Buska den Beibel

Deuteronomio 14; Deuteronomio 15; Deuteronomio 16 BSNP Edita

Deuteronomio 14

14:1 "Boso ta e yunan di SEÑOR boso Dios; boso no mag kòrta boso mes, ni feita boso frenta pa motibu di un morto.

14:2 Pasobra bo ta un pueblo santu na SEÑOR bo Dios; i SEÑOR a skohebo pa ta un pueblo pekuliar pa Su mes for di tur e pueblonan ku tin riba superfisio di tera.

14:3 "No kome nada abominabel.

14:4 Esakinan ta e bestianan ku boso mag kome: buey, karné, kabritu,

14:5 biná, gasèl, biná di dam, kabritu di mondi, kabritu di seru, antilope i karné di seru.

14:6 I entre e bestianan, tur loke tin huf dividí i ku tin huf kompletamente gespleit i ku ta kou kuminda dos biaha, eseinan boso mag kome.

14:7 Sinembargo, di esakinan boso no mag kome entre esnan ku ta kou kuminda dos biaha, òf entre esnan ku tin huf dividí: kamel, has i konènchi di baranka, pasobra ounke nan ta kou kuminda dos biaha, nan no tin huf dividí; nan ta impuru pa boso.

14:8 I porko, pasobra e tin huf dividí sí, ma no ta kou kuminda dos biaha, e ta impuru pa boso. Boso no mag kome nada di nan karni ni mishi ku nan kadaver.

14:9 "Esakinan boso mag kome di tur loke tin den awa: tur loke tin hala i skama boso mag kome,

14:10 ma tur loke no tin hala i skama boso no mag kome; esei ta impuru pa boso.

14:11 "Boso mag kome tur parha limpi.

14:12 Ma esakinan ta esunnan ku boso no mag kome: águila, falki-kibradó-di-wesu i falki pretu,

14:13 warawara kòrá, falki i tur sorto di warawara,

14:14 i tur sorto di raf,

14:15 abestrus, shoko, meuchi i tur sorto di kinikini,

14:16 shoko chikitu, shoko grandi, shoko blanku,

14:17 pelikan, falki ku ta kome bestia morto, samuro,

14:18 oyevar, tur sorto di garabèt, i bubi i raton di anochi.

14:19 "Tur insekto ku tin hala ta impuru pa boso; boso no mag kome nan.

14:20 Tur parha limpi boso mag kome.

14:21 "No kome nada ku muri di su mes. Bo mag duna esaki na e stranhero ku ta keda den bo stat, pa e kom'é, òf bo por bend'é ku un stranhero, pasobra abo ta un pueblo santu na SEÑOR bo Dios. "No herebé un yu di kabritu den lechi di su mama.

14:22 "Siguramente bo mester duna e diesmo di henter e produkshon di loke bo ta sembra, loke kunuku ta produsí tur aña.

14:23 I kome den e presensia di SEÑOR bo Dios, na e lugá ku E skohe pa stablesé Su nòmber, e diesmo di bo mainshi, bo biña nobo i bo zeta, i e primogénitonan di bo kria di baka i di bo tou di bestia chikitu, pa bo siña di teme SEÑOR bo Dios pa semper.

14:24 I si e distansia ta asina grandi pa bo ku bo no por trese e diesmo, komo ku e lugá ku SEÑOR bo Dios ta skohe pa pone Su nòmber ta muchu leu for di bo ora SEÑOR bo Dios bendishonábo,

14:25 e ora ei kambi'é pa plaka, i tuma e plaka den bo man i bai na e lugá ku SEÑOR bo Dios skohe.

14:26 I bo mag gasta e plaka na kiko ku bo kurason ta deseá, na buey, karné, biña, bibida stèrki òf kiko ku bo kurason ta deseá; i ayanan bo mester kome den e presensia di SEÑOR bo Dios i regosihá, abo i e hendenan di bo kas.

14:27 I no neglishá e levita ku ta den bo stat, pasobra e no tin parti ni erensia huntu ku bo.

14:28 "Na fin di kada tres aña bo mester trese henter e diesmo di bo produkshon di e aña ei, i depositá esaki den bo stat.

14:29 I e levita, pasobra e no tin parti ni erensia huntu ku bo, i e stranhero, e wérfano i e biuda ku tin den bo stat, por bin i kome i keda satisfecho, pa SEÑOR bo Dios bendishonábo den tur e trabou ku bo man ta hasi.

Deuteronomio 15

15:1 "Na fin di kada shete aña bo mester kanselá debe.

