Buska den Beibel

1 Samuel 28; 1 Samuel 29; 1 Samuel 30; 1 Samuel 31 BSNP Edita

1 Samuel 28

28:1 Awor a sosodé ku den e dianan ei e filisteonan a mobilisá nan ehérsitonan pa guera, pa bringa kontra Israel. I Akis a bisa David: "Komprendé bon ku ta ku mi bo mester sali bai bataya, abo ku bo hòmbernan."

28:2 I David a bisa Akis: "Masha bon, lo bo haña sa kiko bo sirbidó por hasi." Anto Akis a bisa David: "Masha bon, lo mi hasibo mi warda espalda pa henter mi bida."

28:3 Awor Samuel a muri kaba, i henter Israel a lamentá su morto i a der'é na Rama, su mes stat. I Saul a saka esnan ku tabata montadó i spiritista for di e tera.

28:4 Asina e filisteonan a reuní nan mes i a bin kampa na Sunem; i Saul a reuní henter Israel i nan a kampa na Gilboa.

28:5 Ora Saul a mira e kampamentu di e filisteonan, el a haña miedu, i su kurason tabata tembla mashá.

28:6 Ora Saul a konsultá ku SEÑOR, SEÑOR no a kontest'é, ni pa medio di soño, ni pa medio di Urim, ni pa medio di profeta.

28:7 E ora ei Saul a bisa su sirbidónan: "Buska pa mi un muhé ku ta montadó, pa mi bai serka djé i konsultá kuné." I su sirbidónan a bis'é: "Mira, na Endor tin un muhé ku ta montadó."

28:8 E ora ei Saul a disfrasá su mes dor di bisti otro paña, i a bai, é ku dos hòmber huntu kuné; i anochi nan a yega serka e muhé. I Saul a bisa: "Pa fabor, invoká un spiritu pa mi, i lanta pa mi esun ku mi mentabo su nòmber."

28:9 Ma e muhé a bis'é: "Mira, bo mes sa kiko Saul a hasi, kon el a kòrta tur esnan ku ta montadó i spiritista kita for di e tera. Pakiko anto bo ta pone un trampa pa mi bida pa kousa mi morto?"

H802 -- Ma e muhé -> But the woman
H559 -- a bis'é -> said
H2009 -- Mira -> to himBehold
H3045 -- bo mes sa -> you know
H834 -- kiko -> what
H7586 -- Saul -> Saul
H6213a -- a hasi -> has done
H834 -- kon -> how
H3772 -- el a kòrta -> he has cut
H178 -- tur esnan ku ta montadó -> those who are mediums
H3772 -- kita -> off
H3049 -- i spiritista -> and spiritists
H776 -- for di e tera -> from the land
H4100 -- Pakiko -> . Why
H5367 -- anto bo ta pone -> are you then laying
H5367 -- un trampa -> a snare
H5315 -- pa mi bida -> for my life
H4191 -- pa kousa -> to bring
H4191 -- mi morto -> about my death

28:10 Anto Saul a hur'é pa SEÑOR, bisando: "Manera SEÑOR ta biba, lo no bin ningun kastigu riba bo pa e kos aki."

28:11 E ora ei e muhé a bisa: "Ken mi mester lanta pa bo?" I el a bisa: "Lanta Samuel pa mi."

28:12 Ora ku e muhé a mira Samuel, el a dal un gritu duru; i e muhé a papia ku Saul, bisando: "Pakiko bo a gañami? Ta bo mes ta Saul!"

28:13 I rei a bis'é: "No tene miedu; ma kiko bo ta mira?" I e muhé a bisa Saul: "Mi ta mira un ser dibino ta sali for di tera."

28:14 I Saul a bis'é: "Kon su figura ta?" I e muhé a bisa: "Un hòmber bieu ta sali bin ariba, ku un mantel na su kurpa." I Saul a komprendé ku tabata Samuel, i el a tira su kurpa abou i a bùig ku su kara te na suela.

28:15 E ora ei Samuel a bisa Saul: "Pakiko bo a molestiámi dor di hasimi bin?" I Saul a kontestá: "Mi ta den gran angustia, pasobra e filisteonan ta hasi guera kontra mi, i Dios a bai for di mi i no ta kontestámi mas, ni pa medio di profeta, ni pa medio di soño; pesei mi a yamabo, pa bo lagami sa kiko mi mester hasi."

