Salmonan 6

BSNP Edita

6:1 O SEÑOR, no reprendémi den Bo rabia, ni kastigámi den Bo furia.

6:2 Tene miserikòrdia di mi, O SEÑOR, pasobra poko-poko mi bida ta kabando; kurami, O SEÑOR, pasobra mi wesunan ta desmayá.

6:3 I mi alma tambe ta masha desmayá; i Abo, O SEÑOR, kuantu tempu mas?

6:4 Bolbe, O SEÑOR, reskatá mi alma; salbami pa motibu di Bo miserikòrdia.

6:5 Pasobra den morto no tin rekuèrdo di Bo; ken lo dunaBo gradisimentu den Seol?

6:6 Mi ta kansá di suspirá; tur anochi mi ta hasi mi kama landa; mi ta muha mi kama ku mi aw'i wowo.

6:7 Mi wowo ta gastá pa kousa di tristesa; el a bira bieu pa motibu di tur mi atversarionan.

6:8 Bai for di mi, boso tur, hasidónan di inikidat, pasobra SEÑOR a tende e bos di mi yoramentu.

6:9 SEÑOR a tende mi súplika; SEÑOR ta risibí mi orashon.

6:10 Tur mi enemigunan lo keda brongosá i mashá molestiá; nan lo hal'atras, direpiente nan lo keda brongosá.benjaminita.