15:2 I esaki ta e manera pa kanselá debe: tur fiadó mester kanselá loke el a fia su próhimo; e no mester eksigié bèk for di su próhimo ni for di su ruman, pasobra SEÑOR su aña pa kanselá debe a wòrdu proklamá.

15:3 For di un stranhero bo por eksigí esaki, ma tur loke bo ruman hòmber tin di bo, bo man mester kanselá.

15:4 Sinembargo, lo no tin hende pober meimei di bo, komo ku SEÑOR siguramente lo bendishonábo na e tera ku SEÑOR bo Dios ta dunabo komo erensia pa bo poderá di djé,

15:5 si solamente bo skucha atentamente na e bos di SEÑOR bo Dios, pa pèrkurá di kumpli ku henter e mandamentu aki ku mi ta ordenábo awe.

15:6 Pasobra SEÑOR bo Dios lo bendishonábo manera El a primintíbo, i abo lo fia na hopi nashon, ma abo sí lo no pidi fiansa, i lo bo goberná riba hopi nashon, ma nan lo no goberná riba bo.

15:7 "Si tin un hende pober serka bo, un di bo rumannan, den un di bo statnan na e tera ku SEÑOR bo Dios ta dunabo, no hasi bo kurason duru, ni sera bo man pa bo ruman pober,

15:8 ma habri bo man hanchu p'é i generosamente fi'é sufisiente pa su nesesidat den tur loke e ta falta.

15:9 Tene kuidou pa no tin un pensamentu pèrvèrso den bo kurason, bisando: 'E di shete aña, e aña pa kanselá debe ta serka,' i bo mira bo ruman pober ku mal wowo i bo keda sin dun'é nada, e ora ei e por sklama na SEÑOR kontra bo i esaki lo wòrdu kontá komo piká pa bo.

H8104 -- Tene kuidou -> Beware
H6435 -- pa no tin -> that there is no
H1100 -- un pensamentu pèrvèrso -> base
H3824 -- den bo kurason -> in your heart
H7651 -- , bisando: 'E di shete -> ‘The seventh
H559 -- bisando -> saying
H8141 -- aña -> year
H8141 -- , e aña -> the year
H8059 -- pa kanselá debe -> of remission
H7126 -- ta serka -> is near
H5869 -- ,’ i bo mira -> ’ and your eye
H7489a -- bo ruman pober ku mal wowo -> is hostile
H5414 -- i bo keda sin dun'é -> and you give
H3808 -- nada -> him nothing
H7121 -- , e ora ei e por sklama -> then he may cry
H5921 -- na SEÑOR kontra -> against
H2399 -- bo i esaki lo wòrdu kontá komo piká -> you, and it will be a sin

15:10 Dun'é generosamente i no tene duele den bo kurason ora bo ta dun'é, pasobra pa e kos aki SEÑOR bo Dios lo bendishonábo den tur bo trabou i den tur loke bo ta hasi.

15:11 Pasobra nunka lo no falta hende pober na e tera; pesei mi ta ordenábo, bisando: 'Lo bo habri bo man hanchu pa bo ruman, pa esun den nesesidat i pa e hende pober na bo tera.'

15:12 "Si bo ruman, un hòmber òf muhé hebreo, wòrdu bendí ku bo, e ora ei e lo sirbibo seis aña, ma e di shete aña bo mester lagu'é bai liber.

15:13 I ora bo lagu'é bai liber, no mand'é bai man bashí.

15:14 Dun'é generosamente for di bo tou di bestia chikitu, for di bo plenchi-di-bati-mainshi i for di bo baki-di-pèrs-wendrùif; dun'é segun SEÑOR bo Dios a bendishonábo.

15:15 Kòrda ku bo tabata esklabu na tera di Egipto i ku SEÑOR bo Dios a redimíbo; pesei mi ta ordenábo e kos aki awe.

15:16 "I lo sosodé ku si e esklabu bisabo: 'Mi no kier bai for di bo,' pasobra e ta stima abo i e hendenan di bo kas, komo ku ta bai é bon serka bo,

15:17 e ora ei kohe un prim i pasa esaki dor di su orea kontra e porta, i e lo ta bo sirbidó pa semper; i hasi meskos tambe ku bo sirbidó muhé.

15:18 "Lo no kai bo duru ora bo lagu'é bai liber, pasobra el a dunabo seis aña di dòbel sirbishi di un hòmber kontratá; asina SEÑOR bo Dios lo bendishonábo den tur loke bo ta hasi.