H8050 -- E ora ei Samuel -> Then Samuel
H7586 -- a bisa Saul -> to Saul
H4100 -- : "Pakiko -> Why
H559 -- a bisa -> said
H7264 -- bo a molestiámi -> have you disturbed
H5927 -- dor di hasimi -> me by bringing
H7586 -- bin?" I Saul -> me up?” And Saul
H6030a -- a kontestá -> answered
H3966 -- : "Mi ta den gran -> I am greatly
H6887a -- angustia -> distressed
H6430 -- , pasobra e filisteonan -> for the Philistines
H3898a -- ta hasi -> are waging
H3898a -- guera -> war
H430 -- kontra mi, i Dios -> against me, and God
H5493 -- a bai for di -> has departed
H3808 -- mi i no -> from me and no
H5750 -- ta kontestámi -> longer
H6030a -- ta kontestámi -> answers
H1571 -- mas, ni -> me, either
H3027 -- pa medio di -> through
H5030 -- profeta -> prophets
H1571 -- , ni -> or
H2472 -- pa medio di soño -> by dreams
H7121 -- ; pesei mi a yamabo -> therefore I have called
H3045 -- , pa bo lagami -> you, that you may make
H3045 -- sa -> known
H4100 -- kiko -> to me what
H6213a -- mi mester hasi." -> I should do

28:16 I Samuel a bisa: "Pakiko bo ta puntrami anto, siendo ku SEÑOR a bai for di bo i a bira bo atversario?

28:17 I SEÑOR a hasi manera El a papia pa medio di mi, pasobra SEÑOR a sker e reino kit'é for di bo man i a dun'é na bo próhimo, na David.

28:18 Komo ku bo no a obedesé SEÑOR i no a ehekutá Su rabia ardiente kontra Amalek, pesei SEÑOR a hasi e kos aki ku bo awe.

28:19 Ademas, SEÑOR lo entregá Israel tambe huntu ku bo den man di e filisteonan; pesei mañan abo i bo yu hòmbernan lo ta huntu ku mi. Tambe SEÑOR lo entregá e ehérsito di Israel den man di e filisteonan!"

28:20 I mesora Saul a kai tur su largu riba suela, mashá spantá pa motibu di e palabranan di Samuel; e no tabatin forsa mas tampoko, pasobra henter dia i henter anochi e no a kome.

28:21 I e muhé a bin serka Saul i a mira ku e tabata morto spantá, i el a bis'é: "Mira, bo sirbiente a obedesébo, i mi a riska mi bida i a skucha bo palabranan ku bo a papia ku mi.

28:22 Pesei awor tambe, pa fabor, skucha e bos di bo sirbiente, i lagami pone un pida pan bo dilanti, pa bo kome i tin forsa ora bo ta sigui bo kaminda."

28:23 Ma el a nenga i a bisa: "Mi no kier kome." Sinembargo, su sirbidónan huntu ku e muhé a insistí, i el a skucha nan. Asina el a lanta for di suela i a kai sinta riba kama.

28:24 I e muhé tabatin un bishé gòrdá den kas, i el a mat'é mesora. I el a kohe hariña, a mans'é, i a traha pan sin zürdeg kuné.

28:25 Anto el a trese esaki pa Saul ku su sirbidónan, i nan a kome. Despues nan a lanta i a bai e mesun anochi ei.

1 Samuel 29

29:1 Awor e filisteonan a reuní tur nan ehérsitonan na Afek, mientras ku e israelitanan tabata kampa banda di e fuente ku ta keda na Jezreel.

29:2 I e prensnan di e filisteonan tabata pasa bai na shennan i na milnan, i David ku su hòmbernan tabata sigui mas patras, huntu ku Akis.

29:3 E ora ei e komandantenan di e filisteonan a bisa: "Ta kiko e hebreonan aki ta hasi akinan?" Anto Akis a bisa e komandantenan di e filisteonan: "Esaki no ta David, sirbidó di Saul, rei di Israel, esun ku tabata huntu ku mi e dianan aki, òf mihó bisá e añanan aki; i mi no a haña ningun falta den djé for di dia ku el a pasa pa mi banda te dia djawe."

