Salmonan 46

BSNP Edita

46:1 Dios ta nos refugio i fortalesa, un pronto ousilio den tempu di angustia.

46:2 Pesei nos lo no tin miedu, maske tera kita for di su lugá, i maske e serunan slep bai den e kurason di laman;

46:3 maske su awanan ronka i skuma, maske e serunan tembla dor di su furia.

46:4 Tin un riu, su koridanan ta alegrá e stat di Dios, e lugánan santu kaminda e Haltísimo ta biba.

46:5 Dios ta meimei di djé; e lo no wòrdu moví; Dios lo yud'é ora dia ta habri.

46:6 E nashonnan a borotá, e reinonan a tambaliá; El a halsa Su bos, tera a dirti.

46:7 E SEÑOR di ehérsitonan ta ku nos; e Dios di Jakòb ta nos refugio.

46:8 Bin, mira e obranan di SEÑOR, Kende a hasi desolashonnan riba tera.

46:9 E ta hasi gueranan stòp te na e fin di tera; E ta kibra bog i ta kòrta lansa na dos; E ta kima e garoshinan ku kandela.

46:10 "Sea ketu, i sabi ku Ami ta Dios; lo Mi wòrdu halsá meimei di e nashonnan, lo Mi wòrdu halsá riba tera."

46:11 E SEÑOR di ehérsitonan ta ku nos; e Dios di Jakòb ta nos refugio.