Mikeas 7

BSNP Edita

Mikeas 7

7:1 Ai di mi! Pasobra mi ta manera e pikidónan di fruta i manera e kosechadónan di wendrùif. No tin ni un tròshi di wendrùif pa kome, ni un promé figo hechu ku mi ta deseá.

7:2 E persona fiel a peresé for di e tera, i no tin persona rekto meimei di hende. Nan tur ta skonde lur pa drama sanger; kada un di nan ta yag riba e otro ku un nèt.

7:3 Tur dos man ta eksperto den hasimentu di maldat. E prens ta eksigí regalo, e hues ta aseptá plaka pasá bou di mesa, i e hòmber poderoso ta papia e deseo di su alma; asina nan tur ta konspirá huntu.

7:4 Esun di mas mihó di nan ta manera un mata di sumpiña, esun di mas rekto ta pió ku un trankera di kadushi. E dia ku boso pone un guardia, boso kastigu lo bin. E ora ei nan konfushon lo bin.

7:5 No konfia bisiña; no tene konfiansa den un amigu. Warda e portanan di bo boka for di esun ku ta drumi na bo pechu.

7:6 Pasobra yu hòmber ta trata tata ku menospresio, yu muhé ta lanta kontra su mama, nuera kontra su suegra; un hende su enemigunan ta e hendenan di su mes kas.

7:7 Ma pa loke t'ami, lo mi warda ku speransa riba SEÑOR; lo mi spera riba e Dios di mi salbashon. Mi Dios lo tendemi.

7:8 No regosihá ofer di mi, O mi enemigu. Maske mi kai, lo mi lanta atrobe; maske mi biba den skuridat, SEÑOR ta un lus pa mi.

7:9 Lo mi soportá e indignashon di SEÑOR, pasobra mi a peka kontra djE, te ora ku E pleita mi kaso i ehekutá hustisia pa mi. E lo sakami hibami na e lus, i lo mi mira Su hustisia.

7:10 E ora ei esun ku ta mi enemigu lo mira, i bèrguensa lo tapa esun ku a bisami: "Unda SEÑOR bo Dios ta?" Mi wowo lo mira esun ku ta mi enemigu; e tempu ei e lo wòrdu trapá manera lodo di kaya.

7:11 Esaki lo ta un dia pa lanta bo murayanan. Riba e dia ei bo frontera lo wòrdu ekstendí.

7:12 Esaki lo ta un dia ku nan lo bin serka bo for di Asiria i e statnan di Egipto, for di Egipto te na Riu Eufrates, i di laman pa laman i di seru pa seru.

7:13 I tera lo bira desolá pa motibu di su habitantenan, pa motibu di e fruta di nan echonan.

7:14 Pastoriá Bo pueblo ku Bo sèpter, e tou di Bo erensia ku ta biba solitario den mondi-será, meimei di un kunuku fértil. Laga nan kome na Basan i Galaad manera den e dianan di promé aya.

7:15 "Manera den e dianan ku boso a sali for di tera di Egipto, lo mi mustra boso milagernan."

7:16 Nashonnan lo mira i keda brongosá di tur nan poder. Nan lo pone man na boka; nan orea lo bira sordo.

7:17 Nan lo lembe stòf manera kolebra, manera bestia ku ta lastra riba tera. Nan lo sali na temblamentu for di nan fòrtinan; ku temor nan lo bin serka SEÑOR nos Dios, i nan lo tin miedu Bo dilanti.

7:18 Ken ta un Dios manera Bo, Kende ta pordoná inikidat i ta pasa e akto di rebeldia di e restante di Su erensia forbei? E no ta keda rabiá pa semper, pasobra E tin delisia den miserikòrdia ku no ta kambia.

H4310 -- Ken -> Who
H410 -- ta un Dios -> is a God
H3644 -- manera -> like
H5375 -- Bo, Kende ta pordoná -> You, who pardons
H5771 -- inikidat -> iniquity
H5674a -- i ta pasa -> And passes
H6588 -- e akto di rebeldia -> the rebellious
H6588 -- e akto di rebeldia -> act
H7611 -- di e restante -> of the remnant
H5159 -- di Su erensia -> of His possession
H5921 -- forbei -> over
H2388 -- ? E no ta keda -> ? He does not retain
H639 -- rabiá -> His anger
H5703 -- pa semper -> forever
H2654a -- pasobra E tin delisia -> He delights
H2617a -- den miserikòrdia ku no ta kambia -> in unchanging
H2617a -- den miserikòrdia ku no ta kambia -> love
H3588 -- pasobra -> because

7:19 E lo tene kompashon ku nos atrobe; E lo trapa nos inikidatnan. Sí, Abo lo tira tur nan pikánan den e profundidatnan di laman.

7:20 Lo Bo demostrá bèrdat na Jakòb i miserikòrdia ku no ta kambia na Abraham, kual Bo a hura na nos antepasadonan for di e dianan di promé aya.

Mikeas 6 Nahum 1