Salmonan 62

BSNP Edita

Salmonan 62

62:1 Di bèrdat, mi alma ta spera den kietut riba Dios so; mi salbashon ta bin for di djE.

62:2 E so ta mi baranka i mi salbashon; E ta mi defensa; lo mi no wòrdu sakudí muchu.

62:3 Kuantu tempu boso lo ataká un hende, pa boso mat'é, boso tur, manera un muraya ku ta kènter, manera un serká ku ta sakudí?

62:4 Nan a konsultá djis pa nan tumb'é for di su puesto haltu; nan tin delisia den engaño; ku nan boka nan ta bendishoná, ma paden nan ta maldishoná.

62:5 Mi alma ta spera den kietut riba Dios so, pasobra mi speransa ta den djE.

62:6 E so ta mi baranka i mi salbashon, mi defensa; lo mi no wòrdu moví.

62:7 Riba Dios mi salbashon i mi gloria ta sosegá; e baranka di mi fortalesa, mi refugio ta den Dios.

62:8 Konfia den djE na tur tempu, O pueblo; drama boso kurason Su dilanti; Dios ta un refugio pa nos.

62:9 Hende di nivel umilde ta solamente banidat, i hende di puesto haltu ta un mentira; den balansa nan no ta pisa nada; tur huntu nan ta pisa menos ku rosea.

62:10 No konfia den opreshon, ni pone speransa bano den ladronisia; si rikesa rende, no pega boso kurason na djé.

62:11 Un biaha Dios a papia; dos biaha mi a tende esaki: poder ta pertenesé na Dios;

62:12 i miserikòrdia ta di Bo, O Señor; pasobra Bo ta paga kada hende segun su obra.

Salmonan 61 Salmonan 63