Salmonan 28

BSNP Edita

Salmonan 28

28:1 Na Bo, O SEÑOR, mi ta sklama; mi baranka, no sera Bo orea pa mi, pasobra si Bo keda ketu, lo mi bira manera esnan ku ta baha den pos.

28:2 Tende na e bos di mi súplikanan ora mi sklama na Bo pa yudansa, ora mi hisa mi mannan na Bo santuario santu.

28:3 No lastrami hiba ku e malbadonan, i ku esnan ku ta hasi inikidat, ku ta papia pas ku nan próhimo, mientras ku ta maldat tin den nan kurason.

28:4 Duna nan segun nan akshon, i segun e maldat di nan kustumbernan; duna nan segun e obranan di nan mannan; paga nan bèk loke nan meresé.

28:5 Pasobra nan no ta respetá e echonan di SEÑOR, ni e obranan di Su mannan, E lo basha nan abou i lo no lanta nan bèk.

28:6 Bendishoná sea SEÑOR, pasobra El a skucha bos di mi súplika.

28:7 SEÑOR ta mi fortalesa i mi eskudo; mi kurason ta konfia den djE, i mi ta wòrdu yudá; pesei mi kurason ta regosihá, i ku mi kantika lo mi alab'E.

28:8 SEÑOR ta nan fortalesa, i E ta un refugio di salbashon pa Su ungí.

28:9 Salba Bo pueblo i bendishoná Bo erensia; sea tambe nan wardadó i karga nan pa semper.

Salmonan 27 Salmonan 29