29:4 Ma e komandantenan di e filisteonan tabata rabiá kuné, i e komandantenan di e filisteonan a bis'é: "Manda e hòmber aki bai bèk, pa e bolbe na e lugá kaminda bo a pon'é, i no lagu'é bai bataya ku nos, pa e no bira un atversario di nos den bataya. Pasobra ku kiko e hòmber aki por hasi su mes aseptabel serka su señor? No ta ku kabes di e hòmbernan aki?

29:5 Esaki no ta e David, di kende nan ta kanta den e bailenan, bisando: 'Saul a mata su milnan, i David su dies milnan'?"

29:6 E ora ei Akis a yama David i a bis'é: "Manera SEÑOR ta biba, bo tabata hustu, i bo salida i bo entrada huntu ku mi den e ehérsito ta agradabel den mi bista, pasobra for di dia ku bo a bin serka mi te dia djawe mi no a haña maldat den bo. Sinembargo, bo no ta agradabel den bista di e prensnan.

29:7 Pesei awor, bolbe i bai na pas, pa bo no desagradá e prensnan di e filisteonan."

29:8 I David a bisa Akis: "Ma ta kiko mi a hasi? I ta kiko bo a haña den bo sirbidó for di e dia ku mi a bin den bo presensia te dia djawe, ku mi no tin mag di bai bringa kontra e enemigunan di señor mi rei?"

29:9 Ma Akis a kontestá i a bisa David: "Mi sa ku bo ta agradabel den mi bista, manera un angel di Dios; sinembargo, e komandantenan di e filisteonan a bisa: 'E no mag bai bataya huntu ku nos.'

29:10 Pesei anto, lanta mainta tempran huntu ku e sirbidónan di bo señor ku a bin ku bo, i sali bai mainta tempran, asina ku tin klaridat di dia."

29:11 Asina David a lanta tempran, é ku su hòmbernan, pa sali bai mainta, pa bolbe na e tera di e filisteonan. I e filisteonan a subi bai Jezreel.

1 Samuel 30

30:1 Awor a sosodé ku ora David ku su hòmbernan a yega Ziklag riba e di tres dia, nan a haña ku e amalekitanan a invadí Negèv i Ziklag, i a derotá Ziklag i a kim'é ku kandela;

30:2 i nan a kapturá e muhénan i tur hende ku tabata den e stat, tantu chikitu komo grandi, sin mata ni un, i a bai ku nan, i a sigui nan kaminda.

30:3 I ora David ku su hòmbernan a yega na e stat, mira, nan a haña esaki kimá ku kandela, i ku nan esposanan i nan yu hòmbernan i nan yu muhénan a wòrdu kohí komo katibu.

30:4 E ora ei David i e hendenan ku tabata huntu kuné a halsa nan bos i a yora te ora nan no tabatin forsa mas pa yora.

30:5 Awor David su dos esposanan tambe a wòrdu kapturá: Ahinoam e jezreelita, i Abigail, biuda di Nabal e karmelita.

30:6 Ademas, David tabatin un angustia grandi, pasobra e pueblo tabata bisa ku nan kier a piedr'é, pasobra henter e pueblo tabata amargá, kada un pa motibu di su yu hòmbernan i su yu muhénan. Ma David a fortalesé su mes den SEÑOR su Dios.

30:7 E ora ei David a bisa saserdote Abiatar, yu hòmber di Ahimelek: "Pa fabor, trese e efòd pa mi." Asina Abiatar a trese e efòd pa David.

30:8 I David a konsultá ku SEÑOR, bisando: "Mi mester pèrsiguí e trupa aki? Lo mi alkansá nan?" I SEÑOR a bis'é: "Pèrsiguí nan, pasobra siguramente lo bo alkansá nan i siguramente lo bo reskatá tur."

30:9 Asina David a bai, é ku e seis shen hòmbernan ku tabata huntu kuné, i a yega na Roi Besor, kaminda esnan ku a ked'atras tabata.

30:10 Ma David a sigui pèrsiguí, é ku kuater shen hòmber, pasobra dos shen ku tabata muchu kansá pa krusa Roi Besor a ked'atras.

30:11 Awor nan a haña un egipsio den kunuku i a tres'é serka David; i nan a dun'é pan i el a kome, i nan a dun'é awa pa bebe.

30:12 I nan a dun'é un pida di un klòmpi di figo i dos tròshi di rasenchi, i el a kome; e ora ei su spiritu a rebibá. Pasobra pa tres dia i tres anochi e no a kome pan ni bebe awa.

