Nehemias 10
10:1
Awor riba e dokumento seyá tabatin e nòmbernan di: Gobernadó Nehemias, yu hòmber di Hakalias, i Sedekias,
10:2
Seraias, Azarias, Jeremias,
10:3
Pasur, Amarias, Malkias,
10:4
Hatus, Sebanias, Maluk,
10:5
Harim, Meremot, Obadias,
10:6
Daniel, Gineton, Baruk,
10:7
Mesulam, Abias, Mijamin,
10:8
Maazias, Bilgai, Semaias. Esakinan tabata e saserdotenan.i
10:9
I e levitanan: Jesúa, yu hòmber di Azanias, Binui di e yu hòmbernan di Henadad, Kadmiel;
10:10
tambe nan ruman hòmbernan: Sebanias, Hodias, Kelita, Pelaias, Hanan,
10:11
Mika, Rehob, Hasabias,
10:12
Zakur, Serebias, Sebanias,
10:13
Hodias, Bani, Beninu.i
10:14
E lidernan di e pueblo: Paros, Pahat-moab, Elam, Zatu, Bani,
10:15
Buni, Azgad, Bebai,
10:16
Adonias, Bigvai, Adin,
10:17
Ater, Ezekias, Azur,
10:18
Hodias, Hasum, Bezai,
10:19
Harif, Anatot, Nebai,
10:20
Magpias, Mesulam, Hezir,
10:21
Mesezabel, Sadok, Jadua,
10:22
Pelatias, Hanan, Anaias,
10:23
Oseas, Hananias, Hasub,
10:24
Halohes, Pilha, Sobek,
10:25
Rehum, Hasabna, Maaseias,
10:26
Ahias, Hanan, Anan,
10:27
Maluk, Harim i Baana.
10:28
"Awor e restu di e pueblo, e saserdotenan, e levitanan, e wardadónan-di-porta, e kantadónan, e sirbidónan di tèmpel, i tur esnan ku a separá nan mes for di e pueblonan di e teranan pa kumpli ku e lei di Dios, nan esposanan, nan yu hòmbernan i nan yu muhénan, tur esnan ku tabatin konosementu i komprendementu,
10:29
ta uni nan mes ku nan rumannan, nan nobelnan, i ta pone nan mes bou di un maldishon i un huramentu pa kana den e lei di Dios ku a wòrdu duná pa medio di Moisés, e sirbidó di Dios, i pa warda i kumpli ku tur e mandamentunan di DIOS nos Señor, i Su ordenansanan i Su statutonan.
10:30
"Nos ta primintí ku nos lo no duna nos yu muhénan na e pueblonan di e tera, ni tuma nan yu muhénan pa nos yu hòmbernan.
10:31
"Pa loke ta e pueblonan di e tera ku ta trese merkansia òf mainshi pa bende riba dia di sabat, nos lo no kumpra serka nan riba dia di sabat, ni riba un dia santu; i e di shete aña nos lo laga e tera sosegá i lo no kobra ningun debe.
10:32
"Tambe nos a pone nos mes bou di obligashon pa tur aña kontribuí ku un di tres parti di un siklo pa e sirbishi di e kas di nos Dios:
10:33
pa e pan di proposishon, pa e ofrenda di mainshi kontinuo, pa e ofrenda kimá kontinuo, pa e sabatnan, e lunanan nobo, pa e tempunan stipulá, pa e kosnan santu i pa e ofrendanan pa piká pa hasi ekspiashon pa Israel, i pa tur e trabou di e kas di nos Dios.
10:34
"Na mes manera nos a tira lòt entre e saserdotenan, e levitanan i e pueblo enkuanto e provishon di palu, pa nan trese esaki den e kas di nos Dios, konforme e kasnan di nos tatanan, na tempunan stipulá di tur aña, pa kima riba e altar di SEÑOR nos Dios, manera ta pará skirbí den lei.
10:35
"I pa nan trese e promé frutanan di nos suela i e promé frutanan di tur fruta di tur palu na e kas di SEÑOR tur aña,
10:36
i trese na e kas di nos Dios e primogénitonan di nos yu hòmbernan i di nos bestianan, i e primogénitonan di nos krianan di baka i di nos tounan di bestia chikitu, manera ta pará skirbí den lei, pa e saserdotenan ku ta sirbi den e kas di nos Dios.
10:37
"Tambe nos lo trese e promé produktonan di nos mansa, nos kontribushonnan, e frutanan di tur palu, e biña nobo i e zeta pa e saserdotenan na e kambernan di e kas di nos Dios, i e diesmo di nos suela pa e levitanan, pasobra ta e levitanan ta esnan ku ta risibí e diesmonan den e statnan di agrikultura.
10:38
I e saserdote, yu hòmber di Aaron, mester ta huntu ku e levitanan ora ku e levitanan ta risibí e diesmonan, i e levitanan mester trese un désimo parti di e diesmonan na e kas di nos Dios, na e kambernan di depósito.
10:39
Pasobra e yu hòmbernan di Israel i e yu hòmbernan di Leví mester trese e kontribushon di mainshi, e biña nobo i e zeta na e kambernan; ayanan e artíkulonan-di-uzo di e santuario, e saserdotenan ku ta sirbi, e wardadónan-di-porta i e kantadónan ta. "Asina nos lo no neglishá e kas di nos Dios."