15:19 "Konsagrá na SEÑOR bo Dios tur e primogénitonan machu ku nase di bo kria di baka i di bo tou di bestia chikitu; no traha ku e primogénito di bo kria di baka ni pela e primogénito di bo tou di karné.

15:20 Abo i e hendenan di bo kas mester kome esaki tur aña dilanti di SEÑOR bo Dios na e lugá ku SEÑOR skohe.

15:21 Ma si e tin un defekto, esta, si e ta koho òf siegu òf si e tin kualke defekto serio, bo no mag ofresé esaki komo sakrifisio na SEÑOR bo Dios.

15:22 Bo mester kom'é den bo statnan. Tantu esun impuru komo esun limpi por kom'é, manera ta kome gasèl òf biná.

15:23 Ma bo no mag kome su sanger. Bo mester basha esaki riba suela manera awa.

Deuteronomio 16

16:1 "Warda luna di Abib i selebrá Pasku na SEÑOR bo Dios, pasobra den luna di Abib SEÑOR bo Dios a sakabo den anochi for di Egipto.

16:2 I ofresé e sakrifisio di Pasku na SEÑOR bo Dios for di e karnénan i for di e bakanan, na e lugá ku SEÑOR skohe pa stablesé Su nòmber.

16:3 No kom'é ku pan ku tin zürdeg aden; shete dia bo mester kom'é ku pan sin zürdeg, e pan di aflikshon, (pasobra den purá bo a sali for di tera di Egipto), pa henter bo bida bo rekòrdá e dia ku bo a sali for di tera di Egipto.

H398 -- No kom'é -> You shall not eat
H2557 -- ku tin zürdeg -> leavened
H2557 -- aden -> bread
H7651 -- ; shete -> with it; seven
H398 -- bo mester kom'é -> you shall eat
H4682 -- ku pan sin zürdeg -> with it unleavened
H3117 -- dia -> days
H3117 -- dia -> the day
H4682 -- , e pan -> bread
H3899 -- , e pan -> the bread
H6040a -- di aflikshon -> of affliction
H3318 -- (pasobra -> (for you came
H2649 -- den purá -> in haste
H776 -- for di tera -> out of the land
H4714 -- di Egipto) -> of Egypt
H4616 -- , pa -> ), so
H2142 -- bo rekòrdá -> that you may remember
H3605 -- henter -> all
H3117 -- bo bida -> the days
H2425b -- bo bida -> of your life
H3318 -- ku bo a sali -> when you came
H776 -- for di tera -> out of the land
H4714 -- di Egipto -> of Egypt

16:4 Pa shete dia zürdeg no mag wòrdu mirá den henter bo teritorio, i nada di e karni ku bo ofresé komo sakrifisio riba e anochi di e promé dia no mag keda henter anochi te mainta.

16:5 "Bo no mag ofresé e sakrifisio di Pasku den ningun di bo statnan ku SEÑOR bo Dios ta dunabo,

16:6 ma na e lugá ku SEÑOR bo Dios skohe pa stablesé Su nòmber bo mester ofresé e sakrifisio di Pasku atardi ora solo ta baha, na e ora ku bo a sali for di Egipto.

16:7 I kushin'é i kom'é na e lugá ku SEÑOR bo Dios skohe. I mainta bo mester bolbe na bo tèntnan.

16:8 Seis dia bo mester kome pan sin zürdeg, i riba e di shete dia lo tin un asamblea solèm na SEÑOR bo Dios; no hasi trabou riba e dia ei.

16:9 "Konta shete siman pa bo mes; kuminsá konta shete siman for di e momento ku bo kuminsá pone machete na e mainshi den kunuku.

16:10 E ora ei selebrá e Fiesta di Simannan na SEÑOR bo Dios ku un tributo di un ofrenda boluntario di bo man, ku bo mester duna segun SEÑOR bo Dios ta bendishonábo;

16:11 i regosihá dilanti di SEÑOR bo Dios, abo, bo yu hòmber, bo yu muhé, bo sirbidónan hòmber i muhé, e levita ku ta den bo stat, e stranhero, e wérfano i e biuda ku ta meimei di bo, na e lugá ku SEÑOR bo Dios skohe pa stablesé Su nòmber.