30:13 I David a bis'é: "Na ken bo ta pertenesé? I di unda bo ta?" I el a bisa: "Mi ta un hoben di Egipto, un sirbidó di un amalekita; i mi shon a lagami atras tres dia pasá, ora mi a bira malu.

30:14 Nos a invadí Negèv di e kereteonan i loke ta pertenesé na Juda i Negèv di Kalèb, i nos a kima Ziklag ku kandela."

30:15 E ora ei David a bis'é: "Bo por hibami serka e trupa aki?" I el a bisa: "Hurami pa Dios ku lo bo no matami ni entregámi den man di mi shon, i lo mi hibabo serka e trupa aki."

30:16 I ora ku el a hiba David ayanan, mira, nan tabata plamá ofer di henter e teritorio ta kome, bebe i balia, pa motibu di henter e gran botín ku nan a kohe for di e tera di e filisteonan i for di e tera di Juda.

30:17 I David a mata nan for di ora solo a baha te na e anochi di e siguiente dia; i ni un hende di nan no a skapa, ku eksepshon di kuater shen hoben ku a hui riba kamel.

30:18 Asina David a rekobrá tur loke e amalekitanan a kohe, i a reskatá su dos esposanan.

30:19 Ma nan no a pèrdè nada di loke tabata di nan, ni chikitu ni grandi, ni yu hòmber ni yu muhé, ni botín, ni nada di loke e amalekitanan a kohe pa nan mes; David a trese tur bèk.

30:20 Asina David a kapturá tur e karnénan i e bakanan ku e pueblo a hunta manda dilanti di e otro bestianan di kria, i nan a bisa: "Esaki ta David su botín."

30:21 E ora ei David a yega serka e dos shen hòmbernan ku tabata muchu kansá pa sigui David i ku a wòrdu lagá atras na Roi Besor; i nan a sali pa kontra ku David i pa kontra ku e pueblo ku tabata huntu kuné. I David a aserká e pueblo i a saludá nan.

30:22 E ora ei tur e hòmbernan malbado i pèrvèrso ku tabatin entre esnan ku a bai ku David a kontestá i a bisa: "Komo ku nan no a bai ku nos, nos no ta duna nan nada di e botín ku nos a rekobrá, sino na kada hòmber su esposa i su yunan, pa nan kohe nan bai ku nan."

30:23 E ora ei David a bisa: "Mi rumannan, boso no mester hasi asina ku loke SEÑOR a duna nos; El a warda nos i a entregá den nos man e trupa ku a bin kontra nos.

30:24 I ken lo skucha boso den e asunto aki? Pasobra manera e parti di esun ku ta bai bataya ta, asina e parti di esun ku ta keda ku e ekipahe mester ta; nan parti lo ta igual."

30:25 I desde e dia ei a keda asina, ku David a hasi esaki un statuto i un ordenansa pa Israel te dia djawe.

30:26 Awor ora David a yega Ziklag, el a manda parti di e botín pa e ansianonan di Juda, pa su amigunan, bisando: "Ata un regalo pa boso for di e botín di e enemigunan di SEÑOR."

30:27 Esaki el a manda pa esnan ku tabata na Bèt-èl, pa esnan ku tabata na Ramot di Negèv, pa esnan ku tabata na Jatir;

30:28 pa esnan ku tabata na Aroer, pa esnan ku tabata na Sifmot, pa esnan ku tabata na Estemoa;

30:29 pa esnan ku tabata na Rakal, pa esnan ku tabata den e statnan di e jerameelitanan, pa esnan ku tabata den e statnan di e keneonan;

30:30 pa esnan ku tabata na Horma, pa esnan ku tabata na Korasan, pa esnan ku tabata na Atak;

30:31 pa esnan ku tabata na Hebròn i pa tur e lugánan kaminda David mes i su hòmbernan tabatin kustumber di bai.

1 Samuel 31

31:1 Awor e filisteonan tabata bringa kontra Israel; i e hòmbernan di Israel a hui dilanti di e filisteonan i a wòrdu matá riba Seru Gilboa.

31:2 I e filisteonan a alkansá Saul i su yu hòmbernan; i e filisteonan a mata Jonatan, Abinadab i Malkisúa, e yu hòmbernan di Saul.

