Buska den Beibel

Eksodo 13; Eksodo 14; Eksodo 15 BSNP Edita

Eksodo 13

13:1 E ora ei SEÑOR a papia ku Moisés, bisando:

13:2 "Santifiká pa Mi tur primogénito, e promé yu ku nase di tur matris entre e yunan di Israel, tantu di hende komo di bestia; esaki ta pertenesé na Mi."

13:3 I Moisés a bisa e pueblo: "Kòrda e dia aki riba kual boso a sali for di Egipto, for di e kas di sklabitut; pasobra ku un man poderoso SEÑOR a saka boso for di e lugá aki. I boso no mester kome nada ku tin zürdeg aden.

13:4 Riba e dia aki, den luna di Abib, boso ta bai sali.

13:5 I lo sosodé ku ora SEÑOR hibabo na tera di e kananeo, e heteo, e amoreo, e heveo i e jebuseo, kual El a hura na bo tatanan di dunabo, un tera ku tin lechi i miel na abundansia, bo mester warda e sirbishi aki den e luna aki.

13:6 Shete dia bo mester kome pan sin zürdeg, i riba e di shete dia lo tin un fiesta na SEÑOR.

13:7 Mester kome pan sin zürdeg durante di e shete dianan; i nada ku tin zürdeg aden no mag wòrdu mirá serka bo; tampoko zürdeg no mag wòrdu mirá serka bo den henter bo teritorio.

13:8 I e dia ei bo mester konta bo yu hòmber, bisando: 'Ta pa motibu di loke SEÑOR a hasi pa mi dia ku mi a sali for di Egipto.'

13:9 I esaki lo sirbi komo un señal pa bo riba bo man, i komo un rekòrdatorio riba bo frenta, pa e lei di SEÑOR ta den bo boka; pasobra ku un man poderoso SEÑOR a sakabo for di Egipto.

13:10 Pesei di aña pa aña, na su tempu stipulá, bo mester warda e ordenansa aki.

13:11 "Awor dia ku SEÑOR hibabo na tera di e kananeo, manera El a hura na bo i na bo tatanan, i E dunabo e tera ei,

13:12 bo mester dediká na SEÑOR e promé yu ku nase di tur matris, i e promé yu ku nase di tur bestia ku bo tin; e bestianan machu ta pertenesé na SEÑOR.

13:13 Ma tur promé yu ku nase di un buriku bo mester redimí ku un lamchi, ma si bo no redimí esaki, e ora ei bo mester kibra su nèk; i tur primogénito di hende entre bo yu hòmbernan bo mester redimí.

13:14 "I lo sosodé ku mañan ora bo yu hòmber puntrabo, bisando: 'Kiko esaki ta?' e ora ei bo mester bis'é: 'Ku un man poderoso SEÑOR a saka nos for di Egipto, for di e kas di sklabitut.

13:15 I a sosodé ku ora Farao tabata hasi kos di kabesura i no kier a laga nos bai, SEÑOR a mata tur primogénito na tera di Egipto, tantu e primogénito di hende komo e primogénito di bestia. Pesei mi ta ofresé e bestianan machu na SEÑOR komo sakrifisio, e promé yu ku nase di tur matris, ma tur primogénito di mi yu hòmbernan mi ta redimí.'

13:16 Asina esaki lo sirbi komo un señal na bo man i un filakteria na bo frenta, pasobra ku un man poderoso SEÑOR a saka nos for di Egipto."

13:17 Awor a sosodé ku ora Farao a laga e pueblo bai, Dios no a hiba nan pa e kaminda di e tera di e filisteonan, ounke ku esei tabata keda serka; pasobra Dios a bisa: "Pa e pueblo no kambia di idea ora nan mira guera i nan bai Egipto bèk."

13:18 Pa e motibu ei Dios a pasa e pueblo tur rònt pa e kaminda di desierto den direkshon di Laman Kòrá; i e yunan di Israel a sali den òrdu militar bai for di tera di Egipto.

13:19 I Moisés a kohe e wesunan di Jose bai ku nan, pasobra Jose a hasi e yunan di Israel hura solemnemente, bisando: "Dios lo bishitá boso sigur, i boso mester bai ku mi wesunan for di akinan."

13:20 E ora ei nan a sali bai for di Sukot i a kampa na Etam, na rant di e desierto.

13:21 I di dia SEÑOR tabata bai nan dilanti den un pilar di nubia pa guia nan riba kaminda, i anochi den un pilar di kandela pa duna nan lus, pa nan por a biaha di dia i anochi.

13:22 Di dia E no tabata kita e pilar di nubia, ni anochi e pilar di kandela, for di dilanti di e pueblo.

