laga nan bai, i pa motibu di un man poderoso e lo kore ku nan for di su tera."

6:2 Dios a sigui papia ku Moisés i a bis'é: "Ami ta SEÑOR;

6:3 i Mi a paresé na Abraham, Isaak i Jakòb komo Dios Todopoderoso, ma ku Mi nòmber, SEÑOR, Mi no a hasi Mi mes konosí na nan.

6:4 I tambe Mi a stablesé Mi aliansa ku nan, pa duna nan tera di Kanaan, e tera kaminda nan a keda biba pa un tempu.

6:5 I ademas, Mi a tende e kehamentu di e yunan di Israel, pasobra e egipsionan ta tene nan bou di sklabitut; i Mi a kòrda riba Mi aliansa.

6:6 "Pesei, bisa e yunan di Israel: 'Ami ta SEÑOR, i Ami lo saka boso for di bou di e karganan di e egipsionan, i lo Mi libra boso for di nan sklabitut. Tambe lo Mi redimí boso ku un brasa ekstendí i ku huisionan pisá.

6:7 I lo Mi tuma boso komo Mi pueblo, i lo Mi ta boso Dios; i boso lo sa ku Ami ta SEÑOR boso Dios, Kende a saka boso for di bou di e karganan di e egipsionan.

6:8 I lo Mi hiba boso na e tera ku Mi a hura di duna Abraham, Isaak i Jakòb, i lo Mi duna boso esaki komo un erensia; Ami ta SEÑOR.'"

6:9 Di e manera aki Moisés a papia ku e yunan di Israel, ma nan no a skucha Moisés pa motibu di falta di ánimo i pa motibu di sklabitut kruel.

6:10 Awor SEÑOR a papia ku Moisés, bisando:

6:11 "Bai bisa Farao, rei di Egipto, pa laga e yunan di Israel sali for di su tera."

6:12 Ma Moisés a papia dilanti di SEÑOR, bisando: "Mira, e yunan di Israel no a skuchami. Kon anto Farao lo skuchami, siendo ku mi no ta papia bon?"

6:13 E ora ei SEÑOR a papia ku Moisés i ku Aaron, i a duna nan un òrdu pa e yunan di Israel i pa Farao, rei di Egipto, pa saka e yunan di Israel for di tera di Egipto.

6:14 Esakinan ta e kabesnan di e kasnan di nan tatanan. E yu hòmbernan di Ruben, Israel su primogénito, tabata Hanok i Palú, Hezron i Karmi; esakinan ta e famianan di Ruben.

6:15 I e yu hòmbernan di Simeon tabata Jemuel, Jamin, Ohad, Jakin, Zohar i Saul, yu hòmber di un muhé kananeo; esakinan ta e famianan di Simeon.

6:16 I esakinan ta e nòmbernan di e yu hòmbernan di Leví segun nan generashonnan: Gerson, Koat i Merari; i Leví a biba shent'i trint'i shete aña.

6:17 E yu hòmbernan di Gerson tabata Libni i Simei, segun nan famianan.

6:18 I e yu hòmbernan di Koat tabata Amram, Izhar, Hebròn i Uziel; i Koat a biba shent'i trint'i tres aña.

6:19 I e yu hòmbernan di Merari tabata Mahli i Musi. Esakinan ta e famianan di e levitanan segun nan generashonnan.

6:20 I Amram a kasa ku Jokabed, ruman muhé di su tata, i Jokabed a haña Aaron i Moisés p'é; i Amram a biba shent'i trint'i shete aña.

6:21 I e yu hòmbernan di Izhar tabata Koré, Nefeg i Zikri.

6:22 I e yu hòmbernan di Uziel tabata Misael, Elzafan i Sitri.

6:23 Aaron a kasa ku Eliseba, yu muhé di Aminadab, ruman muhé di Nason; i Eliseba a haña Nadab i Abiú, Eleazar i Itamar p'é.

6:24 I e yu hòmbernan di Koré tabata Asir, Elkana i Abiasaf; esakinan ta e famianan di e koreitanan.

6:25 I Eleazar, yu hòmber di Aaron, a kasa ku un di e yu muhénan di Putiel, i el a haña Finees p'é. Esakinan ta e kabesnan di e kasnan di e tatanan di e levitanan segun nan famianan.

6:26 Ta ku e mesun Aaron i Moisés aki SEÑOR a papia, bisando: "Saka e yunan di Israel for di tera di Egipto segun nan ehérsitonan."

6:27 Esakinan ta esnan ku a papia ku Farao, rei di Egipto, pa saka e yunan di Israel for di Egipto; ta e mesun Moisés i Aaron.

6:28 Awor a sosodé ku dia SEÑOR a papia ku Moisés na tera di Egipto,

6:29 SEÑOR a papia ku Moisés, bisando: "Ami ta SEÑOR. Bisa Farao, rei di Egipto, tur loke Mi bisabo."

6:30 Ma Moisés a bisa dilanti di SEÑOR: "Mira, mi no ta papia bon; kon anto Farao lo skuchami?"