Salmonan 11

BSNP Edita

11:1 Den SEÑOR mi ta tuma refugio; kon boso por bisa mi alma: "Bula manera un parha, bai na bo seru;

11:2 pasobra, ata, e malbadonan ta span nan bog, nan ta pone nan flecha kla riba kuèrdè, pa tira den skuridat riba esnan rekto di kurason.

11:3 Ora ku e fundeshinan keda destruí, ta kiko e hustu por hasi?"

11:4 SEÑOR ta den Su tèmpel santu, SEÑOR Su trono ta den shelu; Su wowonan ta weita, Su klèpnan di wowo ta pone e yunan di hende na prueba.

11:5 SEÑOR ta pone e hustu i e malbado na prueba, ma esun ku ta gusta violensia Su alma ta odia.

11:6 Riba e malbadonan E lo laga yobe karbon sendí; kandela i swafel i un bientu ku ta kima ta loke nan ta haña pa bebe.

11:7 Pasobra SEÑOR ta hustu; E ta stima hustisia; e hende rekto lo mira Su kara.David.