Eksodo 14

14:1 Awor SEÑOR a papia ku Moisés, bisando:

14:2 "Bisa e yunan di Israel pa bai bèk i kampa dilanti di Pi-hahirot, entre Migdol i laman; boso mester kampa dilanti di Baal-zefon, enfrente di djé, pegá ku laman.

14:3 Pasobra Farao lo bisa di e yunan di Israel: 'Nan ta kana dwal sin destino den e tera; desierto a sera nan aden.'

14:4 Asina lo Mi hasi Farao su kurason duru, i e lo pèrsiguí nan; i Ami lo wòrdu onrá atraves di Farao i henter su ehérsito, i e egipsionan lo sa ku ta Ami ta SEÑOR." I asina nan a hasi.

14:5 Ora nan a bisa rei di Egipto ku e pueblo a hui, kurason di Farao i di su sirbidónan a kambia pa ku e pueblo, i nan a bisa: "Ta kiko e kos ku nos a hasi aki, ku nos a laga Israel bai, asina ku nan no ta sirbi nos mas?"

H4428 -- Ora nan a bisa rei -> When the king
H4714 -- di Egipto -> of Egypt
H5046 -- ku -> was told
H5971a -- ku e pueblo -> that the people
H1272 -- a hui -> had fled
H6547 -- , kurason di Farao -> Pharaoh
H5650 -- i di su sirbidónan -> and his servants
H2015 -- a -> had
H2015 -- kambia -> a change
H3824 -- pa ku e pueblo -> of heart
H413 -- , i nan a bisa: -> toward
H5971a -- " -> the people
H4100 -- Ta kiko -> What
H2088 -- e kos -> is this
H6213a -- ku nos a hasi aki -> we have done
H7971 -- , ku nos a laga -> that we have let
H3478 -- Israel -> Israel
H7971 -- bai -> go
H5647 -- , asina ku nan no ta sirbi -> from serving

14:6 Anto el a prepará su garoshi i a hiba su pueblo huntu kuné;

14:7 i el a hiba seis shen di e garoshinan di mas mihó, i tur e otro garoshinan di Egipto, ku ofisialnan pa manda riba nan tur.

14:8 I SEÑOR a hasi Farao, rei di Egipto, su kurason duru, i el a pèrsiguí e yunan di Israel, kendenan tabata sali bai ku tur konfiansa.

14:9 E ora ei e egipsionan a pèrsiguí nan ku tur e kabainan i garoshinan di Farao, ku su koredónan di kabai i su ehérsito, i nan a alkansá nan kaminda nan tabata kampa, pegá ku laman, banda di Pi-hahirot, dilanti di Baal-zefon.

14:10 I ora Farao a yega serka, e yunan di Israel a hisa kara wak, i mira, e egipsionan tabata marcha bin nan tras, i nan a spanta mashá, i e yunan di Israel a sklama na SEÑOR.

14:11 Anto nan a bisa Moisés: "Ta graf no tabatin na Egipto ku bo a saka nos pa bin muri den desierto? Pakiko bo a trata asin'aki ku nos i a saka nos for di Egipto?

14:12 No ta esaki ta e palabra ku nos a papia ku boso na Egipto, bisando: 'Laga nos na pas i laga nos sirbi e egipsionan'? Pasobra mihó nos sirbi e egipsionan ku muri den desierto."

14:13 Ma Moisés a bisa e pueblo: "No tene miedu! Para firme i mira e salbashon di SEÑOR ku E lo prepará pa boso awe; pasobra e egipsionan ku boso a mira awe, hamas i nunka boso lo bolbe mira nan.

H4872 -- Ma Moisés -> But Moses
H559 -- a bisa -> said
H5971a -- a bisa e pueblo -> to the people
H3372a -- : "No tene miedu -> Do not fear
H3320 -- ! Para -> ! Stand
H7200 -- firme i mira -> by and see
H3444 -- e salbashon -> the salvation
H6213a -- ku E lo prepará -> He will accomplish
H3117 -- pa boso awe -> for you today
H4714 -- ; pasobra e egipsionan -> for the Egyptians
H834 -- ku -> which
H834 -- ku -> whom
H7200 -- ku boso a mira -> you have seen
H3117 -- awe -> today
H3808 -- , hamas i nunka boso -> you will never
H7200 -- lo bolbe mira -> see
H3254 -- nan -> them again
H5704 -- . -> forever

14:14 SEÑOR lo bringa pa boso i boso lo keda ketu."

14:15 E ora ei SEÑOR a bisa Moisés: "Pakiko bo ta sklama na Mi? Bisa e yunan di Israel pa sigui dilanti.

