E Kanto di tur Kanto 2

BSNP Edita

E Kanto di tur Kanto 2

2:1 "Ami ta e rosa di Saron, e leli di e vayenan."

2:2 "Manera un leli meimei di sumpiña, asina mi amor ta meimei di e mucha muhénan."

2:3 "Manera un palu di apel meimei di e palunan di mondi-será, asina mi stimá ta meimei di e yònkumannan. Mi a gosa grandemente di sinta den su sombra, i su fruta tabata dushi na mi shel'i boka.

H8598 -- Manera un palu di apel -> Like an apple
H8598 -- Manera un palu di apel -> tree
H6086 -- meimei di e palunan -> among the trees
H3293a -- di mondi-será -> of the forest
H3651 -- , asina -> So
H1730 -- mi stimá ta -> is my beloved
H996 -- meimei di -> among
H1121 -- e yònkumannan -> the young
H1121 -- e yònkumannan -> men
H6738 -- . Mi a gosa grandemente di sinta den su sombra -> . In his shade
H2530 -- . Mi a gosa grandemente di sinta den su sombra -> I took
H2530 -- . Mi a gosa grandemente di sinta den su sombra -> great delight
H3427 -- . Mi a gosa grandemente di sinta den su sombra -> and sat
H3427 -- . Mi a gosa grandemente di sinta den su sombra -> down
H6529 -- , i su fruta -> And his fruit
H4966 -- tabata dushi -> was sweet
H2441 -- na mi shel'i boka -> to my taste

2:4 El a hibami na su sala di bankete, i su bandera ofer di mi ta amor.

2:5 Sostenémi ku klòmpi di rasenchi, refreskámi ku apel, pasobra mi ta malu di amor.

2:6 Laga su man robes ta bou di mi kabes i su man drechi brasami."

2:7 "Mi ta hura boso, O yu muhénan di Jerusalèm, pa e gasèlnan òf pa e binánan di sabana, pa boso no lanta ni spièrta mi amor te ora ku e ta deseá esaki."

2:8 "Tende! Mi stimá! At'é ta bin, subiendo e serunan, bulando riba e seritunan!

2:9 Mi stimá ta manera un gasèl òf un yu di biná. Mira, e ta para tras di nos muraya, e ta wak dor di e bentananan; e ta lur dor di e tralinan.

2:10 Mi stimá a kontestá i a bisami: 'Lanta, mi amor, mi bunita, i ban ku mi.

2:11 Pasobra, mira, wenter a pasa, awaseru a pasa i a disparsé.

2:12 E flornan a sali kaba den e tera; a yega e tempu pa snui mata di wendrùif, i e bos di tòrteldùif a wòrdu tendí den nos tera.

2:13 E palu di figo a hasi su figonan hecha, i e matanan di wendrùif na flor ta manda nan holó dushi. Lanta, mi amor, mi bunita, i ban ku mi!'"

2:14 "O mi palomba, den e skernan di baranka, na e lugá sekreto di e subida di baranka, lagami mira bo kara; lagami tende bo bos; pasobra bo bos ta dushi, i bo kara ta bunita."

2:15 "Kohe e zoronan pa nos, e zoronan chikitu ku ta ruiná e kunukunan di wendrùif, mientras ku nos kunukunan di wendrùif ta na flor."

2:16 "Mi stimá ta di mi, i mi ta di djé; e ta pastoriá su tou meimei di e lelinan.

2:17 Te na e ora fresku di dia ora ku e sombranan ta hui bai, bolbe, mi stimá, i sea manera un gasèl òf un yu di biná riba e serunan di Beter.

E Kanto di tur Kanto 1 E Kanto di tur Kanto 3