H8055 -- i regosihá -> and you shall rejoice
H6440 -- dilanti di -> before
H430 -- bo Dios -> your God
H1121 -- abo, bo yu hòmber -> you and your son
H1323 -- bo yu muhé -> and your daughter
H5650 -- bo sirbidónan hòmber -> and your male
H5650 -- sirbidónan -> servants
H519 -- i muhé -> and female
H3881 -- e levita -> and the Levite
H834 -- ku -> who
H8179 -- ta den bo stat -> is in your town
H1616 -- e stranhero -> and the stranger
H3490 -- e wérfano -> and the orphan
H490 -- i e biuda -> and the widow
H834 -- ku -> who
H7130 -- ta meimei di bo -> are in your midst
H4725 -- na e lugá -> in the place
H834 -- ku -> where
H430 -- bo Dios -> your God
H977 -- skohe -> chooses
H7931 -- pa stablesé -> to establish
H8034 -- Su nòmber -> His name

16:12 Kòrda ku bo tabata esklabu na Egipto, i pèrkurá di kumpli ku e statutonan aki.

16:13 "Selebrá e Fiesta di Tabernakelnan shete dia despues ku bo a rekohé kosecha for di bo plenchi-di-bati-mainshi i for di bo baki-di-pèrs-wendrùif;

16:14 i regosihá na bo fiesta, abo, bo yu hòmber, bo yu muhé, bo sirbidónan hòmber i muhé i e levita, e stranhero, e wérfano i e biuda, kendenan ta biba den bo statnan.

16:15 Selebrá pa shete dia un fiesta na SEÑOR bo Dios, na e lugá ku SEÑOR skohe, pasobra SEÑOR bo Dios lo bendishonábo den henter bo kosecha i den tur e trabou di bo mannan, asina ku lo bo ta bèrdaderamente yen di goso.

H7651 -- Selebrá pa shete -> Seven
H2287 -- Selebrá -> you shall celebrate
H3117 -- dia -> days
H2287 -- un fiesta -> a feast
H430 -- bo Dios -> your God
H4725 -- na e lugá -> in the place
H977 -- skohe -> chooses
H430 -- bo Dios -> your God
H1288 -- lo bendishonábo -> will bless
H834 -- ku -> which
H3605 -- den henter -> you in all
H8393 -- bo kosecha -> your produce
H3605 -- i den tur -> and in all
H3588 -- pasobra -> because
H4639 -- e trabou -> the work
H3027 -- di bo mannan -> of your hands
H389 -- asina ku lo bo ta bèrdaderamente -> so that you will be altogether
H8056 -- yen di goso -> joyful

16:16 "Tres biaha pa aña tur bo hòmbernan mester presentá dilanti di SEÑOR bo Dios na e lugá ku E skohe, na e Fiesta di Pan Sin Zürdeg, na e Fiesta di Simannan i na e Fiesta di Tabernakelnan, i nan no mester presentá dilanti di SEÑOR man bashí.

H7969 -- "Tres -> Three
H6471 -- biaha -> times
H8141 -- pa aña -> in a year
H2138 -- bo hòmbernan -> your males
H3605 -- tur -> all
H7200 -- mester presentá -> shall appear
H6440 -- dilanti di -> before
H430 -- bo Dios -> your God
H4725 -- na e lugá -> in the place
H977 -- ku E skohe -> He chooses
H2282 -- na e Fiesta -> at the Feast
H4682 -- di Pan Sin Zürdeg -> of Unleavened
H4682 -- Pan Sin Zürdeg -> Bread
H2282 -- na e Fiesta -> and at the Feast
H7620 -- di Simannan -> of Weeks
H2282 -- i na e Fiesta -> and at the Feast
H5521 -- di Tabernakelnan -> of Booths
H834 -- ku -> which
H7200 -- i nan no mester presentá -> and they shall not appear
H6440 -- dilanti di -> before
H7387 -- man bashí -> empty-handed

16:17 Tur hende mester duna manera e por, konforme e bendishon di SEÑOR bo Dios ku El a dunabo.

16:18 "Nombra pa bo mes huesnan i ofisialnan den tur bo statnan ku SEÑOR bo Dios ta dunabo, segun bo tribunan, i nan lo huzga e pueblo ku huisio hustu.

16:19 No trose hustisia, no hasi distinshon di persona i no aseptá plaka pasá bou di mesa, pasobra plaka pasá bou di mesa ta siega wowo di e sabí i ta pèrvèrtí e palabranan di e hustu.

16:20 Sigui hustisia, i solamente hustisia, pa bo biba i poderá di e tera ku SEÑOR bo Dios ta dunabo.

16:21 "No planta pa bo mes un Asera di ningun sorto di palu banda di e altar di SEÑOR bo Dios, ku bo ta traha pa bo mes.

16:22 Tampoko no lanta pa bo mes un pilar sagrado, lokual SEÑOR bo Dios ta odia.