14:16 I pa loke t'abo, lanta bo bara i ekstendé bo man ofer di e laman i dividié, i e yunan di Israel lo pasa meimei di e laman riba tera seku.

14:17 I Ami, mira, lo Mi hasi e egipsionan su kurason duru, asina ku nan lo drenta nan tras; i lo Mi wòrdu onrá atraves di Farao i henter su ehérsito, atraves di su garoshinan i su koredónan di kabai.

14:18 E ora ei e egipsionan lo sa ku ta Ami ta SEÑOR, ora Mi wòrdu onrá atraves di Farao, atraves di su garoshinan i su koredónan di kabai."

14:19 I e Angel di Dios, Kende tabata bai dilanti di e kampamentu di Israel, a kita bai nan tras; i e pilar di nubia a kita for di nan dilanti i a bai para nan tras.

14:20 Asina e pilar di nubia a keda entre e kampamentu di Egipto i e kampamentu di Israel; i tabatin un nubia huntu ku e skuridat, tòg el a duna klaridat anochi. Asina ku esun no a yega serka e otro henter anochi.

14:21 E ora ei Moisés a ekstendé su man ofer di e laman; i henter anochi SEÑOR a hasi e laman retirá pa medio di un bientu fuerte di pariba, i a hasi e laman bira tera seku. Asina e awanan a keda dividí.

14:22 I e yunan di Israel a pasa meimei di e laman riba tera seku, i e awanan tabata pa nan manera un muraya na nan man drechi i na nan man robes.

14:23 Anto e egipsionan a pèrsiguí nan, i tur Farao su kabainan, su garoshinan i su koredónan di kabai a drenta nan tras te meimei di laman.

14:24 I a sosodé ku, na ora di vigilia di mainta, SEÑOR a wak e ehérsito di e egipsionan for di e pilar di kandela i nubia, i El a trese konfushon den e ehérsito di e egipsionan.

14:25 I El a hasi nan wil di garoshi slep, i El a hasi ku nan tabata kore ku difikultat; pesei e egipsionan a bisa: "Laga nos hui pa Israel, pasobra SEÑOR ta bringa pa nan kontra e egipsionan."

14:26 E ora ei SEÑOR a bisa Moisés: "Ekstendé bo man ofer di e laman, pa e awanan bin bèk riba e egipsionan, riba nan garoshinan i riba nan koredónan di kabai."

14:27 Asina Moisés a ekstendé su man ofer di e laman i ora dia tabata habri e laman a bolbe na su estado normal, mientras ku e egipsionan tabata hui bai stret den djé; e ora ei SEÑOR a derotá e egipsionan meimei di laman.

14:28 I e awanan a bolbe i a tapa e garoshinan i e koredónan di kabai, i tambe henter Farao su ehérsito ku a bai den laman nan tras; ni ún di nan no a skapa.

14:29 Ma e yunan di Israel a kana riba tera seku meimei di laman, i e awanan tabata pa nan manera un muraya na nan man drechi i na nan man robes.

14:30 Asina SEÑOR a salba Israel e dia ei for di man di e egipsionan, i Israel a mira e egipsionan morto kantu di laman.

14:31 I ora ku Israel a mira e poder grandi ku Dios a uza kontra e egipsionan, e pueblo a teme SEÑOR, i nan a kere den SEÑOR i den Su sirbidó Moisés.

Eksodo 15

15:1 E ora ei Moisés i e yunan di Israel a kanta e kantika aki na SEÑOR i a bisa: "Lo mi kanta na SEÑOR, pasobra E ta grandemente halsá. E kabai i su koredó El a tira den laman.

15:2 SEÑOR ta mi fortalesa i mi kantika, i El a bira mi salbashon; E ta mi Dios, i lo mi alab'E, e Dios di mi tata, i lo mi glorifik'E.

15:3 SEÑOR ta un guerero; SEÑOR ta Su nòmber.

15:4 Farao su garoshinan i su ehérsito El a benta den laman; i su mihó kapitannan a wòrdu hogá den Laman Kòrá.

15:5 E abismonan ta tapa nan; nan a senk bai den e profundidatnan manera piedra.

15:6 "Bo man drechi, O SEÑOR, ta mahestuoso den poder. Bo man drechi, O SEÑOR, ta kibra e enemigu na pida-pida.

15:7 I den e grandesa di Bo ekselensia Bo ta derotá esnan ku lanta kontra Bo; Bo ta manda Bo rabia ardiente, i esei ta kaba ku nan manera bagas.