31:3 I e bataya a sigui pisá kontra Saul; i e tiradónan di flecha a rak'é, i el a keda gravemente heridá dor di e tiradónan di flecha.

31:4 E ora ei Saul a bisa su kargadó di arma: "Saka bo spada i traspasámi kuné, pa e hendenan insirkumsidá aki no bin traspasámi i hasi bofon di mi." Ma su kargadó di arma no tabata kier, pasobra e tabatin masha miedu. Pesei Saul a kohe su spada i a tira su kurpa riba djé.

H7586 -- E ora ei Saul -> then saul
H3627 -- su kargadó di arma -> to his armor
H5375 -- su kargadó di arma -> bearer
H8025 -- Saka -> Draw
H2719 -- bo spada -> your sword
H559 -- a bisa -> said
H1856 -- i traspasámi -> and pierce
H1856 -- traspasámi -> me through
H6435 -- kuné, pa -> with it, otherwise
H428 -- e hendenan -> these
H6189 -- insirkumsidá -> uncircumcised
H935 -- no bin -> will come
H1856 -- traspasámi -> and pierce
H1856 -- traspasámi -> me through
H5953a -- i hasi -> and make
H5953a -- bofon -> sport
H3627 -- di mi. Ma su kargadó di arma -> of me.” But his armor
H5375 -- su kargadó di arma -> bearer
H14 -- no tabata kier -> would
H3966 -- pasobra e tabatin masha -> not, for he was greatly
H3372a -- miedu -> afraid
H7586 -- Pesei Saul -> . So Saul
H2719 -- su spada -> his sword
H5307 -- a tira -> and fell
H3947 -- a kohe -> took

31:5 I ora su kargadó di arma a mira ku Saul tabata morto, e tambe a tira su kurpa riba su spada i a muri huntu kuné.

31:6 Asina Saul a muri e dia ei, huntu ku su tres yu hòmbernan, su kargadó di arma i tur su hòmbernan.

31:7 I ora ku e hòmbernan di Israel ku tabata na e otro banda di e vaye, i esnan ku tabata na e otro banda di Jordan, a mira ku e hòmbernan di Israel a hui i ku Saul i su yu hòmbernan tabata morto, nan a bandoná e statnan i a hui; despues e filisteonan a bin biba den nan.

H376 -- I ora ku e hòmbernan -> When the men
H834 -- ku -> who
H5676 -- tabata na e otro -> were on the other
H5676 -- banda -> side
H6010 -- di e vaye -> of the valley
H3478 -- di Israel -> of israel
H3478 -- di Israel -> of israel
H834 -- , i esnan ku -> with those who
H5676 -- tabata na e otro banda -> were beyond
H7200 -- a mira -> saw
H376 -- ku e hòmbernan -> that the men
H5127 -- a hui -> had fled
H7586 -- i ku Saul -> and that Saul
H1121 -- i su yu hòmbernan -> and his sons
H4191 -- tabata morto -> were dead
H5800a -- nan a bandoná -> they abandoned
H5892b -- e statnan -> the cities
H5127 -- i a hui -> and fled
H6430 -- despues e filisteonan -> then the Philistines
H935 -- a bin -> came
H3427 -- biba -> and lived
H3383 -- Jordan -> the jordan

31:8 I a sosodé ku su manisé, ora ku e filisteonan a bin pa plùnder e mortonan, nan a haña Saul i su tres yu hòmbernan bentá abou riba Seru Gilboa.

31:9 I nan a kap su kabes kit'afó i a kita su armanan manda nan dor di henter e tera di e filisteonan, pa hiba e bon nobo pa e kas di nan ídolonan i pa e pueblo.

31:10 I nan a pone su armanan den e tèmpel di Astarot, i nan a pega su kurpa na e muraya di Bèt-san.

31:11 Awor ora ku e habitantenan di Jabes di Galaad a tende kiko e filisteonan a hasi ku Saul,

31:12 tur e hòmbernan balente a lanta i a kana henter anochi, i a kohe e kurpa di Saul i e kurpanan di su yu hòmbernan for di e muraya di Bèt-san; i nan a bin Jabes i a kima nan ayanan.

31:13 I nan a kohe nan wesunan i a dera nan bou di e palu di tamarisko na Jabes, i a yuna shete dia largu.