15:8 I dor di e rosea di Bo nanishi e awanan a wòrdu montoná, e koridanan di awa a lanta para manera un monton; e abismonan a kuaha den kurason di laman.

15:9 "E enemigu a bisa: 'Lo mi pèrsiguí, lo mi alkansá, lo mi parti e botín; mi deseo lo ta kumplí kontra nan. Lo mi saka mi spada, mi man lo destruí nan.'

15:10 Bo a supla ku Bo bientu, laman a tapa nan; nan a senk manera chumbu den e awanan poderoso.

15:11 "Ken ta manera Bo entre e diosnan, O SEÑOR? Ken ta manera Bo, mahestuoso den santidat, temibel den gloria, obrando maraviyanan?

15:12 Bo a saka Bo man drechi, tera a traga nan.

15:13 "Den Bo miserikòrdia Bo a guia e pueblo ku Bo a redimí; den Bo fortalesa Bo a guia nan na Bo habitashon santu.

15:14 E pueblonan a tende, nan ta tembla; ansha a gara e habitantenan di Filistea.

15:15 E ora ei e hefenan di Edòm a desmayá; e lidernan di Moab, temblamentu ta gara nan; tur e habitantenan di Kanaan a dirti bai.

15:16 Teror i spantu ta kai riba nan; dor di e grandesa di Bo brasa nan ta ketu manera piedra, te ora Bo pueblo a pasa, O SEÑOR, te ora ku e pueblo ku Bo a kumpra a pasa.

15:17 Abo lo hiba nan i planta nan den e seru di Bo erensia, e lugá, O SEÑOR, ku Abo a traha komo Bo lugá di biba, e santuario, O SEÑOR, ku Bo mannan a stablesé.

15:18 SEÑOR lo reina pa semper i semper."

15:19 Ora ku e kabainan di Farao ku su garoshinan i su koredónan di kabai a bai den laman, SEÑOR a hasi e awanan di laman bin bèk riba nan; ma e yunan di Israel a kana riba tera seku pasa meimei di laman.

15:20 E ora ei Miriam e profeta, Aaron su ruman muhé, a kohe un tamburein den su man, i tur e muhénan a sali su tras ku tamburein i ku baliamentu.

15:21 I Miriam a kontestá nan: "Kanta na SEÑOR, pasobra E ta grandemente halsá; e kabai ku su koredó El a tira den laman."

15:22 E ora ei Moisés a hiba Israel for di Laman Kòrá i nan a sali bai den e desierto di Shur; i nan a kana tres dia den desierto sin haña awa.

15:23 I ora nan a yega Mara, nan no por a bebe e awanan di Mara, pasobra nan tabata marga; pesei nan a yama e lugá ei Mara.

15:24 I e pueblo tabata murmurá kontra Moisés, bisando: "Kiko nos mester bebe?"

15:25 E ora ei Moisés a sklama na SEÑOR, i SEÑOR a mustr'é un palu; i Moisés a tira esaki den e awanan, i e awanan a bira dushi. Ayanan SEÑOR a duna nan un statuto i un ordenansa, i ayanan SEÑOR a pone nan na prueba.

15:26 I El a bisa: "Si bo skucha atentamente na e bos di SEÑOR bo Dios, i hasi loke ta korekto den Su bista, i duna oído na Su mandamentunan, i warda tur Su statutonan, ningun di e malesanan ku Mi a pone riba e egipsionan lo Mi no pone riba bo; pasobra Ami, SEÑOR, ta bo Sanador."

H559 -- I El a bisa -> And He said
H518 -- : "Si -> If
H8085 -- bo skucha -> you will give
H8085 -- atentamente -> earnest
H8085 -- atentamente -> heed
H6963 -- na e bos -> to the voice
H430 -- bo Dios -> your God
H6213a -- , i hasi -> and do
H3477 -- loke ta korekto -> what is right
H5869 -- den Su bista -> in His sight
H238 -- , i duna -> and give
H238 -- oído -> ear
H4687 -- na Su mandamentunan -> to His commandments
H8104 -- , i warda -> and keep
H2706 -- tur Su statutonan -> His statutes
H7760 -- , ningun di e malesanan ku Mi a pone -> I will put
H3605 -- ningun -> none
H4245a -- di e malesanan -> of the diseases
H834 -- riba e egipsionan lo Mi no pone -> on you which
H7760 -- riba e egipsionan lo Mi no pone -> I have put
H4714 -- riba e egipsionan -> on the Egyptians
H7495 -- , ta bo Sanador -> am your healer
H3605 -- tur -> all

15:27 Despues nan a yega Elim kaminda tabatin diesdos fuente di awa i setenta palu di dadel, i nan a kampa ayanan kantu di awa.